بًٍِموًٍُت مٍن الًٍِقهٍر مدٍٍريُُُُ وًٍٍِش اٍٍسويًٍِ؟؟؟؟

ربي يتم الزواج بأسرع وقت

الرجل مايمنعه شي من العرس اذا كان يحب خطيبته حتى لوكانت التكاليف كبيره ومن اللي فهمته انه مبيت النيه مايصير العرس الا بعد 3 سنوات وش دراه ان حالته المادية بتتحسن قبل او بعد هذا الوقت
انتي الان طالبوه بمصروفك خلاص انتي زوجته ولا تقولو له يالله نبغى تستعجل العرس خلوها منه احسن انتو بس الحين دلعتوه جدا
وتقبلي احترامي ولاتزعلين من صراحتي

عسى الله يوفق كل وحدة منكم

ويجزاها الجنة

حبيبتي مادام الملكة خلصت يعني هو زوجك وانتي حلال عليه...يعني بإمكانك تعيشي معه...مافي داعي لحفلة كبيرة اذا هو مب قادر حتى لو بين الأهل بس و خلاص!

اهو ماهم حفلة الزواج بس

اهو مايبي يسوي الزواج الحين

يقول مافيها شي لو انتظرنا 3 سنين

ماراح تنقلب الدنيا وانا ماعاد اتحمله

اهو مايفكر الا في اهله

وانا بس معلقني كذا

ياقلبي الله يهديلك زوجك , اما مسالة انك تجلسين كم سنه لحد الرجال مايصير معاه فلوس هذي مالها داعي , والرجال لازم يبسط الامور مو يعقدها , يعني ماله داعي يقول انا ماعندي فلوس وانا ماقدر اتزوج الان هذا كله ماله داعي الله يهديك لك ياااااااااااااار ويسخره ويصلح احواله ,,,,,,,,

انت كلمي امك تكلم ابوك , مو لازم التعقيد الحمد لله الزواج يسر , ومن كان مع الله كان الله معه , انت هونيها عليه , لاتكلمينه وانت متضايقه اضحكي معي , قوليله ياقلبي تعقيد الامور ماله داعي , انت ابدا بتضبيط امورك شوي شوي , خذ شقه عاديه واثاث عادي مو لازم البيت كله يتأثث , ومو لازم الفرح يتكلف فيه , انت يسرها وان شاء الله تيسر , وربي بيساعدك , انت انوي والله غير ييسر لك امورك . .........


الله يخليكم لبعض وييسر لك امورك ياالغلا

الله يوفقكم على الردود

اللي فعلا ريحتني كثير

جزاكم الله الف خير

الله يفرجها عليكم و ان شاءالله تتيسر اموركم ، حبيبتي اذا ظروفه ماتسمح له يسوي عرس خلاص سوو حفله على الضيج يعني بس هلج و هله عائليه احسن لكم لان مو حلوه تطول فترة الملجه اكثر من سنه و مو كل شي نبيه يصير بس هاي حال الدنيا ساعات الظروف اقوى منه

الله يفرج همك و ييسر أمورك يارب يا كريم

دمتي بخير

ربي يفرج همك يالغالية
طيب اختي كيف يتقدم وهو مو قادر يتزوج...
نصيحة مني لك استخيري...

الله يكتبلك اللي فيه الخير

لازم يحط حد حق هالموضوع ، المفروض أبوج أو أخوانج يبدون بالكلام ، مو معقولة بنت مالكة من سنتين وراح تقعد زيادة 3 سنوات على شنو على زواج ، يوم إنه مو قد الزواج لا يملك البنت ويعلقها !!!!!

خلال هذي الفترة جان خاطبها أكثر من واحد ومتزوجة ومعيلة بعد ومو ملزومة تنطر أكثر جذيه ، فاتحيه بالموضوع وإذا قال الدنيا ماراح تطير قولي له آنا أكبر بالسن إذا انت مو قاعد تكبر ولا هامك آنا ماني مجبرة على هالحياة !!!!وكوني حازمة بالكلام وياه .............

ياعمري وربي حاسه فيكي
بس الغلط منكم .. مبكتي والزواج لسه مو متحدد
الافضل بعد مايتحدد الزواج تملكي :(
لازم تكلمي الكبار يشوفو حل

جزاكم الله الجنة على ردودكم

عسى الله يوفقك كل وحدة منكم

ويرزقها من حيث لاتحتسب

ربى يوفقك لما يحب ويرضى وصلى صلاة استخارة ولازم الكبار يتدخلوا لانى خايفة يكون قال لك 3سنوات عشان انتى اللى تطلبى الطلاق

حبوبه اهلج ماسألوهم متى الزواج وماحدتو معاهم شئ

انا استغرب يوم انه اشوفون الملكه مثل الزواج الغاليه لا تكلمين ريلج إلا بعد الزواااااااااج ولا بيمل شوه بتخلين حق بعد العرس؟؟؟
خليه يتوله عصوتج وشوفج احرميه منج ولا تراوينه ويهج ونصيحه غيري رقمج عشان مايعورج قلبج وتردين عليه!!!!
وخلي الرياييل يتفاهمون احمدي ربج عندج رياييل مساندينج وبعدين هوه مابيخذج لعبه لو عنده فلوس هاييج الساع يتقدم ويخطب ولا مايعلقج جيه انا اعرف وحده من قرايبنا بنت بلاد اصل وفصل وحسب ونسب خطيبها علقها ١١ سنه ورد كنسل الخطوبه وقال كبيره ارد صغيره بعد مالعب لعبته الخايس... خلاها ولا ياها النصيب... مسكيييينه والله بس حسبي الله عليه ...
اسمعي رمسي ابوج واخوانج.. وردي علينا اوكيه؟؟؟

السلام عليكم

والله ما قرأت كل الردود بس الافضل تشوفين لج حل
حبيبتي اذا ظروفه صعبة سوي حفلة بسيطة تزوجوا
وخلي أهلك يكلموه وبلا لعبة لازم يحس بالمسؤولية شوي
بنات الناس مو لعبة حددي موقفج وكلمي الاهل وان شاء الله ما عليج قاصر

بالتوفيق

شكرا لكم خواتي الغاليات على الردود

وانا بحاول اطنشه شوي لاني

انا معطيته ويه زيادة عن اللزوم

الله يهدي ما خذ زواجنا ب استهبال ولعب

انا مقهورة مرة قلت ل امي تقول ل ابوي

يكلم ابو زوجي ويخليه يحدد الزواج

بس امي رفضت وقالت عيب

نروح نقول تزوج بنتنا غصب

انا اللحين شا سوي امي رافضه ان ابوي

يكلمهم والله بموت من القهر وانا مابيدي شي اسوية