تجمع الحوامل اللواتي يلدن بشهر نيسان (ابريل 4) 2009

اييه .. اشوة ماكثرت من الصغار .. !


يالله خيوتي بقوم احاول انام من جديد .. قعدت للصلاة و طارت النومة من عيوووني .. !

تحملي بلولة و زهورة .. !




أم علاااااااااوي تحياتي و اشواقي لج خخخخخ .. و الله وحشتينا انتي و دلعج و تعبج .. ان شاء الله ولدتي بالسلامة .


موووظي .. وينج طمنينا ؟؟


ام النوح .. اليوم لا تنسين تروحين للتخطيط .. و ان شاء الله ولادة مرة وحدة .


ام اسيد .. بلييييز شوفي لروحج حل و اولدي .. حتى اولد بعدج لا تعطلينا :)

طايرة طمنينا على البيبية .. و عن موعد الولادة !




ام جهاد .. شصار عليج ؟ ان شاء الله احسن ؟



و يالله بقوم انام .. ان شاء الله مااوتعي الا بغرفة الولادة و يمي بيبي يقول وااااه واااااه !



واجد أحلم :(


باي

انثى قولي امين ان شاء الله الحين مو تروحين تنامين تورحين للمستشفى تولدين بالف سلامه

وبعدهاااا طير نومه من عيونج من النوووونووو الي بيقول وااااه وااااه خخخخخخخ

مشكورة انثى على سؤالج عني

البارحه عقب ما استخدمت ماي الملح و حطيت لكريم ... كان لكريم حااااااااارق ظليت نص ساعه اصيح من الحراره و زوجي كسرت خاطره قام طلع من الشقه مو عارف ويش يسوي !!!

و بعدين بديت احس بالم في ظهري كل نص او ربع ساعه و استغربت معقوله هذا الم ولادة خلني اخلص من البلوه الي فيني اول

و نمت بعد معركه طاحنه مع الالم و الالتهاب

و الحين قعدت الصبح و الامور مستقره و شوي خف الانتفاخ بس ما راح كامل يبغي له 3 ايام اداوم على لكريم و الملح و 5 ايام اخذ المضاد

الي صار لي ان الربط فتحوه بصعوبه لان الدكتورة كانت تقول لي من سوا لج الربط مربوط من قلب و تعبت الدكتورة على ما حصلت عنق الرحم و قطعت الخيط طولت نص ساعه و الشغله ما تاخذ ربع ساعه .. اني تعبت و الدكتورة تعبت و اخرشي قطعت الخيط و قصت صبعتها وياه هههههه و كل هذا بدون بنج هلكووووني
و يوم ثاني بدا علي الالتهاب بس ما توقعت يوصل الى هالدرجه !!!

القناعه الي وصلت لها اليوم صباااحاااا

ما ابغي اولد الحين خلني استانس و اعيش حياتي
الاسبوع الي طاف شفت الموت من فتح الربط و هذا الاسبوع الالتهاب

خلااااااااااص ما ابغي اولد ابغي ارتااااح الى شهر 5 بعدين خلني اولد
على شنو مستعجله .. على صياح جاهل او على السهر ؟؟
جذي احلى لا مسؤليه و لا تربيه كاني عزوبيه
و طالما حملت و وصلت التاسع اكيد بولد يعني مقعوله بيظل في بطني اكثر من 9 اشهر حتى لو طاف موعدي
و هالقناعه ريحتني وااااااااااااااااااااااااااجد و انتو يالله اولدو مستعجلين على التعب هههه

ام جهاد

ما تشوفين ش خيتو
وما رحتين الا الى هالدكتورة القصابة ( خخخخخخخخخخ اسميها قصابة لانها تقصب الناس عدل ما قصرت بحملي ببني في زيارتين 100 دينار ولا استفدت منها بعد ) ما تشوفين ما في ضغط عندها من جذي

واني بعد صرت مثلج خيتو صارت عندي قناعة لاني خلاص مليت من الانتظار والترقب فقلت بنتظر موعدي ومسيري بولد وبشوف الالم وووووووووووووو

روز

الف الحمد لله على السلامة
ومشكورة يا قلبي لانج دعيتي النا
وان شاء الله تكون ولادتنا كلنا سهلة وميسرة
والفكرة واجد حلوة منج ان تعطين هدية لزهورة من عند ختها
بس انا ولدي الكبير بيفهم هههههههههههه ومريومه صغيرة ما تدرك بعدهي يعني ما بتفيدني هالفكرة
والصراخ وقت الولادة انا بالولادتين اقلع لهم المستشفى من الصراخ بس اهم شي ارتاح واني اصارخ جان يحسو بالالم الا احسه هههههههههههه

