N000RA;8942092:
مساء الخير يابنات ديرتي البحرين اغلى ديرة (f)
انا من زمااااااااااااااااااااااان وانا اتفرج على مواضيع التربية في هذا القسم وكل مره نفسي اسجل واشارك وانسى
انا خريجة تربية جامعة البحرين متخرجة من سنتين ومأساتي ما تفرق عنكم بس طبعا في ديتيلز خاص بكل وحده
انا من التعب وضيق الحال والديون اللي بدت تتراكم علي قلت وبعدين بنتظر وزارة التربية عمرها ما راح تسأل عني وتأمين التعطل اللي كنت فرحانة فيه 6 اشهر وخلصت وكل مكان اروح له ما يقبلوني والله العظيم يا بنات حتى مطاعم الفاست فود رحت لها, مره واحد بجسميز اول ما شاف شهادتي بكالوريوس تقولون شايف قنبلة على طول بوجهي قالي لالالا مانبي خلاص, شفت اعلان هنيه في المنتدى ان دولة الكويت تبي مدرسات وتفضل الخليجيات, صج كانت فكرة مجنونة بس قلت ما عندي حل ثاني وعلى طول بنفس الاسبوع حجزت وقدمت اوراقي ونجحت بالمقابلة وتعينت((كل هذا باسبوعين مو عندنا يكرفون الواحد سنه على ما يطلع قرار تعيينا))
طبعا انا الحين مستقرة بالكويت ورواتبهم فوق الممتازة ومرتاحة بس الغربة صعبة, بس وش بنسوي اذا الواحد عايش في وطنه بغربة يمكن غربته في بلاد غيره تصير وطن؟؟؟؟؟
البحرين صارت وايد قاسيه على عيالها والناس ما صارت تستحمل القسوة ومالها حل الا انها تهج يعني يصير حالنا حال المصريين والهنود
ما استعبد روحي عقب سنة تقريبا اكتب مثل كلامش
اذا تخرجت وما اشتغلت راح اسافر بالخارج
اختي انتين متزوجة؟
واذا متزوجة شلون زوجش متحمل الغربة؟
وكم رواتبهم؟
اذا تخرجت وما اشتغلت راح اسافر بالخارج
اختي انتين متزوجة؟
واذا متزوجة شلون زوجش متحمل الغربة؟
وكم رواتبهم؟
