بنات البحرين ..... وزارة التربية والتعليم ....

الله يوفقكم

ما وظفوني قعدت أصيح المشتكى لله على هالوزارة
بس استانست عشان صديقة عمري ومن نفس تخصصي وظفوها
ألف مبرووك

بييييييييييييييييييييييييييي

ما بغينا يشتغل الموقع

الصراحه اضيع بدونه


اسمي بعد ما طلع ضمن اللي توظفوا و لا صديقاتي ..

صحووووب بشري ان شاء الله اسمج معاهم ..

كمام الامل .. شنو الاخبار .. صرخه .. كربلاء .. عروس امين .. بحرينيه .. في اسماء وايد بس عذروني نسيت من الصدمه ..

بنات .. بيخلوني مشرفه على مواضيع انتظار قوائم التوظيف في وزاره التربيه و التعليم فالمنتدى .. صارت عندي خبره كل سنه محاتاه و تخطيطات على قله الفايده ..

لكن الحمد لله على كل حال .. رزقي بيد الله و محد بياخده غيري .. متى ما يحين الوقت باخده يعني باخده بأذن الله ..

الحمدلله توظفت :)
ومبروك لكل المدرسات الجدد وشخبار البنات ربعنا بشروا كمام الامل والباقي

والي ماخذتهم الوزارة اهي الخسرانه تخسر كفاءات المواطنين
ويارب يعوض عليكم يارب بالاحسن والاحسن اشدعوه التدريس راحه مثل ماقلتي بنت الباديه صدقوني الي ماخذتهم الوزارة الله بيعوض عليهم وعقب بيعيبون علينا بسبب شكاوينا الي مابتخلص
صج اني تضايقت لان الوزاره ماوظفتنا كلنا لان حسيتكم صج خواتي فديتكم

سمايلي خلج سمايلي على طول فديتج(f) ومبروووووووووك على الاشراف
الحمدلله

حرااااااااااااااااااااام للي تسويه هالوزارة
لو رسبتنا في النظري احسن لانها تلعب فينا وتعطينا امل وبعدين تقتله
حرام ليها ناس وناس من مصريين وجلف وابناء البلد ما ليهم وظائف
والله قاصه علينا هالوزارة الخبيثة

والحين ويش بتسوون اللي ما توظفوا اني ما اقدر اشتغل غير التدريس
والشركات كل للساعة 5وعندنا جهال

بنات من يتقدم في مدارس خاصة ؟؟ وش رايكم فيها
اقدم او لا

ومبرررروك لكل اللي توظفوا

بحرينية امووووووووووورة الف الف مبرووووووووووووك..ويالله شمري عن سواعدش واشتري ليش ثيااااااااااااااب من الحين >>جمعي

سيرفن وسمايلي........والله ما ادري وش اقول اليكم؟؟!!.....تدرووون ؟ما في احسن من كلمة حسبنا الله ونعم الوكيل...
وصدقتين يا سمايلي ...رزقش بتاخذين بتاخذينه غصبا عن الكل..

جاني اكتئاب والدموع على الباب

وتهاوشت ويه زوجي

بس الله كريم

عروس الحياة....تبغين نصيحتي...قدمي في مدارس خاصة احسن من قعدة البيت ...اعرف معلمات ويانا في مدارس خاصة ومرتاحين ...لا والمعاش احسن من الحكومة! الله يهنيهم..

بس ها نقي المدرسة الزينة مو اي مدرسة...
بالتوفيق

زهرة ايامي ممكن تذكرين ليي احسن المدارس الخاصة
لان اني افكر اقدم في لؤلؤة الخليج بس ناس يقولون حتى الجمعى ساعات يروحون ولا يكرفونهم عدل
اللي يعرف بنات عن المدارس الخاصه يقول لينا واللي جربت

