معرض الخريف في البحرين

حلووة ووكيوووت شنطتج حبيبة عزوزي عليج بالعافيهـ
آآقول الفودري وين صاير محلهم باي قاعه؟ << علشان اول ما اروح هجووم على محلهم

Sm!LeY;8529021:
تسلمين الغاليه على هالتقرير الاحلى من الحلو ..

واااي يا ناس والله قبل المعرض اقول لاختي اني السنه مو رايحه .. مو مهم عندي لاني ما امبي شي ضروري منه ..

اخر شي قررت قلت لها خلينا اخر الايام نروح نطل عشان ما نقول مارحنا و يصير في خاطرنا ..

و كنت بس امبي من عند الفلبينيين مال المكياج و هالخرابيط قلت باخد لي فراشي مكياج اللعام كان عنده عرض اي 3 حبات بدينار عاد اني الغبيه رحت خدت خرابيط و آخر شي كملتهم بفرشاه وحده ..

والله من اللعام للحين استخدمها و ما طاحت منها شعره و ناعمه و اني ما استخدم محلول تنظيف الفرش الخاص .. اغسلهم بشامبو اطفال ولا اختربت <<< ما شاء الله لا تخترب عليي الفرشاه الحين من عيني .. ما يحسد المال الا اصحابه :(

شجعتوني اروح باجر .. بس مفلسه لآخر حد ..


الله يخلي البابا بروح اجوف رزقي عنده :wink: و بقص على الماما بسالفه الجلابيات اللي قلتي عنها :up:و اذا قالولي شي بقولهم تعالوا لبنات عروس اتصرفوا وياهم :88774:مالي شغل ..


بنات اللي اليوم بتروح نبي التقرير .. عشان نتحمس أكثر :21_112:

الترجيه;8528760:
بنات انا امس الصبح رحت طنت للجامعه ورحت

عقب ماطلع الوزير دخلنه وكان بلوشي

المعرض بشكل عام حلووو بس كان للحين ماحطوا كلشي

طبعا اللي اخذته جلابيه حق امي ب 19 دينار من اصل 25 دينار ماتم كلمه ماقلناها له ههههههه مسكين امي تقوله بس 17 هههه يقول لها وين بتخسريني حلوه والله وسايزها عود اول مره تحصل امي سايز عود وفيه شك يعني يسوى والمحل صاير مجابل البوابه اللي بين القاعتين ومجابل المريح كأنه اذا ماخاب ظني

والشي الثاني رحت القاعه الصغيره كل سنه ناخذ ابشره للاسره خفاف على دينارين ونص حلوين خذت ماروني وواحد مربعاات حلوو والثالث فيه ورد وكلهم يدخل الماروني فيهم على لون غرفتي

وبعد خذنه طقم سرير ب 13 دينار هاي مقاصص امي من اصل 15 مسكين بالزور رضى الله يهديه هههه بس احنه عبالنه الملحف بس يوم بطلته طلع الملحف ويا قطع المواسد ويا بشار السرير حلوو ويسوى ودافي اينن هههه

وبعد خذنه شوز اسود مخمل ب 5 دينار من اصل 5.5 يازعم حلوو ونعومي

وبعد اخذت شنطه حلوه بنات من قلب انصحكم فيها ياربي اقطعها والبس غيرها ان شاءلله <<<<تتضحك على روحها سعرها 13 دينار من اصل 16 يقول مايصير في دبي ثنتين ب 50 دينار قلت روح هناك غير اهني البحرين ههههه

وخذت زعتر احبه ويا الروتي والجبن طعمه لذيذ

والاهم مريت عند محل عطورات كويتي في القاعه العوده في الاين الثاني اذا ماخاب ظني مكانه عود صاير امبي عطوراته تينن على 15 دينار بس ماخذت شي منه قلت برد له ومارديت تعبت

