فيروس الاسهال والترجيع ..؟؟

دمع الليل 07-01-2009 25 رد 66,038 مشاهدة
د
السلام عليكم ورحمة الله وبركاته

خواتي ساعدوني الله يعطي كل وحدة تساعدني اضعاف اجرها ...

ولدي كتبت قبل عن معاناته ويه الضيجه وبس خلصت منها ابتدت معاناة يديدة ..

بنات البحرين اكيد سمعوا عن الفايروس الي اخر شي صار وانتوا بكرامة الناس هابة ترجيع واسهال قوي

احنا البيت كله صار والدكاترة يقولون ناس وايييييييييد صايدهم .. احنا الكبار يومين ونخف

لكن ولدي كمل اسبوع ونص هوه اسهال وترجيع وكل يوم طبيب.. وكله خاص وحتى الحكومة رحت كلها ادوية ما فادت الاسهال ملعوزه مايتم الاكل 5 دقايق وياريت ياكل كله حليبببب


جربت حتى النشا والجلي والروب والشاي مافادوا وياه ... :confused::confused::confused::confused::confused::confused:

نصحوني الله يخلي لكم عيالكمو شسوووووووووووي وياااااااااااه

اشوه الدكاترة خبروني ما عنده جفاف لاني مداوممة وي الماي كله اعطيه لكن ضعف ووايييييييييد


:confused::confused:
أ
الله يشافيه يارب ..

عطيه فيتامين سي ..

عصير برتقال فرش ..

وخل ياكل برتقال ..

وان شالله يارب يشفي ..
م
انا في بريطانيا وولدي جاه اسهال ورحت فيه المستشفى وقال الدكتور هذا فيرس وبيخف مع الوقت وماااااااااااعطاني ولا دواء ولا شي
قال عطيه كل شي من الاكل لاتحرمينه من شي وفعلا جلست اعطي ولدي الاكل عااااااااااااااادي نفس كل يوم وخف على طول
B
الله يشافيه ان شاء الله مايشوف شر

حتى عندنا بالسعودية منتشر سمعت ان شوربة الجزر زينه وعطيه الماء حق سلق الرز زين بعد

وطبيعي يتم وياه لانه اللي سمعته ان الفايروس يطلع مع الاسهال
m
حبيبتي الله يشافيكم ويشافيلك ابنك
انا من خلال تجربتي مع اولادي ومثل ما ينصحونا الاطباء هون في امريكا لا تعطي الطفل المصاب بالاسهال والمراجعه "حليب "وبس عوضيه بالسوائل والعصائر وحتى السفن اب ممكن يفيد وانا من تجربتي بستخدم مغلي الميرميه كثير مفيد

اتمنى اني اكون افدتك اختي وبالشفاء ان شاء الله
ح
مزيان;8347220:
انا في بريطانيا وولدي جاه اسهال ورحت فيه المستشفى وقال الدكتور هذا فيرس وبيخف مع الوقت وماااااااااااعطاني ولا دواء ولا شي
قال عطيه كل شي من الاكل لاتحرمينه من شي وفعلا جلست اعطي ولدي الاكل عااااااااااااااادي نفس كل يوم وخف على طول




اي واللة انا سمعت انهم هناك مايعطون دواء وبالذات المضادات للاطفال

مو زينا من اول مايتعب رحنا المستشفى وصرفو لنا كيسين ادوية

اهم شى الاهتمام بغذاء الطفل

*
انا كلامي من كلام بلوسمز .. ماي سلق الرز ينفع وايد
ونشا وماي ..

والله يبعد عنه الشر..
د
السلام عليكم ورحمة الله وبركاته

تسلمون خواتي ع تواجدكمم وع دعائكمم له ...

سمعت عن ماي السلق وراح اجربه واشوف كيف ... لان صج صج تعبت ...

