حياتي تدمرت من غير سبب؟؟ أبي الحل

الله يسخره لك يارب ويرده لك ولبنته ياحي ياقيوووم

اختتتي مو شرط سححر يمكن زوجك كان يحب وحدة قببلك او شي انا اقول انتي تسرعتي بالطلللعة من البييت فانا اقول رجعععي يمكن يحن قلببه وكللمج وصارحييه انتي جوفيش شنو فيه لان حراااام بعدج صغيييرة

أختى ... الله يلهمك الصبر و يسعدك ...
لدى استفسار عزيزتى عن سلوكياته مع الأخرين كيف هي ...؟؟؟ فمن الممكن جدا انه يعانى من مرض نفسي ...
أيضا أين دور أهله في علاقتكما ...؟؟؟

لاحول ولاقوة الا بالله العلي العظيم

انا بعد مع الخوات يمكن مسحور

الله يكون في عونج
وحرام تفكرين في الطلاق وانتي بعدج صغيرة وعندج بنت

بس مثل ما قالو البنات يمكن عين صادته او احد ساحره
لا تستعجلين
والله يهديه ان شاء الله

هاااااي عين ماصلت على النبي ... حبيبتي اقري على نفسج ... واقري على زوجج ... حرااااااام تتطلقين ياقلبي والله ...

اختي الطلاق برأيي لا تستعجلي فيه لازم تتأكدي بالاول اذا كان زوجك مسحور او لا لانه باين من قصتك ان تصرفاته مو طبيعيه بدليل انه ما كات كذا قبل
الافصل ان اهله يودونه عند شيخ يقري عليه

الله ييسر اموركم ويردكم مثل قبل واحسن

تسلمون جميعا على الرد والله يوفقكم ويسعدكم في حياتكم والله ريحتوني بكلامكم بس انا ابي اوضح شغله هو ما حاول ولامرة انه يصلح غلطته واهله حاولوا معاه بجميع الطرق واخواني بعد بس من غير فايده وانا تعبت واااااايد من التفكير والمحاتاه وصرت اكره شي اسمه زوج وكرهته من تصرفاته معي مع انه مع الناس ما فيه احسن منه واخلاقه روعه ودين ومحافظ على صلاته بس المصيبه فيني وفي بنته وانا بصراحه خلاااااااص ما ابيه ولابي ارد له كرهت شي اسمه زوااااج ولا صرت افرح لما اسمع وحده بتتزوج لاني افكر فيها واقول الله يحطها بموقفي من كثر ما تعذبت ما احب احد يصير فيه اللي صار فيني والله يوفق كل عروس ويسخر لها زوجها ويبعد عنهم الحساد ........
بس اللي معور قلبي بنتي اخاف اذا تفقد حنان الاب مع انه ما يستاهلها بس الله يعين

الله يعينك لو هو يبيك كان على الأقل تحمد لك بالسلامة بعد ما ولدتي بنتك الله يخليها لك واضح انه ما يبيك
الله يعوضك بخير منه

هلافيك ياوخيتي الطلاق مر واصعب شي الفراق

انتي اختي طلعتي من بيتك ويمكن هالشيء ضايقة منك

حاولي ياوخيتي يمكن زوجك معيون اسال الله ان يكتب لك اللي فية الخير ويارب يلتم شملكم ويصلح حالك ويشفي زوجك

ياوخيتي الزمي الاستغفار

انامنطلقة وع 24 الطلاق جدااكبر شيء يقضي على نفسية المراة صح انة قضاء وقدر والحمدلله على كل حال


حاولي عشان بنتك ترجعين وينصلح حياتك بقدر ماتقدرين طلبتك حاولي اخر محاووووووووولة

الله يسعدك دوم ويصلح شانك ويوفقك وين ماكنتي

ولك دعوة مني بظهر الغيب ياكريم فرج همها واسعد قلبها واكتب لها اللي فيه الخير

وعليك بالصدقة وسهام الليل الله يهنيك ويكتب لك الخير

وانا كمان بحكيلك متل الخوات اللي قبلي اكيد سحر او عين او نفس ولا تستعجلي بموضوع الطلاق عشانك لانك بعدك صغيرة وعشان بنتك حرام تنحرم من ابوهاوعلى فكرة انا كمان عمري عشرين ومتزوجة وابني عمرو خمس شهور و10 ايام هههههههههههههه

لا تتسرعى اصبرى اختى
شكله والله اعلم زوجك مسحور
الله يفرج همك يارب

مووون قطر;8376989:
السلام عليكم ورحمة الله وبركاته .....

