للي حملت بالغلط..تتفضل وتقول تجربتها

هذا اللي نخاف منه كل شهر

والله يكتب لنا اللي فيه الخير

واذا الله كتب لنا بنحمل بنستقبله بصدر رحب

انا زوجي كل ما بين شهر يقول لي تخيلي لو تحملين

اقول له اتوقع عادي بستقبل الموضوع وبستانس معنى ما ابقى الحين ولدي صغير توه عمره 4 شهور

بس لو الله كتب الحمد لله على كل حال

بالإذن طبعا من عيون صاحبة الموضوع

بسأل البنات

طيب ليش مثلا لما الوحده تحمل بدون تخطيط تزعل نقولها اتقي الله و هذا قدر ؟

يعني مو من الطبيعي الوحده تنصدم شوي لما يصير لها اي شي بدون تخطيط و من ضمنهم الحمل خصوصا انه الحرمه نفسها بيرجعلها شريط ذكريات الحمل و الولاده و ما بعدها و تربيه الرضيع و ارضاعه و قله النوم يعني حتى لو شو اكيد اللي بتحمل بدون تخطيط بتتضايق شوي وا تمنى ما يكون هذا من الاعتراض على القضاء و يا رب تسامحنا جميعا

حبيبتي ريم خذي راحتج .. تزعل لأنها مثل ما قلتي بدون انذار مسبق ..

بس ترا مثل ما قالت ام مريم .. لما يصير اللقاء بدون اي حرص شو تتوقع الحرمه يعني ؟ لازم تتوقع الحمل ..

الي تنصدم صح هيه الي حاطه لولب وحملت او حبوب لأنها حاولت لكن رب العالمين رزقها ..

وانا بديت اقتنع اني لو طلعت حامل ما بزعل شي اكيد .. صح وايد مخططات عندي بتخترب بس هدية رب العالمين احسن من كل شي .. وبادية ااقلم نفسي ههههههه بس ادعي ربي يأخر لي الموضوع شوي ..

اختي ندى الزهور .. الله يبارك لج في ولدج ان شاء الله .. ويكبر ولدج وبعدين تحملين خذي احتياطاتج

ان شالله ما تصيرلي يـآرب خخخ

انا بيصير عمر بنتي شهرين عقب جم يوم ,, و مارضى ريلي ع الموانع يقول تضرج

و قال نمنع طبيعي ,, و من عقب الاربعين متبعين طريقة العزل لأن الدورة ما يت و نخاف يصير حمل

و انا اولريدي ارضع بنتي بعد عشان يكون في شي يمنع خخخخ ,, و لا شفت الدورة

عاد ان شالله ان انقطاعها بسبب الرضاع مو شي ثاني ههههههه

مشكورة يا عيووون

اني عن نفسي لما تأخرني يومين 3 او 4 يبدأ القلق عندي اخاف اطلع حامل لان ولادتي بولدي حمود بعملية ودي احمل عيه بعد ما يكمل سنتين احس انه سن مناسب للحمل عليه حمل ومتعب وولادة وسهر وتربية ومسؤلية وخططة اروح الحج والحمد لله رحت الحج هالسنة

لكن مع كل هذا لوطلعت حامل اكيد ما بعترض على كتبة الرحمن هذة عطاية وهدية من رب العالمين بحاول اهدي نفسي اكيد وطمئن حالي والي الله كاتبه هو راح يصير والحمد لله على كل حال

قصتي هذا الشهر اخرتني الدورة 10 ايام وصار زوجي هو الي يحاتي اكثر مني بس اتاريه نزلت علي البارحة بالليل وبعدين قمت اوسوس اقول ليكون انا حامل وسقطت او حامل ونزل علي دم بدأ الوسوا س يشتغل عندي بعدين اقول لا هي دورة بس متأخر علي

بس الي صار لهم هالشي .. حملتي وعمر طفلج اشكثر ؟


[COLOR=red]احملت وعمر طفلي ثمانية اشهر وحالتي النفسية سيئة والحمد الله لانه من المفروض انه حملي صعب يعني في بداية حياتي تاخرت في الحمل واخذت ابر ومثبتات وكنت ماشيه على العزل وما توقعة حمل بهذه السرعة ولكن لله الحمد خبرت زوجي بعد ما عملت تحليل حمل بالدم لانه كنت شاكه وكان عمر الحمل شهر
[/COLOR]

