تجمع الحوامل اللواتي يلدن بشهر نيسان (ابريل 4) 2009

بسوم يتربى بعزك بدور و عقبالنا

روووووووووز والله اني ذكرتك و ذكرت اسمك بالدعاء حبيبتي و مانسيتك

يعطكي الف عافيه يقلبي والله يخليلك عيالك وتفرحين فيهم ويجعلهم من الذريه الصالحه يااارب

BaSo0m;9267859:
أيشركم با بنات :) :) :)

أنا ولدت :) :) :)

الحمدالله ربي من علي بالولادة الطبيعية من يومين ( السبت الساعة 1:40 الفجر)

ويبت بيبي " بدر " :) :) :)

باخبركم بالقصة في أقرب فرصة إنشالله

ألف مبروك للي ولدوا والله يسهل على الباقي إنشالله

الف الف مبرووك خيوو بسوم يتربى بدر الحلوو بعزكم يارب

ولدي عمار اكبر من ولدج بيومين بس ربي يحفظهم :wink:الحمدلله على سلامتنا خيوو وعقبال باقي البنات وربي يرزق المحرومين يارب(f)

ام جهاد ولدت بالسلامة و جابت بنوتة

عقبالنا يا رب

مشكورين يا بنات على الردود والله يبارك فيكم وفي عيالكم يا رب

والله يا بناااااات إنكم وحشتووووني وكنتوا على بالي بالمستشفى بس كنت لاهية بالزوار وما قلت حق أحد يبشركم

خل أقولكم وضعي بالتفصيل.....يلا بسم الله


كل ليلة جمعة إحنة نتجمع مع أهلنا .. انا طبعت بدلت وتكشخت وطلعنا مع أمي وخالتي ( اللي إهية أم زوجي في نفس الوقت لأن زوجي أهوه ولد خالتي ههه ) وبنت خالتي ( اللي إهية إخته )

بس حطيت ريلي في السيارة حسيت بشي مو طبيعي في بطني....لوية ومغص خفيف..يعني شعور مو مريح نوعا ما بس كنت ساكتة لأن ما كنت أعرف شنو أهوه الطلق ومواصفاته !!

رجعنا البيت على الساعة 1 و انا ويهي متغير ومو على بعضي كلللللش...لكن نمت من التعب وانا فيني شوية عوار

لمن كل ساعتين أقوم أحسن بألم وأرد أنام أو ساعات أدش الحمام لكن مافيني شي

الساعة 11 إتصلت على حماتي وقلت لها عن اللي فيني...وصوتي متغيررررر ولا تقولي بسمو تره فيج طلق

رحت وقعدت ريلي ورحنا المستشفى ويات عمته معانه لأنها ماشالله تعرف شلون تساعد الوحده اللي تطلق بقراءة القراّن والأدعية

لما وصلت كان طلقي كل 5 دقايق بس كنت 1 سم فرجعوني البيت عشان ما يتعبوني

هذي كله وأمي وخالتي ما يدرون بشي ههههههه

قعدنا كلنا تغدينا وانا أجاملهم ...بعد ما خلصت رحت الحجرة ولا ينبط علي المااااي وبس قمت انا أرتجف لأن صار وقت الصج ههههههه

غسلت وبدلت وخبرت حماتي....نزلت وقلنا حق أمي وخالتي أنه أنا وزوجي بنروح انتمشى شوي لأن حرام ما نبي نخرعهم وطيراااااااااااااان على المستشفى

وصلت قالوا خلاص لازم يحطوني تحت الملاحظة .. طلقي صار كل 10 دقايق وكنت للحين 1 سم

أغهني إتصل زوجي على أمي وأمه وقالهم صلوا المغرب وتعالوا

وقعدت عمته تقرا القراّن والأدعية ولصقت علي الأدعية اللي تسهل الولادة مثل ماأهوه مذكور في مكارم الأخلاق

المهم صرت شوي شوي ما أدري عن نفسي..أمي وخالتي ردوا البيت وقالوا لهم لين قربت الولادة بيخبرونهم عشان يرجعون

لي الساعة 10:30 تقريبا دخلوني الولادة

أهني عطوني إبرة عشان أريح شوي وبديت أوسع بس بالبطيء

طبعا ألم الطلق شي ما يحتمل...كأنج في دنيا ثانية...بس تقومين تتأوهين من الألم وما تعرفيت شتقولين وتنامين...الطلق يزيد وأنا مو غارفة إشقاعد يصير حوليني..بس كنت أقول باموووووت

واللي يضحك أنه عمة زوجي تقولي قولي يا الله زأنا كنت أصرخ وأقول يااااا عمممممة ههههههه

