تجهيزات عرايس مصر القمرات الجزء 113

lasposadelnilo;8392196:
السلام عليكم يا بناتيت ومدامت المستقبل
انا دي اول مشاركه ليا بس متباعكم بقالي كم اسبوع وبصراحه انتم هايلين وبتخافوا على بعض وبتنصحوا بعض بجد
انا الحمدلله اتقرت فاتحي وخطوبتي انشاء الله اول خميس في نص السنه
سوالي بقى
هوا الشكه بتتقدم على ايه
العلبه القطيفهلسه شغاله ولا قدمت
يعني صنيه الشبكه دي سمعت عنها بس مشفتهاش بتتزوقولا بتتشرا جاهزه ولا ايه
معلش انا لسه مستجه وميح خالص
ساعدوني هي حاجه تافهه بس محيراني

بصي هوريكي علبتي انا اشترتها من محل كده في سنتر صغير في ميدان الجامع لأن معجبنيش ولا علبة من علب الشبكة التقليدية اللي بيدوهالي في محلات الدهب، والمحل ده عنده اشكال كتير وحاجات تانية رفايع وحاجات زينة وهو اللي بيبيع لمحلات الدهب علبهم وكده بس مش فاكرة اسمه هو سنتر كده بتاع جملة وقطاعي في شارع جانبي ضيق علي ناصيته محل بتاع جملة كده

poloseden;8392060:

بالله عليكم ادعولي عندي مشكلة صعبة وكبيرة اوي وفيها تحديد مصير. ربنا يستر

عايزة اسأل حد شاف اللحاف اللي بيكون ناحية منه لحاف والتانية فرو. اللي شافه او اشتراه منين وبكام؟؟
بالله عليكم ادعولي

أنا جايبة لحاف زي الوصف ده من المعرض السوري يا قمر

magda 1;8389591:
يا جماعة بليز عايزة اعرف اجيب الصوانى الاستانلس الاصلى منين وبكام اصلى كنت هجيب طقم 3صوانى ب200ج بس فى ناس قالولى ده مش اصلى ولازم الاصلى يكون مدموغ اعمل ايه عايزة اجيب حاجه حلوة ومتصديش ارجوكو ردوا عليا

magda 1;8389792:
صوانى تقديم استانلس

استانلس زهران

ميرسي كتير ليكم ياجماعه على ردكم واهتمامكم
بس لو في محلات بتبع الحاجات دي جاهزه غير سيتي ستارز قولي او اسم المحل اللي في سيتي ستار لان زم مانتم عارفين سيتي ستار متاهه
وانا بحاول اتخيل شكل الصنيه على وصفكم هتطلع رقيه وجميله وكل ما نغير فيها يبقى احسن
بس لو حد عنده صور ليها يبقى يحطها
والف شكر في كل الاحوال انتم برضه خلتيوني ابقى متخيله المنظر ولو غلبت محلات الوود كتيره في المعادي
وانا اصلا عندي في البيت ورد مجفف ممكن اخد منه
انا من المعادي
اللي عاوزه تعرف مكان حاجه في المعادي انا موجوده هحاول اعرفلكم على قد ماقدر باذن الله

ميرسي كتير يا كتكتوته وعلبه حلوه موت رسمتها شيك ومش تقليديه بس سوال رخم انا اعرف ان ميدان الجامع ده في محلات ده كتير بس ممكن اعرف يتراح ازاي من المعادي ملا او من وسط البلد
وعلامه مميزه كده قريبه منه عشان اعرف اوصله
اهو نتمشى انا و خطيبي قريب من هناك ونتفرج
ومبروك عليكي شبكتك وعلبتك ياقمر

lasposadelnilo;8393082:
ميرسي كتير يا كتكتوته وعلبه حلوه موت رسمتها شيك ومش تقليديه بس سوال رخم انا اعرف ان ميدان الجامع ده في محلات ده كتير بس ممكن اعرف يتراح ازاي من المعادي ملا او من وسط البلد
وعلامه مميزه كده قريبه منه عشان اعرف اوصله
اهو نتمشى انا و خطيبي قريب من هناك ونتفرج
ومبروك عليكي شبكتك وعلبتك ياقمر