وطبعا محلي المفضل الفودري انصحكم فيه وبقوه عنده عروضات تينن طقم كامل من بودر ويا عطر ويا مادري شنو ب 5 دينار شي حلوو
خذت من عنده 6 تولات عود ب 4 دينار ياحظي قالي بعطيج تولتين زياده صار ثمان تولات تكمل علي ب 10 دينار يسوى من اصل 16 دينار اذا بتحسبونها

وخذت خاتمين لي وحق اختي طلعوا علي ب 5 خذتهم ب4 دينار قلت له انه اول كستمر ههههه

طبعا لي روحه من يديد لان ابي من العود وابي عطورات ورحت ورجعت ونسيت اخذ المينووو من الايرانين كل مره اسوي جي واروح الا مخلص

حبيبه عزوزي عليج بالعافيه

فديتج ممكن تذكرين لي اسامي عطوراتج والبخور ومن وين وبجم

بس نصيحه بنات مريت على محل اسمه الثلجي كويتي مال عطورات استغفر الله شنو ذي عطانه تست بخور مايبناه البيت الا وه موريحه جربوا روحوا عشان لاتقولون اتبله

عموما المعرض نفس ماهوو بس مزيدين عليه المحلات الكويتيه ويا مكثر عطورات الملكي يمكن شفت 6 كبينات لهم مايسوى خذو المعرض كله

بحاول اصور لك غريضاتي البسيطه لي المره اليايه

حبيبة عزوزي;8524453:

بالعافيه الكوفي الغاليه

اي والله ذبحتي هالسوالف والشنطه باجر اصورها لج تكرم عينك <<عدوها السورين

واللوشنات خذيت لوشن من العمانيين لونه برتقالي ريحته مثل السويت عجبني وريحته ثابته وبدينار يعني حده شششششي واختي شرت مخمريه لشعر ريحتها روعه بعد بس انا ماحبها يقولون تجيب شيب وانا شريت بودره جسم معطره مثل ريحه بربري القديمه اسمها تايجر من الفودري للعطور بصراحه عجبتني وايد وبدينار بس الحجم صغير يعني بس للحين ما جربتها وفي منها ست كمل لوشن وبودي سبري كأن بخمسه او سبعه مو متأكده
الله يسلمج الغاليه من كل شر حياج الله:D

حبيبة عزوزي;8524058:
هلا شخبركم شمسويين من راح المعرض ومن ما راح؟؟ قولولنا

اول شي لما دخلت استغربت سيارات وايد كالعاده كل سنه بس الغريب ان الاغلبيه كان طالع حزة اذان المغرب حتى ناس قاعدين برا ومن الفضول سألت بنات قاعدين برا شفتو الطابوق الي يحوطون فيه شجره و نخله ويقعدون على الحافه<<مكانها المفضل بس ما تتكسر رجولها لما تطلع من المعرض..المهم <<يا كثر شرحج الي متأكده نص البنات ما فهمو

المهم سألتهم المعرض مو كامل المحلات بس ضحكو وقالو لا ننتظر باقي الاهل

المهم دخلت وكان الرسوم مثل ما قالو البنات 700 فلس

طبعا قاعتين واسمحولي ترا ما ركزت عدل مدل يعني تقريبا شفت ثلاث ارباع البضايع

بس لاحظت مافي شنط مثل كل سنه يعني شنط نص نص بس عجبتني شنطه صفرا جلد قلت بطقمها ويا جوتي شريته يعني شكلها عادي بس تصلح تقريبا 6 دينار يعني راضيه عنها بنسبه 60 %
ولاحظت بس محلين جواتي باكستانيه وما شفت الوان مثل العام يعني مو زود بس يمكن ما ركزت عدل وفيه وما لاحظت طبعا لي زياره ثانيه وثالثه لتدقيق

وبعد لاحظت مافي وايد ثياب ولا لانجري مثل السنه الي طافت والثياب اغلبها شتويه خصوصا ان الشتا عندنا ما يطول:ss:

