تجمع الحوامل اللواتي يلدن بشهر تموز ( يوليو 7) 2009

بناااات انا ماني قادره انام من ألم في اخر ظهري مرره قوي مادري وش السالفه واذا مشيت يزيييد معاي :cry:
خايفه مرره

شعوله ماتشوفين شر
يمكن مسويه مجهود وتعبتي حالش
اذا الالم مره قوي وماتحملتيه روحي المستشفى تطمني
وانشاء الله مافيه الا الخير

اي والله يالدانة نورة الحمل كل تعب الله يسهل حملنا ويثبته يارب..

انا الحين اتابع عند د. منى الشرقي في مركز الاستقلال ومفكرة اولد في السلمانية والله يسهل ان شالله ما يحولوني على مركز او يقولون لي مافي سرير او غرفة خاصة ..

وانتي؟ وين تتابعين؟ ووين مفكرة تولدين؟

ام عبود ترى كلش مو ترفيس، رفيف مثل قلتي واحيانا كنها نبضات قلب بس، لا وما حسيت فيها الا مرة بس خخخ بس عادي ترى صديقتي تقول لنص السادس ما تحرك ابدا ومن نهاية السادس ما شالله ما هدأ من الحركة بيبيها ..
وعلى التجهيز ذاك اليوم رحت سنتر بوينت ابي اشوف هوم سنتر كان ادش على مذركير بالغلط ووياي اختي وطاحت فيني هذا حلو وهذا بتحتاجينه وهذا مفيد وخلتني الم الم واطلع خخخ وامس دخلت ادمز شفت صنادل صغنونة مخفضة ما قاومتها وقلت الحين خلاص بوقف شوي لين السادس بعدين بروح اشوف موضوع المفارش وهالسوالف .. يالله ام عبود روحي اشتري حتى لو فستان واحد نعومي الحقي على التخفيضات ومو لازم تجهزين كله في مرة بس اخذي خفايف ..

حيورة روحي هالشهر احسن صار جنس البيبي يبان اكيد وحلو تعرفين شنو فيج وتفكرين بالاسم والالوان وهالسوالف وناسة..

حبي الغالي يالله وش تنتظرين صرتي 20 اسبوع اخذي اقرب موعد وروحس شيكي على البيبي شوفي عروس ولا معرس خخخ ما شالله تحسين بحركة واضحة ورفيف عيل ولد او بنوتة شيطونة شوي الله يحفظهم يارب..

هلا بنية زينة .... انا والله كنت اتابع عند دكتوره باسمه ابوالفتح .. بس توني محوله على دكتوره عابده في العسكري ..لأني مقرره اني اولد بالعسكري .. انا صراحة سألت وايد ودار راسي .. حتى دكتوره باسمه قالت لي احسن شي المستشفيات الحكومية ( السلمانية والعسكري) لأن عندهم خبره ومجهزين ... غير عن الخاص ... وبس من جذي توكلت على الله وقلت خلاص بولد في العسكري :)


شعوله حبيبتي ماعليج شر (انا بعد ترى الالم يمسك في ظهري وماقدر امشي منه انتي لازم ترتاحين خلي احد يدهن لج ظهرج بفكس انا كان يريحني ويمسدونج على خفيف ) اذا شفتي كلش زاد راجعي الدكتورة احسن

شعولة اكيد او قايمة بقوة من السرير او منحنية بشكل غلط ترى هالشي وايد يأثر على اسفلالظهر،، حاسبي على عمرج حبيبتي وريحي نفسج .. طولي السدحة شوية واكيد بيخف الألم ان شالله..

وطمنينا عليج

شعوله وينش
طمنينا عليش

مادري شقصة الالم اللي جاني الفجر بس الحمدلله الحين احسن
انا قاعده افكر اذا هذا الالم كذا قووي ومايخليني اقدر انسدح ولا اقعد ولا امشي اجل كيف ألم الطلق :durr::sad: الله يستررررر

بسألكم عن رجولكم.. انا احس رجلي اليسار منتفخه !! واذا قعدت فتره تنتفخ زياده

شعوله ماتشوفين شر يالغاليه

اناا رجلي اليمين اللي تألمني مو اليسار
حتى اني مااقدر انام عليها كثير

ماتشوفين شر ياشعوووله والله شغلتي بالي عليك
حاولي تروحين عند الدكتورة تتطمني احسن

ماتشوووفين شر شعوووله

هههههههههههههههههه بنيه اني حاسه انه فيني ولد لانه مثل حركااات ولدي يوم كنت حامل فيييه

وان شاء الله بروح اخد موعد

سلامتك شعوله غاليه روحى للدكتورة اطمنى وطمنينا
ريحى نفسك يا شعوله

مساااء الخير..

في احد موجود..؟؟

ماتشوفين شر ياشعوله
وزين انش طمنتينا عليش
وانشاء الله تصيري احسن في اقرب وقت

انا بعد هاليومين كله احس بالم في اسفل بطني :(\
الله يعين نخلص من شي ونبتدي في شي
الحمد لله على كل حال والله يعدي هالفتره على خير

ياعمري الشر مايجييكم

انا كلمت الدكتوره وسألتها عن اللي صارلي وطمنتي وقالتلي انه هذا شي مايخوف دام انه ماجا معاه ألالام في البطن...

وشرايكم فيني وانا صاحيه بدري:cool:

الله معك شعوله ويعينك حبيبتى
انا من الصبح متوترة ومتنرفزة وحاسة باخد نفسى بالعافية

ريم سلامتك ايش فيك

مساء الخير كروشات
عادي ياريم الوحده كذا مع الحمل تصير حساسه مزاجيه شووي
شعووله الحمد الله طمنتينا عليك يااقمر مااوصيك انتبهي لنفسك
واذا على اوجااع الظهر اعااني منها وكل مازاد الثقل بيزيد علينا الالم الله يعين

الحمد لله انا دلوقتى احسن

باركولى يا بنات انا رحت للدكتورة وعرفت فينى بنت
اللهم لك الحمد كما ينبغى لجلال وجهك وعظيم سلطانك

رييييييييييم يعني فييك بنوته حلوه!! مشالله الله يتمملك على خير وتشوفينها وتفرحين فيها
مو مفكره في اسم ؟؟