والله حبيبتي بالنسبة لي انا ماحصل لي لكن اللي كاتبه الله بيصير ومانقدر نعترض والله انهم نعمة والله لايحرمنا منها ابد يارب

كله كتبه من رب العالمين

سواء خططتي او لا اللي كل شي مقدر ومكتوب والاكيد انه خيره لنا ونحن البشر مستعجلين وما نعرف مصلحتنا الا بعد مده


انا حملت الحمل الثاني يوم عمر ولدي سنة وشهر وعرفت يوم كمل السنة وشهرين ... انصدمت وصحت والحالة النفسية ما يحتاج

حتى انه وحامي كان على ريلي وولدي كرهتم وكرهت ريحتهم وكل شي فيهم

بس بعدين تاقلمت وفرحت الحمدلله وانطر الولادة والله يتمم لي على خير ... لاني اشوف ولدي كله متملل ويبي يلعب مع حد واحمد ربي انه صار الحمل بدون تخطيط لان لو خططت كنت بتم على اعصابي اكثر بس عامل المفاجاة كان افضل لي


بس انا اللي كان مضايقني انه ولدي تم فترة ماذيني بالنوم والسهر والحركة ويوم شوي كبر حملت وبعد لاني اخر سنة دراسة ومتعبة وضغط


بس الحمدلله تسهلت من رب العالمين والله يتمم لين اربي واخلص من الدراسة واتوفق

مشكورة عيون على الموضوع

وان صار وانكتب ان حملتي افرحي ولا تسوين مثل ما سوينا صياح ومناحه .. لان مردج بتفرحين مافي اغلى واحلى من العيال

انا حملت وكان عمر بنتي 7 شهور وربيت وعمرها سنه و 3 شهور وحملي الثالث ماكنت متوقع احمل كلش وعمر بنتي 3 سنين و7 شهور صح انصدمت بس اكيد رب العالمين له حكمه وان شاء الله يكون خير لي و لبوه

الله يتمم على حواملنا يارب ..

لا اكيد اني ما بصييح ولا بزعل صح يمكن شوي اتعب .. بس الحمدلله ماحد يكره رزق من رب العالمين..

بس الي يأثر نفسياً التعليقات الي ممكن الوحدة تسمعها .. تو الناس عيالج صغار .. مستعجلين على شو ههههههه وكلام مثل هذا ..

والله يعينكم والله على الولادة والسهر والتربية .. مأجورين ان شاء الله .. بصراحة احس تجاربكم مؤلمة ههههههه بس تعلم الوحدة الصبر والرضى ..

والله يكتب لنا ولكم الخير يارب

عيون صج ولدي عمره مو اشهر بس انا ما كنت مهياة نفسيا و انا طبيعتي ما احب المفاجات احب كل شي بتخطيط و ترتيب و احس انه الاطفال مسؤلية و امانة لازم لمن يجون للدنيا نكون بكامل استعدادنا لهم لان هذا بيصير فرد من المجتمع و تاثيره بيكون كبير <<<كانه انقلبت محاضرة هههههههههه


و نفس الرد للاخت ريم لهذه الاسباب اتضايقت

اللااااااااااااااااااااااي عجبني الموضوع :D



انا عن نفسي في المرتين حملت بدون تخطيط مثل ما قالت مرموم (a)


بحسوني تزوجت وانا عمري 19 سنة وببداية دراستي بالجامعة وزوجي بعد كان يدرس بآخر سنة له ويشتغل بنفس الوقت وقالي خل نأجل الحمل فترة يمكن سنتين تكونين بآخر دراستج وانا كونت نفسي اكثر ونكون مستعدين له عدل :D وتزوجت وفي الصباحية نزلت الدورة ومن خلصت ما شرفت :ss: وكنا نستخدم طريقة العزل .. طبعا في البدايه خفت لكن ماحللت ولا شي ظليت اقول يمكن تخربطت من الزواج وخشيت الموضوع لاني قايله لهم بنأجل الحمل سنتين خفت يقولون من تأجيل لمدة سنتين الى حمل من اول شهر ههههههههههههههههه وعرفت بالحمل بعد فترة لما ظهرت اعراض الوحام ورحت المستشفى وطلبت الدكتورة ان اسوي تحليل وطلع حمل وقعدت اصييييح ورحت عيادة ثانية وسويت التراساوند وطلع عمر البيبي 6 اسابيع :eek: وانصدمت اكثر مادري ليش كان في بالي ان يمكن ما اطلع حامل وقلت للدكتورة تنزله :o وما رضت هههههههههههههه وطبعا ماخبرت احد ولا تحملت بنفسي وصرت نفس ام جود القمر لا اشرب حبوب كلش ولا اتحمل بنفسي واثر فيني هالشي وكنت اتعب وينزل علي دم ومن اروح المستشفى قالوا لي ارتاحي بس بعد ما اهميت .. والاهل ما عرفوا الا بعدين لما بان الحمل علي اكثر :o:o