الحمد لله يا بنات انا اسمي موجود وتوظفت وعقبال الباقي يارب...
والله اني اول ما شفت النتائج حبيت اطمن عليكم خصوصا بنت الباديه وسمايلي وبحرينية اموره وباقي البنات جميعا بدون استثناء ضاق خلقي على بنت الباديه وسمايلي بس لا تيأسون بنت الباديه حبيبتي اللي فهمته تخصصج مواد تجاريه قدمي في شغلات ثانيه وإن شاء الله لج فرص افضل من التربية وقدمي بعد اول ما ينزلون اعلان وخلي املج بالله كبير والله كريم ورزقج ماراح ياخذه احد غيرج إن شاء الله ..
سمايلي والله ما اعرف شقول جد تضايقت علييج وحاسه فييج بس حطي في بالج انه الارزاق بيد الله انا بعدحسيت العدد جدا قليل وخصوصا انتو في فنون العدد بالمئات وخذو عدد قليل بس حاولي مثل ما قالو لج البنات في مدارس خاصه لو انتي فنانه ورسمج حلو شوفي شاركي بالمعارض وتابعي بوزارة الاعلام والثقافه لا تخليين تفكيرج محصور بس ع التربية واول ما ينزلون اعلان قريب بعد حاولي معاهم وانتي صبرتي والله بعوض صبرج خير إن شاء الله...
وبعد بنات وايد من اهلي عقب ما تطمنت وشفت اسمي قعدت ادور اساميهم وما شفتهم وضاق خلقي عليهم لاني احس باحساسهم والله بس الله كريم وبعوض عليهم خير وحطو في بالكم انه الوظيفه بيد رب العالميين مو بيد احد من البشر وتفائلو ماضاقت إلا فرجت وإن شاء الله تحصلون اشغال احسن وافضل او يكون لكم جانس باقرب اعلان راح ينزل....

بحرينيه اموره فرحت لج وايد الف مبروك حبيبتي ولكل البنات اللي توظفو اهني اللي اعرفهم واللي ما اعرفهم والباقي لا تضايقون حببايي والله بعوض صبركم خير إن شاء الله..

فرحت يا بنات انه سالتو عني فعلا قلوبنا كانت ع بعض وكنا نحاتي بعض انا اول ما نزلت النتائج سيده كنت ابي ادش المنتدى ابشركم انه نزلت واطمن عليكم بس للأسف المنتدى ما كان شغال بس الحمد لله انه ما طول اكثر وقدرت اطمن عليكم اليوم...

عروس الحياة ...بصراحة ما عندي علم عن المدارس الخاصة ذاك الزود ....لكن اسمع بين فترة الثانية ان فلانة في مدرسة خاصة ومرتاحة...
وبالنسبة عن الكراف لا تحاتين حتى الحكوميه كراف عدل مدل ...ياما خلونا نروح العصر الى الليل...لا ودورات يوم السبت بس الله غلب على غلبهم


كمام الامل...................الف.... الا الفين مبرووووووووووك....بالبركة عزيزتي

الله يبارك فييج حبيبتي زهره وماقصرتي رغم انج موظفه لكن ما نسيتي خواتج في هالتجمع و كنتي تعطينا الامل والتفائل والله يوفق الجمييع يارب...

قائمة المدارس الخاصة :

مدرسة ابن خلدون , ومدرسة الشيحة حصة - رواتبهم محترمة
مدرسة كانو , ومدرسة لؤلؤة الخليج ( يعني 300- 350 )
مدرسة النسيم
مدارس الفلاح يقولون بعد والله أعلم

هذي تقريبا افضل المدراس الخاصة

واما المدارس الأخرى مثل النور والمعالي محد يمدح فيهم :ss:

والله يوظف الجميع

الله يلعن هالوزارة الخمة والله كل يوم بدعي عليهم و احنا في هالشهر الفضيل

طبعا مثل كل سنة ما توظفت لان ماعندي واسطة ولاني مو من ربعهم

حسبي الله ونعم الوكيل فيهم

والف مبروك للي توظفو وعقبالنا يارب

مدرسة ابن خلدون , ومدرسة الشيحة حصة

اختي مشكورة بس في وين هالمدارس ما عليج امر

الف الف مبروك كمام الامل انتي وبحرينيه اموره والله اني مستانسه لكم وايد حبايبي

انا انشالله مره ثانيه واقول للي ما توظفو انشالله الله يوفقهم

كمام الامل احب اسلوبج الراقي بالتعامل وتستاهلين والله انج تستاهلين والله وبحرينيه اموره وغيرهم اللي توظفو وما عرفهم وبقولج كمام الامل انا موعوده بوظيفه زينه ادعيلي الله يوفقني

تستاهلون حبايبي والى الامام

بنات البلديه الوسطى منزله اعلان بجريدة يوم الاربعاء يبون موظفين


الاحد بروح الدوام وبكتب لكم التخصصات المطلوبه والرزق على رب العباد وعلى فكره رواتبهم زينه

بتستغربون اني ما بقدم انا صحيح دوامي للساعه4 بس مرتاحه نفسيا بس يوم الخميس تضايقت وقررت صج ادور شغل زين

احبج كمام الامل لانج تحاتيني ربي يوفقج يا الغاليه وفي شي زين موعوده فيه اتمنى يتحقق وافتك من قرف الخاص

زهرة ايامي

ما قصرتي بالنصيحه ربي يوفقج وديري بالج على كمام الامل وبحرينيه اموره صارو زميلاتج يستاهلون حبيباتي وعقبال للباقي وانا معاكم