::::تاجرات مملكة البحرين .. حياكم :::::

أحس يا إنها طفلة أو ولد يستهبل
بتجننج و بتطلع روحج

شسالفتها علمينا ناخذ احتياطنا

انا مر عليي اسم فيه محرق بس مو متذكره صراحه الاسم عدل لان من زمان

كتبت رد طويل عريض من يومين و بالاخير سكر المنتدى ههههههههههههه
المهم

أول شي دزت لي ع الخاص قائمة طويلة بالأشياء اللي تبيها
و ظليت وياها رسائل خاصة يمكن ساعة أو أكثر كل شوي تضيف و تحذف و أنا كل شوي أسوي لها فاتورة جديدة... لهني السالفة أوكي

و حددت وياها التوصيل ليوم ثاني

دزيت الطلبية مع المندوب يدق عليها ما ترد

دز لها مسج ردت عليه:

أنا في معهد تعالي بكرة

مو مشكلة قلت يمكن نست انها بتدوام يوم ثاني

دزيت الطلب لها مرة ثانية

هم دق عليها ما ردت

دزت مسج:

ما أبي طلب ما عطوني معاش !!!!!!!!!!!!!!!!!!!!!!!!!!!!!

أوكي استرجعت الطلب و احتسبتها عند الله

يوم ثالث دزت مسج:

أبي طلب ممكن ترسلينه

و أنا الخبلة ما أتوب

قلت لها أوكي و دزيته

و نفس الشي يدق عليها ما ترد

تدز للمندوب مسج ما عندي فلوس ممكن تجين 10 في الليل << لهجتها ما أدري شلون شكلها من عجم المحرق بس عاد مو لهالدرجة
هو طقت جبده منها قال لي كلميها

و طبعا ما ترضى ترد على تلفونات بس مسجات

قلت لها ما يصير 10 في الليل الدوام يخلص 7 تبينه باجر الصبح

ردت: انتي عادية يعني باجر صبح؟

قلت أوكي

و أشوة قبل لا أطرش الطلب يوم ثاني

إلا واصلة منها مسج:

حبيبتي ما عندي غير 5 دينار بس عندي بطاقة بنك

أنا قلت خلاص البنت تلعب أو انها ممكن طفلة أو ولد يستهبل و أنا ما عندي وقت فحقرتها

ردت طول اليوم مسجات

1- حبيبتي انتي عادية 5 دينار .. أخير مرة؟

2- حبيبتي يصير تخفيف 5 دينار

3- حبيبتي ما أقدر آخذ طلب أوكي

4 - حبيبتي ابي شدو شكله دائر كامل ألوان بس بجم حساب ؟ أنا فيه بيسات قليل

5- حبيبتي ساعة w105 اكيد ابي ساعة منتجات بسام فتوح واحد أكيد ابي طلب حبيبتي و شكرا

يوم ثاني من صباح الله خير

صباح الخير حبيبتي متى طلب؟

و أنا عاطيتها الأذن الصمخة

و لا زالت ترسل ع الجوال و الخاص

طفوف من قلتي لي عنها وانا مطنشة مسجاتها الغامضة .. لاني خفت اتعامل وياها ..

عرفتها البنت اللي تتكلمون عنها كلامها صج مكسر حده ماظني حتى بحرينيه لان حتى العجم مايكسرون بهالطريقه

يا ناس هالبنت جننتني لا زالت تراسلني و من رقمين و أنا أعرفها من اللهجة و أحقر و اليوم دازة لي ع الخاص قلت لها ما عندي وقت للطلبات الغير جادة
ردت علي:
شفيج انتي؟
صدق انتي ما احترام
!!!!!!!!!!!!!!!!!!!!!!!
و الله قهرتني

انا طرشت لي تبيني احول فلوس حق تاجرة سعودية
تبي اشتري لها اغراض منها .. وانا استلم بالبريد عنها وكل شي واييبه لها الاغراض لي عندها
و هي بعدين بتدفع اللي تبي ابي لانها ما عندها سيارة :)

قلت لها: اختي عذريني انا اقدر ..

فردت علي ما معناه .. ليش يعني ما تقدرين شنو السبب؟

عاد انا ماطولت وياها ..
حطيتها في قائمة التجاهل .. وكان الله غفور رحيم

أحد يعلمني عنها أو يعطيني رقمها أو اسمها في المنتدى عشان اتحذر منها مو قاصرة أوادم يعورون راسي

السلام عليكم

حبيباتي ,,

بخصوص البضاعة انها ماتوصلج نفس الشي من الخارج ,, ترى فيه شركات شحن عندهم خدمات روعة اذا اشتركتي معاهم

اذا وصلتهم طلبيتج من نفس البلد على شركتهم يجيكونها لج ويصورونها بعد ويطرشون الصور على ايميلج علشان تتأكدين انها نفس البضاعة اللي طلبتيها ,, والتوصيل في اسبوع

بس أهم شي تكون الشركة من نفس البلد اللي تستوردين منه

بالتوفيق للجميع

تعطينا اسماء شركات الشحن اختي؟