تجمع الحوامل اللواتي يلدن بشهر نيسان (ابريل 4) 2009

هلا عرايس يالله كل وحدة تدخل تجاوب على هذه الاسئلة عشان نعرف بعض اكثر

كم صارلك متزوجة؟

هذااول طفل اذا لا كم واحد عندك؟؟

كم فرق بين اطفالك؟

حملتي بتخطيط و له لا؟

شنو معانتك بفترة الحمل؟؟

عرفتي جنس البيبي؟

بديتي تجهزين؟؟

شنو باقيلك من التجهيزات؟؟


يالله انتظر اجوبتكم

شلوووووووونكم كرووووشات
ام عماااار القمر انتي سئلتي ولاحطيتي اجوبتج حخحخخخ

كم صارلك متزوجة؟
شهر 2 باذن الله بكمل اربع سنوات

هذااول طفل اذا لا كم واحد عندك؟؟
عندي بنت اسمها زوووزه زهراء كملت 3 سنوات شهر 12

كم فرق بين اطفالك؟
باذن الله راح يكون الفرق بين نوني والبيبي ثلاث سنوات وخمس شهور تقريبا

حملتي بتخطيط و له لا؟
بتخطيط و من غير تخطيط بنفس الوقت

شنو معانتك بفترة الحمل؟؟
بحملي الحالي الحمدالله ماعنيت
عرفتي جنس البيبي؟
بنووووووته والله اعلم

بديتي تجهزين؟؟
يعني كم شغله بس لاني ما اقدر اتحرك احس اني بشه خخخخخ

شنو باقيلك من التجهيزات؟؟
كل شي

شكرا على الاسئله ويارب يتمم علينااا ياااارب

اماراتيه كيوت;8352532:
بنت فرج...~ ليش ولادتج قيصريه...؟
والله يسمع منج

حبيبتي انا ولادتي قيصري عشان الحوض صغير ومن قبل عندي ثلاث قيصري الله يسهل علينا ويتتم لنا على خير ويرزق كل محروم الذريه الصالحه اميييين يارب

كم صارلك متزوجة؟؟
عشر سنين ما شاء الله العمر كله
هذااول طفل اذا لا كم واحد عندك؟؟
لا عندي ولد وبنتين الله يخليهم ويخلي اطفالكم ونشوفهم عرسان امييييييييين يارب

كم فرق بين اطفالك؟
ثلاث سنين بين كل حمل

حملتي بتخطيط و له لا؟
بتخطيط مني الله يتمم على خير ولكل الحوامل ويسهل ولادتنا يارب












شنو معانتك بفترة الحمل؟؟
بحملي الحالي واللي قبله انذار باجهاض وقبل الحمل هذا اجهاضين والحمدلله على كل حال
عرفتي جنس البيبي؟

لسا ولا حسأل خليها مفاجئه ولد اوبنت اللي يجي من الله حياه الله
بديتي تجهزين؟؟
لسا الله يسهل

ايش باقي؟؟
كل شي

شكرا على الاسئله ويارب يتمم علينااا ياااارب

بنت فرج ...~ ربي يسهل علييج ان شالله ...وتولدين بالسلامه^^


كم صارلك متزوجة؟

سنتين وعشر شهور تقريبن

هذااول طفل اذا لا كم واحد عندك؟؟

اول طفل الحمدلله

كم فرق بين اطفالك؟

..
حملتي بتخطيط و له لا؟

كنت اتعالج ...~ والحمدلله حملت طبيعي عقب ما يأست من العلاج ^^

شنو معانتك بفترة الحمل؟؟

الحمدلله ماعانيت واايد..يعني ما كنت احس بلوعه الا نادرا..
لكن يلست اول ثلاث شهور فالبيت .. نصيحة الدكتور

عرفتي جنس البيبي؟

واخيرن..~ عرفت ..بنووته ^^

بديتي تجهزين؟؟

هيه نعم

شنو باقيلك من التجهيزات؟؟

اممم...باقي لي سرير+ سله+ كرسي السياره+ ترولي+ادوات النظافه وطاولة التبديل..
وماجهزت حق عمري شي..~
وان شالله اخلص قريب..^^

وشكرن على الاسئله ربي يسهل عالجميع

السلام عليكم

انا موعد ولادتي ان شاء الله 5-4-2009

[BLINK]هلا كروشات [/BLINK]

شخباركم .. وحشتوني .. امس مادخلت لان كنت وايد بزي .. بس انتو ع بالي ..

فديتكم والله :15:

وهاي ردي على اسئلتج بعد قلبي



كم صارلك متزوجة؟

اذا تبين بالضبط صار لي سنه وشهر واسبوع وست ايام ..:o الله يخلينه لبعض ويسعدنه للابد..


