معرض الخريف في البحرين

حبيبة عزوزي قصوا عليي في عطر شيخة عطاني اياه بخمسة ماتنازل لو أدري أنه بأربعة عطاش اياه انجان قلت اليه ((أني ما أعرف أفاصلهم في السعر))
بس اني من زمان ماتابعت الموضوع فما أدري عن سعره قال لي بسبعة قلت اليه بخمسة مارضى في البداية بعدين قال ماعليه ورديت أقول ليه بأربعة ماتنازل وخذته وكنت مستعجلة فماشفت العطورات اللي عنده عدل رشيت عطر فاطمة وعطر زهراء وعطر رهيب بس ما ماثبت على ريحتهم يوم رجعت البيت كانت لاصقة في ريحة واحد منهم ما أدري أي واحد منهم
ورحت مكان ثاني وشفت عنده عطر شيخة قال نبيعه بثمانية بس بيعطيني اياه بخمسة ويوم قلت اليه باربعة قال مو مشكلة باربعة ونصف

بغيت أسألكم عن عطورات الفودري أكتبوا لي أسماء الأشياء الحليوه عنده وأسعارها
وعطورات الملكي أيضا أبغي أسماء اللي تعرفونه وريحتهم حلوة وأسعارهم
وأيضا البخور
والمفارش وهذي الأهم ((ماأبغي أتعب روحي)) توصفون لي المكان قابل وين شي مميز يعني
لأن يمكن ما أحصل فرصة الا يوم واحد اروح وأعرف روحي مابيكفيني الوقت وبرجع بدونهم فعلشان سيده أروح اليهم ولو تحطون صورهم أفضل بعد علشان أسهل لي لأن المعرض زحمة مايحصل لك تتسوق وهذا بعد اليوم الى النساء

بنات في عطر عند الملكي لونه ازرق وفيه اشيا فضيه تلمع خخخخخخ
ماتذكر اسمه بس هو كأنه على وزن رهيب شي جذي

في وحده منكم شمته؟؟ وشرايكم فيه؟؟

وووو في بعد عطر حلو رشته لي وحده وانا ماشيه على السريع هههه كأن في سباق
كانت ريحته حلوه بس ماتذكره أي محل :ss بس أظن غرشه العطر طويله وعوده وهي زجاج بس فيها لون بنفسجي مادري أزرق :think: عاد يازعم الحين وصفت شي
المهم، اني متحسفه ماجفت شسم المحل خخخخ

حبيبة عزوزي;8556801:
مشكوره اختي بمرهم يوم الاثنيين يعطيج العافيه

لين رحتي حيبتي اخذ اسم المحل و رقم و كمان الوصف الوصف بالبضبط قريب لمن

انا الشوق افتكر هاي عطر زينب او فاطمه من عطورات الملكي

بنات بسئلكم وين يصير صباياا

بحرينية وأفتخر;8556722:
المفارش اللي بو25 انا يبانت خذيته ب18دينار وافتريت عليهم كلهم وكلهم يقولون لي26 ومابنزل بس محل واحد ويصير اول ماتدشين القاعة الثانية تآخذينها يمين واول لفة يمين بتلاقين المحل فيه وحدة كورية تبيع وكاسرتها لين 18 خذيته وعلبتهم لونها ازرف صدق فخمـــــــــــين عدل

والمفرش بو10 اللي يشبه دبهامز بعد قال لي 12 ولين 10 وصلته ويصير محله في القاعة الأولى وانتي طالعة من المصلى تآخذين يسار وسيده بتلاقينه ولون العلب بيج ويهبلون

