إبني ياذابحني يا ذابحته

ام النتفه 07-01-2009 18 رد 2,071 مشاهدة
ا
السلام عليكم ورحمة الله أخواتي
أنا عندي طفل تعبني حيييييييل عمره سنة وسبعة شهور عنيييييييييييييد وبكااااااي وزنااااااااان ومشااااااااااااااغب والله العظيم شي ماتتخيلونه من عمره عشره شهور ألاقيه فوق التسريحه وأول كلمه قالها كلمة "لا" على الرغم من إني ماني مدلعته وأخليه يبكي لييييييييين يشبع لكن يجلس يستمر في البكاء أحيانا ساعة ونصف ومرة 3 ساعات ولاتعب وصوته صار فيه بحه من كثر البكاء غير مزاجه الصعب وحبه للخرااااااااااااب الغير طبيعي أبغا حل للتعامل معاه تكفون ماراح أنساكم من الدعاء والله العظيم أعيش معاناه حتى إذا رحت لناس تلقونه مبهذنلي بالبكاء ساعة وبالطلبات اللي تقهر ساعة وبالمشاغبة وساعة هذا غير مايستانس إذا شافني أسوي شغله مايبيني أسوي شي ولا يبيني أنام وما صرت أقدر أسوي شغلي بالبيت وبيتي حوسة على الرغم من إني مسكرة كل البيت وعايش بالصالة وغرفته والله يعيني على هاالطفل يارب..ويصلحه أبي حلول وخبرات تربوية من ناس مختصه لإني أعيش عذاااب وكل الناس تقولي الله يعنك أول مرةنشوف طفل كذا ..
ي
ههههههههههههههههههههه اول شي اسمك يفطس من الضحك يام النتفه

طيب نجي للجد اللحين

حبيبتي عاقبيه ان سوى شي خطى عاقبيه طنشيه لاتردين عليه اذ طلب شي لحد مايطيح الا براااسه خوفيه بالففل والا بالكبريت
الله يعينك توك ماشفتي شي خلي يجيله سنتين وشوي يطلع الشيب براسك مادري ليش كذا العيال عكس البنات
ا
يعطيك العفية أختي دروب طويلة ومشكوره على مرورك
تراه منتف حيييييييييييل لاياكل ولايشرب بس ياكل فيني وأحسه مايفهم أسلوب العقاب كلش..
ي
لا بالعكس والله يفهم انتي بس جربي وشوفي وربي يهديه ويصلحه
ا
حطي له العاب فك وتركيب وتلوين وخليه يدخل معاج المطبخ اذا جلستي تطبخين حطيه في الكرسي المخصص حقه وعطيه صحن فيه ماي وطحين وخليه يعجن ويلعب وبيسكت وانتي لا تردي عليه كلمه وحده وخلاص وسوي له مساج كثير .. عيالي وقت النوم يجيبو الكريم ويتبطحون وماما سوي لنا مسااااااااااااااااااااج :) ترى يهدون لا تاخذين الامور بعصبيه ترى بتتعبين لي جدام اهم شي الالعاب الهادفه التركيب والفك والي تصدر اصوات والعبي معاه كل يوم شوي .. وجربي ان شاء الله يتغير ..
ا
شوفي هذا الموضوع لام عزوز http://www.3roos.com/forums/t414446.html

ان شاء الله تفيدك :)
B
تدريين ولدك عنده طاقه كبيييرة ولازم يفرغها يعني محتاج مكان كبير مثل الحديقة او الكورنيش تخلينه يلعب

في المراجيح او يلعب كرة لين يتعب وشكلك ساكنة بشقة او بيت صغير عشان كذا ماعنده مكان يلعب غير في الحوس والتخرييب ههههههههههه انا اتكلم لك من تجربة