تسلمووووووووون وما قصرتوا

في أمان الله
@
هلا اختي
انا ولدي صادة من فترة جذي حسيته بغى يموت تقريبا الاسهال والترجيع تم عشرة ايام مابقى مستشفى خاص ماوديته ولكن مافدوني بالعكس ضرو ولدي عشان الفلوس عطوه ابرة مضاد على مدى يومين وزاد عليه وعطوني شراب مضاد لكن حسبنا الله عليهم كنت اغير ملابسه في اليوم بالسبع مرات والثمان ولكن بعدين قررت اروح السلمانية وقالوا لي ان المضاد اصلن يزيد الاسهال وحطوا عليه سيلان ولكن فاده وعطوني دوه وايد زين لونه ابيض حق الترجيع وقالو لي عليج بالروب لانه زين والسفن اب والاسهال مب مهم لان عشان يطلع منه الفايروس وبعد رد تعب و بعدها بيومين بعد رجعت السلمانية وحطو عليه سيلان وبس بعدين ولدي صار اشوه والفايروس ياخذ وقت على مايروح على الاقل 10 ايام
أ
عصير ليمون مخلوط بنشا
يقولو زين
والله يشفيه
م
الله يشفيه يارب.. والله أحنا بعد هالفايروس ماخلانا بحالنا مع إن كنا بالبيت طوال الأسبوع وماطلعنا أكلنا من برع بس مادري من وين دش لنا.. كان يادوب عبودي مخلص من البوشنيتر جان يبتدي فيه الفيروس ويومين وعطاني إياه ومن كثر الجفاف اللي صابني تنومنت يومين بالمستشفى....

أختي عليج بماء العيش خليه يشربه والبطاطا المهروسة وخففي عليه الحليب عشان مايرجعه والله يشفيه..
د
@عسولة بحرينية@;8356210:
هلا اختي
انا ولدي صادة من فترة جذي حسيته بغى يموت تقريبا الاسهال والترجيع تم عشرة ايام مابقى مستشفى خاص ماوديته ولكن مافدوني بالعكس ضرو ولدي عشان الفلوس عطوه ابرة مضاد على مدى يومين وزاد عليه وعطوني شراب مضاد لكن حسبنا الله عليهم كنت اغير ملابسه في اليوم بالسبع مرات والثمان ولكن بعدين قررت اروح السلمانية وقالوا لي ان المضاد اصلن يزيد الاسهال وحطوا عليه سيلان ولكن فاده وعطوني دوه وايد زين لونه ابيض حق الترجيع وقالو لي عليج بالروب لانه زين والسفن اب والاسهال مب مهم لان عشان يطلع منه الفايروس وبعد رد تعب و بعدها بيومين بعد رجعت السلمانية وحطو عليه سيلان وبس بعدين ولدي صار اشوه والفايروس ياخذ وقت على مايروح على الاقل 10 ايام



والله الغالية جنج تشرحين حالي بالضببببببببببببببببببببط
حتى الماتم السنة ما اروح الا بالليل بس ويدي ع قلبي والبارحة رجع علي يعزج الله و هم سهل بطنه وع طول ركضت البيت ....

خايفة عليه من الجفاف و انذبح على عمري من السيلانات وانا شكيت من المضادات لان انا ما اشدهم فقلت اكيد هوه مثلي

المشكلة متيمعة عليه من كل صوب هو سخونة وزكام وترجيع واسهال و ضيقة .. وانا بس عندي الدموع والدعاء .. :confused: وما خليت مستشفى ما رحته ...

المشكلة يوم اوديه حكومة عطوني له بس بندول + الاملاح ما عطوني شي ثاني ولا سيلانات ولا شي ...


الله يخفف عنه لان اليوم تقريبا كمل 12 يوم من ياه الاسهال .... ان شاء الله يوقف عنه


في أمان الله
د
رانيا البحرينية;8357975:
الله يشفيه يارب.. والله أحنا بعد هالفايروس ماخلانا بحالنا مع إن كنا بالبيت طوال الأسبوع وماطلعنا أكلنا من برع بس مادري من وين دش لنا.. كان يادوب عبودي مخلص من البوشنيتر جان يبتدي فيه الفيروس ويومين وعطاني إياه ومن كثر الجفاف اللي صابني تنومنت يومين بالمستشفى....