ربنا يخليكي عقبال علبتك ان شاء الله :D بصي انا معرفش اوي بصراحة في الاماكن البعيدة دي لكن انتي هاتيجي طريق مصر الجديدة، ممكن من ميدان صلاح الدين او ميدان الجامع وهما قريبين من الحرية مول لو عرفاه ده هايبقي علامة مميزة، لما تبقي عنده خليه علي شمالك وامشي بقي قدام كده شوية هتلاقي شارع كله محلات دهب هو ده صلاح الدين ولو دخلتي الشارع ده اول ميدان هايقابلك جوا شوية هو ميدان الجامع وده تكملة بردو لمحلات الدهب.

anouren;8388954:
بصي ياقمر في كوافير علي المشايه عند النيل سنتر لو تعرفيه علي ناصيت المدخل بتاع محل لانجري تقريبا اسمه مافير ليدي كانت واحده اخت صحبتي كانت عامله عنده كويس عنده حمام العروسه والحمام المغربي اما بقي الكوافيرات العاديه
فعندك هير استيل حلو وشغله جميل وهادي
وعندك كمان بيوتي الي هو محمد حسن برده شغله حلو بس صارخ شويه وده في الشارع الي قدام كليه اداب
وعندي كوافير اسمه اتش لاب اتش عند كا بتشينو الي في مشعل وده كويس برده المايكب اب بتاعه حلو ونضيف وكنت عامله عنده في خطوبتي وبيوتي الي عند اداب كنت عملت عنده برده
وفي حاجه احب انصح بيها البنات ودي حاجه انا شخصيا هعملها يوم فرحي انشاء الله بالنسبه لحوار الحمام المغربي والسويت
اولا \انا مش عارفه المكان الي دخلاه ده مين ممكن يكون موجود ممكن الاقي مثلا متصوره ونازله علي يوتيوب او حصل اي حاجه وانا مش عاوزه اخوف حد بس بجد احنا كلنا اخوات والايام دي محدش بقي يضمن حد
انا عندي اقتراح ظريف يا بنات انا شخصيا يوم فرحي هجيب ليفه مغربيه وصابونه وكل حاجات الحمام المغربي ولو مكنتش انا تبقي اختي الي تعملوه وكمان هيبقي عندي فرصه افنن واحط حاجات تانيه عسل مثلا علي الجسم كله حاجات كده وحتي السويت كمان حتي لو خلاص داقت معايا هجيب واحده في البيت عندي وياريت محدش يزعل مني يا بنات بس انا بيجيلي ذهول لما بدخل علي مواقع والاقي صور بنات وفديهوات والله بخاف وبتالم لانهم اتظلموا وبرده ظلموا نفسهم انا طولت عليكوا وخرجت بره الموضوع وياريت نتكلم في الموضوع ده باستفاضه اكتر سامحوني طولت عليكو(f)

لا طبعا انتي فاكره هعمل عندهم بسهوله كده ده خطيبي كان يدبحني ده عنده هستريا ده مش عايزنا نقعد في فندق في شهر العسل يقولي احتمال يكونوا بيصورا لا ان كلامي علي انهم بييجوا البيت وانتي وحريتك انا سئلت في الحالتين


وعلشان مكنش مخالفه انا كنت في الخطوبه عند جونتينياس وكنت حلوه صراحه مش عارفه الدخله بقي

معلش في سؤال كمان عايزه اتيلهات في المنصوره تكون فستنها شيك والفستان الزفاف في حدود 500 تفتكروا هلاقي؟؟؟

طمنت;8389308:
وانا كمان ياجميل ان شاء الله هسافر جده مع جوزي وانا عندي 23 سنه ومن المنصوره وان شاء الله نبقي اصدقاء وياريت نعمل موضوع كده وانا ياقمر يشرفني ابقي صحبتك وربنا يوفقني ويوفقك ان شاء الله وهنستنا حبيبه مادو وكل البنات اللي هيسافروا ينضموا لينا
وع فكره احنا ان شاء الله هنتجوز في نفس الشهر شوفتي الصدف ربنا يتمملنا جميعا ع خير يارب
وابقي قوليلي هتعملي ايه في اجراءات السفر

البنوته القمر اللي بتقول انه غلط نعمل حمام مغربي في مكان مش نعرفه فعلا عندك حق وربنا يحفظنا جميعا ويكفيني كل شر
ليللي بعد اذنك عايزه رقم المهندسه هاله اللي عامله الجروب بتاع حمام العروسه ولو ينفع يجوا المنصوره
ضررررررررررررررررررررررررررررروري بليز

