تجمع الحوامل اللواتي يلدن في شهر شباط (2) 2009

ايه اخر يوم .. والله يعيني مايندره اولد قبل ولا بعد

الله يسهل على الجميع يااارب ..

مافي احد ؟..

RED EARTH;8724196:


شاي ايز ....... أحس يوم ولادتج يوم لا ينسى .... وحمد ويهه خير ان شا الله على كل عايتلكم
وبالذات اختج ....... ويوم عرس اختج لاااااااااازم اتسوي حركه فيها حمد .... خخخ
يلا هالله هالله في رضاعته وتربيته والله يعينج على تربيته أحسن تربيه يا رب
وادعيلنا ..... افتكيتي أحسن ....... بس ما اتخيل ان ما شا الله ربيتي ...

هبوب;8725606:
شــــــاي آيــــز ::: ألف مبرووووك ويتربى حمـــــد بعزكم ... وعقبال عندنا لما نولد بخير يارب

اللـــــــهم إننا نسألك حســـــــن الخلق وهون الطلق

راجية الفردوس1427;8726390:
شاي ايز

الف الف مبروك
يتربى في عزكم
وعقبالنا كلنا انا اليوم طلعت امشي وكل شوي رايحة للحمام يمكن كل خمس دقايق حتى الحين اكتب لكم وانا محشورة خخخخخخخخخخخخخخ

الله يهون علينا
بنشوف بكره الدور على مين

ام عبد المحسن;8726476:
الحمدلله على سلامتك ويتربى حمد بعزك

~ غلا الدوحة ~;8727121:
شاي ايز

مبروك قدوم حمد

ويتربى بعزكم ان شالله

المميـزه;8727860:


شاي ايز
الف مبروووووووووووووووك عسوله يتربى بعزكم

قووووووووووووووووووووووووه بنااااااااااااااااااااااااااااااااااااااااااااااااات
انا خلاص شلت فكرة الولاده من راسي ماعاد ابغى اولد
مرهفة الاحساس000000هلا فيك حبيبتي انتي مسك الختام الله يسهلها علينا كلنا

اليوم رحت الدكتوره كل شى الحمدلله بس مافيه بوادر ولاده تقول بعدج الله يعين ويسهل طمنونا عليكم

مرهفة الاحساس
ياهلا فيج حبوبه

زوجة الاصيل
تعجبيني اريح لج شلتي الفكره من بالج الله يعين

ريد ايرث
ايييه الله يعين احس فيكم حبوبه قبل لا اجيب بنتي

دهن العود
الله يسهل عليج حبوبه

توته اتوقع انها ولدت الله يسهل عليها

متابعه

ام عبد المحسن
الله يساعدج حبوبه بصراحه انا يجيني احباااط اذا قالو لي بعدج خخخخخخخ

مساء الخير

ها شلونكم كروشات

من فيكم ولد

مرهفة الاحساس

هلا فيج بينا حياتي

غلا الدوحه
هلا بج حبيبتي مختفيه شخبارج مع الثقل حبوبه


متابعه معاكم

المميزه

انا بخير والثقل خليها على الله

خلاص هانت مابقى شي ونفتك

شاي ايز ،، مبرووك عليكم حمد والله يخليه لكم اياه،، تعرفين اول كم يوم بنتج بتم تنش وياج بس عقب عادي بتتعود وبتم راقده صح شوي تتلعوزين مجابل لهم هم اثنين بس بتتعودين ان شاء الله،، بنتي اول الايام كانت تنش وتيلس ويايه وانا ارضع وابدل وحليلها كانت تنود عدالي تغمضني بس شو اسوي بها اقولها ارقدي ما تطيع كانت متحمسه على الشخص اليديد اللي ياااا بس الحين كله واحد عندها لووول

زوجه الاصيل،، والله احسن لج شو تبين تولدين الحين لووول بعدج الناس مب مستعيله لوووووووووول تحفه انتي

دهن العود،، يالله يا رب ما تربين الا وريلج واقف عند راسج قولوا امين يا حوامل

يا سلااااام على رقاد البطن والله صار لنا زماااان يالله ربن بسرعه علشان ترقدن على بطونكن لووول