انوث
امس رحت الى التخطيط والحمد لله كان كل شي اوكي ومافيني طلق وقالت لي الممرضة باقي لج اسبوع يعني مو الحين يفكرون يحطون عليج طلق صناعي ان شاء الله ما نحتاجه ولا شي

ويالله انوث باقي لج بس يومين وانتي مافيج شي شكلج بتوصلين للعاشر هههههههههههه

بنات من زمان ما طلو علينا
كلمة وداع
موظي
ام علاوي
ام اسيد
ان شاء الله ولدو وافتكروا ويارب احد يدخل يطمنه عنهم

rose2006;9159760:
تسلمين اختي الغاليه والله الشاهد اني قلت ياربي انك تسهل على كل الي معاي بالتجمع بس انا ماذكرت كل الاسماء لان في بنات مايكتبون وايد فماينطبع الاسم ببالي بس دعيت لكل الي معانا بالتجمع وربي يسهل عليكم يااااااااارب

ربنا يكرمك يا قمر يا رب و يهديلك بناويتك :)

ام النوح

ادري عنها قصابه ما قصرت فيني شهر 6 و 7 الي طاف اخذت تقريبا 400 دينار
و البارحه من الي فيني ما كنت ادري شنو قاعده اسوي و رحت لها
بس خلااااااااااااص توبه اطب عندها حتى الكارت مال الفايل برميه عشان انسى شي اسمه قصابه

كلمة وداع قالتلي ان الدكتورة منعتها من الجلوس امام الكمبيوتر كتير لان ايدها ابتدت تورم و تحس بخدل فيها..يا رب تكون بخيير و ان شاء الله تدخل قريب و نطمن عليها هي و كل البنات و اظن ان ام علاوي بتولد و لا ايه...ربنا يسهل لينا جميعا ان شاء الله...يا بنات انا رحت للدكتورة امبارح و قالتلي ان كله كويس بس المية اللي حوالين البيبي قليلة شوية..و طلبت مني اني ارجعلها السبت اللي جاي...حد يعرف الموضوع ده تاثيره ايه؟

الحمدلله ع السلامة ام جهاد ..

اجر و عافية .. و ان شاء الله ينتهي الالتهاب من صوب و من صوب ثاني تولدين .. و بصراحة احييش على القناعة اللي وصلتي لها .. بس بقولك خخخخ .. بس وصلي للإسبوع ال 38 و ادخلي ال 39 و تالي رجعي قوليه و خل نشوووف !

ام النوح .. الحمدلله انه كل شي اوكي .. و هذا اللي في بطنش بسميه طفل المعجزة ههه تحدى اخوانه و اصر انه يكمل التاسع ياقلبي عليه يحب داخل .. !

و اني مثل ما قلتين بعوووشر .. يلهوي ماتوقعت !!

اني عطوني 3 مواعيد ..

6 /4 ( الدكتورة فوزية كمال ) و طااااااف !


9 / 4 ( الدكتورة فهيمة المطوع ) و هذا اللي قالت لي دكتورة المستشفى اتبعه .. لأنه مضبوط !


12 / 4 هذا آخر واحد .. !



و بنشووووف !

ام النووح و ام جهاد .. تصدقون اني و لا مرة سمعت عن هالدكتورة !!

اسمها جديد علي .. وين تصير عيادتها ؟


سلامات عليها كلمة وداع .. خل ترتاح بس تبشرنا بولادتها .. !

هالدكتورة في مجمع رويان الي في شارع البديع الله لا يحوجش ليها يا انثى

سلام بنات شلونكم

روز حلوة قصة ولادتك و سبحان الله صدق حلم زوزو حبيبتي بس ما قلتي شنو التمارين اللي كنتي تسوينها بشهر الثامن؟؟ و شكرا على الدعوة يا عمري

انثى احس باحساسك حبيبتي لان انا ولدت عمور باخر يوم مسموح اكون فيه حامل يعني اسبوع 42 بس ان شاء الله ما توصليله

ام جهاد ما تشوفين شر الله يعينك و الحين انتوا عندكم الجو حار و قناعتك وايد حلوة نفس القناعة اليوم اجتلي بعد ما رحت للموعد و تقولي القابلة لا تحلمين انك تولدين قبل موعدك لان رحمي مسكر كلش و لاني ولدت عموري ورى موعدي اول شي حسيت باحباط بعدين قلت خليني اعيش كل الشغلات اللي اقدر اسويها الحين مع زوجي و ابني و لا حقة على مسؤلية اثنين

