تجمع الحوامل اللواتي يلدن بشهر حزيران ( يونيو 6) 2009

تولين..
توزيعاتي انا سويتهم بنفسي..
لا رحت محل ولا طلبت من احد يسوويهم..
تحبين اسوي لج..؟؟

هلا كروشات شخباركم

[ محتارة ]

ماشاء الله توزيعاتج حلوة ربي يسهل عليج ان شاء الله

//


وبالنسبة عن التغيرات إلي أحصلت لي الحين

كل أحس بالثقل وما أقدر ايلس مكاني وايد ولا أقدر أوقف ولا أقدر أمشي لا والمشكلة أن أنا أشتغل

وما عندي إجازة إلا حق عقب الولادة مخليتها وشغلي متعب اغلب الاوقات اكون واقفة

وبنتي بعد صغيرة تبااني اشلها وكله ف حضني

الله يعيني ما أعرف شسوي

//

الله يسهل علينا وعليكم ان شاء الله

سلام كروشات

اليوم يايبتلكم طرق التنفس .. منقولة من عند وحده من الاخوات جزاها الله خير


طرق التنفس أثناء الولادة

الطريقة الأولى: التنفس البطني

عند الاستلقاء على سرير الولادة عليك بالتركيز وفور مجيء الطلقة في المرحلة الأولى من الولادة (مرحلة تمدد عنق الرحم) استخدمي التنفس البطني، أي يرتفع البطن فقط عند الشهيق: ضعي اليدين على وسط أسفل البطن وخذي ببطء نفسًا عميقًا من الأنف وملء البطن - أي يشترك البطن فقط عند التنفس – مع تدليك البطن بالكفين بحركة خفيفة وناعمة من وسط أسفل البطن إلى الجانبين، ثم ازفري الهواء خارجًا من الفم ببطء، مع العودة باليدين إلى المكان الأول، وتكرار هذه الحركة مع التنفس حوالي 10 مرات أثناء الطلقة الواحدة.

كذلك يمكن استخدام التنفس الصدري في هذه المرحلة أي قبل مرحلة دفع الجنين، على النحو التالي: ضعي اليدين على القفص الصدري تحت الثديين مباشرة وخذي ببطء نفسًا عميقًا وملء الصدر – أي يشترك الصدر فقط عند التنفس - ثم ازفري الهواء خارجًا من الفم ببطء، وتكرار التنفس حوالي 10 مرات أثناء الطلقة الواحدة. ويمكن استعمال هذه الطريقة أيضًا إذا شعرت الحامل بمضايقة في البطن عند استعمال الطريقة الأولى. وبهذا الشكل تتخلصين من الألم.
الاسترخاء على الجنب

وينبغي دائمًا الاسترخاء بين الطلقة والأخرى. وبإمكانك الاسترخاء على الجنب.
حبس النفس والدفع


أما في المرحلة الثانية من الولادة (مرحلة الوضع أو الاندفاع) فإن أول خدمة تقدمها الحامل لجنينها ولنفسها أيضًا هي أن تساعده في الخروج والولادة باستخدام تمرين حبس النفس والدفع. ففي مرحلة دفع الجنين وعند مجيء الطلقة: ارفعي الرأس والرجلين وخذي نفسًا عميقًا واحبسيه واضغطي به إلى أسفل تمامًا كما يفعل الشخص المصاب بالإمساك عند التغوط، على أن يكون الضغط إلى أسفل بشكل تدريجي وتصاعدي، وبالإمكان تكرار ذلك مرتين أو ثلاث مرات أثناء الطلقة الواحدة وعليك بالاسترخاء تمامًا إذا ذهبت الطلقة استعدادًا للطلقة التالية، ولكن إياك أن تضغطي هكذا في أي وقت كان قبل مرحلة دفع الجنين
التنفس السريع والسطحي