هذااول طفل اذا لا كم واحد عندك؟؟

اي بس لا .. هه

هذي اول بيبي.. بس قبله كنت حامل وفقدت جنيني في الشهر الخامس (( ادعيلي الله يعوضني )) ويفرحني بشوفه البيبي ..

كم فرق بين اطفالك؟

ما عندي الا الي في بطني..

تميت 5 اشهر لين ما حملت بعد الولاده المبكره لان الدكتوره قالت لي .. انتظر3 اشهور واكثر..



حملتي بتخطيط و له لا؟

بصراحه .. يوم من الايام .. بدون تخطيط .. بس التخطيط صار فوري .. قالي زوجي تبين بيبي قلت له ايييييييييييييييي .. وصار الي صار خخخ:o


شنو معانتك بفترة الحمل؟؟

الشهور الاولى:

لوعه ودوخه .. واكره شي الدوخه ..

في الشهور الوسطى :

الم في الظهر والخواصر.. التهاب البول (الله يعزكم) .. التهاب المهبل ( مع افرازات مصاحبه بالدم)

ويالسه اتعالج ..

دعواتكم لي بالشفاء العاجل ..


عرفتي جنس البيبي؟

يس:D


بديتي تجهزين؟؟

يس:)

شريت للبيبي :
-شويه ثياب منها ملابس داخليه بدون كم ..
-فوطه بوقبعه لبعد الاستحمام..
-طقم الحمام للبيبي (البانيو مع ملحقاته وفوطه ومقياس حرار الماء )
-طقم مفرش سرير البيبي .. (مخده/ بطانيه/الحاف/ حواجز /شرشف/شيته)
-حاملة الحفاظات + حامله مستلزمات الطفل <<طقم مع المفرش وطقم الحمام..
-شنطه اصغيره لاغراض البيبي.. كأنها بيق باق..
هاي الي اتذكر بس



شنو باقيلك من التجهيزات؟؟

وااااااايد .. :confused:

-شنطه عنايه( مقراض اظافر/مشط/بروش/مقياس حراره/قطن اذون مال بيبيز)
-طقم العنايه بالنظافه( جونسون )
-فوط صغيره ..
-شويه ثياب..>>ما اشبع من الثياب خخخ:tongue:
-أثاث غرفه البيبي..
-ستارة غرفه البيبي.
-أغراض النفاس مثل المشد الاندونيسي وغيره من الاغراض الصحيه للام..
-طقم النفاس للام والطفل .. يسووونه تفصيل تتكون من 20 الى 25 قطعه.
-شنطة اغراض البيبي.. تناسب لون الترولي..
- الترولي .. الي هو الجاري او عربه الطفل ..
- فوطة روب حقي .. وروب للنوم .. وبيجامات يديده من جم جلابيه ..
-استشوار صالون (( احتاجه ومره وحده لان سريع في التجفيف بوديه معاي المستشفى)) وبشتري البروش الدائري .. علشان بعد ما اتسبح استشوره بسرعه بسرعه ..
-طقم يديد للضيوف للشاي والقهوة وصواني التقديم وكاسات العصير ..

هاي كله بشتري الشهر الياي .. <تبي تفك روحها ..

الصراحه بجهز قد ما اقدر كله وانا بالسابع ..

والثامن بكمل الي ما خلصته .. عشان التاسع انا فري ما عندي تجهيز ..

ان شاء الله ما نسيت شي ..

هاي الي في بالي الحين (i)

.
.
.
.
[BLINK]
أحبكم وايد (a)
[/BLINK]

السلام عليكم
أنا ولادتي 13 /4/2009 وأعاني من كثرة الحكه البطن مع أستعمالي لكريم زبدة الككاو مع ذلك كثرة التشقوقات على بطني

كروووشات انا دخلت الشهر السابع الحمدلله ، ادعو لي بالتيسير .. !


التعب و الآلام كل ما لها تززييييدد ،،

BaSo0m;8364846:
أختي أنثى في سايتات وايد تقدرين تدخلينها وتتأكدين من التاريخ بس مو لاقية واحد الحين أنا اسفة

الله يتمم على كل الحوامل ويسهل عليهم يا رب

بنات شنو أقدر أسوي بالنسبة للزكام والكحة صار لي إسبوع وأنا تعبانة..ملييييييت :(

كلهم يعطوني بداية 4 :D و شكلي بولد نهاية 3 على كيفي خخخ ، لأن ولادتي الاولى كنت مقدمة عن موعدي 15 يوم !


انصحك بالعسل ملعقتين باليوم تنفع للكحة ، و البرتقال للزكام .. ! و بتجربتي ..

أم علااااوي;8366978:
كيف الحال انثى اخبارش ؟؟

ضحكتيني كأنش زوجي يقول لي انتي بتولدي شهر 3 واختي نفس الشي حامل ويااي بس انا سابقتها بأسبوع تقول لا احنا نولد شهر 3 ولما رحت الى دكتورتي قلت لها قالت لا تشككيني وحسبت لي وقالت لي شهر 4 ليش العجله خخخخخخخخخ قلت ليها بصراحه مستعجله بس كل شي بوقته حلو الله يسهل علينا و على الجميع يااااااااارب ....

