تجمع الحوامل اللواتي يلدن بشهر حزيران ( يونيو 6) 2009

بنات.. لا تسببون لي ازمة..
بروحي ميتة من الخوف..
رغم ان الحمد لله ولادتي ببنتي كانت وايد وايد ميسرة.
بس ما ادري ليش الثقة خاينتني هالمرة..
والحين شفت ردودكم والخوف اللي انتو فيه تخلوني اخاف اكثر..

بس تدرون زوجي شنو يقول..
قلت اشارككم لان كلامه منطقي..

يقول شوفي مثلا امهاتنا..
ما في وحدة جابت اقل من 5 و6 وحتى 10 يهال..
وما في مستشفيات عدلة.. ولا ذاك التطور اللي احنا فيه..
لو كانت المسالة بذيك الصعوبة جان ما قدروا على هالكثر يهال..
صح...؟؟

لا تفكرون شلون بنولد..
فكروا شلون بتخلص هالمرحلة..


والله ييسر لنا جميع..

انزين يا حلوات..
من فيكم بدت التوزيعات مالتها..؟؟
خلصتو ولا بعدكم..
شاركونا بالافكار ترى حده المخ مقفل....

السلام عليكم ورحمة الله وبركاته

شخباركم بنات

محتارة ش اسميه تسلمين حبيبتي عالمعلومات
ان شاء الكل يستفيد منها
..
و الله يرزقج باللي تتمنينه ويعطيج الذرية الصالحة وايانا اجمعين

وحشتونا جميع شخباركم حبيباتي دون استثناء ؟؟؟

لا تحاتون الولادة معظم ولادتي الثانية كان موقف صعب جدا علي لكن هالمرة ما افكر بالولادة لأن ذيك الحزة لكل حادث حديث

زهرة في القلب الله يسهل عليك ياارب

محتارة ش اسمية تعرفين اول مرة احمل لازم اخاف
بس متوكلة على رب العباد

التجهيزات لسى ما سويت شي جبت اشياء قليلة للنونوو

الله يسهل علينا ياارب

روضة الخلان;9061521:
صفوة القلب (f)طيبين طاب حالج ها خبرينا ولد وله بنت
ام الشيوخ(f) كل ما اقراء موضوع عن الجراحة الي في عجان اموت من الرعب مع اني وصلت لمرحلة اقول يالله اتمر الايام واولد بسلامه لكن الله كريم ونولد بسلامه جميعاً

ولد بإذن الله

الله يجيبه بالسلامة يارب

إن شاء الله تولدن بالسلامة

كل وحدة تشجع الثانية والله يكنب لنا الولادة السهلة بإذن الله

قماشة زري;9061707:
هلا بكم بنااااااااااااات

وش اخر الاخبار

انا مثلكم خايفة من الولادة بس كل ما اتذكر اني بشيل بنتي ان شاء الله بحضني انبسط
وادعي ربي يسهل علينا ياااحي ياقيوم

هلا بج قموشة

توكلي على ربج

والله بيسهل عليج وعلينا يارب

زهرة في القلب;9062020:
ههههه

اي قريت بعض الردود

ومنها انه البيبي ما تحرك عندج

ههههه

تبي تشوف ل اي درجة تحاتينها


انا ولله ليلحين ما اعرف جم لي

انشالله موعدي مع الدكتورة يوم الاربعا

اطمنني وتقوللي جم عمر الجنين

وياريت بعد اعرف وش جنسه

اما التجهيزات

ههههه


ما سويت شي


اليوم بس قاعدة ادور بالنت على افكار توزيعات وشفت اشيا وايد حلوة

خلليني بس اطمن على البيبي

وبعدين نشوف

صج خايفة من الولادة ؟

الله يطمنج على الياهل بكل خير إن شاء الله

ويوفقج في تجهيزاته

ما شاء الله عليج مع إنج والدة قبل

على حسب ما قريت من ردودج

توكلي على ربج وإن شاءالله بيسهل عليج

محتارة ش أسميه;9067166:
بنات.. لا تسببون لي ازمة..
بروحي ميتة من الخوف..
رغم ان الحمد لله ولادتي ببنتي كانت وايد وايد ميسرة.
بس ما ادري ليش الثقة خاينتني هالمرة..
والحين شفت ردودكم والخوف اللي انتو فيه تخلوني اخاف اكثر..

بس تدرون زوجي شنو يقول..
قلت اشارككم لان كلامه منطقي..

يقول شوفي مثلا امهاتنا..
ما في وحدة جابت اقل من 5 و6 وحتى 10 يهال..
وما في مستشفيات عدلة.. ولا ذاك التطور اللي احنا فيه..
لو كانت المسالة بذيك الصعوبة جان ما قدروا على هالكثر يهال..
صح...؟؟

لا تفكرون شلون بنولد..
فكروا شلون بتخلص هالمرحلة..