وبولدي الثاني بعد صار الحمل بدون تخطيط .. كان ولدي عمره سنتين وبعدي ادرس بالجامعة وكنت ناوية انطر 5 سنين على ولدي يكون كملت انا دراستي وولدي كبر وارتحت شوي من التربية والدراسة واسافر واستانس لكن انصددددددددمت بتأخر الدورة عندي :ss: وصحت بعد (a) بس اتعظت من الحمل الاول واهتميت نوعا ما بنفسي وقمت اشرب الفولك اسيد وهالسوالف اضافة الى اني ما خبيت الخبر نفس الحمل الاول ..


وعن زوجي احسه استانس في المرتين <<< عيار :cool:


والحين ولدي عمره سنتين وشهر الحمدلله وبعدنا صامدين :D:D:D
ما ودي في الحمل بالمرة بس زوجي خاطره .. من قبل كان يقول لما يكبر حمود بس لما كمل ولدي السنتين ابتدا يحن ع الحمل (n) وانا رااااافضة والله يستر لان احنا نستخدم العزل يعني الشي بيده بعد رب العالمين


وفي النهاية :: انا اريد وانت تريد والله يفعل ما يريد ..

عندنا نية ان شاااااء الله للحج السنة القادمة اذا الله كتب وسمحت الظروف ،، وانا حملي الثاني خرب علي الحج لان كنا نفكر في الحج بس الله كتب وحملت وصارت ولادتي قبل الحج باسبوعين تقريبا وما قدرت اروح لكن سافرت سفرة العمر وانا حامل في الشهر الخامس ههههههههههههه ان شاء الله نقدر ونأخر الحمل وتتيسر امورنا ونروح الحج السنة القادمة وبعدها يصير خير :D

انا بعد حدي خايفه الدوره متأخره علي اسبوع وانا توني والده من 4 شهور قيصري وما ارضع عشان اقول تأخرت من الرضاعه وومانعيين طبيعي بالعزل لا كوندوم ولا حبوب ..انا ماعندي مانع اذا كنت حامل بس خايفه ان مو زين لي عشان العمليه..

ابي اعرف متى اقدر احمل بعد الولاده القيصريه؟؟

الله يعين يارب يابنات الله كاتب لكل واحد مننا ذريته سواء بعد سنه او بعد شهر ليش نقول بالغلط او ماادري ايش بالعكس انا مثلكم حملت بطفلي الثاني والاول عمره 5 شهور صح بالبدايه ضاق صدري وقلت بطيحه بس الحمدلله الواحد مايدري وش الخيره فيه .....
لانه جلست سنتين بعدزواجنا بعدين حملت احسها فتره كافيه الحمدلله والحين جاء دور الجد مع الاطفال الله يسهل علي وعلى كل حامل .. وانا الحين انتظر مولودي الثاني والله يقومني بالسلامه لاني الحين بالشهر الثامن...
اما سالفة الناس بالبدايه بيقولون مسكينه الله يعينها وبعدين بيقولون ماشاء الله عليها جابتهم مره وحده وارتاحت مافيه شي وسط والله يسهل شكلي طولت عليكم انا وخرابيطي الزايده..(^_^)

الحبُ الكبير;8331663:

انا بعد حدي خايفه الدوره متأخره علي اسبوع وانا توني والده من 4 شهور قيصري وما ارضع عشان اقول تأخرت من الرضاعه وومانعيين طبيعي بالعزل لا كوندوم ولا حبوب ..انا ماعندي مانع اذا كنت حامل بس خايفه ان مو زين لي عشان العمليه..