الاكسسوارات ما تذكر ما عجبتني
وشفت محلات العقيق بس للاسف ما رحت لها لان وقتي ضيق لان ابوي الي مودينا خخخخخخخخخ

المهم ان اغلب مشترياتي عطور وبخور<< ذبحتها

لدرجه تشبعت يبيلي اقل شي 6 شهور ما روح محلات عطور ولا بخور

طبعا من الكويتي شريت عطر اسمه شيخه عجبني اذا تحطينه على عبايه مبخره ترشي منه وعطر جفنشي الاسود وااااااااو <<على طول تخيلت الريحه خخخخخخ

وطبعا شفت شيتوز معشوق الجماهير بس مغير اللوك تبعو<< وخرو عنها البنانيه هاهاهاهاي

صاير الكيس احمر والعام كان برتقالي طبعا ما ظل ولا كيس من الي شفتهم اول ما دشيت:eek:

يوم رجعت البيت صار خاطري في الحلاوة الي شفتها عند الجناح الايراني والبسبوسه الي عند السوريين وقال السوري بعد جم يوم احتمال يجيبون نابلسيه <<تموت على النابلسيه

وامي اشترت زيت زيتون خوووش زيت وسألته اذا يصير ينحط ع الشعر قال عادي والحين مغرقه شعري فيه << متحديه عزوزي يصير شعرها لفخوذها <<احلم يا فقير هاهاهاي

وعندج الجلابيات المصريه منتشره وفيهم حلويين بس انا ماحبهم فمدري شنو الاوضاع

وعندج جلابيات المناسبات الاشياء الحلوة لملجه او عزيمه لزوم الكشخه واسعارها حلوة ومناسبه نسبيا يعني اغلبها ما تتعدا 30 او 40 دينار وشكلها ترا كشخه نصيحه :wink:

طبعا البخور العماني والحلوى العمانيه موجود مثل كل سنه وبنفس الاسعار

الدلاغات او الجوارب الشتويه موجوده ومثل كل سنه

الفراشات موجوده مالت الصينيين ونفس الاسعار

اهم شي لا تنسو المكاسر


ووايد شغلات ببالي بس هذا الي اتذكره ولي عوده فديتكم واي استفسار حاضرين لشيخات عروس تحياتي ..كل الحب

محدثتكم من المعارض ..المنامه مملكه البحرين..حبيبة عزوزي :o

شهد العسولة;8514971:
هلا بنات

انا احب اشتري من المعرض
مفرش(بس من الضعاف مب من اللي فيهم قطن لان امجربتهم يختربون ابسرعه)
نعال باكستاني لان الموديلات الي بالمعرض احلى من الي في المنامه بواااايد(احب اشتري الالوان الغريبه)
وطبعا الملابس الداخلية (بس ما اكثر)
شيلة(من عند الكويتيين .........كل سنه اقول غالييين مب شاريه.........بس السنة انشالله باشتري لان ما تلقين مثلهم في البحرين واهمه كشخه الصراحه(لقيتهم العام على 7 دينار و8 دينار)
وشاح اسود للشته (لان اللي عندي ملونين........ما يصلحون البسهم فوق العبايه ..............احب كل شي اسود باسود)
العقيق الاخضر الايرلندي(العام شريت من عندهم التراجي والخاتم والسنة انشالله اشتري قلب)احب الفصوص والاحجار الكريمة في الاكسسوارات احسها مميزه في المناسبات(العام شريت طقم كامل فيروز ايراني)الكل استخف عليه
الشنط(اما عن الشنط والجواتي الي من عند السورييين ما خذ منهم لانهم في سوريا اسعارهم نازله واهني يبيعونهم دبل) اما الشنط الي من عند الصينيين او اليابانييين (مادري شنو جنسهم هههههههههه كلهم شبه بعض(بعد المعرض تلقينهم في معضم المحلات والاسواق العاديه .................وانه احب اشتري الشي الماركة والمميز
اكسسوارات(احب اشتري الخواتم والاساور والتراجي من عند واحد سوري بالمعرض ...........غالي اشوي بس الصراحه اكسسواراته مميزة
الاكل(عادتا اشتري من السوري جبن مالح بطعم البيتزا....وبالزعتر)
الجلابيات(العام شريت ثنتين وللحين ما لبستهم...........لاني ما البس جلابيات في العادة............السنه مب شاريه منهم)
ادلاغات(باشتري ادلاغين من الدلاغات الماركة......لانهم اوكي ومايختربون)
محفظة وملصقات للتلفون(من عند الصينيين)
وبعض الخرابيط
كل سنه اخلي ميزانية قبل ما ايي المعرض.....يعني كل شهر اشيل اشوي من معاشي
عشان لما ايي المعرض يمكن ماعندي سيوله.............الحمد لله على كل حال
والمعاش دايما ما عاش............من ينزل يطير............الله ايدوم الخير والنعمه عليكم


