تجمع الحوامل اللواتي يلدن بشهر تموز ( يوليو 7) 2009

حلو ان تكون عندك غرفه في غرفتك
انا من رايي تكون بنوتك فيها والبيبي الجاي يكون جنبك ولما يكبر يصير مع اخته

وانا بعد راي مثل حيورة انقلي بنتك من الحين قبل الولادة عشان تتعود وماتغار من النونو
وخلي البيبي جنبك لفترة وبعدين انقليه مع اخته وهالموضوع بيكون سهل لانهم اثنين الله يخليهم لك

يعطيكم العافيه ياخواتي

بس انا اعرف بنتي مارح تنام لحالها والبيبي جنبي اكيد بتغار

خوصصا انا لما اطلع من الاربعين يكون عمرها سنتين وشهرين تقريبا

يعني تعرف تغار

والله احترت مادري وش اسوي

وبعدين انا من النوع الي ماالي يخلي الطفل اهم شي يكون ملابسه نضيفه وشبعان ونضيف والباقي نوم

لمدة 3الي 4 شهور

يعني ماخليه يختلط بالازعجاع بس ما اعود على الهود التام علشان اذا نمنا ما ياذينا

والله يسر

شخباركم حوامل
اخت k,v,v حاولي من الحين تعاوديها تنام في غرفة لحالها او خلش وياها لين اتنام وتالي روحي غرفتش علشان تتعود لانا صعبه بعدين بيصير البيبي وهي وياش في السرير :(
هو اكيد في البدايه بتغار من البيبي بس لمن تكون متعوده تنام في غرفتها بيصير اسهل لش انش تتفادي غيرتها وتخليها تنام في سريرها

انا الحمد لله بنتي كبرت وتنام في غرفتها بس بعد اتوقع انها بتغار من البيبي بعدين
مع انها الحين مستعجله تبيه يجي بس لابد من الغيره في البدايه :(:(

والله يسهل علينا وعليكم

هلا شوق ضحكتيني
أهلا نور البرائه ماتخافي واللي بتخاف تولد قيصري هههههههههههههه

خخخخ خلاص مابنخاف
انا مو خايفه ومستانسه حدي خخخخ

k v v اذا انتي ناوية تتنفسين في شقتج خلي سريرج في الغرفة الثانية مع سرير البيبي ورقدو انتي وبنتج والبيبي فيها لين تخلصين الاربعين تكون تعودت بنتج ع الغرفة وبعدين لما تنتقلين لي غرفتج اول رقديها في سريرها والبيبي معاكم ولما ترقد اخذي البيبي وروحي لغرفتج مع الوقت بتتعود ومن تصير 3 سنوات، البيبي بيصير سنة تقريبا اول اقل شوي تقدرين تنقلين سريره معاها وتركبين سماعات صوت، بترتاحيييين لان موب زين بعد الياهل يتم معاج لين يكبر في غرفة وحدة ..
انا اختي سوت هالطريقة مع بنتها والحين ما شالله عيالها ينامون مع بعض مع ان الصغير تو عمره سنة والكبيرة 4 بس تعودو على غرفتهم

صبااااااااااح الخير بنات ..

أنا أعاني مثل اختي k,v,v
أنا بعد عندي بقسمي صالة رح اقسمها بشكل حلو ومرتب بحيث يكون اسرة العيال بجهة وكنبة على زاوية بالجهة الثانية وعادي بنومهم فيها ..

بس أنا عكسك بنتي توها صغيره سنة و4 شهور ولما اولد بتكون سنة و8 شهور ومتعلقه فيني مررررررررره وهي الله يحفظها نومها هادي الحمدلله عشان كذا أول شهر بعد النفاس لما ارجع بيتي بخليها تنام عندي والبيبي بعد بحط سريرة الصغير حق النفاس ولما يصير عمر البيبي 3 شهور بنقلهم كلهم للغرفة الثانية عشان ماتحس بغيرة أو تحس ان البيبي الثاني خذ مكانها..

وعلى فكرة أنا ضد ان البيبي ينام بغرفتك بس كنت مضطره لأن ماعندي غرفة خاصة لها .. هذا ماشاءالله عالم كثيييييييييييييير واولهم الأجانب يطلعونهم من المستشفى على غرفهم على طووووووووووول وماجاهم شر حطي جهاز تسمعينهم منه ولا تشوفينهم وخلاص ..