ابي اعرف متى اقدر احمل بعد الولاده القيصريه؟؟

حبيبتي اللي اعرفه انه الوحده ماتحمل بعد العمليه اقل شي سنه والله يعينك

والله الله يهديكم ضحكتوني
وخليتوني اتخيل اني حامل وما ادري هههههههههههههه

انا بكل امانة بيني وبين ربي
حملت بال3 مرات بعلمي وبارادة الله سبحانه وتعالى ورغبتي انا وزوجي
انا مب من النوع اللي اقول حملت بالغلط ابدااااااااااااا
وما يعجبني هالكلام ولا عمري صدقت وحدة قالت بالغلط، وفيه النهاية كل وحدة حرررررررررة
في منهم ما يحملون يقولون ما نبي!!
وفي منهم يحملون ويقولون بالغلط ما كنا متوقعين، وهم يبووون
يعني انا مع مشرفتنا مرموم بكل كللللللللللللللللللمة والله انها صادقة

انا عيالي اولاد وورى بعض ما شاء الله
الكبيره
ا

المتوسط



عقلي والتفكير الصح يقولي لا تحملين لين ما يكبر ولدج على الاقل 3 او سنتين ونص على الاقل قبل لالالالالالا
بس قلبي يقولي خاطري احمل، لكن عندي مسؤووليات مهمة ابي اتخلص منها الحمل راح يكون اعاقة لي واتعرفون الحامل كيف تتعب
بنفس الوقت: اقول الوحدة تييب عيال واهي صغير افضل من تكبر!!

والله كريم يا رب والارزاق بيد الله سبحانه وتعالى
الله يخلي عيالي يا رب

مرموم;8324810:
اقول لكم على شيء...الموضوع إستفزّني و قلت لازم أرد...

عن نفسي لا أؤمن بشيء إسمه حملت بالغلط !

كيف يعني بالغلط !

الحمل يعني إلتقاء بويضه بحيوان منوي...مين فيهم اللي غلط ؟

زوج و زوجه...تم بينهم لقاء...بدون استخدام مانع...أكرّر بدون استخدام مانع...و صار حمل...سواء قبل الدورة بيومين...واللا بعدها بيومين...الله أعلم متى التبويض كان...

غلط مين إذا ؟

أصلا هذه الكلمه أحسها إعتراض على أمر الله و قضائه..

الحالة الوحيده اللي أفهمها...هي إنه واحدة مركبه لولب...و تحمل عليه...أو واحدة تاخذ حبوب منع حمل...و حملت عليها...

مع إنه بنات ياخذوا حبوب منع الحمل...الخاصه بالرضاعه...و تظل عليها سنتين ! و هي وقفت الرضاعه من زماااان...و تيجي تقول حملت !!!!

حتى اللي يستعملوا الواقي الذكري...عليه تعليمات كيف الطريقه الأمان لإستعماله...و في منه أنواع Extra Safe...يعني مستحيل تنشق و تنقطع...مش أروح أجيب أنواع النكهات و الأنواع الرقيقه...و اقول : أنا أستعمل مانع !

وجهة نظري...اللي عايزه تمنع الحمل فعلا بصوره نهائية...بدون شك تقدر تمنع بالإستعانه بالله تعالى...و بالأخذ بالأسباب...أكرّر...الأخذ بالأسباب...

اللي تترك نفسها...مرة تمنع و مرة لا... و مرة تقول نسيت و مرة تقول ما أخذت بالي...هي اللي تتوقّع ( تحمل بالغلط ) على قولتكم...مع إعتراضي على هذه الجمله...

الله يرزق الجميع من فضله يا رب...و اللي كاتبه ربنا بيصير

اختي مرموم

اني كنت أقول شلوون يعني يقولون حمل بالغلط

مايصير حمل بالغلط

مستحيييل

لكن والله وثم والله

اني وزوجي نستخدم مانع طبيعي ومن ولدت وما يصير شي داخل

يعني زوجي يكون متأكد 100% انه ما صار شي داااخل

وكل شهر الحمدالله يطوف على خير

لين وصل حمودي 9 شهور وكانت المفاجئه ان الدورة ماجتني

انصعقققققققققت يوم سويت تحليل وطلعت حااامل

بغييييت امووووت

واني والده بعملية قيصريه وكل خوفي بعد هالمره أولد قيصريه

وقلت ما بروح المستشفى ولا براجع الدكتورة

بس خوفوني قالوا ليي لازم تروحين عشان يجيكون الجرح مال العملية انه ألتأم وعشان ماتصيدش مضاعافات وقت الولادة ونزيف وتولدين قيصريه من جديد