تجمع الحوامل اللواتي يلدن في شهر اذار( مارس 3) 2009

قمر فيه اسماء كثيره بنات

انا من الاسماء اللي كنت راح اسمي منهم

كوثروهذا اللي اخترته-- بنين -- زهراء -- بتول -- نرجس

سوسن -- جود -- ريتاج -- لوجين-- ليان-- لينا-- دارين

روايه -- ياره --ساره

السلام عليكم

كيفكم كروشااااااااااااات

هلا بكروشات شهر مارس
أنا معاكم
عطوني مواعيد للولادة في المستشفى الحكومي 11/3/2009
والمستشفى الخاص 21/3/2009
ودكتورتي إلي كنت أراجع عندها أول ما حملت قالت 7/3/2009
وأنا أعتمدت على الأوسط 11/3 وكل هذي المواعيد لاني مو حامل على الدورة يعني بعد شهرين من الدورة حملت فعلشان جي موقادرين يعرفون كم عمر الجنين بالضبط وعلى حجمة وطولة عطوني هذي المواعيد شفتوا أختكم كيف متبهدله بس لأن إلي في المستشفى الحكومي دكتورة معروفة أنها وايد زينه وتعرف عدل أعتمدت عليها

لأمهات الحلوات شو عن تجهيز البيبيات بديتوا ولا بعدكم أنا عن نفسي والله مخبوصة عدل لأن بكرية وما أعرف لهذي السوالف وايد بس جهزت وباجي بس بدل البيبي وبدل الكشخة للطلعة وأغلب المقاسات من
0-3 و3-6
وعن جريب إن شاء الله بنزل لكم رابط لتجهيزات البيبي

انا بولد في هذا الشهر بس مادري في اي يوم تعرفون حامل التؤام مالها وقت محدد الله يسهل بس

السلام عليكم

بيما انكم نفس الشهر اللي راح نولاد فيه

حب اسالكم عندي الالم شديد اسفل ظهري وبطني من المغراب
ولان بداء يزيد اكثر احس ظهري متفكك وبطني من الاسفل احس من النغزات القويه

فراشه بين الزهور;8385189:
السلام عليكم

بيما انكم نفس الشهر اللي راح نولاد فيه

حب اسالكم عندي الالم شديد اسفل ظهري وبطني من المغراب
ولان بداء يزيد اكثر احس ظهري متفكك وبطني من الاسفل احس من النغزات القويه

سلامتج حبيبتي ماتشوفين شر ان شاء الله

حبيبتي اذا كان هذا حملك الثاني يمكن تميزين اذا بداية ولادة مبكرة لاسامح الله وله لا

واذا هذا حملك الاول راقبي نفسك عدل يعني اذا كانت الالام اسفل البطن مثل االام الدورة بس اقوى تروح وترجع عليك باستمرار يمكن عندك ولادة مبكرة روحي المستشفى حتى تطمئني وطمنينا عليك ماعليك شر ياقمر

سلا;8385053:
انا بولد في هذا الشهر بس مادري في اي يوم تعرفون حامل التؤام مالها وقت محدد الله يسهل بس

حي الله سلا

كيفك وكيف الحمل معاك ان شاء الله بخير

والله تجمع حوامل التوام مايشجع ما في مشاركات متواصلة ما اعرف يمكن مافي بعد حوامل بتوام غيرنا خخخخخخ

الله يسهل على جميع الحوامل ان شاء الله

قمر انا بكريه مدريقبل الم تجي اعراض الدوره

وبعده تصير ازايد من اعراض الدوره

وانا اتحمل الالم كل ربع ساعه يزيد:confused:

يمسيكم / يصبحكم بالخير

فراشة بين الزهور

اقتراحك حبيبتي انا نتجمع في نفس الوقت حلو
لكن ما يناسبني انا مثلاً لاني ادخل النت يوم يكون زوجي بالدوام او
بنتي الله يصلحها نايمة وزوجي دواماته شفتات مو ثابت وبنتي بعد
هم نومها شفتات
في سامي من اللي كتبتيها تعجبني انا بعد
مثل ليـن - ليــان - جــود - ســارة
تدرين اسم كوثر في البداية ما كان يعجبني بعدين يوم تاملته
حسيته حلو كــوثر
الله يسهل عليك وعلينا ويكفينا من كل شر
بالنسبة للالم اللي تحسينه اسفل بطنك وظهرك من المغرب ويبداء يزيد
ويضايقك حتى ما تقدرين ترتاحين لانتي نايمة ولا جالسة
انا عانيت من هاللم في حملي الاول في بنتي من دخلت السابع
بس فترة وعدت والحمد لله روحي المستشفى بس عشان تطمنين وتطمنينا عليك
وماعليك شر.