هلووووووووو يا قمراااااااات الفكره تجنن بجد ياريت والله فعلا نعمل الموضوع ده ونتواصل بيه مع بعض ونسميه (رابطه عرايس مصر المسافرون للسعوديه ) وانا مرحبببه اوووووووووى اووووى بالفكره دى نتعرف على بعض ونشوف بعض ومش نحس بالغربه هناك انا عندى 21 سنه ونص هههههههه :tongue:هسافر اما جده برضو او الرياض لسه مش حدد خطيبى مشروعه اللى جى هيكون فين لانه مهندس وهنتجوز فى القاهره ان شاء الله وفرحى فى شهر 9

lasposadelnilo;8393027:
ميرسي كتير ليكم ياجماعه على ردكم واهتمامكم
بس لو في محلات بتبع الحاجات دي جاهزه غير سيتي ستارز قولي او اسم المحل اللي في سيتي ستار لان زم مانتم عارفين سيتي ستار متاهه
وانا بحاول اتخيل شكل الصنيه على وصفكم هتطلع رقيه وجميله وكل ما نغير فيها يبقى احسن
بس لو حد عنده صور ليها يبقى يحطها
والف شكر في كل الاحوال انتم برضه خلتيوني ابقى متخيله المنظر ولو غلبت محلات الوود كتيره في المعادي
وانا اصلا عندي في البيت ورد مجفف ممكن اخد منه
انا من المعادي
اللي عاوزه تعرف مكان حاجه في المعادي انا موجوده هحاول اعرفلكم على قد ماقدر باذن الله

بصي يا قمر دي شوية افكار عشان تقدري تعملي بنفسك صنية لتقديم الشبكة و تكون حلوة و من شغل ايديك كمان .

LOLAAAAA1985;8393243:
معلش في سؤال كمان عايزه اتيلهات في المنصوره تكون فستنها شيك والفستان الزفاف في حدود 500 تفتكروا هلاقي؟؟؟

فيه عندك اتيليه ليالي الحب في شارع الترعة عند العصارة

وفيه اتيليه فاتح جديد في شارع اداب تقريبا اسمه خفاجي حاجة زي كده

دول اجدد اتيليهين شوفتهم جداد وبيعرضوا فساتين تحفة

وكنت بسمع البنات هنا بيقولوا عن نور العين تقريبا

وربنا يتمم لك بخير يا قمر

ياجماعه بلنسبه للفاستين في مول كله فساتين في حلوان في عماره اسمها المروه
الشكل العام ييبن انهم عادين بس دعبسوا في حاجات حلوه موت انا ماجره من هناك لخطوبتي وصورت الفستان وانشاء الله هنزلكم صورته
اللي عاوزه تعرف المكان هناك ازاي تقلي
هوا مليان محلات سورايه وخوطبه ودخله واسعارهم حلوه جدا
سوالي بقى عاوزه اجيب بيرفيوم حلو ليم الخطوبه اجيب م دلوقتي واسيبه يتعتق ولا مش فارقه وتنصحوني جيب بيرفيوم بتاع اورفيلم او ايفون ولا اسماء معينه حلوه
اللي تعرف تقلي

lasposadelnilo;8393479:
ياجماعه بلنسبه للفاستين في مول كله فساتين في حلوان في عماره اسمها المروه
الشكل العام ييبن انهم عادين بس دعبسوا في حاجات حلوه موت انا ماجره من هناك لخطوبتي وصورت الفستان وانشاء الله هنزلكم صورته
اللي عاوزه تعرف المكان هناك ازاي تقلي
هوا مليان محلات سورايه وخوطبه ودخله واسعارهم حلوه جدا
سوالي بقى عاوزه اجيب بيرفيوم حلو ليم الخطوبه اجيب م دلوقتي واسيبه يتعتق ولا مش فارقه وتنصحوني جيب بيرفيوم بتاع اورفيلم او ايفون ولا اسماء معينه حلوه
اللي تعرف تقلي

هاتيه من دلوقتى عاااادى وريحى بالى اكيد عشان تشوفى بقى الصابوه وتركزى مع الكوافيره وكده والف الف مبررررررررررررررروك ليكى يا قمر