مووون قطر;8376989:

بعد تردد دام لمدة 6 اشهر قررت اكتب قصتي وأبي منكم تساعدوني على حل مشكلتي لا ني تعبت واااااااااااااااااااااااااااااااااااايد من التفكير........

أنا عمري 20 سنه متزوجه<<<<<<<هنا المشكله
انا تزوجت السنه اللي طافت من ولد عمي وكان بينا تقدرون تقولون استلطاف واحترام قبل الزواج..........
ولما تزوجنا كان شهر العرس من احلى الايام اللي مرت علي بحياتي من جميع النواحي وبعد شهر ونص من العرس فجأة وبدون مقدمات تغير علي لدرجه انه انا وهو بغرفه وحده ما يكلمني ولا حتى سلام وطول ما هو يكون نايم يكون مختنق يعني يكون متضايق لدرجه انه ماينام
ومر شهر على الحال ولا تغير بالعكس صار اسوا لدرجه انه سافر 5 ايام ما ادري وين داره
المهم انا طبعا ما قلت لاحد شي حتى امه...
لكن هو فجاة تغير على امه بعد وصار يصارخ على الكل حتى امه اللي بعمره ما رفع صوته عليها حتى انه شكله تغير 180 درجه ولحيته ما يرتبها والناس كلهم انتبهوا عليه من شكله
ويوم سالته امه قالها انا ما ادري شفيني احس بضيق من زوجتي ما اقدر المسها ولا اكلمها
لا احب ادخل الغرفه اتضايق لدرجه اني احس اني بموت...
المهم انا اكتشفت اني حامل والحمدلله على كل حال مع اني من النوع اللي الدورة الشهرية تتاخر وااايد ومو منتظمه معاي يعني صعب احمل بسرعه بس الله كريم والحمدلله على النعمه اللي لاتقدر بثمن....فقلت يمكن لاقلت اني حامل يتغير بس للاسف يوم قلت له قال لي شنو يعني مو اول وحده تحملين.......هنا انا وصلت حدي خذيت اغراضي ورحت لاهلي بعد شهرين من المعاناه وبعد هالشي كان اخر مرة شفته حتى انه ما كان يعرف انا باي شهر مع انه احنا بنفس السور والبيوت مقابله بعض بس ما شفته ومرت الايام والشهور وهو ما ادري عنه
وولدت وجبت بنوته الله يخليها لي ولا يحرمني منها .......
وكان عادي عنده زارني بالمستشفى وشافها من دون مايشوفني لاني رفضت وبعدين قلت بعطيه فرصه يمكن لاشاف بنته يتغير لكن للاسف على حاله والحين انا بنتي عمرها خمس شهور ما شافها الا كم مرة مع انه البيوت جنب بعض وانا طلبت الطلاق بس للحين ما تطلقت

فحبيت تساعدوني في حل مشكلتي وهل موقفي صحيح لاني اخاف اكون ظلمت بنتي مع اني حاولت بجميع الطرق اني اعطيه فرصه مع كل الناس واقفين معاي ويقولون انه ما يستاهلني وانه انا حرام اخذ وااحد مثله بس النصيب <<<مغروره هههه
ادري طولت عليكم ومليتوا بس امانه اللي تدخل موضوعي ترد على لو بكلمه.....
وسلامتكم..........

مآ رآح اتفلسف و لا شي..
بس شكله ريلج مسوين له عمل ( سحر )



هذآ هو التفسير الوحيد !!!

محد يتغير ع مرته .. و امه خصوصاً الا اذا مسوين له شي ..
انتي خلي احد يقرأ عليه .. او ودوه عند مطوع زين ( انتبهي تراا وايد مشعوذين يكونون تحت مسمى المطوع و هم بالاساس مشعوذين )



و شوفي شو بيصير ..
او مثل مآ قالوا عين ( فعلا العين تسوي جيه .. انا اخوي ضربوه بعين لدرجه انه صآر مآ يحترم لا كبير و لا صغير .. ))







الله يعينج يالغلآ ..
و يصيبر قلبج و يرد لج ريلج مثل مآ كآن و احسن يآ رب ..

اكثري من الاستمآع و قرآه سوره البقره ..

