تجمع الحوامل اللواتي يلدن في شهر شباط (2) 2009

هايدي
انا احاااول الهي نفسي بس ياااربي هالشهر احسه طويل الله يعين
ويجيب بنتي بالسلامه مشتتتتاااااقه موتتت اشوفها

هلا كروشات شخباركم .. التعب قام ياثر على الكل يالله كل باجره
انا كان عندي موعد امس كل شي اوكي بس الرحم ما فتح و لا شوي هههههه مع انه باقيلي 18 يوم ..الدكتورة تقولي ليش مستعجلة بغيت اطلع عينها ليش منو التعبانة انا و لا هي ..انا من اسبوع قمت ما انام الا ساعات بس و الباقي اتألم ..مدري احس الياهل نازل وايد بعد! الله يعين طمنونا عليكم
اندلس هوب و هايدي ..المميزة..ريد ايرث الله يعافيكم يارب و يقوم الجميع بالسلامة
توني اشوف هند يارب تولدين بالسلامة ما بقالج شي اختي
باقي الحوامل ان شاءالله كلكم بخير الله يسهل عليكم

كروشات انا تعبانه ومافيني نوم مزكمه واكلت بنادول وخايفه ياثر

دهن العود،،، في حساسيه تصيب الحامل وتخوز عقب الولاده بس انتي سوي اللي تقوله الدكتورة وحاولي تدورين في النت معلومات يمكن تفيدج وما تشوفين شر،،

زوجه الاصيل،، مبروووك شدي حيلج عاد

ام عبد المحسن،، مبروك زواج اختج واقولج ان شاء الله ما ياثر البندول بس انا بقولج في دوا فوار كنت اخذه وقت ما زكمت اسمه افرولجن في نسبه بسيطه من البندول تاخذينه مره في اليوم بس لمده يومين

هند،،، اخس عليك يا بت بتعملي ايه لحد دلوقتي لوووول لو انا مكانج جان ركضت علشان اربي الله يسهل عليج

ريد ايرث،، يقولج هاللوعه والاسهال فايح عندنا بسبب تغير الجو سرت البارحه الحوادث وسويت بروفه على يوم الولاده لوووووول وقالت لي الدكتورة ما اقدر اعطيج دوا بس اشربي وايد ماي،، وعاد انتي امشي لا تمين جي انا كنت امشي في الممشى لمده 40 دقيقه بس الحين من البرد ما اروم اطلع فامشي في الحوي،، وعقب ما ايلس احس بالم يعني في تقدم شوي

المميزه،، الشر ما اييج خيتو

شمس حياته،، يوم تقولج الدكتورة جي احباط اييج الله يعينج خيتو

ام عبد المحسن
انشالله مايأثر البندول لاتاخافين حبيبتي بندول اكسترا مب زين اخذي العادي ماتشوفين شر

شمس حياته
الله يعينج ويصبرنا عالمده الباقيع

بنااااااااات وينكم حووااامل نايماااااااااااااااااااات ؟؟

بنااااااات انا اليوم مشيت نصف ساعه

وبعدين رحت السوق ومشيت مااحس باي الم ابي اتألم يارببببببي


بناات من متى صرتون تمشون انا اليوم بس دخلت الاسبوع 37 واتمنى اولد بلاسبوع 38 مابي اتأخر عنه

هلا المميزه عني انا لي اسبوع من بدأت امشي لكن باقي بدري توني دخلت التاسع لي يومين الله يعينني لكن تبين الرأي الجماع)خخخخ( وبعده قعدي ساعه لاتقومين وبتشوفين اربع وعشرين ساعه وانتي والده هههههه
ادري شي محرج ويجيب المغثه في هالايام لكن باذن الله تولدين بالسلامه

السلام عليكم كيف حالكم

مع الثقل الله يعين بس انا بديت بالمشي ومشكلتي الدوخة زايدة علي وقالت لي الدكتورة هبوط في الضغط

الله لايحرمنا الاجر ويهون علينا جميعا

على فكرة اليوم اول يوم لي في التاسع ودي اولد في نصه والله يكتي لنا كل خير

RED EARTH;8553591:
الســـــــــــــلام عليـــــــــــــــــــكم جميعا

كالعاده في الويك اند اختفي عن تتحسبوني ربيت هههههه

سوالفكم حلوه وما تنمل ......

دهن العود ::::::::::اختي ديري بالج على عمرج .... وابصراحه ما عندي فكره عن هالانزيمات ... بس اللي أعرفه ان أخطر شي للحمل والبيبي علاج الجلديه ..... لان أدويتهم قويه .... ان شا الله الله يقومج بالسلامه .... وسيري عالجي الحساسيه لا تهملينها ...