يعني ماباقول يوميا على الاقل مرتين الى 3 مرات في الاسبوع تطلعونه

وطبعا الزنة والبكا من الملل وانتي اهم شي لاتصارخين عليه ولاتنسين انه لساته صغير

الله يهديه ويخليه لك
ح
الله يسعدك وربي ضحكنى اسمك حيل

واتخيلت شكل ولدك وربي ههههههه

وعنوانك كمان اضحكنى

اما حكاية طفلك وشقاوتة

انا اشوف انك تبعدن ابدا عن الضرب او الصراخ بشدة

لانة هالشى يؤثر بالطفل على المدى البعيد

افضل حل لهانوعية من الاطفال انك تشغلية باى شى

بالالعاب بالمكعبات بالصور او حتى بافلام كرتون

ممكن هو بيجذب انتباهك واهتمامك عشان كذا لازم

توفرين لة وقت خاص فية بالعب معاة وواضحاكه

واذا ماتغير واستمر على الى هو علية

عاقبية بس باسلوب

يعنى قولى لة انا مخاصمتك واذا اضطريتى لربطة بالحبل لكن مو بقوة

عشان يجلس بمكانة وقولى لة ماافكك الا لمن تسمع الكلام وتسير مؤدب

ومع الاستمرار عل ىهالاشياء صدقينى بيتغير

بس انتى طولى بالك

وان شاء اللة ربي يهدية ويعقلة




و
:no:
أوووووووووووووووووووووه والله العيال يبي لهم طولة بااااااااااااااااااااااااااااااال
وقلب من حديد وتوسعين صدرك ليما يتشقق وبرضو توسعين فيه
بس هذا عيالنا شنسوي
حبيبتي ربي يعينك على ولدك ويهديه ويصلحه
أنا مرة قريت إن الطفل كل ماسوى شي وقلنا له لا يسوي العكس ويعيد الكرة
حاول تطنشين شوي يعني إذا شاغب طنشي ليما أقصى حد <<<<<مو يكسر البيت يعني خخخخخخ
وإذا زن أو بغى شي وإنتي مو راضية لاتستسلمين بسرعة وتعطينه من أول صيحة بعدين بيفهم إن الصياح هي وسيلة لمنال المراد
والبكاء مايضر الطفل خله يبكي <<<<صج إزعاج
بس شغلي نفسك بشي إذا بكى ومن نفسه بيسكت
أتمنى أكون أفدتك حبيبتي وماطولت عليك
د
حبيبتي حاولي تقرأي عليه سورة البقره وخلي في نيتك هذي القراءه عشان الله يهديه
بكره بيكبر ويعجبك
وانت صغيره اكيد سويتي أكثر منه:D
ا
ياشيخه اذكري الله على ولدك سمي عليه ولا تفطنيين الناس على حركته هذا طبيعي في كل الاطفال لا تكبيرنها شيلي عينك عنه وهو بيعقل او جيبي الثاني وراح تنشغلين عنه
W
جوفيه جربي طريقة السوبر ناني
حطي له مثلا كرسي او سجاده صغيره
اذا سوا أي خطأ تحطينه بهالمكان
خليه يصيح لين مايتعب واذا نزل من الكرسي او قام من السجاده ردي رجعيه
اهوا بيتعب وبيقعد
وخليه على السجاده مثلا لو عمره 5 سنوات خليه خمس دقايق
واذا خلصت هال5 دقايق قبل لاتخلينه يقوم فهميه شنو الغلط اللي سواه وخليه يقولج آسفه
ترى هالطريقة نفعت مع بنات خالتي الصغار مثل ولدج كانوا بالظبط الحين وايد احسن

وفي طريقة ثانيه ممكن تسوين جدول تشجعين ولدج اليوم انه مايغلط اليوم اللي مايشاغب تحطين له نجمه واليوم اللي سوه شئ خطأ شيلي النجمه لين يكتمل الجدول نجوم عطيه هديه رمزيه

ترى والله في وايد طرق حلوه تكسبين فيها الياهل بس ابتعدي عن الظرب ترى يأثر على الياهل وايد

وانا مو محتاجه الا منج دعوه عن ظهر قلب بأن الله يرزفني الزوج الصالح
أ
الله يحفظ لج ولدج ويجعله من الذرية الصالحة قولي أمييييييين ... عزيزتي ولدج وايد صغير أكيد ماراح يفهم إسلوب العقاب ... بعدين وضعه جدا طبيعي بالذات بهذا السن الطفل يبدأ يستكشف العالم من حوله وهذا أكيد بيكون عن طريق التخريب أو اللعب ... بعض الأطفال عندهم طاقة كبيره وهذا شيء صحي ونفس ماقالت وحدة من الخوات طلعوه الحديقة يركض ويلعب صدقيني بيرجع البيت حيله مهدود وعلى طول بينام... انا ولدي كان جذي بس الحين خف وكان أحسن شيء يخفف من حركته الزايدة االركض في الحديقة أو لما يلعب بالسيارة مالته في الحوش...ولا تقولين عيال الناس هادين وولدي غير نفس ماقلت لج في بعض الأطفال طاقتهم زايدة ويبيلها تفريغ... عقبال مايكبر ويعقل إن شاء الله وطمنينا عليكم :)
م
الله يساعدك والله حاسه فيك و في اللي تعانينه لان ولدي يجنني مرات

بعلمك عن بعض الشغلات اللي اطبقها عليه و شوي غيرت منه

1. اذا صاح على شي من غير داعي ولا كاني اسمعه يزيد في الصياح بعد احقره ولا كلمة ولا حتى نظره ليييين يسكت شوي او يخف صياحه

