ايش ارد لو سألوني عن صديقتي؟

عدنيه بجد 08-01-2009 11 رد 604 مشاهدة
ع

السلام عليكم ورحمة الله وبركاته


اخواتي عندي مو مشكله وانما اريد حل لمسأله................!

كان عندي صديقه وكان الكل يعرف اننا صديقتين وجيران بس حصلت مشكله بينا ووافترقنا بالرغم من اننا جيران يفصلنا حائط فقط لكن ماعاد نحنا مثل الاول ............ يعني سلام ورسائل بالجوال اما حكاية اسرارها ومشاكلها عندي او اني عندها لا مافي............

المهم..............

الان اي احد يشوفني يسألني ايش اخبار فلانه واذا قلت لها والله لي فتره منها قالوا لي ليش؟

اني في هذاك الوقت ماعاد ادري ايش اقول اتلعثم او اقول لهم مشاغل الدنيا ماعاد تخلينا نتقابل
الان اخواتي وحبيباتي مثل ما ساعدتوني في حل مشاكلي السابقه اتمنى تنوروني الان ...
ح
طيب ايش هي المشكلة وهاذي المشكلة ما لها حل

ليش ما ترجعين علاقاتكم مثل اول

واذا ما قدرتي ما فيها شي اذا تقولين الصدق مشاغل حياة ما في شي يظل بحاله شكلك مشتاقة لصديقتك وودك ترجع علاقتكم ليه ما تزورينها سوي اللي عليك بالعكس راح تفرح واذا ما فرحت اهم شي سويتي اللي عليك
ا
اختي بقولك كلمة وحده



في القرارات و العلاقات الشخصية


سيبك من كلام الناس


واجوبتك كافية ومقنعه مع الوقت الناس تنسى وتنشغل بامورها



الناس تبحث عن القيل والقال وانت طويتي صفحة تخصك ما تخص احد



والله يوفقك ويعوضك بالصديقة الصالحة
ع
اختي حبوبة البحرين اني ازورها واكلمها بس علاقتنا مستحيل ترجع زي ماكانت

بس هي لما اروح عندها دائما تجرحني بكلامها بشكل غير مباشر

وشكرا لك على الرد الحلو

وين البقيه
ع
العروس سوسو

امين ربي يستجاب دعاك لاني بجد محتاجه صديقه صالحه

اني في الوقت الحالي انتو اصدقائي اللي اسكب مشاكلي لهم

واشكر منتدانا منتدى عروس اللي سمح لي بنشر كل ما يكدرني والقى باذن الله حل عندكم
ف
نفس السؤال يواجهني .. وبالذات من الناس الي تحب الفتن .. الي يكونوا عارفين ان بينك وبين هالفلانة شي او ماعاد تكلمون بعض

قولي .. والله من زمان ماشفتها .. مشاغل الدنيا ماتترك لحد وقت لنفسه
S
علاقتكم لم تنقطع ومازالت مستمره ولكن لم تعد كالسابق
واي انسان يسألك عنها قولي لهم انها بخير والحمدلله طيبه واخبارها تسر
وليس من الضروري ان يعلم الكل ان لايوجد بينكم اسرار الان ....


والله يهدي الجميع ان شاءالله


دمتم سالمين
اختكم شريفة
د
والله يالغاليه انا مااشوف في مشكله اساسا
اى احد يسألك قولي الحمد الله زينه وبخير
وخلاص ما يحتاج الكل يدري وش مدى علاقتكم ببعض
خليك سطحيه بجوابك افضل لنفسيتك وللناس.
تحياتي
R
عادي لاتقولين ما اكلمها بس قولي انها بخير والحمدالله
ج
يعني للحين العلاقة موجودة عن طريق الزيارات والتفلون

يعني تقدرين تجاوبينهم لما يسالونش

ولما يسالونك سؤال ماتعرفي جوابه قولي ليهم ماادري الحياة شغلتنا عن بعض
س
تقدرين تكتفين بكلمة الحمدلله .. بدون مآ يعرف أحد بشيء

وانتي مو كاذبة بكلمة الحمدلله .. بينكم زيارات وتلفونآت

فمجرد بتجاوبين الناس عن أحوالهآ .. زينة مو زينة ..

ومآ أحس إن للناس داعي يعرفون أصلآ شنو بينكم

وما بينكم مدام انتوا للحين جدآم الملأ أصحآب ..،
S
اختتتي قولي ضروووف دراسة ادا كنتي تدرسسي ..او قولي انا ةويا الشغل او قولي صااايرة ما اخرج من البييت او انا يومج مقلووب يعين تناميين بالنهار وتقعديين باليل .
X