اختي وزوجي دخلوا ؟؟؟؟؟؟؟؟؟؟؟

الله يهديهااااااا انشاء الله

بصراحة لاتسكتين وكالميها

حبيبتي

اختج لالازم توقفينها عند حدها
شكلها مب مرتاحة مع زوجها وتبي ترتاح مع زوجج ومايهمها شي ثاني
وغير جي لو زوجج موقفنها عند حدها ما بتتمادى

خليه يطنشها واذا كلمته يرد عليها بشكل يبين ان مو طايقها

المهم لا تسكتين عن الموضوع ........ ولا تخلينه يتطور

أختي بطلي مدح لزوجك قدامها

الله يوفقج مع زوجج ويهنيكم ان شاء الله
بس هي اذا مو مقتنعة من زوجها ليش تزوجته ؟؟
وبعدين زوجج يقدر اذا اتصلت يخليج انتي تردين عليها
واذا انتي مو موجوده معاه ما يرد

وحاولي انج ما تخلينهم اثنينهم بنفس المكان

والله يهديها ان شاء الله

لازم تواجهين اختك وتصحيها من الي هي تسويها لانها بحركاتها تطيح نفسها قدام زوجك ويمكن تقلل من شأنك بعد

والله يهديها ان شاء الله

طمنينا علييج؟؟

معقولة الاخت تسوي شدي برييل اختها نعرف الريال ممكن يطالع اخت مرته لو عينه زايغة بس الاخت تطالع ريل اختها ؟الخيانة تيي من اقرب الاقارب مثل الاخت صدق شي ما ينسكت علييه ووايد لقطة توجع الخاطر الله يكون بعونك

مرحبا ..
تدري لو انا مكانج وش سويت ؟؟

واللي رفع سبع لأمسكها واسطرها تسطير .. سلااااامااات ؟؟
اختي ؟؟ تخسى شنهي الاخت اللي تخرب بيتي لا وراسمة على زووجي وهي متزوجة بعد ؟؟
حبيبتي اللي مااستحت من نفسها وغلاااتج مابتجي الا بالعين الحمرة ...
ويابعد عمري اوكي زوجج مو معطيها وجه لكن حبيبتي كثرة الدق تفج اللحام ..
شوفي اذا دقت مرة وهو عندك حطي عالسبيكر وخلي يمسح فيها البلاط ويهزأها ويقولها كلام يجـــــــرح لعديمة الاحساس ويقولها .. لا تدقي على ذا الرقم ..
حبيبتي اذا تبي ريلج لج لا تسكتي بلا اخت بلا بطييييييييييييييييخ ..
وشكرا ..

ادعي ان الله يصرررف عنك كيدها وشرررها

أختي إحتمال يكون فهمك للأمر فيه خطأ ...
يمكن الأمور التبست عليك لأنها كانت تبي زوجك بالأول ..
ترى أختي الشيطان شاطر وهذي أختك لحمك ودمك ماأعتقد تحب تضرك ..وهي تقدميها على زوجك ..
وعلشان تبعدي عنك هالوساوس تكلمي مع زوجك أولا ..
لايرد زوجك نهائيا على أختك علشان ترتاحي ,,
ثانياً زوجك يقلل من زياراته لبيت أهلك ماله داعي كثرتها ..واحرصي عند زيارته تكوني موجودة طوال الوقت عنده وممكن تتعمدي زيارات أهلك في وقت ماتكون أختك فيه ...
ثالثاً :أنا ماأنصحك أبدتً اني تخاصمي أختك أو تواجهيها بشكوكك لأن لو كان الأمر صحيح راح تزيد وتعاند ويصبح الأمر مواجهه ولو كان الأمر خطأ وسوء ظن راح تخسري أختك ..
رابعاً : خليك عادية مع أختك ولا تتكلمي عن زوجك قدامها ابداً لابخير ولا شر حتى ماتقارن بينه وبين زوجها ..
خامساً : أنا ماأنصح أبدا بتكبير الموضوع وإدخال أطرف أخرى لأن الموضوع راح يكبر وتزيد المشاكل ..
والله يوفقك يارب ويسعدك أنت وزوجك ويصلح حال أختك مع زوجها يارب ياكريم ..