لنا عوده بقصه الولاده

مرحبا حوامل

كيفكم مع الثقل .. ؟


اني اليوم جاني شد عضلي في رجايلي وبالأخص اليمين ؟ وكنت نايمة

مادري ليش في احد صار لها مثلي ؟

ريد ايرث والبقيه استلموا لووول


كانت الالام تسير وترد قبل بكم يوم مثل ما انتوا عارفين بس يوم الخميس من نشيت الصبح وانا حاسه انه في شئ كان شكل بطني غير ويتحجر بطريقه غريبه لدرجه انه حتى تنفسي يكون صعب وبدت الالام الصدقيه،، وما شئ اكل من التمر واشرب ماي وفوق هذا كله كنت اكل الزعتر. المهم لين المغرب الالام كانت مب منتظمه سرت امشي ومشيت مشي سريع كنت احس اني اركض واقول في خاطري اليوم يا انا او الكرشه لووول تعبت من الثقل. ورديت البيت وتعشيت ويلست شوي ويا الاهل وعقب دخلت غرفتي ارقد بنتي وجي،، فجاه استوا الركيض على الحمام عزكم الله وتم قلبي يدق بسرعه لوول مب مصدقه وبدا الالم اييني كل ساعه وبعدين كل 20 دقيقه قلت لاااا خلاص ما بدهااااش لازم اتزهب،، اعلنت الطوارئ في البيت وكلهم انصدموا بس يا ريد ايرث انا مثلج ما اخبر حد الين ما تيي اللحظه الحاسمه. سرت المستشفى وكنت 4 سنتي ودوني غرفه ما قبل الولاده وتميت من الساعه 1 لين 4 وعقبها قلت لها خلااااااص ودوني وكنت 7 سنتي ونقلوني غرفه الولاده وهناك عااااد خلااااص وصلت حدي الم يذبح وكنت ابا اخلص باي طريقه والنيرس تقولي خذي الاوكسجين وانا اقولها لاااا ما ابا اخاف اهلوس وتطلع الفضايح لووول دووم الحريم ييلسن يخربطن وعقب يتمون يضحكون عليهم علشان جي كرامتي ما سمحت لي كعكعكعكع صدق متفيجه بس شو اسوي ما اباهم ايودون عليه شئ. المهم عقب استسلمت وخذته بس ما اكنت اشفط وايد واصلا ما حسيت انه سوالي شئ غير عقب ما ربيت ما قدرت ابطل عيوني. المهم وصلنا للحظه البوشينج نزل وطلع الراس شوي وبعدين علق وتميت اترجاهم ساعدوني اسوي بوش بس مب طايع يطلع والله اني هلكت واقولهم يعور ساعدوني باي طريقه وهم يقولون لي بيطلع بس زيدي البوشينج حسيت انه عيوني بتطلع وفي لحظه حسيت اني خلاص ما بخلص وبتم على هالحال،، الين ما ربكم لطف وطلع عبادي بس كان صدق يعور وبعدها حسيت برقاااااد فضيع مب قادره ابطل عيوني. ولادتي الاولى كانت اسهل بوايد مثلج يا شاي ايز وهالمره كان التعب فيها اكثر. الحمدلله على كل حال المهم ان حبيبي عبادي طلع بخير.

وتوته توته خلصت الحدوته ^_^

اندلس هوب
يااااي عشت معج الاحدااث الحمدالله على سلامتج وبعدين تبين تقهريينا على نومة البطن ماباقي شي ونجربها خخخخخخ

رد ايرث
شخبارج حبوبه انا مقرره اليوم ارتب الشقه خخخخخ, اما الشنطه مجهزتها من بداية التاسع خخخخ

مرهفة الاحساس
هلا حبيبتي الثقل متعبني خخخخ بالنسبه للشد يمكن يااااج لأنج نايمه غلط ولا شي ماجاني من قبل بعض الاحيان يجيني قبل النوم...

اهلين كروشات
انا اليوم عندي موعد العصر اذا

رجعت خبرتكم وش صار معي

اندلس هوب :::: وابييه ذكرتيني في ما مضى :sm215::sm215:... ههههه ...... الله يستر .... يالله بنعيد التجربه من أول ويديد :ss:......يلا الحمدلله أهم شي انج افتكيتي ... حلو الشعور انج خلصتي ..... نحن اللي شالين هم .... الله يسهل يا رب ... تعبج عيل عبادي ... يقولون اذا الحرمه بدلت اول شي كان عندها بنت وعقب يابت ولد بتتعب أكثر أو العكس ... بس انا ما أصدق ... كل شي من الله ..... والله يسهل ....

اتخيلو كروشات عندي مقابله للشغل في شهر 2 بس ما حددو اي يوم بالضبط ....... يقولون آخر 2
الله يستر ... كيف بربي وبسير ....... ادعووووووووووولي كروشات الله يوفقني في المقابله:surrender:

أقولكم توته ودهن العود مالهم حس:icon9: ...... ليكون سووها :icon9:؟؟ نبى حد يطمنا عليهم .... نبى نفرح فيهم:21_209:

ان شا الله يا رب افتكو وقامو بالسلامه