2. بعد مايخف الصياح انزل لعنده و ارفع راسه بحيث انه يشوفني وانا اكلمه يعني لاتكلمينه و هو داير عنك خل عينك بعينه و فهميه ان اللي يبيه مايصير مثلا " محمد الكبريت مانقدر نلعب فيه لان يحرق يدنا و تعورنا"
بدون ماتستخدمين كلمه لا .. شكله وايد يسمعها منك من جذي حفظها

3. شاركيه بالشغل اللي تسوينه يعني لو قعدتي تطبخين نزلي له صحن بلاستك و حطي له اكل ما يوسخ يعني انا احط لولدي مثلا برتقالات ولا تفاح يخلط فيهم داخل قدر

4. لا للعصبيه ((( احاول قد ما اقدر بس ساعات تفلت الاعصاب ))) لان كل ما عصبتي و عاندتي الياهل بيصير اعند منك وماراح يتنازل
مثلا اقول حق ولدي اذا نثر العابه في الصاله بدون صراخ و بدون تهديد " محمد تبيني العب معاك؟ طبعا الجواب اي, اول تشيل الالعاب و ترجعهم مكانهم بعدين اروح العب معاك"

5. المساعده, علميه انه قعد يساعدك و قولي له شكرا على المساعده , الحين ولدي كل شي قالي يبي يساعدني يسوى ولا ما يسوى خخخخخخخخخخخخخخ

6. شاركيه بالألعاب وااايد يستانس الياهل لمن امه ولا ابوه يلعب معاه , انا شاريه حق ولدي الوان حق الوجه نلون فيها بدفتر لانها تطلع الوان قويه و حلوه و ممكن الوان عاديه بالاضافه الى العاب تركيب و سيارات
خصصي ساعه من الوقت تلعبين معاه

المكافأة اذا سوا شغله زينه مثلا اذا استجاب لك في شغله طلبتيها منه كافئيه مو شرط هديه تشترينها ممكن حتى بوسه كبيرة و تقولين له ماما انا احبك واااايد واااايد لانك سويت كذا و كذا

و اذا جا ابوه تقولين له بصوت كله فرح (( عشان هو يتحمس)): اليوم محمد نظف الغرفه و شال الاغراض كلها حطها بالسله

طبعا الأب بيقول : صج !!!! محمد سوا جذي !!!! ماشاء الله ولدي شاطر بوديه باجر الالعاب <<<< ينقال له مستغرب يعني بس كلها تمثيليه متفقين عليها و يستانس عليها الولد


هذي بعض الامور اللي اطبقها مع ولدي من خلال دروس اللي اقراها و من خلال برامج سوبر ناني و من خلال الفطرة كأم

بس انتبهي ... ايك ثم اياك تخوفينه من شي صح انه بيخاف و بيهون عن الفعل اللي بيسويه لكن عواقب التخويف تستمر مع الطفل لين يكبر .. تلقينه طفل شخصيته ضعيفه ما يقدر يسوي شي بروحه ما يختلط مع الناس بسهولة
ح
مافي شك ان احلى شي بالكون هو طفلك اوطفلتك او وجود طفل في البيت يعطي للمنزل نكهة شقاوة وبراءة ..

ومافي شك ايضا ان الطفل اللي بتربيه عزيزتي الام او عزيزي الاب هو فرد في المجتمع غدا هو الدكتور والمهندس والعسكري والمدرس والباحث والبائع والاب وصانع الاجيال فيما بعد..

فحتى تظهروا ابناءكم في احسن حلة لابد من فهم نفسياتهم وصقل شخصياتهم كما يجب..

قالت مرة دكتورتي الغالية عليا جدا حنان عطاالله دكتوراه في الارشاد الاسري ومحاضرة في جامعة الملك سعود عبارة خطت لي في بحر المعاني مرسى رائع..

وهي اطفالنا مثل الصفحات البيضاء نشكلها ونرسمها كما نريد عن طريق تربيتنا وانعكاس شخصيتنا في التعامل معهم..

تمعنوا في هذه العبارة .. جدا مفيدة ..

اعزائي اليوم انا راح اعطيكم بعض الاستراتيجيات السهلة اللي قد تخفى علينا اثناء معاملتنا مع الاطفال ..

استراتيجيات تسهل الدخول لسيكلوجية ( نفسية الطفل ) باسهل الطرق

واصعب مشكلة تواجهها الامهات في التعامل مع الاطفال وكثير من الامهات بيلجأوا ليا لاخذ النصيحة ان ابني يرفضني ومايسمع كلامي ايش اعمل معاه..