اسفه على الإطاله...........وتسوق ممتع انشالله

قريت التقرير كله والحين أنا رايحه مع السلالالالالالالالالالالالالالالالالالالالالالامه

بنات باجر بروح المعرض الصبـــح
وبعطيكم التقـــرير ان شاء الله

وحاطة في بالي بشتـــري 4 مفــارش من الصينين لأن توني متزوجة وماشريت لي الا مفرشين وكنت انتظر المعرض

مابشتري عطور وبخور لأن مترووووووووسة شارية يوم أروح الكويت

بنات أنصحكـــــــــم نصيحة اذا لقيـــتو محل إسمه "أطياب المرشود" بالعطورات الكويتية جربــوا منتجاته وعنده عود إسمه "عود الجفــري" يهبـــــــــــــــــــــــــــــــــــــــــــــــــــــــــــــــــــــــــل" وكل من شمه فيني يستخف من حمولتي.. وأنا شريتــــه من الكويت يوم أروح اذا لقيتو هالمحل اشتروا منه يمكن يجي بس مااعتقد بس احتماليــــة

بعطيكم التقرير نطـــروني

روح الورد 2007 ننتظر تقريرج

اني ان شاء الله اذا الله كتب 28 او 29 بروح الصبح لاني مو محتاجه اشياء بس ما اقدر ما اشتري عشان جدي بروح آخر الايام .. اعرف روحي اذا رحت الحين بعد يصير خاطري اروح اتشرى آخر الايام حتى لو ماعندي شي معين ابيه .. بس قاعده اسوي لي لسته من خبرات حبايبي العروسات .. عشان لين رحت اشتري آخد لي اشياء مفيده مو هرار ..

شوقتووني لروحه

ولا مره رحته

بس ماقدر امشي اذا مشيت بروح واذا ماقدر الله وشاء بهالشي مالينا الا كرسي :D

يالله ننطر اخر موجز الانباء هههههههههههههههه

اختي بحرينية وافتخر

ترى باجر اليمعه.........والمعرض ما يفتح الصبح بس يفتح العصر
وهذي الاعلان قريته في الجريده
من يوم السبت راح يفتح الصبح والعصر لآخر يوم

شهد العسولة;8530653:
اختي بحرينية وافتخر

ترى باجر اليمعه.........والمعرض ما يفتح الصبح بس يفتح العصر
وهذي الاعلان قريته في الجريده
من يوم السبت راح يفتح الصبح والعصر لآخر يوم

يؤيؤ..
وانا في بالي اروح الصبح وية خطيبي:(:(:(

لحين مايوو من المعرض..