عند أول ظهور لرأس الجنين يجب عليك أن تتوقفي فورًا عن الضغط إلى أسفل وعليك باستخدام التنفس السريع والسطحي (اللهاث) بدلاً من ذلك من أجل تفادي التمزق في الفتحة المهبلية خاصة عند البكر: افتحي الفم وارخي الفك وضعي طرف اللسان على الأسنان الأمامية السفلية، ثم نفذي الشهيق والزفير من الفم بصوت مسموع وسطحي (كما يلهث الرياضي بعد الركض الطويل)، حركي أعلى الصدر أثناء هذه العملية مع ترك الأكتاف مسترخية. يمكنك زيادة سرعة التنفس بحيث يصل إلى شهيق أو زفير واحد بالثانية ثم إبطاؤه ثانية. ويمكنك أيضًا استخدام هذه الطريقة للتنفس إذا شعرتِ برغبة في الدفع ولم يكن قد حان وقته بعد.

وان شاء الله تعم الفايده

هلا كروشات شخباركم
أشتقت لكم جميعا بس التعب مو مخليني
اعرف اجلس عالكمبيوتر كثير
ماشاء الله تبارك الله محتاره توزيعاتج حلوة مرررررررررره
ربي يسهل عليج ان شاء الله وعلى الجميع
وبالنسبة عن التغيرات كل أحس بالثقل وما أقدر أجلس
مكاني واجد ولا أقدر أوقف ولا أقدر أمشي

محتارة توزيعاتك حلوة
لكن انا افكر في التوزيعات بعد الاربعين لما نسوي الذبيحة لمولود تكون عندنا احتفال الاربعين
وتكون الام مثل العروس في ذاك اليوم الي عندة افكار او تجارب تفيدني الله يجزة خير

ام فطومه;9302762:
هلا كروشات شخباركم

[ محتارة ]

ماشاء الله توزيعاتج حلوة ربي يسهل عليج ان شاء الله

//


وبالنسبة عن التغيرات إلي أحصلت لي الحين

كل أحس بالثقل وما أقدر ايلس مكاني وايد ولا أقدر أوقف ولا أقدر أمشي لا والمشكلة أن أنا أشتغل

وما عندي إجازة إلا حق عقب الولادة مخليتها وشغلي متعب اغلب الاوقات اكون واقفة

وبنتي بعد صغيرة تبااني اشلها وكله ف حضني

الله يعيني ما أعرف شسوي

//

الله يسهل علينا وعليكم ان شاء الله

مشكورة خيتو على تعليقج الطيب..
اخذيها مني نصيحة..
طلبي من دكتورتج تعطيج تقرير حق (عمل خفيف) light duty
يعني تكتب لج تقرير بانج وصلتي الاسبوع الفلاني من الحمل..
والعمل مثلا بدوام 8 متواصلة يضر بحالتج.. نظرا مثلا لوضعية الجنين الراس في الاسفل..
لذا ينصح بعدم العمل الا لفترة مثلا 5 او 4 ساعات..
هذا التقرير يفترض ان راح يخدمج كثير وما راح يضر لا باجازتج السنوية.. ولا باجازاتج المرضية..
وبعدين الشغل هو اللي يحدد مقدرا حاجته لج 6 ساعات او اقل..
فهمتي علي..؟؟
احسن علشان ترتاحين شوي..
لان انا موظفة وعارفة بحالة اللي حلاتي يشتغلون..

مجنونة منتديات;9304196:
هلا كروشات شخباركم
أشتقت لكم جميعا بس التعب مو مخليني
اعرف اجلس عالكمبيوتر كثير
ماشاء الله تبارك الله محتاره توزيعاتج حلوة مرررررررررره
ربي يسهل عليج ان شاء الله وعلى الجميع
وبالنسبة عن التغيرات كل أحس بالثقل وما أقدر أجلس
مكاني واجد ولا أقدر أوقف ولا أقدر أمشي

حاسين فيج يا اختي..
واعرف شكثر صعب الثقل والوحدة ما تعرف تقعد او توقف او تمشي..
كل شي صاير متعب.. ان قعدنا شوي.. يبست علينا رجولنا.
وان مشينا شوي.. القلب يرقع.. ونلاهث..
وان وقفنا جانا الالم في الظهر..
يالله هانت..