وانا كلامي من كلام خواتي اكيييد سحر والعياذ بالله ..

اقروا عليييييييييييييييه...

ان شاء الله تردون حق بعض ..

وانه اتوقع جيي بعد لانه مستحيل بيتغير وبينقلب مره وحده جيي وبدون سبب؟؟

حبيبتى توج صغيره وعندج بنت لا تفكرين بالطلاق ادري صعبه عليج بس حاولي قد ما تقدرين ودام انتى تعبتى خلي اهلج واهله دام انه ولد عمج خلي الاهل يتفاهمون وشوفي شيوصلونله

الله ييسر لج امورج ويفرج همج ويبعد عنج الحساد

alah yakoon fee 3onek

ادعي الله يصلح الحال امكن حد مسوي لكم عمل اقري سوره البقره كل يوم فالليل واذا ماتقدري تقريها كامله اقري كل يوم جزء من سوره البقره بس لاتغطعيها وانشاء لله بتشوفي حال ريلج تعدل وبترجع المياه لمجاريهاا بأذن الله ..اللهم ابعد عنج وعنا الحسد يارب

ياأختي زوجك تغير عليك فجأه من غير سبب !! الله يبعد عنكم المكروه والعين والحسد ..

لاتفكري بالطلاق فكري ببنتك شلون بتكون حياتها الجايه ..

أنا أرى ان تغيره المفاجأ عليك من دون أيما سبب ماهو إلا عين وصابتكم يعني بيوم وليله يتغير كذا ...

حاولي تقروا عليه أسألي شيخ عن حالته قولي له كل التفاصيل وهو يحدد لك انه كان زوجك معيون أو لا ...

بعد ماتعرفي هل هو من الحسد تقدري تتصرفي لو كان حسد أصبري واعملي أسباب العلاج من رقيه وقراءة قرأن ...

اما ان كان مهو حسد فبتتعبين لما تعرفين اش السب معقول يكون تغير عليك من شيء ولا قالك أنا ماأتوقع هالشيء بس سوي زي ماقلت لك كلمي شيخ وقولي له الحاله وهو يقول لك أعراض الإصابه بالعين



والله يرجعلك زوجك ولبينه ويسخركم لبعض ويسعدكم طول الدهر يارب يارب

عزيزتي


مو تخلين احد يكلمه

انتي بنفسك كلميه بعين قويه وقولي له واخرتها معاك بتتعدل ولا الطلاق


لاتكوني جبانه واجهيه


وشوفي اسبابه لوحدكم واجهيه ببيت اهلك


ومن بعدها لو ماتعدل وماطل اطلبي الطلاق وبنتك لازم يكون لها احد في حياتها يمثل دور الاب


اختاري ابوك ولا اخوك احد تثقين فيه يساعدك بتربيتها يكون عايش معاك


مو موقفه على انو تشحذينه يربي بنته وهو مو اهل لهالشي


موفقه

أختي الكريمه

إستهدي بالله بس...ممكن تكوني مرّيتي بأوقات صعبه جدا...بس مش معنى ذلك تطلبي الطلاق...

أختي كنتي صبرتي عليه...يعني أحلى شيء إنه يرجع يلم شملك مع أسرتك في بيتك...و البنت تكون بين أبوها و أمها و تقدري تشوفي الفرحه بعينها...و بكره تكبر و تجيبي لها أخ أو أخت

تسرعتي بطلعتك لبيت أهلك...من غير ما تعرفي سبب تغيره...

حتى الآن...إنتي ما تعرفي السبب اللي خلاّه يتغيّر...

إنتي تقولي إنه عصّب على أمه...بس أمه ما تبرّت منه...صح ؟

ممكن تكون صابتكم عين بعد شهر العسل...و ياما تصير و الله أختي...

ربنا يمكن بعث لك هالبنت زي رسالة ليكي...أو خيط يربطك بزوجك لحد آخر العمر...

إستهدي بالله أختي و أطردي عنك الشيطان...فرحة الشيطان الكبرى لما يهدّ بيت من بيوت المسلمين...

إتكلمي مع والدته أو أخوه الكبير و شوفي رأيه في الوضع القائم الآن...إرجعي له أختي...و حاولي تصلحي حياتك...ما حد في العالم بيتأثر إلا إنتي...و ما حد بيعيش المعاناة غيرك...

الله يفرجها عليكي يا رب