وما صحيت إلا وأهمة يحطون ريولي على الحدايد و الدكتورة مجابلتني وتقولي أشوف الراس

وأنا في هاللحظة خذيت كل ما فيني من قوة وبووووووووووووش

وتقولي الدكتورة يلا يا بنتي أشوفه أشوفه وأنا بووووووووووووووووووووش

وكل من متجمع حولي وأسوي ذاك البووووووووووووش اللي حشيت بضنااااااي وأهوه طالع مني

الساعة 1:40 الفجر يوم السبت إنولد "بدر"

سبحان اللله شعووور ما مثله شعور....والله يستاهل التعب والعذااااب

رفعته لي الدكتورة وانا بس أقول ماما حبييييبي ماما حبيبي

وناديت زوجي أقوله صوره صوره بليييز صوره ههههههه ههههههه ههههههه

وبسسسس رحت في عالم ثاني

ما صحيت إلا وأنا يمي أمي وخالتي وحماتي وزوجي وأبو زوجي اللي كان طاير من الفرح ..قعدوا عندي للساعة 3 تقريبا وكنت للحين في عالم ثاني

الحمدالله على هذي النعمة...والله الأمومة أحلى إحساس وأدعي من كل قلبي الله يعطي كل محروم يااااا رب

الضنا قطعة منج و تشوفين الدنيا كلها فيه والله يقدرنا على تربيتهم التربية الصالحة بإذن الله

هذي قصتي بإختصار والله يتمم على كل حامل ويخفف عليها ويكتب لها اللي فيه الخير إنشالله

والحمدلله رب العالمين

بسوم الف مبروك

و عقبالنا حمستيني اولد خخخخخخخخخ

كل ما افرى قصة ولاده تخنقني العبره خاصه لما اوصل لجزء طلعة البيبي مدري ليش....؟
الف الحمدالله على سلامتك يابسوم ويتربى بعزكم

طايره يارب تولدبين اليوووم وتكتبين لنا قصتك وانتي مرتاااحه وبيبيك بحظنك

اااااااااااااااااااااااااااااااااااااااممممميييييييييييييييييييييييييييييننننن

يارب الله يسمع منك

روز

اييييي وتصيرين نفسي هئ هئ هئ هئ :( اكتب ردود من موبايلي لان نوني مومخليتني اسوي شي كله تبني اشيلها ومااقدر استخدم الاب توب بعد ماكنت العب بالمنتدى لعب هههه

ام عمار;9276988:
بسوم الف مبروك

و عقبالنا حمستيني اولد خخخخخخخخخ

يلا إنشالله تبشرينا عنج جريب :D

طايره في السماء;9277425:

وووووووووووووواااااااااااااااوووووو

روعة قصتج بسوووووم

يارب اولد اليوم

والله تعبت ماني قادرة امشي خطوتين من الشد

اللي تحت ضهري و بطني

كل يوم اقول اكيد اليوم بولد

وو لا شي

اللهم صبرنا يارب

والله يا طايرة كل ما تحطين الموضوع في بالج بتتعبين زيادة...خليها على الله وربي بيسهل عليج ويجازيج على صبرج إنشالله

rose2006;9277489:
كل ما افرى قصة ولاده تخنقني العبره خاصه لما اوصل لجزء طلعة البيبي مدري ليش....؟
الف الحمدالله على سلامتك يابسوم ويتربى بعزكم

الله يسلمج حبيبتي...والله جزء طلعة البيبي أحلى شي..صاجة..واللي مرت بالتجربة تحس بالعبرة نفس ما قلتي لأنه الصورة ما تغيب عن بالج أبدا :21_207:

والله الواحد لازم على طول يحمد ربه ويدعي أنه يعطي كل محروم بإذن الله :o

مبروك لأم جهااااااد ... وأخيرا إنتهت معاناتها مسكينه و رزقها ربنا بنوتة حلوة على قولتها مثل أبوه ههههه

الله يقومج بالسلامة وترجعين لنا وإنتي بكامل صحتج

اخباركم كروشاات ربي يسهل علي وعليكم
ااااااااااااااااااااااامين .... مافي دعوه حق زهرة
المنتدى اشوف حتى الدعوه بخلتوا علي فيها

زهراا .. الله يسهل عليش يارب و يريحش بالبيبي القمور عقبهالتعب !

بسوووووووم

رووعه قصة الولادة ، الف الحمدلله ع السلامة

حمدالله على سلامتك بسوم ويتربى بدر فى عزك والله احساس رائع بجد ربنا يرزق كل محرومه بالذريه الصالحه تعرفى عمرى ماخفت على حد كده لما بنوتى بتبقى تعبانه او بتعيط بقعد اعيط جامبها