:

مرحبا فيج اختي ريد ايرث.......... الحمدلله انا ما اشتكي من الحساسيه الا في حملي هذا سبحان الله مادري ليش ... كل شي باجره ...
خبرينا عنج ... ماشي تطورات يديده ... أخاف تولدين قبلي هههههههههههههه (حسوده):tongue:

المميـزه;8556073:
رد ايرث
نفس المشكله انا بعد وزني زايد مره الله يعين دايما افكر بوزني انشالله اكيد عندي عزيمه قويه انزله بعد الولاده


دهن العود
حبيبتي لاتسكتين عن نفسج عسوله وطمنينا عليج

مشكوره اختي المميزه ... والحمدلله كل شي اوكي ... وعن الحساسيه هب مشكله متحمله 9 شهور واصبر شوي .... وان شالله بعد الولاده تختفي .......

endless hope;8563041:
دهن العود،،، في حساسيه تصيب الحامل وتخوز عقب الولاده بس انتي سوي اللي تقوله الدكتورة وحاولي تدورين في النت معلومات يمكن تفيدج وما تشوفين شر،،

مشكوره على الرد اختي اندلس هوب .... وفعلا معظم اللي اسالهم قالوا مثل ردج عقب الولاده بتخوز ... وان شالله خير ...

shy_eyes;8563226:

مرحبا كروشات شحالكم ...

دهن العود ,, انا بعد مثلج يتني حساسيه فظيعه يوم كنت في اخر السادس وقالولي لازم اسوي ها التحليل والحمدلله ما طلع فيني شي والدكتوره قالتلي اهتم بترطيب جسمي قد ما اقدر مع اني مب مقصره بها الشي والحمدلله خازت عني يوم دخلت الثامن مع ان الدكتوره قالتلي بتم وياج الين تربين :ss:,,, انتي سوي التحليل وما عليج الا العافيه ...

هلا والله فيج أختي ...

انا سويت التحاليل يوم السبت والحمدلله طلع كل شي اوكي .... وعن ترطيب الجسم والله هب مقصره بس ماشي فايده ... يقولون لما تسبحين تخف الحساسيه .. أنا عندي العكس لما اتسبح تزيد أكثر ... حتى ورق السدر تسبحت فيه وماشي فايده ... بس الحمدلله ع كل حال ... ما باقي شي ...

بنات أنا خلصت اسبوع من التاسع ............. ومافي اي بوادر ......... شكلها هدوء ما قبل العاصفه ... الله يستر ...هههههههههه

بصراحه قبل كنت احس بألم يروح ويرجع يمكن نص ساعه او ربع ساعه ........... الحين مافي اي شي .. بالعكس احسني نشيطه وخفيفه ... ولا على بالي ... الله يستر بس ...

وين البقيه ... احس تجمعنا هادي جدا ....

أمشي وامشي وامشي وامشي وامشي

:) علشان اولد ... وبالاخير الله مقدر له يوم وساعه ينولد فيها :)

الله المستعاااااااااااااااااااااااان .. الثقل مو طبيعي وغير كذاا الترجيع مرررررره زايد عندي
كأني اتوحم ...

صباح الخير ياأحلى كروشات كيف اعرف ان الطفل نزل للحوض وانا عن نفسي ودي اولد ثاني اسبوع بالتاسع
خلاص مليت وجهزت اغراضي بس باقي شنطه المستشفى والنفسيه مش ولابد كله متنرفزه وجهي تغييير
كثييير خشمي يكبر مع بطني هههههه مادري وش العلاقه بينهم خخخخخخخ وانا الحين في اول اسبوع بالتاسع

اليوم كان عندي موعد وكل شئ تمام الحمدلله بس اللي مستغربه منه الاسبوع اللي طاف كنت احس بالم اما الحين ولا كانه في شئ ليكون هذا سكون ما قبل العاصفه يا دهن عوود اناا الحين في الاسبوع 39

ام عبدالمحسن ضحكتيني والله اجل لو تشوفيني خشمي صاير شبر كني )فلبينو( يقولون الهرمونات تلعب دور كبير
اندلس هبوب...حبيبتي مابقي شي خلاص الله يسهل لك إن شاء الله كلها يومين وتلقينك والده بالسلامه بس لاتنسينا ادعي لنا كلنا نولد في يوم واحد عاد تسمعين الصراخ في كل مكان في الخليج ههههههه وتعرفين ان احنا ولدنا والحمد لله والله يسهل للجميع يارب

اندلس هوب شدي حيلك وامشي قد ماتقدري يارب سهل علينا
زوجه الاصيل باي اسبوع الحين وين باقي الكروشات صايرين سلاحف

والله شكله يا اندلس هوب سكون ما قبل العاصفه ......... الله يسهل عليج ان شاء الله وتبشرينا عنج ..............

وعلى سالفة الخشم ...... الحمدلله هب بروحي اشكي من هالحاله واااااااااايد غيري .... بس ابا اعرف ليش الخشم يكبر ....... وسبحان الله اول شي يتلاحظ هو ... كل من يشوفني يقولي خشمج كبر ..... اقولهم لا حووووول شو اسوي اقصه هههههههههه
عاد في بنتي شكثر كبر .... اظن زاد 10 سنتي .......... حشى هب خشم هههههههه ... بس هالمره شوي انتفخ بس بعد تحسين بحراج اذا حد علق عليج وخاصه اخواااااااااااااااااااااااااني هههههههههه ...