بنات لقيت موقع حلو اوي فيه شوية فساتين زفاف و سواريه و ممكن يوصلكو للمكان اللي أنتو فيه الفستان بس السعر الموجود بالريال السعودي لأنه شركة سعودية اللي عايز اللينك يقولي

lasposadelnilo;8393479:
ياجماعه بلنسبه للفاستين في مول كله فساتين في حلوان في عماره اسمها المروه
الشكل العام ييبن انهم عادين بس دعبسوا في حاجات حلوه موت انا ماجره من هناك لخطوبتي وصورت الفستان وانشاء الله هنزلكم صورته
اللي عاوزه تعرف المكان هناك ازاي تقلي
هوا مليان محلات سورايه وخوطبه ودخله واسعارهم حلوه جدا
سوالي بقى عاوزه اجيب بيرفيوم حلو ليم الخطوبه اجيب م دلوقتي واسيبه يتعتق ولا مش فارقه وتنصحوني جيب بيرفيوم بتاع اورفيلم او ايفون ولا اسماء معينه حلوه
اللي تعرف تقلي

على فكرة ده مش مول
هيا عمارات المروة تحتها محلات وكلها محلات تأجير
وفي هناك محل هدي لتاجير فساتين الزفاف والمحل ده له فرع تاني في جراند مول المعادي
وأتيليه هبه إدريس برده في حلوان
انا معرفش مكانه بس معايا رقمها من مجلة حجاب فاشون اللي بتنشر فيها
بس مش هتلاقي موديلات جديدة دايما زي محلات وسط البلد
وعلى فكرة في برده شارع اسمه شارع شريف في حلوان مليان محلات تأجير فساتين زفاف وخطوبة

dandona we bas;8393650:
بنات لقيت موقع حلو اوي فيه شوية فساتين زفاف و سواريه و ممكن يوصلكو للمكان اللي أنتو فيه الفستان بس السعر الموجود بالريال السعودي لأنه شركة سعودية اللي عايز اللينك يقولي

ايوة ياريت اللينك يا دندونه

حبيبه مادو;8393687:

انا نزلتلكم صوره شبكتى عشان البنااات العرايس اللى لسه هيتخطبوا وينزلوا يشتروا الشبكه بس دى قبل الشبكه بتاعتى كنت لسه مش ظبطتها يعنى ولا عملت صينيه الشبكه كنت مزواقاها بتل وورد وجليتر بيلمع الوان فستانى

وقولولى رايكم فيها ايه :o

شبكتى (3).jpg

ماشاء الله تبارك الله الشبكة بتاعتك جميلة و شيك ربنا يتمملك على خير يارب ممكن تقوليلنا بأه جبتيها منين و كلفت كام كلها يا قمراية

LOLAAAAA1985;8387831:
بنات انا لفيت النهارده علي كذا كوافير في المنصوره وروحت سما وفينوس ولسه بعد بكره هلف تاني بصو بقي الباكيدج بتاعه فينوس وده الباكدج بتعته 350
حف 10-قص15-سيشوار15-فير20-خصل 100-صبغه250-حمام كريم15-بديكيرومانيكير45-نتوياج45-سويت100-حمام مغربيكامل150
اما فينوس فانا سئلت علي حجتين اتخضيت وسكت وهمه
قالتلي السويت والحمام المغربي
والسونا
اللي في المنصوره تعرف حد تاني تقولي؟

جونتينياس على المشايه

حبيبه مادو;8393687:

انا نزلتلكم صوره شبكتى عشان البنااات العرايس اللى لسه هيتخطبوا وينزلوا يشتروا الشبكه بس دى قبل الشبكه بتاعتى كنت لسه مش ظبطتها يعنى ولا عملت صينيه الشبكه كنت مزواقاها بتل وورد وجليتر بيلمع الوان فستانى

وقولولى رايكم فيها ايه :o

شبكتى (3).jpg

بسم الله ما شاء الله
حلوة
ربنا يتمم لك على خير
للللللللللللللللللللللووووووووي:D

انا عايزة اشتري أطباق صيني للاستخدام في المطبخ غير طقم الصيني
تقفتكروا اجيب 12 من كل طبق وكده كفاية
ولا اجيب منامين واستلس معاهم ؟؟؟؟؟

حبيبه مادو;8393687:

انا نزلتلكم صوره شبكتى عشان البنااات العرايس اللى لسه هيتخطبوا وينزلوا يشتروا الشبكه بس دى قبل الشبكه بتاعتى كنت لسه مش ظبطتها يعنى ولا عملت صينيه الشبكه كنت مزواقاها بتل وورد وجليتر بيلمع الوان فستانى

وقولولى رايكم فيها ايه :o

شبكتى (3).jpg

ما شاءالله تتهني بيها يا قمر و الف مبروك ليكي.. جبتيها بكام دي يا قمر و من فين؟؟