الغالية قمر بلا نجوم

اي تاريخ ولادتنا قريب من بعض (نشوف من الشاطرة اللي تولد اول :wink:)
وحالك مع زوجك في السامي نفس حالتي مع زوجي الله يصلحه
بس كني حاسته مايل لاسم جــود بس ما يندرى للحين لانه اسم اختي الصغيره
وما ودي افتح على نفسي باب سمت على اختها يسمي على اخته وهالسوالف
بس ربك كريم
ويقولون كل مولود ينولد وينولد اسمه معــه
خليها على ربك

الاخت ســلا
قبل كل شي اسمك حلو و مُلفت
بعدين يا هلا وغلا بيننا
حياك الله وانشاء الله وانشاء الله صحبة خير
اتسلينا بسوالفك وانسليك
الله يسهل عليكم يا امهات التوائم ويقومكم بصحة وعافية وترجعون عرايس من جديد
( الله يهونها علينا وعليكم )

اختي دلوعة بودي
حياك الله ..وبالنسبة لتواريخ الولادة ..
حدث ولا حرج انا اول ما حملت قالوا لي 11/4
وبعد ثلاث شهور مراجعة قالوا لي لا .. 30 /3
بعدين نقصولي يوم صارت 29 /3
وقبل 3 يام رحت اسوي اشعة كتبت الاخصائية 23/3
بس انا حاسه ان 29/3 هي الصح لنها تكررت كثر من خواتها
وحسبت على النت وطلع 29/3 حسب تاريخ الدورة

حبوبة صج ماني فاهمة اشلون مو حامل عالدورة حامل بعد الدورة بشهرين
بس على كل حال الله يقومك بالسلامة يارب
وتفرحين بما جبتي انشاء الله

والتجهيزات ما ادري انا في الطريق اشتريت لي جلابية استقبال فخمة وثلاث عاديات حق المستشفى
والاستقبال في البيت وبيجامة وحدة ومعتمدة على اغراض بنتي الاولى لاني باقي محتفظة بهدايا جتها وهي في الربعين وما احتجت استخدمها وقتها وبستخدمها الحين بس باقي ملاحف ومفارش سرير وغيارات داخلية وكم طقم بالكثير ثلاث اطقم كاملة ناوية اشتريهم جدد ومايكون لونهم زهري لان بنتي الاولى اغراضها كانت كلها زهري ..الين مليت وصرت ادور لها على الوان ثانية
لان اللي اشتريته زهري واللي جاني هدايا بعد زهري

كثّرت عليكم هذره اعذروني بس فاضية وبنتي نايمة قلت فرصة
محبتي لكم
واطيب الدعوات

السلام عليكم

كروشاات

ميلاد هلا فيج مشكوره ريحتيني انا في بدايت السابع كلمت الدكتوره و

قلت طلق كاذب ولان ما باقي شي واكمل السابع وادخل الثامن الم يزيد معي

فراشة بين الزهور
كويس اختي الله يطمن قلبك تطمنتي وطمنتينا
يالله شدي حيلك عاد وبلا دلع :wink:

الله يهون عليك وعلينا

هلا بالكروشات ماشاء الله تبارك الرحمن التجمع إنملى كنت فاكره إنه مافي حوامل وايد في مارس

نصيحه لحوامل التوأم لازم تخلصون أغراضكم على هالشهر ماتدرون في أي لحظه تولدون آنه ماخوفكم بس دايم حوامل التوأم يجدمون على الموعد المتوقع ربي يهون عليكم إن شاء الله

حبيت أسألكم من وين آخذ لي ملابس النفاس رحت أمس كذا محل ماعجبوني البيجامات حسيتهم مو حق نفاس كلش عاديين آنه حابه آخذ شي بسيط وراقي في نفس الوقت بس ما أبي جلابيات آبي بيجامات وقمصان تحت الركبه

آنه من البحرين إذا في بحرينيات يقدرون يساعدوني

وشي ثاني بعد من أمس ماتركني الصداع ألم فضيع حتى لما كنت أصلي وقت السجود أحس عيوني بتفقع من الألم بس مسكت روحي وماخذت بندول حتى الألم قمت أعانده تهقون شنو سبب هالألم ؟ موعدي تاريخ 25 مع دكتورتي ومو حابه أروح لها لأنها وايد تضخم الأمور وراح تكتب لي على 60 تحليل بس عشان الفلوس

:mad:

السلام عليكم كرووشاات

ميلاد الحمد الله بس مو بدري على هذي الالم المفروض

في التاسع مو من الان

مراوي هلا فيج

انا كان عند صداع من فتره

دهنته راسي من امبت الشعر
والحمد الله راح عني

ميـــلاد;8390492:
الغالية قمر بلا نجوم

اي تاريخ ولادتنا قريب من بعض (نشوف من الشاطرة اللي تولد اول :wink:)
وحالك مع زوجك في السامي نفس حالتي مع زوجي الله يصلحه
بس كني حاسته مايل لاسم جــود بس ما يندرى للحين لانه اسم اختي الصغيره
وما ودي افتح على نفسي باب سمت على اختها يسمي على اخته وهالسوالف
بس ربك كريم
ويقولون كل مولود ينولد وينولد اسمه معــه
خليها على ربك

ميلاد حبيبتي

يمكن اني اكون اشطر وبولد قبلك :smile: لان الدكتورة تقول احتمال كبير بولد قبل الموعد

بالنسبة للاسامي اشوف اسم جود واجد حلو واحس صاحبة هذا الاسم تكون شحصية قوية :B_wink:

بس انتي لازم يعجبك الاسم بالاول وما عليك بالناس وحكيهم :wink:

فراشه بين الزهور;8392445:
السلام عليكم كرووشاات

ميلاد الحمد الله بس مو بدري على هذي الالم المفروض

في التاسع مو من الان

مراوي هلا فيج

انا كان عند صداع من فتره

دهنته راسي من امبت الشعر
والحمد الله راح عني

حبيبتي فراشة والله مابيهه شي اذا رحتي للدكتورة مرة ثانية وتطمئني اكثر

حبيبتي اني ماابي اخوفك لان انا مو دكتورة :Dبس احب انتي تطمني وطمنينة عليك

والله يشا فيك (f)