كلمة وداع ما تشوف شر على ايدها

ام النوح باي اسبوع انت ولدتي اولادك؟؟

roslish الله يسهل عليك يا رب حبيبتي

بنات اللي عندهم اكثر من طفل باي عمر الام تحس انه المسؤلية خفت عليها لمن يكونون طفلين؟؟ يعني اي عمر يوصل الطفل الثاني ؟؟

لاني انا الحين احس اني لا اقدر اسافر و لا اطلع و لا اسوي اي شي معاهم اثنينهم انا جربت السفر مع واحد طلع السفرة من خشمي مو بعد اثنين مو صح؟؟

صج بنات ابي اسالكم <<<< يا كثر ما تسالين

كم كيلو زدتوا و شنو نظامكم بالنفاس؟؟

انا سمعت انه فيه ناس تتبخر من تحت شلون و بشنو؟؟

بليز جاوبوني

السلام عليكم بنات

شكرا للي سألوا عني

بس دخلت عشان اطمنكم رحت للدكتورة

وسوت لي سونار قالت وزن الطفلة 2 كيلو و300 جرام

قلت لا حلوة امس كانت كيلو و800 جرام واليوم 2 كيلو 300

قالت مادري يمكن الدكتورة امس غلطانة او انا اللي غلطانة

وبعدها حولتني على قسم الأشعة

عند دكتور شكله خبره ماشاء الله
وعطاني الجواب

الشافي البيبي بخير وعافية والمشيمة سليمة

ووزن الطفلة صغير شوي بس عادي

2 كيلو 267 جرام

بس قال انتي بعدك بنص الثامن

نظرا لحجم البيبي

سكت ولا تكلمت يوم رجعت للدكتورة انفجرت فيها

قلت فهموني كيف ارجع شهر كامل

وانا اخر دورة كانت 22 يوليو

وتاريخ 24 اغسطس سويت فحص الحمل وطلعت حامل

لا تقهروني

قالت على الأرجح ولادتك راح تكون بي 28 من هالشهر الى 9 مايو

تنفست الصعداء

الحمد لله على كل حال

اهم شي انهم طمنوني على البيبي

ماكنت اعرف اني متعلقة فيها لذي الدرجة وبعد ماشفتها

والحين اسمحوا لي باروح العزا بعد شوي

طايرة الحمد لله اهم شي اتطمنتي على البيبي

و انا وياك فرق يومين عن بعض يعني موعد ولادتك صحيح

الله يقومنا بالسلامة كلنا يا رب

جهزت رد طويل عريض
وضاع عشان النت عندي يقطع

السلام عليكم يا بنات

أبشركم :1_3: عندى لكم خبر حلووووووووووووو :up:

الحمدلله أختنا:flower: كلمه وداع:flower: ولدت بالسلامه

الله يطمنا عليها ... ويتمم نفاسها على خير

:9_28::9_28::9_28:

السلام عليكم شخباركم كروشات وشخبار بيباتكم؟؟

خيوو طايرة اشوى الحمدلله الله طمنش عالبيبي وانها بخير سواء انتي الحين في الثامن لو التاسع لو العاشر بعد مو مشكلة حزة الي بيطلع الله بيسهلها حياه الله بأي وقت


مشكوورة اختي ريم الله يبشرك بالخير و الف الف مبرووك والحمدلله على سلامتها اختنا كلمة وداع والفال لنا جميع بولادة ميسرة :)


يلا انثى حاربي على عمرش جان تولدين وين المسهلات عجل ههه يلا جربيهم كلهم


اليوم دخلت الاسبوع ال38 عاد لا في لا عوارض ولا بوادر ولادة متى نشوفها؟؟ يعني لازم عالتاريخ الي عاطينا اياه ولا عادي قبل اني ابي اولد علشان ارتاح من كثر الفلونزا الزكام الي دابحني لان بس امطنشة الولادة وآلامهاااااااااا والله اقول يوم الي بيجيني الالم ديك الحزة بخاف اخوف روحي من الحين ليش خخخ

ريم هانى;9163904:
السلام عليكم يا بنات

أبشركم :1_3: عندى لكم خبر حلووووووووووووو :up:

الحمدلله أختنا:flower: كلمه وداع:flower: ولدت بالسلامه

الله يطمنا عليها ... ويتمم نفاسها على خير

:9_28::9_28::9_28:

الف الف الف مبروووووووووووك يا نهار ابيض!! انا و كلمة وداع مع بعض اصلا كنا في نفس اليوم بس هي سبئتني :)

ام اسيد يالله كتبي مرة ثاانية

كلمة وداع الف الف مبروك و عقبالنا