مشكورة حبيبتي على تعليقج بخصوص توزيعاتي..
عقبال ما نشوف توزيعاتج.

بسمة رغم الالم;9304761:

هلا كروشات
شخباركم

(محتااارة)
توزيعاتج حلوة
تمنيت اراويكم توزيعاتي بس صديقتي مسوية لي مفاجاه تقول التوزيعات عليها وما بتخليني اشوفهم الا اذا ولدت

مشكورة حبيبتي على تعليقج بخصوص التوزيعات..
بس حسافة رفيجتج حسفتنا نشوف توزيعاتج..
بس حلاته تشوفينهم.. ع الاقل تضمنين ان راح يناسبون مع ثيابج والبيبي وقت المستشفى..
يالله..
بس لازم منج وعد ان تراوينا اياهم عقب ما تولدين باذن الله..

نورالظلام2007;9306102:
محتارة توزيعاتك حلوة
لكن انا افكر في التوزيعات بعد الاربعين لما نسوي الذبيحة لمولود تكون عندنا احتفال الاربعين
وتكون الام مثل العروس في ذاك اليوم الي عندة افكار او تجارب تفيدني الله يجزة خير

احنا نسوي الذبيحة حق المولود بعد..
وهذي اللي يسموها عقيقة..
بس ما يضر تسوين شي بسيط حق زوارج بالمستشفى صح..؟
واذا على الافكار والتجارب..
صفحة الهدايا في المنتدى مليانة بالخيرات والافكار.. بتكون سهلة بوقتها باذن الله..
واشكرج على رايج بتوزيعاتي..

مرحبا بنات

اخباركم

بالاجازة كل يوم عند اهلي ما غير تسدح خخخخ

الله يهون علينا يااارب

من ناحية تعب بصراحة بقوووة تحت بصراحة المنطقة الي تحت ذبحتني بقوة
كانها مضروووووووووووبة

الله يسهل ياارب

يالغاليات ملابس البيبي وش اغسلها فيه ؟

اقصد الصابوون

مساء الخير ,

ملاك الخجل ,, في صابون خاص لملابس البيبي , تحصلينه بالسوبرماركت في قسم صابون الثياب ,

×××

الرقاد صاير تعيس بهالفتره , مليون مره اقوم من نومي =(

الله يعينا بالتاسع ,

يعطيكم الف عافية حوووامل
اكيد ودكم اتغمضو عيونكم وتفتحوها وتلقون نفسكم ربيتو صح مثلي خخخخخخخخخخخخخخخ

محتارة ش أسميه;9306504:
مشكورة خيتو على تعليقج الطيب..
اخذيها مني نصيحة..
طلبي من دكتورتج تعطيج تقرير حق (عمل خفيف) light duty
يعني تكتب لج تقرير بانج وصلتي الاسبوع الفلاني من الحمل..
والعمل مثلا بدوام 8 متواصلة يضر بحالتج.. نظرا مثلا لوضعية الجنين الراس في الاسفل..
لذا ينصح بعدم العمل الا لفترة مثلا 5 او 4 ساعات..
هذا التقرير يفترض ان راح يخدمج كثير وما راح يضر لا باجازتج السنوية.. ولا باجازاتج المرضية..
وبعدين الشغل هو اللي يحدد مقدرا حاجته لج 6 ساعات او اقل..
فهمتي علي..؟؟
احسن علشان ترتاحين شوي..
لان انا موظفة وعارفة بحالة اللي حلاتي يشتغلون..