والله ييسر لنا جميع..

انزين يا حلوات..
من فيكم بدت التوزيعات مالتها..؟؟
خلصتو ولا بعدكم..
شاركونا بالافكار ترى حده المخ مقفل....

حبوبة كله تساهيل من رب العالمين وربج يسهل عليج إن شاء الله

صباح الخير

صباح النور كيفي

شخبارج

قطعتي مرة وحدة

ليكون الحمال متعبج

شرايج ب حركة البيبي

بما انش بكر

هههه

الله يهون على الجميع يارب

كيفكم بنات ..

ذبحتني هالفلونزا ماغير اعاطس احس سري بينفنح من العطاس:tongue:
كان ماولد منها

عطتني الدكتوره مضاد اموكسيل وبنادول ولافاد والله تعبانه مررررررررره:confused:

ماتشوفين شر(f) ام الشيوخ(f)(f)
حوااامل شخباركم شخبار المباريات الي يسونها البيبيات الله بحفظهم
متى بتبدون المشي والرياضه هاااا وينكم مافي رياضه؟؟؟؟

روضة الخلان;9075853:

اعتقد انه بدينا بالعد التنازلي والافضل انشجع بعض بالرياضة والمشي مثلا اشرابكم؟

الله يقومنا جميعا بسلامتنا وسلامة مواليدنا

قماشه(f) انت بكريه :wink: الله يهون عليج يقولون البكريه اهون(a)

اية خلاص ما بقى شي الله يسهل ياارب

اية صح عليك انا بكرية الله يهون علي وعلى كل مسلمة ياارب
والله يجزاك خير

روضة الخلان;9084630:
ماتشوفين شر(f) ام الشيوخ(f)(f)
حوااامل شخباركم شخبار المباريات الي يسونها البيبيات الله بحفظهم
متى بتبدون المشي والرياضه هاااا وينكم مافي رياضه؟؟؟؟

هلا بك اختي

بالنسبة للحركة تجنن بصراحة صح خفيفة مو مرة ما احس فيها كثير

والمشي امشي شووي بس عشان اتنشط يعني تقريبا ربع الى نص ساعة بس عشان النشاط
والا بدري ع المشي مو الحين
لان سمعت السابع المفروض الوحدة ترتاح عشان ما يجيها ولادة مبكرة

الحين مشكلتي ان رجليني منتفخاااااااااااااااااات
ولازم ارفعهن على حاجة عشان يقل الانتفاخ

الله يسهل على الجميع ياارب

صباح الخير ..

قماش زري انا كنت مثلك بحملي الاول الله يعينك :(

حاولي تروحين البحر لان موية البحر تخفف الانتفاخ واكشفي اذا كان زلال ولا املاح لان لو زلال لازم يعطونك مضاد حيوي علشان يحميك بعد الله من تسمم الحمل ,,

والله يهون عليك ..

بصراحه بنتي حركتها كثيره سمالله عليها مزعجتني مااقدر انام !!
محتاره وش اسميها واش احلى من هالاسمين لمى ولا دانا ؟

.

صباح الخير كيفكم يا حوامل ما شاء الله زمان ما دشيت لاني كنت باجازة طمنوني عليكم ان شاء الله بخير والبيبيات بعد بخير

كيفكم ياحوامل انا الحين بالاسبوع 26 وان شاء الله ربي يسهل ولادتي في 12 - 6 والله يسهل لنا
انا براجع في مستشفى الاطباء المتحدون لسا ماقابلت الدكتور من الشهر الاول وانا اتنقل من دكتوره للثانيه
لسا مااستقريت يعني والله يعين

اهلين بالحوامل(f)(f)(f)
شخباركم؟ قماشه(f) الله يسهل ام الشيوخ(f) شخبارج محتار(f)ه وين ج؟ فقدنا عدوج
بكره موعدي انشالله خير

ام شيوخ;9089899:
صباح الخير ..

قماش زري انا كنت مثلك بحملي الاول الله يعينك :(

حاولي تروحين البحر لان موية البحر تخفف الانتفاخ واكشفي اذا كان زلال ولا املاح لان لو زلال لازم يعطونك مضاد حيوي علشان يحميك بعد الله من تسمم الحمل ,,

والله يهون عليك ..

بصراحه بنتي حركتها كثيره سمالله عليها مزعجتني مااقدر انام !!
محتاره وش اسميها واش احلى من هالاسمين لمى ولا دانا ؟

.

هلا بك اختي - ما عندي بحر للاسف - بس بصير احطهم في ماي دافي
وان شاء الله بروح للدكتور عشان يعطيني شي اخاف من التسمم على قولتك الله يستر

الاسمين مرة حلوين بس احس اسم دانا اكشخ شووي

انا ناوية اسمي بنتي تولين ان شاء الله

الله يهون علينا يااارب ياكريم