انه انتظركم هههههههههه عشان نشوف المووجز

الليه يعني فاتح المعرض صح ؟

والساعه جم يسكروونه ؟

يؤؤؤؤؤ حاطة ألف حساب بروح باجر الصبـــــــح :(

احم احم


من البارحة المعرض فاتحينه
(الكل عنده خبر)
من تاريخ 21/1 ولغاية 29/1
الصبح من 10 ولغاية 1 ظهرا
العصر من 4 ولغاية 10 مساءا

تاريخ 25/26
صباحا للنساء فقط

أنااا هنيييي
توني من شوي راجعه من المعرض
رحت العصر ووصلنا تقريبا الساعه 4 وشي وماكان في ناس وايد، حتى في باركات داخل وجم صفه بعد
المهم، انا تقريري مابيفيدكم وايد خخخخخ
اللي تبي لانجري وحركات تروح المعرض ترى عندهم قمصان نوم حلوه
في بعد جلابيات حلوين ويلمعون :bigsmile:والجلابيات المصريه بعد
الشنط كانوا زوينين، عجبوني عند محلين أو 3 يمكن
أكثر شي عجبني الاكسسوارات :o في محل يبيعون فيه سوريين عاد عجبتني جمن ترجيه وفي عقد نفسهم سألته بجم طلع لازم آخذ الطقم كامل ب 48
وجااان اتحطم
محلات الهنود بعد عندهم اكسسورارت حلوه نوعا ما، وبعد عجبوني تراجي طلعت الوحده ب39 مادري جم
مادري شفيني انا ما اروح الا حق هالاسعار

المفارش بعد في أشكال حلوه، بس ماخذت لان حسيت مالهم داعي

وفي محل ايراني يبيع اكسسوارات واحجار وعاد ياكثرهم هناك
المهم، عجبوني الخواتم مرجان وياقوت مادري شنو الواحد قال لي ب22 وفي واحد ثاني قال لي ب16 هاذي عجبني بس حسيت يدي تلوع الجبد خخخخخ لا وانا البسه هو يقول لي وااو يجنن ورهيب ومادري شعنده
عاد انا كنت مفلسه وهو يبي يعطيني سعر حلو يازعم قال لي بجم تبينه قلت له 10 <<< تبي توهقه
الا يقول لي اوكي هههههههههههه على قولته يبي يكسب زباين
بس بعدين يات امي وسحبتني، بس للحين خاطري فيه شكلي بارد آخذ لي
ووووو بعد شنوووو، ايه اخذت لي مكياجات من عند التايلنديات اللي عندهم تقليد ماك والاشياء اللي 3 بدينار
وكنت ابي من عندهم بروشات مكياج، قبل كنت ماخذه من عندهم بس مالقيت اللي ابيها
وخذت لي خاتمين من عند محل كل شي فيه بدينار
واختي خذت اللبس الياباني الكيمونو
وأمي خذت منظر عوود، كالعاده :bigsmile:
جفت محل العبايات بعد وكان شكله اوكي بس قلت باروح له مره ثانيه

وفي بعد محل استرالي يبيع سكراب حق اليد والجسم والويه وفيه يسوون لج تجربه وعلى قولتها يرطب وماتروح الرطوبه حتى لو تغسلتي عقبها وتسوي لكم تست على يدكم، وصارت يدي ناااعمه خخخخخخخخ واسعارهم على 10 و15 و20 على حسب الحجم

وفي محل سوري بعد يبيع جبن وزعتر وهالسوالف عنده مربى على توت، عجبني كله قطع توت
وفي مربى ورد خخخخخخ كله شيره

وبسس خذنا من المصريين أشياء موالح وجذي


المره اليايه ان شالله باروح حق الاكسسوارات ابي آخذ لي خاتم كشخه من هالاحجار
ويمكن آخذ لي شنطة
ومكياج :o

بنااات اللي راحوا المعرض واللي بيروحون، اذا جفتوا محل للمكياج يبيعون فيه كوريات قولوا لي وفي وين مكانه، عيزت وانا ادور وتعبت :sad:
هم عندهم ستاند فيه شدوهات واشياء شوي كشخه