العفوو خيتوو


بالنسبة للدوام .. انا فاهمة عليج واروم اخذ بس اتعرفين لاني ادَرس والحين خلاص على آخر السنة 3 اسابيع بالكثير وتبدا الامتحانات عندنا يعني نحن عندنا ف المدرسة 7 حصص بالنسبة لي ع حسب الايام اخذ 5 حصص واحيانا 3 وماروم اقلل لاني ادرس يعني منو بيدرس الطالبات ههه.. بس سألت اروم اخذ اجازة من بداية شهر 6 لانه فهالوقت بيكون وقت رصد الدرجات هو تعب بس شسوي لازم اتحمل والحمدلله على كل حال


وربي يسهل علينا يارب

:)

السلام عليكم كروشااااااات
شحالكم؟؟ وشحال البيبي و ثقله و حركته وياكم؟؟



حبيت اقولكم باركولي اليوم دخلت الثامن


وحاسة بثقل و الم من منطقة البطن و تحت
وفوق هذا كله الحكة ذابحتني ماعرف شو اسوي
قلت مافي الا اني اتدهن بزيت زيتون و بعدها استخدم ملطف الحكة و الحبوب اللي عاطيني اياه




واختي ملاك الخجل بخصوص صابون الثياب للبيبي
انا عمتي نصحتني بصابون اسمه اتوني للاطفال و صابون الوزير
قالت لي اخلطي شوية من صابون الوزير مع صابون اتوني



ها كروشات بغيت اسألكن جهزتوا حق بيبياتكم و لا بعده
انا الحمدلله جهزت حق بنوتي الاسبوع اللي طاف و كان وقت تنزيلات في بيبي شوب

والحين عاد هالشهر ببدا اغسل ثياب النفاس و ثياب البيبي ان شاء الله



يلا حبوبات تحملن ما بقى شي ان شاء الله
الله يتمم حملنا على خير ويسهل علينا ولادتنا و نربي بالسلامة
وتقر عينّا بشوفة عيالنا
قولوا امييييييين

آم رآشد;9313212:
مساء الخير ,

ملاك الخجل ,, في صابون خاص لملابس البيبي , تحصلينه بالسوبرماركت في قسم صابون الثياب ,

×××

الرقاد صاير تعيس بهالفتره , مليون مره اقوم من نومي =(

الله يعينا بالتاسع ,

اي والله يا ام راشد..
الرقاد مو بس تعيس الا متعب..
و15 الف مرة الوحدة تقوم من النوم..
وحشني النوم يا عالم يا هوووو

ام فطومه;9313630:
العفوو خيتوو


بالنسبة للدوام .. انا فاهمة عليج واروم اخذ بس اتعرفين لاني ادَرس والحين خلاص على آخر السنة 3 اسابيع بالكثير وتبدا الامتحانات عندنا يعني نحن عندنا ف المدرسة 7 حصص بالنسبة لي ع حسب الايام اخذ 5 حصص واحيانا 3 وماروم اقلل لاني ادرس يعني منو بيدرس الطالبات ههه.. بس سألت اروم اخذ اجازة من بداية شهر 6 لانه فهالوقت بيكون وقت رصد الدرجات هو تعب بس شسوي لازم اتحمل والحمدلله على كل حال


وربي يسهل علينا يارب

:)

يالله الله المعين يا اختي..
بس حاولي حتى وانتي تشرحين ما توقفين وايد..
غيري الوضعيات شوي قاعدة وشوي واقفة وشوي تتمشين..
الله يهونها عليج..

ملاك الخجل;9310043:
يالغاليات ملابس البيبي وش اغسلها فيه ؟

اقصد الصابوون

صابون لغسيل ملابس الأطفال؟؟؟
شوفي هالوصلة بتعطيج افكار تساعدج وتساعد باقي البنات..

انا اللي ذابحني ضيق النفس , احس اتنفس بالغصب , لازم آخذ بخاخ

×××

بنات جهزتوا شنطة المستشفى ؟

انا بقى لي شي بسييييييط الحمدالله , و أي حليب صناعي اخترتوا حق البيبي ؟