تجمع الحوامل اللواتي يلدن بشهر حزيران ( يونيو 6) 2009
ريحانة القدس
07-01-2009
2,299 رد
62,223 مشاهدة
السلام عليكم
شخباركم مع الثقل:wink:
الصراحة أحس اني كبرت عشر سنوات زود من هالثقل:confused: ، كل جسمي يعورني لا والمصيبة الكبرى وقت النوم ... اللي ما تعرفين على أي جنب تنامين ، بس نحتسبها أجر بإذن الله.
أنا هالأيام كل من يشوفني يقولي متنتي:ss: بس صايرة وايد صفرة الصراحة يضايقوني أدري اني متنت بس مابي أحد يقولي ( صج ما عندي سالفة)
ما أطول عليك بس حبيت أشاركم بهالدعاء
( اللهم أعيذ ما في رحمي بكلماتك التامة من كل شيطان وهامة ومن كل عين لامة اللهم أسألك أن تحفظه وتجعله معافى كامل الخلقة دون زيادة أو نقصان وسهل حمله ومخرجه )
اللهم آمين
اللهم اميييين
يا بنات الم ظهري ذبحني
}
}i{ ام عبد الله }i{
عروس رائعة
24-02-2009 | 11:17 AM
قوة بنات شخباركم...
لكل من سال عني وحياني ارد عليكم بالتحية..
ولان ما ابي ارد على وحدة وحدة وتصي القصة طويلة..
وانا صايرة مزاجية هالايام احس كل شي يعصبني حتى الكيبورد..
للي عرفت جنس مولودها الف مبروك وان شاء الله تشوفينه بين ايديج..
واللي توها منضمة لقروبنا السعيد.. حياج الله معانا وان شاء الله تستفيدين..
واللي ضرسها يعورها ضروري تراجع الدكتور، لان اللي سمعته ان الحامل بالذات تتاثر بسرعة من كل شي واهم شي الاسنان..
والله يساعد كل الدايخات... والثقيلات.. والمريضات..
الله يساعدنا كلنا بصراحة..
سكتو.. شوتات البيبي مو طبيعية.. ساعات احسه بيطلع لاعب كرة من زود ما احس بالطق..
لا واكثر شي في الشغل (ااااااوف يا ربي شقى)..
وبس لما اقول حق زوجي تعال حط يدك، يصير البيبي أدب ولا جنه مسوي ركلات ترجيحية في بطني..!!
الحين مثلا جم مرة وقفت وانا اكتب لان البيبي يرفس (تقولون حاس بالعقرة) هاهاهاهاها..
انزين..
بقولكم اخر اخباري.
رحت حق "اشراقة رضيع" اشوف قيمة التجهيزات.. ووصلت ما يعادل 110 دينار ما بين المطرح والفراش والملابس و و و و و و...تقريبا 7 قطع
ولما قارنت الاسعار ب "بيت الامومة" طلع وايد فرق.. في العدد والسعر.. طلع عدد القطع اللي باخذها تقريبا 11 قطعة.. ب 97 دينار.. شفتو الفرق...!!
وبس اكتفيت بهالقدر من الهذرة.. الباقي لكم..