شهد العسوله

وايد جفت محلات حق الاحجار ودار راسي ماعرفت وين أروح
انتي المحل اللي خذتي منه شأصلهم اللي يبيعون فيه؟؟؟ على الأقل أحصر الخيارات شوي :shy:
وفي محل بعد بولندي، قلت يمكن هو اللي تقصدينه :think:

أنا الشوق;8532557:
أنااا هنيييي
توني من شوي راجعه من المعرض
رحت العصر ووصلنا تقريبا الساعه 4 وشي وماكان في ناس وايد، حتى في باركات داخل وجم صفه بعد
المهم، انا تقريري مابيفيدكم وايد خخخخخ

الا بيفيدنا و نص حبوبه

اللي تبي لانجري وحركات تروح المعرض ترى عندهم قمصان نوم حلوه
في بعد جلابيات حلوين ويلمعون :bigsmile:والجلابيات المصريه بعد
الشنط كانوا زوينين، عجبوني عند محلين أو 3 يمكن
أكثر شي عجبني الاكسسوارات :o في محل يبيعون فيه سوريين عاد عجبتني جمن ترجيه وفي عقد نفسهم سألته بجم طلع لازم آخذ الطقم كامل ب 48
وجااان اتحطم

خخخخ .. ذكرتيني بروحي اللعام صادني نفس الشي .. رايحه و عاجبني حده و باخده و انادي اختي تعالي تعالي و تالي يقولي بعد تقريبا من هالاسعار جان اصير:eek2: ..

حق اللي الحين بيعرسون و بيخطون و اللي عندهم اعراس ما يتفوتون الاكسسوارات عند السوريين و زينين ما يختربون .. اللي جفتهم اللعام عند سوري عنده اكسسوارات فيهم زينكون مادري شنو الماس تقليد بس كانه الماس .. حلوين ..


محلات الهنود بعد عندهم اكسسورارت حلوه نوعا ما، وبعد عجبوني تراجي طلعت الوحده ب39 مادري جم
مادري شفيني انا ما اروح الا حق هالاسعار

وييي نفسي لين عجبني شي اقول في خاطري اكيد السعر فوق .. مادري الاسعار شفيها وياي :sm229:



المفارش بعد في أشكال حلوه، بس ماخذت لان حسيت مالهم داعي

وفي محل ايراني يبيع اكسسوارات واحجار وعاد ياكثرهم هناك
المهم، عجبوني الخواتم مرجان وياقوت مادري شنو الواحد قال لي ب22 وفي واحد ثاني قال لي ب16 هاذي عجبني بس حسيت يدي تلوع الجبد خخخخخ لا وانا البسه هو يقول لي وااو يجنن ورهيب ومادري شعنده
عاد انا كنت مفلسه وهو يبي يعطيني سعر حلو يازعم قال لي بجم تبينه قلت له 10 <<< تبي توهقه
الا يقول لي اوكي هههههههههههه على قولته يبي يكسب زباين
بس بعدين يات امي وسحبتني، بس للحين خاطري فيه شكلي بارد آخذ لي

المفارش حلوين بس اني السنه ما باخد و اصلا الحين وايد في محلات مفارش و حلوين و اسعارهم نفس الشي و يمكن كواليتي احسن ..


ووووو بعد شنوووو، ايه اخذت لي مكياجات من عند التايلنديات اللي عندهم تقليد ماك والاشياء اللي 3 بدينار
وكنت ابي من عندهم بروشات مكياج، قبل كنت ماخذه من عندهم بس مالقيت اللي ابيها

اني هدلين اللي ضروري اروحلهم و اشتري منهم .. ابغي ضروري فراشي المكياج وايد زينين من اللي 3 بدينار .. توني ادري بعد عندهم تقليد ماك .. بستخف:sm240: .. وين هذا المحل ضروري تدليني اياه :sm2441::sm2441:..


وخذت لي خاتمين من عند محل كل شي فيه بدينار

وينه فيه ها المحل بعد :sm2441:.. حبيته :cool2: ..