أما سالفة انك تعودين البنت وتخلين الثاني لين يكمل السنه ليييييييييييش وش معنى على راسه ريشه لا والله كلللللللللللهم مع بعض .. حرام تتعب نفسية البنت على سالفة نوم خصوصا انهم توهم صغار وكلهم محتاجين رعاية ..

أنا أتكلم عن الأطفال اللي ماتتجاوز اعمارهم سنتين عند وصول البيبي الثاني ..

مسااااء الخير

تصدقين شوق الخبر انا راي من رايك

بس الفرق ان عندي غرفه صغير

افكر من الحين ازينها

اجيب سرير اكبر واطي شوي علشان بنتي الكبيرة واخلي السرير الي تنام فيه من يوم صغيره للبيبي

لان هو اصلا 2في 1
يعني صغير هزاز وسط الكبير

اخلي فيه البيبي
واجيب خزانه او دولاب من الجدار للجدار علشان تشيل كل اغراضي لان هذي الغرفه شايله لي عفش واجد

والله المستعان

مرحبا كروشات


شسالفه محد فيكم افتقدني صار لي غايبه عنكم 12 يوم

لمهم كان عندي عزاء جدتي توفت الله يرحمها

شخباركم انتم
انا الحمد لله طبعا رحت الدكتوره بس ما سويت تصوير لكن انشاء الله بعد فتره اريد اطمن على وضع الجنين
خاصه بعد الوضع النفسي الي كنت فيه الحمد لله وانا لله وانا اليه راجعون

عظم الله اجركم واحسن الله عزاكم

جعلها الله من امة مرحومه وغفر لها

واسكنها فسيح جنات

ودعوا لكم بالصبر

تت

شخباركم يا بنات وشلونكم

صباح الخيييييييييير

عظم الله اجرك محبوبي انشالله اخر الاحزان

عظم الله اجرج محبوبي

انا من اطلع اشوي اتيني دورة في راسي واصير حرانه وايد مادري شسالفه

عظم الله اجرج حبيبتي .. والله يا مس روز انا صار لي جم يوم ظهري يعورني وقلبي يطق بسرعه مادري شنو صاير فيني ... وكله احس اني تعبانه .. خصوصا لما اداوم الصبح ... ويا بنات انا مو قادره انام الليل شنو الحل

حبيبتي الدانه حالي من حالج الليل ما انامه و اقعد من الصبح

صباااااااااااااح الخير بنات شخباركم؟؟
وشلون اللي مثقلين عليكم ؟؟

محبوبي عظم الله أجركم يارب والله يجعل مثواها الجنه يارب..

k,v,v
بالضبببببببط هذا اللي انا بسويه بفصل دواليب على ذوقي واللي يناسبني بحيث ان شكل الغرفه مايكون زحمه ولايضيق.. دواليب للعيال ومكتبة مثل حقات ايكيا او ممكن اشتري من ايكيا والتلفزيون بلازما عالجدار ماياخذ مكان ..
كله لعيونهم .. وأنا كنت مفكره مثلك اخذ سرير واطي بحواجر جزئيه لبنتي واترك سريرها للبيبي لكن بنتي للحين تتحرك وتلف بالسرير اخاف عليها تطيح :(..

حبيباتي بالنسبة للنوم بالليل هذا طبيعي بس حاولوا انكم تلبسون لبس مريييييييييييييييييح وخفيف وتحطون بين افخاذكم مخدات ناعمه والله تريح كثييييييييييييييييييييييير..
مالكم الا الصبر وش نسوي شهور وتمضي بإذن الله ..

اما عن الدوخه يابنات هي مرات تكون طبيعيه مع التعب وخصوصا اللي تطلع بالشمس وماتكون ماكله شي بس لو استمرت ضروري تستشيرون الدكتورة تسوي لكم تحاليل دم تشوف نشبة الحديد عندكم ضرووووووووووووري لأن يمكن يكون الدم عندكم نازل يسبب لكم هبوط..

بناااااااااات بليز كل وحده تدخل تحكي لي عن شعرها كيف صار مع الحمل وكيف تعتني فيه فترة الحمل بلييييييييييز..

أنا طبيعة شعري ناعم الحمدلله بحملي في بنتي صار يجنن زاااااااااادت لمعته وكثر الشعر وكلن يقولي ماشاءالله شعرك زاين .. أما هالحمل الولد شكله عفس لي شعررررررررررررري صاير باااااااااااااااااهت مره ومتقصف ويتسااااااااااااقط بشكل مو طبيعي :(

صباح الخهير بنات كيفكم ؟
أنا صحيت مع صداع شكلي راح زكم