معرق الدجاج من مطبخ,’ نسيم الشوق’, بالصور حياكم الكل معزوم

السلام عليكم ورحمة الله وبركاته

كيفكم جميعا ان شاء الله بخير .؟؟:)

طبعا مو اول مره انزل موضوع في الركن لكن اول مره انزله مدعم بالصور:wink: خخخخ

مالكم في الطويله ..

المهم ندخل في الموضوع

المقادير :

_ دجاج مقطع ونظيف.

_4 حبات بصل + 3 فصوص ثوم .

_ 1 طماطم .

_ هيل + قرفه + ماجي + كركم.

_ خضار مجمده او اي شي انتي تحبينه حتى لو ما تحبينه برضه يمشي من غيره .

نروح للطريقه وهي كما يلي خخ برجعكم لايام الدراسه

الطريقه :

بعد مناورات ومشاورات وجهد جهيد وحب خشووم وافقت دجاجه هانم على الظهور
والتصوير بيني وبينكم هي مستحيه لانها راح تتصور لابسه من غير هدوم خخخ
المهم لقطنا لها الصوره بسرررعه قبل لا تهون ..

بس لا تضحكون عليها شجعوها ههههه







نقطع البصل والطماطم والثوم حلقات مثل اللي بالصوره لاحد يقول اني اسوي دعايه لزيت عافيه خخخ ..





نسخن الزيت ونحط اول شي الثوم ..




وبعد ما يحمر شوي نضيف فوقه البصل..



على جنب نسوي رز ابيض رز زيت هيل قرفه وملح ..






بعد ما يحمر البصل نحط الدجاج فوقه ..






نضيف البهارات اللي هي هيل قرفه كركم ماجي حبتين وبس طبعا زيدي الملح اذا كان ناقص واذا كان اوك لا تزيدونه >> اكيد ماراح يزيدونه لا تتفلسفين خخخ ..





ونقلبه شوي .. طول ما انا احط المقادير فيه وحده مزعجتني تصارخ علي تسال متى دورها
مستعجله على قدرها وانا اقولها يابنت الطماط مو الحين شوي اذكري الله لين ما يجي دورك خخخخخ
لين ما جاء دورها يوم شافت الموت قامت تتوسل لي اني ابقي عليها لكن انا مارحمتها بسبب ازعاجها لي ..
وضعت الطماطم ولسان حالها يقول : انقذووووووووني خخخ







هنا بعد ما ذبل شوي الطماط نخليه لين ما يتسبك ..





شوفوا كيف صار ..



بعد كذا نضيف الخضار وزي ما قلت ممكن انك تستغنين عنه لو ما تبينه او ماكان موجود عندك
وممكن تحطين بطاطس بس ..





نضيف مقدار بسيط مويه تقريبا مثل كوب النوتلا هذا ..




نضيفه فوق الدجاج وباقي الشله ..



بعدين نذوق الملح اذا وك ولا لا وخلاص بكذا انتهينا نضغطه الحين والوعد بعد عشر دقاايق نحسبها اذا بدايصفر ..

وهذا الشكل النهائي له ..






وصحه وهنا يارب انتظر ارائكم واذا اعجبكم قيموني واذا ما اعجبكم حطو ملح خخخخخخخخ

كانت معكم محدثتكم الشيف نسيم الشوق من مطبخ عروس
ودمتم سالمين ..

في حفظ الله ورعايته (f)