انا بكل ايجابية اقولها عبارة واطلب منها التركيز في كل كلمة منها ..


ان الطفل الذي يغلق اذنيه في العادة عن كل مالايرغب في سماعه وهذا يعني انه كلما كان حديثك مشوق كلما زادت فرصتك في ان يلتفت ابنك للشي الذي تريدين قوله..


لنتمعن في طريقة معاملتنا مع الطفل والعمل على التمكن من الوصول الى السلوك الذي نرغب فيه بدون ان نظطر لابداء الرفض في كل مرة فهذه وسيلة رائعه لتوجيه سلوك الطفل..

مثال .. اليكم بعض الافكار..

لنبدأ.. :a9:

1/ بعض الاطفال تجيهم حالة بس يصرخوا كذا عناد يبغى يصرخ وبدون سبب مما يؤدي الى ازعاج اهل البيت في هالحالة اش حتكون ردة الفعل ؟؟

اغلب الاهالي بيستخدموا طريقة ( اسكت .. لاتصرخ .. ترى اذا صرخت حضربك.. جننتني .. ) طبعا كذا غلط .. :a10:

الطريقة الصحيحة ( حبيبي ياريت تتحدث بصوتك الطبيعي ممكن ) :a1:

عبارة دايما برددها للامهات الطفل العنيد ماينفع ان تقابليه بالعناد بل بالتفاهم ومو بس الاطفال جميع الاعمار العناد على عناد زي البانزين على النار..

2/ بعض الاطفال يحبوا يلعبوا بالكورة في البيت ويكسروا الاثاث ..

الطريقة الغلط في التوجيه ( لاتلعب .. وقف خلاص .. مافي لعب كورة في البيت كسرت الدنيا ..) غلط :a10:

الطريقة الصح ( يابابا خذ الكورة لوسمحت والعب فيها في الحوش ) :a1:

الخلاصة اعزائي انه لاتكثر من كلمة لا مع الطفل احرص على التعامل معه بطريقة ايجابية منها انها تجنبك المواجهة المباشرة الخاصة بالسلوك وتتيح للطفل قدرا من الاختيار الي يولد له الثقة في النفس بعد كذا

استخدم نعم قدر المستطاع


همسة مني :a2:

لاتنسوا روح الدعابة مع الطفل فهي اجمل مافي الدنيا ..

اختلقوا لهم الالعاب الابتكارية وصدقوني انتم من راح يستمتع فيها اكثر منهم :a2:
ف
الله يحفظ ولدج ويعنيج عليه

والنبات مقصرو معج اهم شي ما تعصبين عليه كثير

وحولي تشغليه في اللعاب

الله يهديه
o
الله يهديه اقراءى علية ورة البقرة كل يوم
وشغلى قرءن فى بيتك
خليه يسمع القرءان وديما كلميه ولا تطنشيه اسمعى له كويس
ن
Blossoms;8347381:
تدريين ولدك عنده طاقه كبيييرة ولازم يفرغها يعني محتاج مكان كبير مثل الحديقة او الكورنيش تخلينه يلعب

في المراجيح او يلعب كرة لين يتعب وشكلك ساكنة بشقة او بيت صغير عشان كذا ماعنده مكان يلعب غير في الحوس والتخرييب ههههههههههه انا اتكلم لك من تجربة

يعني ماباقول يوميا على الاقل مرتين الى 3 مرات في الاسبوع تطلعونه

وطبعا الزنة والبكا من الملل وانتي اهم شي لاتصارخين عليه ولاتنسين انه لساته صغير

الله يهديه ويخليه لك



حبيتي طبعا اني من رايك
اني بنتي نفس الشي عمرها 22 شهر وطبعا شالعه كلبي من ابنج
واني اقره موضوعج طاح ع جبدي ماي بارد لان نفس موضوعي ردت اكتبه
&
هلا اختي

ربي يعينك على تربيه هالولد
شوفي انا بقولك شغله طيب

الصراخ \ الضرب عمره ما نفع مع الطفل

ولدك فيه طاقه مو طبيعيه ما شاء الله عليه
اذا في هالسن عقله منفتح
اشك انه بيكون ذكي اذا كبر

اشتري له حاجات تقوية ذكاء
ولا حاجات يسد طاقته فيها
يلعب ويلعب لين يهلك وينام لحاله

كل يومين بالاسبوع فسحيه وطلعيه
وديه الكورنيش ولا الحدايق

لا جا وقت ما سمع كلامه نبهيه
قولي له ان ما سويت هالشي
ما راح نروح الكورنيش
او ما راح اعطيك الشي اللي تحبه
وربي يسهل امورك ان شاء الله
X