اللة يعينك يااختي فعلاصعبة الخيانة بالذات لما تكون من اقرب الناس لك اعرف وحدة صديقتي تعاني نفس مشكلتك وكلمت اختها اكثرمن مرة مافي فايدة وجرحتها وبرضوة مافي فايدة لكن ربي فوق يوم ولوطال ينصرك فيها حتى لوهي اختك لوفعلا تحبك كانت تمنت لك كل الخير ماسعت وراءخراب بيتك وادعي في صلاتك وبعدين والاهم من كذا لوزوجك وقفها عند حدها ولايعطيها وجة بس لوظل على ماهوعلية فيعتبرراضي على حركاتها واة ومليون اة لو بيعطيها وجة فعلا راح تدمر لك حياتك من جدموضوعك نفس موضوع صديقتي بالضبط اللة يكون في عونك وينصرك ربي على من سعى وراء خراب بيتك تقبلي مروري

انتم شكلكم متساهلين في الحجاب يالغاليه الرسول اللهم صلي وسل عليه قال الحمو الموت ورسولنا لاينطق عن الهوى
انتي تقولي ممكن تعامليهاااا بالمثل بس الي ردك انك حزنتي عليهااااا ليش وين خوفك من الله

بقول لك شي
روحي لاختك وقولي لهاااا ان شفتك طلعتي لزوجي بحش رجولك حشششش وكوني جاده في كلامك وغطيه عنهاااا اذا هي ماتخاف الله وهذا الي استشفيته من كلامك

عجيب ....!!!!

مايبيلها كلام لزم توقفينها عند حدها ولزم تعرف انه الي قاعده تسوي غلط وفهميها انه انتي فاهمه كل الي تسوي .
وزوجج اذا مومفاتحج بالموضوع ماله داعي تفتحين عيونه او تناقشينها بشي
بس قطي كلمه تبين انها ملقوفه وبس
او انها تبي تغثج من هالكلام
ولا تيبين طاري انها الي تسوي عشانه هو بذات ....او كلمتها لج قبل الزواج انه اذا ماتبينه انا ابيه ...
موفقه ياارب والله يهديهااا ويرزقها ويرزقج الذريه الصالحه

ربنا يعينك

×تفاحــــــــــــــة آدم×;8329198:
مافهمت حبيبتي من كلامك انكم سعوديين يعني لازم حجاب وغطاة كيف تطلع لزوجك

الله يصلحها بعدين مالها حق تكلمه حتى ولو تسأل عنك

انا رجال اخواتي مااعرفهم ابدا الا بالصور وعمري ماشفتهم لاننا محافظين مرة

وانتي اذا شفتيها تترزز قدام زوجك ماعليه ذبي عليها كلمةقولي زوجك ماملى عينك صدقيني

راح تستحي على وجهها هذا اذا كانت بتستحي والتمسي لها العذر لانك تقولين زوجها يضربها

يمكن تعقدت نفسياً مع اني اشوف انه مو مبرر لتصرفاتها

الله يكون في عونك وادعي لها بالهداية وان الله يسخر لها زوجها عشان يملى عينها ولا تتعرض

لزوجك والله يسخرلك زوجك ويحببه فيك كمان وكمان

بسم الله الرحمن الرحيم عندي بعض النقاط و اتمنى تفيدك
1_ ابتعدي عن الكلام مع زوجك (قد ماتقدري) في هالموضوع عشان لا يصير لها وجود بينكم ابدا ابدا
2_ لا تبيني لها انك معصبه و متضايقه و مثل ما وضحت الأخت حاولي في البدايه تلدغيها بكم كلمه
3_ اذا ما تابت عن فعايلها هدديها انك تخبري زوجها و بكل برود و قولي لها انك موووووووووول مو خايفه منها تخطف زوجك بس بيكون تأديب لها
4_ اخيرا ادعي لها بالهدايه و حاولي تتفهمي مشاعرها و مهما كان هذي اختك و لو صار فيه مجال تنصحينها لا تبخلي عليها , تكسبي فيها ثواب

الله يوفقكم

الله يعينك:confused::confused::confused:

قوليلنا وش صارمعك لا تنسين,,,,,

أن كانت نيتها سوء الله يهديها ويصلح حالها المهم إذا كانت اختج ازورش في البيت تحاشي زايراتها وقولي ومثلا إذا زارتش قولي لها تعقد في مكان زوجش مو موجود فيه واذا صممت الدخول له قولي لها زوجي مو حاب يشوف أحد مره ومرتين يمكن تبعد عنه ولا تبين لحد السعادة إلا بينك وبين زوجك لانه يا أختي الحسد موجود في كل مكان حتى بين الأخوات حاولي بس انتي بتعدينها عن بيتك وأكيد لما تتلاقون في بيت العائلة ما راح تتجرأ تسوي جذي ؟!!

وينها صاحبة الموضوع
خلت الموضوع بالمنتدى وماردت ولا مره
عسى ماشر