يا بنات جهزتوا شيء انا توني دااااخلة السادس
ولادتي 25\6
احس بدري
كروشااات باركوووولي
اليوم سرت كشفت على البيبي و النتيجة كانت
بنت
ما تصدقون شكثر انا مستانسة
الحمدلله الله عطاني على قد نيتي و ريلي كان حلمان ببنت بس ما خبرني عشان ما احط في بالي
والله يسهل علي ولادتي و اييبها سالمة معافاة
والله يسهل على كل حامل ولادتها
مبروك صدى الآمال على البنوتة وعقبال ما تحملينها بيت ايدج وتقر عينك بها وهالله هالله في تجهيزاتها تعرفين البنات أزيد من معاريس لأن أن يبعد أخذت الترا سوند وبشروني ببنت مع العلم ان عندي ولدين الله يحفظهم
هلا محتارة والله بنوتتي بعد شكلها بتطلع لاعبة ضميها ويا فريق ولدج الله يحفظهم وتقر أعيننا بهم
الحمد لله رحت الوزن وكان كل شي طبيعي وطمتني الدكتورة وعطون ياسوي تحليل سكر ( الله يعينا على هالعصير ) المفروض ما ينسون يكملون الينا الوجبة ويقدمون وياه سندويش
ازيكم يا بنات اخباركم ايه والبيبيهات الحلوين
جوجو وزهره وقموشه وروضه ومحتاره شي اسمي
طمنوني عليكم وعلي البيبيهات
لان بقالي يومين مش بدخل علي النت
قموشه انا كنت زيك في وجع الاسنان وطلع عندي ضرس مخروم
وحشاه بدون بنج لانه غلط علي الحمل وقال اضمضمضي بماء وملح
ولما تولدي تعالي
اليوم حاسه باحساس غريب
عارفين وجع البريوت والله انا حاسه اليوم لدرجه اني الصبح نسيت اني حامل
وقلت شكلها هاتيجي اليوم
بالنسبه للتجهيزات انا جبت اللبس الداخلي وكوفرته
لحد متاكد من النوع واكمل
يارب تكونوا كلكم بخير
الله يبارك فيج اختي آل الميامين
والله يخليلج اودلاج الاثنين و تقر عينج بالبنوتة
والله يتمم علينا حملنا و ييسر ولادتنا ان شاء الله
ويرزق كل محروم بالذرية الصالحة المعافاة ان شاء الله
قولوا امييييييييين
حبيت أخبركم أن حطيت صور تجهيزاتي للبيبي في قسم تجهيزات الولادة واذا كملت باقي الاغراض راح انزلهم والله يوفقكم
صدى الآمال أميييييييييين يا مجيب الدعوات
مشكوره ال يامين
وانشاء الله يرزقك بالبنوته الي نفسك فيها وتكون زريه صالحه
(f) nado4ازيك الحمدلله على كل حال
(f)محتار ش اسميه الله يسعادك وحنا معاك المزاج والنوم الي مفرقنا
مساء الخير
مشكورة كيفي
بكرا موعدي مع الدكتورة
اترسواند للمرة الثانية
حتى يحددون عمر الجنين
بصراحة الحركة اللي قاعدة احس فيها
جنها حركة جنين بالشهر السادس
يعني مو نبض او رفة خفيفة
والعلم عند الله
مع العلم انه يتحرك في اليوم فوق اربع الى خمس مرات
معقول اكون ببداية الخامس
وجذي حركة الجنبن
ع العموم بكرا موعدي
والله يسوي اللي فيه الخير
يعطيكم لعافية
السلام عليكم يابنات
اسفة على الانقطاع الطويل بس ضروفي الي منعتني
شلونكم وشأخباركم اريد اسألكم كم زاد وزنكم الى الان ؟
يعني كم كان وزنك قبل الحمل وكم صار الان ؟
انا كان وزني 58 والان 64 كغم وطولي 158 سم
هل الزيادة طبيعية لو لا ؟
رجاءا الي تعرف تجاوب
مساء الخير يابنات
هلا بك ربا وليد وش اخبارك
بنات الحمد الله رحت للمستشفى ورحت كشفت ع الاسنان
ورحت للسوق وبديت تجهيزات
شريت بربتوزات ملونة وكم بدلة حلووة ومهادات وقبعات راس صغنونة
يعني كبداية تجهيزات .
بصراحة وناسة تجهيز الاطفال ربي يخلي لنا ضناناااااااااا
الله يقومنا بالسلامة يارب
زهره بالقلب لاتهتمي بعمر الجنين هم يلخبطون دايم خليك على حسابك او روحي طبيب شاطر واشعته مضمونه اذا ماتعرفين عمره
رباء وليد طبعا وزنك زياده طبيعيه والمفروض اكثر من كذا وحاولي تتغذي كويس ولا امشي على الفتامينات لان الجنين يستمد غذائه منك بعدين لاتطولى علينا
يمكن ماعرفتينى او نسيتينى انا اطفالي هم حياتى سابقا
اختى قماشه الحمد الله طمنتينا عليك والله يسهل حملك يااارب ويمتعك بشوفة ضناك
زهرة القلب حبوبة انتي الحين في السادس ولا بداية الخامس ؟؟؟؟؟؟؟؟
شدراني
هذول الدكاترة
اول مرة سويت اتراساوند كنت ببداية حملي
قالتلي عمر الجنين شهرين واسبوع
يعني المفروض انا الحين في السادس
ومن اسبوع جذي فحصتني مرة ثانية
قالت مبين انه توه 18 اسبوع
يعني بداية الخامس
حولتني على دكتورة ثانية
اللي هو موعدي اليوم
وبنجوف شي صير !
الله يسهل علينا يارب