أختي عليج بماء العيش خليه يشربه والبطاطا المهروسة وخففي عليه الحليب عشان مايرجعه والله يشفيه..



السلام عليكم ورحمة الله وبركاته

ما عليييييييييج شر يا الغالية وحتى ولدج ما عليه شر

انا نفس الشي من صاده صادني والمشكلة ما نطلع لكن كان عندنا عزيمة ذاك اليوم وكل الي كانوا بالعزيمة مرضوا بيت ابوي كلهم لكن درجات وخفيف لانهم كبار الا ولدي وعليه مب راضي يخف عنه ....

بجرب شورج وهداية الله البطاطا و ماي العيش .... وان شاء الله يا رب فيهم الشفاء له

في أمان الله
د
أم عزوز001;8356803:
عصير ليمون مخلوط بنشا
يقولو زين
والله يشفيه


السلام عليكم ورحمة الله وبركاته

اشكرج حبيبتي ع النصيحة ... انا احين راح اجرب ماي العيش او الرز لان اكثر شي خبروني عنه واذا ما فاد راح اخذ بنصيحتج لاني جربت له النشا وما فاده
تسلمين ع الدعوة الحلوة

في أمان الله
!
الله يشافيه و يعافيه .. فعلا الفايروس منتشر .. من كم ليلة رحت العسكري الا الاطفال كلهم ترجيع هناك .. و ظليت خااايفة على ولدي لأنه مرتين يصيده و اتعذب وياه .. !


بقولك .. هذا الفيروس ياخذ وقته بالجسم و يطلع من حاله ، بس فيه اشياء بتخفف عليه ان شاء الله ، ولدي نفعت معاه تحميلات الخاصة بالترجيع .. صار ما يرجع ابدا بس الاسهال المقرف مسكين صار ضعيف اتذكر ، و اهم شي تستخديمن الاملاح بانتظام حتى ما يصيده جفاف .. !


و ماعليه شر ..
d
اختي الكريمه انا عيالي يتهم هالحاله في تحاميل للترجيع وبخصوص الاسهال كثري من السوائل سفن اب وفي عصير تحصلينه الصيدليه اختي الزكام جربي دوا اسمه فلوكت شراب وايد اوكي وفي نسبه باراسيتومل خافض للحراره واتنى اكون افدتج والسموحه الغاليه اسأل الله العظيم رب العرش العظيم ان يشفيه ولدج
z
السلام عليكم اختى العزيزة الاسهال اللى عند ابنك دة سببه فيروس يطلق عليه >روتا فيروس<ودة بيصيب اطفال كتير للاسف وبياخد شوية وقت وبيروح بس انا سمعت ان له تطعيم بياخده الطفل لكن قبل ما يتم ست اشهر انا عرفت كدة بس للاسف متأخر ما نفعش اطعم ابنى اسألى الطبيب عن التطعيم دة لأن انا ما اعرفش عندكوا فالبحرين موجود ولا لا بساهم شئ السوايل لإبنك وجربى ماءالارز وماء الغلة وربنا يشفيه ويعافيه ويحمى ابنى وكل اولاد المسلمين آميين
د
السلام عليكم ورحمة الله وبركاته

تسلمون خواتي ع توصياتكم ودعائكم واشكر كل وحدة نصحتني بماي السلق اشكرها من كل قلبي ولكم دعوة خالصة من القلب

الحمد لله جربته له و ع طول و قف عنده الاسهال ولله الحمد ..... واحين رجع وضعه طبيعي .....

صج صج الي يصيد ولدها تجرب ماي السلق زي ما قالوا خواتي والله انه يفيييييييييييييييييييييييييييييييييييييييييييييييييييييييييييييييييييييييييد


في أمان الله
ا
الله يشافيه ويعافيه يارب
ع
انا نجودة صادها اليوم والله يستر

نامت بدون ما اعطيها حليب لاني خفت اعطيها وترجعه
X