واختي خذت اللبس الياباني الكيمونو
وأمي خذت منظر عوود، كالعاده :bigsmile:
جفت محل العبايات بعد وكان شكله اوكي بس قلت باروح له مره ثانيه

وفي بعد محل استرالي يبيع سكراب حق اليد والجسم والويه وفيه يسوون لج تجربه وعلى قولتها يرطب وماتروح الرطوبه حتى لو تغسلتي عقبها وتسوي لكم تست على يدكم، وصارت يدي ناااعمه خخخخخخخخ واسعارهم على 10 و15 و20 على حسب الحجم

وفي محل سوري بعد يبيع جبن وزعتر وهالسوالف عنده مربى على توت، عجبني كله قطع توت
وفي مربى ورد خخخخخخ كله شيره

وبسس خذنا من المصريين أشياء موالح وجذي


المره اليايه ان شالله باروح حق الاكسسوارات ابي آخذ لي خاتم كشخه من هالاحجار
ويمكن آخذ لي شنطة
ومكياج :o

بنااات اللي راحوا المعرض واللي بيروحون، اذا جفتوا محل للمكياج يبيعون فيه كوريات قولوا لي وفي وين مكانه، عيزت وانا ادور وتعبت :sad:
هم عندهم ستاند فيه شدوهات واشياء شوي كشخه

تتهنين حبابه بكل شي شريتيه .. و مشكوره ما تقصرين .. جيتينا بالغنايم :888345:

المحل بودينار يصير في القاعه الثانيه اللي هي على اليمين يعني
اول ماتدخلين من الممر اللي بين القاعتين تلفين يمين بتجوفينه في ويهج
وووو محل المكياج في القاعه الاولى اللى على اليسار خخخخ ياربي ماعرف ارقام القاعات
المهم، هو لين انتي طالعه من المصلى تمشين سيييييده وبتلاقينه على يسارج، عاد يعني دوري المصلى اول شي عشان تلقينه خخخخ
هو قبل كان اللي يبيع فيه ريال، هالمره بس نسوان
وعندهم تقليد بلشرات وشدوهات وبغمنت وغلوسات وكحل سائل وبودرة وفاونديشن ويازعم مسكارا شانيل بعد

وانا بعد جيت وحلقه جديده من تقرير بس هالمره المدعم بالصور واكيد حصريا على عروس انتظروني

جائكم التقرير التالي :)


اليوم رحت المعرض الصبح وينيييييييييت على الملابس الداخله خصوصا الاطقم وكان مافي الا محل واحد تقريبا يبيع الاطقم وشرييت وايد جنه ماعندي ثياب :D
وانا مجربتهم من قبل مايتغيرون حتى اللي شريتهم العام للحين عندي

وشريت مفرش من الصينيين بما اني باعرس في الصيف بس قلت آخذه وأخليه ب 20 دينار دبل واايد حلو بنفسجي وابيض لاني خاطري في هالون

وخذت لوشن اللي على شكل هرده بدينارين ونص و خمريه للشعر بدينار

وخذت قطعه حرير بدينارين ونص

وإن شاء الله بارجع يوم الاحد وباخذ مكياج من التايلنديات وعجبني الشوز اللي على ماركات يمكن ارد أخذه
وباخذ عود لانه نسيت امر علهم

وبس الباقي كله اكل يعني لازم :cool:

ورايي في المعرض اوكي يعني ماتغير واايد عن كل سنه قصدي نفس المنتجات

مساء الخيرات اخواتي ..

مشكورين على التقارير الحلوه اللي تزودنا بالمعلومات اللازمة قبل لانروح المعرض

شمعه الجلاس ثانكس عالتقرير وعزمينا على عرسج عاد ,. مبروك مقدما

وياحبيبة عزوزي ننتظر التقرير على احر من الجمر لان عن جد تقاريرج فن ولا عاد اصوات الاكياس

اذا تبطلينهم ..موتيني ضحك

ويعطيكم العافيه حبيباتي ..