تجمع الحوامل اللواتي يلدن بشهر حزيران ( يونيو 6) 2009

السلام عليكن خواتي شحالكن؟

عساكم بخير صارلي فترة ما شاركت وياكم

بس متابعة قراية اليديد بالتجمع اول بأول الا هالمرة احس فاتتني وايد اشيا

لأني انشغلت شوي

المهم شحالكم وشحال بيبيهاتكم و ثقلهم عليكم

تبون الصدق انا مرات احس بطني خفيف و الاغلبية ثقيل و كل مرة انش من الرقاد و اشوف روحي خفيفة
اتحسس بطني اقول لا يكون ربيتّ!!!!! <<<<كيف بتربين وانتي راقدة مثلا

المهم ما علينا اقولكن اخر موعد حمل سرت له كان 3-5 وقالت لي الدكتورة كل شي طبيعي الحمدلله و راس البيبي فديتها نازل تحت مع اني كنت توني داشة الثامن بس الحمدلله قلت يمكن لأني انا من النوع اللي يحب يروح وييي و الحمدلله احس روحي نشيطة وامشي في البيت او مرات كفاية الطلعات اللي اقضي فيها اشغالي مع اني سألت الدكتورة عن المشي كل يوم لوقت معين قالت لي لا امشي مشيج العادي اللي هو تقضين فيه شغل البيت واذا تعبتي ريحي بس مشي كل يوم و لوقت معين لا
والحمدلله بخصوص الحكة راحت عني الف حمد وشكرلله الدكتورة اللي دخلت عندها اخر مرة حست بمعاناتي و عطتني كريم مرطب لجفاف الجلد و الحمدلله خف و الله يجزاها خير و فوق هذا كله عطتني موعد جلدية اللي هو باجر ان شاء الله عشان تتأكد اذا هالحكة حكة حمل ولا اكزيما لأنه يوم شافتتني استغربت من الجلد كيف صاير جاف وغامج

وبالنسبة للبيبي ما شاء الله عليها اخر مرة يوم سوولي تلفزيون قالت لي ما شاء الله وزنها كيلوين الحمدلله طبيعي و زين و فيها غزوز بعد انا استانست يوم شفتها قلت شكلها بتطلع شرات ابوها فديتهم ربي يحفظهم و يخليهم لي ان شاء الله

وبعد بخصوص الحموضة قبل يوم كنت في السابع كانت وايد تييني هالحالة وكنت اعاني اما الحين الحمدلله اول ما احس انه جبدي بتلوع او تلوع و احسعقبها انه بتييني الحموضة على طول ملعقتين من دوا موكسال للحموضة و هو زين وامن زين يخفف على الحامل بس اللي متعبني مرات الالام اللي تييني شرات الدورة الشهرية متعبتني صدق يوم تييني هالالام اتم اصيح اقول انا جي و مو مستحملة عيل على
ويع الطلق شو بسوي؟!!
الله يعين ويسهل علينا الولادة و يوم يزيد علي الويع اصيح و اقول ابا اربي خلاص ابا افتك بس عقب قالت لي عمتي شو فايدة تربين الحمدلله و تفتكين و البيبي تطلع قاصرة و تترقد بالحضانة حرام بس صدق يوم تييني هالالام اطيح على ينب و خلي ريلي يسويلي مساج خفيف و بعده يخف العوار و اضحك من بعد الدموع و الصياح و حتى هو يقولي شو انتي تتمصخرين علي توج اتصيحين و الحين تضحكين يستغرب يتحارني اسوي جي عشان ألعوزه
ولا بخصوص الرقاااد يا عيني على الرقااااااد الوحدة فينا الحين ما تروم ترقد شرات قبل من الكرشة والله من يصير فليل وقت الرقاد اقول الله يعيني على الحمام و قلت رقااااااد واتم اتجلب يمين و يسار و احط مخدة بين ركبّي عشان ارتاح في الرقدة و بعد ماشي فايدة ما ارقد عدل الا عقب ما اصلي الفير او اذا رقدت في النهار مال ساعة او ساعتين احس صدق ريحت

وامممممم و شو بغيت اقول بعد؟؟!!!!!! هييييييه بخصوص التوزيعات بنات انا قلت بستفيد من افكار البنات في المنتدى و بسوي التوزيعات روحي قبل كم يوم اشتريت الاشياء اللي بتنحط فيها الحلاوة اللي هي عبارة عن اكياس صغيرة و بوكسات اسطوانية و وردية بس قلت بسوي مال 50 حبه بس قلت يمكن اسوي وايد و يروح علي خسارة فبغيت رايكم شرايكم اخلي التوزيعات في البيت و لا اودي نصهم المستشفى واذا نقص بشتري او بسوي غيرهم مادري؟؟ وقلت عندي ستاند و سلال في البيت قلت بزينهم شوية بتور لماع او ريش و كان الله غفورا رحيما صح؟؟ّ!!:wink:
والتوزيعات شو يحطون فيهم غير حلاوة او كاكاو صح؟
انا قلت يمكن احط دعاء داخل ولا شرايكم
لأنه قلت يمكن حد من اليهال ياخذ من هالتوزيعات و يعق الدعاء حرام!!