اهليييين ام علاوي وحشتيني :D

انا الحمدلله ماشي حالي و انتي ؟ !

ايه و الله انا حدي مستعجلة و دخلت السابع و طرت من الفرحة حتى يصير باقي بس شهر للثامن ، و لو اني ميتة من الخوف من الولادة خخخ


الله يسهل علينا جميع !

ام عمار القمر;8368910:
هلا عرايس يالله كل وحدة تدخل تجاوب على هذه الاسئلة عشان نعرف بعض اكثر

كم صارلك متزوجة؟

4 سنوات و 8 شهور و كم يوم :D ماشاء الله ، مثل ما واضح بالتوقيع !

هذااول طفل اذا لا كم واحد عندك؟؟

هذا ثاني طفل ، عندي قبله ولدي السيد صادق ربي يخليهم لي ..


كم فرق بين اطفالك؟


بيكون الفرق بينهم سنتين و نص .


حملتي بتخطيط و له لا؟

ايه ، حملت بتخطيط .


شنو معانتك بفترة الحمل؟؟

وحام مقررررف ، و الحين ألم بالظهر و الخواصر و ثقل من بداية الخامس .. وواجد اشياء (w) ، ربي يسهل ان شاء الله .

عرفتي جنس البيبي؟


نص و نص ، ان شاء الله قريب بتأكد .



بديتي تجهزين؟؟

ايه ، اخذ كله اشياء محايدة .

شنو باقيلك من التجهيزات؟؟


يالله انتظر اجوبتكم

كم صارلك متزوجة؟

10 شهور تقريبا

هذااول طفل اذا لا كم واحد عندك؟؟

الأول الله يحفظه لي يا رب ويخليني أنا وياه حق زوجي ههههه :)


كم فرق بين اطفالك؟


---------------

حملتي بتخطيط و له لا؟

لا والله بدون بس الله كتب إني أحمل أول ما أرجع من شهر العسل


شنو معانتك بفترة الحمل؟؟

أممممم لوعة وتعب على أقل حركة


عرفتي جنس البيبي؟


المفروض ولد والله أعلم

بديتي تجهزين؟؟

شوي بس..اليوم رحت شريت جم شغلة من مذر كير

شنو باقيلك من التجهيزات؟؟

وااااايد بس أهم شي اللستة موجودة وسايت عروس ما يقصر :)

اما عني انشالله بربي بتاريخ 3/4 الله يسهل علي ولادتي او عليكم انشالله

مشكووورة يا أنثى بس قريت اللي كتبتي على طووول كليت لي شوية عسل...تسلمين :)

كم صارلك متزوجة؟؟

شهر 3 اكمل 4 سنوات

هذااول طفل اذا لا كم واحد عندك؟؟
عندي علاوي بس الله يحفظه وهذا الثاني

كم فرق بين اطفالك؟

بيكون 3 سنوات و3 شهور
حملتي بتخطيط و له لا؟

لاااااااااااااا لكن الحمد لله على كل حال
شنو معانتك بفترة الحمل؟؟

بداية الشهور لوعه ودوخه وتعب والحين ثقل والتنفس صار صعب والتعب زاااااااد
عرفتي جنس البيبي؟

اي بأذن الله ولد
بديتي تجهزين؟
كم حاجه تنعد على الاصابع
شنو باقيلك من التجهيزات؟؟
وااااااااااااااااجد لاني مااعتبر اني جهزت بس خلاص ببتدي ان شاء الله ..

كروووشات


كم اسبوع و ادخل الثامن ؟؟

BaSo0m;8376100:
مشكووورة يا أنثى بس قريت اللي كتبتي على طووول كليت لي شوية عسل...تسلمين :)

العفو خيووتي ، و الله يعطيك العافية .

هلا بنات

شلونكم الحين؟؟

بنات ادعولي ترا نفسيتي تعبانه ..

للحين معاي افرازات ..والمحزن في الموضوع انه معاها دم ..

معقوله هالدم من الالتهاب !!

اشلون اصدق الدكتورة ..

شنو تنصحوني اسوي الحين ..

من مساعه اصيح..

افراز مخلوط بدم !!

والله اني خايفه

مس ديووورماعليك شر ان شاء الله .. !


لا تتشائمين و دام الدكتورة قالت لك انه من الالتهاب خلاص ليش توسوسين ؟

تصدقين انا قبل اسبوعين نزل علي دم بني مثل اللي ببداية الدورة و مثل الرائحة بعد ! بس الحمدلله وقف من حاله اهم شي تدعين .. و تتفائلين . !