وهذي صور التوزيعات شرايكم؟؟

البوكس الاسطواني و الكيس

البوكس الاسطواني من جدام

البوكس الاسطواني من فوق

البوكس الاسطواني من ورا

واخير الكيس واضح كيس ابيض مخرم و فيه كليب في النص

واممممممم شو بعد يا ربي؟!!!! هيه و باقي لي اغسل ثياب البيبي و ثيابي مالت النفاس و اجهز اغراضنا في شنط واشتري باقي و اخر مستلزمات للبيبي من كريمات و شامبو و لي من كوتكس و لبادات للصدر و مرهم للحلمة
وبس هذا يديدي او بالاخص مخزوني اللي "في جعبتي""<<<<<<<<ناقص تغني و تقول في جعبتي حكايا مفيدة للاطفال

و صارلي فترة ابا اشارك بس انشغلت
عالعموم اسمحولي اذا طولت عليكم
والله يتمم حملنا على خير ويسهل و ولادتنا ويقومنا بالسلامة نحن و بيبيهاتنا

(f):)(f)

تسلمن خواتي ع الرد الحلو

و بخصوص التوزيعات انا قلت بشتري مجسمات زيادة من محلات درهم و درهمين
واحط لكم حبة كاكاو وبس الحمدلله

وبخصوص تجهيز شنطة الام والبيبي للمستشفى انا بعد بعدني ما جهزتها لأني اليوم بديت اغسل ملابس النونو وان شاء الله اجهزها عقب ما اغسل الثياب كلها

بس شي موضوع بخصوص التجهيزات

وهذا اللينك

http://forums.3roos.com/t442447.html

بس صدق

كم لبسة نحط في الشنطة ؟؟

انا قلت يمكن احط 4 شو رايكم؟؟

ام مريم 79
حبتين لعيونك
1/6/2009

[COLOR=#ff0000]danosha[/COLOR]
[COLOR=#ff0000]DALO3AT7ABEBHA[/COLOR]
[COLOR=#ff0000]6[/COLOR]/6/2009

جوجو
ilshj

8/6/2009

محتارة ش أسميه
هذا_قلبي
بيون
[COLOR=#ff0000]9[/COLOR]/6/2009

باعثة الامل
10/6/2009

ريانة العوود
شمس الضحى

روضة الخلان
14/6/2009

زهور البحر
[COLOR=#ff0000]15[/COLOR]/6/2008

اطفالي هم حياتي
روان مكة
[COLOR=#ff0000]17[/COLOR]/6/2009

سكر محلي
shamaa
بسمة رغم الالم
[COLOR=#ff0000]19[/COLOR]/6/2009

[COLOR=#ff0000]toty858[/COLOR]
[COLOR=#ff0000]MEMAA[/COLOR]
مجنونة منتديات
*زهرة الخزامى*
بحرينيه كول
[COLOR=#ff0000]20[/COLOR]/6/2009

[COLOR=#ff0000]tamara2005[/COLOR]
آل الميامين
صدى الامال

[COLOR=#ff0000]21[/COLOR]/6/2009

ام الشباب
قماشة زري
منايا القلب
[COLOR=#ff0000]22[/COLOR]/6/2009

nado4
23/6/2009

دكتورة روح
24/6/2009

[COLOR=#ff0000]ام حسن[/COLOR]
زهرة في القلب
مكسور الخاطر
25/6/2009

[COLOR=#ff0000]كيفي[/COLOR]!!
26/6/2009

UM ALWALEED
ليدي فله
27/6/2009

[COLOR=#ff0000]المحتارة[/COLOR]
[COLOR=#ff0000]ريا وليد[/COLOR]
28/6/2009

[COLOR=#ff0000]البسمة المقهورة[/COLOR]
ياارب أعرس
29/6/2009

ام شيوخ
30/6/2009

ربنا يقومنا بالسلامة ان شاء الله