واله يبنات هالمفارض بذات اللي بو25 شايفته في دبنهااااااااامز بضبــــــــــط

ممكن حبيبيتي توضعين الصور؟؟؟؟؟؟؟؟؟؟؟؟؟؟؟؟؟؟ظ

الترجيه;8563312:
انا الشوق افتكر هاي عطر زينب او فاطمه من عطورات الملكي

بنات بسئلكم وين يصير صباياا

لا ماكان اسم آدميه :dd: ماتذكر الاسم ياربي بس هو كأنه رحيب، رهيف شي جذي

اممم قصدج اي واحد اللي قلت عليه فيه فضي ولا الثاني العود؟؟ :o

موعرف شفت شي انتي شاريته من صباياا

وقلت بروح امس بنت خالتي راحت حاطت وطبت عليه

الدور علي الحين

معليش قولي عن الاثنين هههههه

سلام
هذب الاغراض اللي اخذتهم من المعرض ان شاء الله تعجبكم


http://www.3roos.com/uploder/uploded20080901/134717/21232886442.jpg


http://www.3roos.com/uploder/uploded20080901/134717/11232886442.jpg


http://www.3roos.com/uploder/uploded20080901/134717/01232886442.jpg


http://www.3roos.com/uploder/uploded20080901/134717/01232887141.jpg

اللي راحوا المعرض ... بسألكم ياخذون فلوس سعودية والا لازم احول بحريني
لأني ماعندي وقت احول فلوس
بأروح عالمعرض على طول ...

الله يعافيكم اسألولي

الغاضبة تتهنين بمشترياتك عجبني بلاشر ماك ... هو فيه لمعة والا ؟؟

تعبت وانه اقره
بنات بسالكم الي المكياج الي تقليد ماك وين صاير
اليوم بروح

الغاضبه >> حلووين اغراضج عليج تخلصينهم وتآخذين غيرهم ان شاء الله
ماخبرتينا بأسعارهم << بعد تعرفين بعضهم نصابين كل شوي يرفعون بالسعر

عروسة حبيبها;8563893:
اللي راحوا المعرض ... بسألكم ياخذون فلوس سعودية والا لازم احول بحريني
لأني ماعندي وقت احول فلوس
بأروح عالمعرض على طول ...

الله يعافيكم اسألولي

ا

اعتقد عادي ياخذونهم

بروفي;8563994:
الغاضبه >> حلووين اغراضج عليج تخلصينهم وتآخذين غيرهم ان شاء الله
ماخبرتينا بأسعارهم << بعد تعرفين بعضهم نصابين كل شوي يرفعون بالسعر

المكياج ما اعرف اسعارهم بالظبط , بس الفرشاة بدينا والمانكير 3 حبات بدينار
ومفارش الكوميدينو اخذتهم ب 12 اعتقد وكان يبيهم ب 15 البيجامة القطنية اخذتها
ب 5 دينار . وعطر شيخة اخذته ب 5 والبنات يقولون نحصله ب 4 دينار . شخصيا دايما
ينقص عليييييييييييي ههههههه

عروسة حبيبها;8563916:
الغاضبة تتهنين بمشترياتك عجبني بلاشر ماك ... هو فيه لمعة والا ؟؟

ما اعتقد فيه لمعة لان اللي جربته كان حلو وعادي

ياخوفي ننتظر لـ تاريخ 28 ونروح ما نلقى فراشات

هلا بنات في احد راح اليوم الصبح

ممكن تخبرونا زحمه او مثل العصر

اذا الله راد ان شاء الله باجر الصبح او العصر بروح

هلا، شخباركم؟:X_hell1:
انا باجر بروح المعرض:drive1: لان باجر ينزل المعاش،، واااي اقرأ حواراتكم عن المعرض شوقتوني.
أنا صراحة ودي اشتري فراش الى غرفتي وفراش حق المستشفى الى يوم الولادة
(انشاء الله احصل شي يعجبني).
وما ادري بغيت اسألكم في احد جرب يشتري من ثياب السوريين حق الاطفال الي توهم مولودين(new born) القطنية مع الفوط هل هم زينين؟ تنصحوني اشتري من هم او لا؟
ولازم راح اشتري من العطور السورية حقي وحق زوجي طبعا بروح انا وعمتي بروحنا الصبح عن الزحمه.
باجر انشاء الله بخبركم شنو اشتريت
:Zd_bye_3:

سلام بنات شخباركم ...؟؟ :X_hell1:

واخيرا اليوم رحت المعرض ويا الماما وخالتي ....

طبعا اول مادخلت كان هدفي شي واحد المفارشش...
رحت افتر على كل بياعين المفارش وهاي كان راي امي انج تجيكين الاسعار وعقب تاخذين لج الانسب ...
المهم افتريت وبعدين خذيت لي .... 4 مفارش ...
واحد ب 10 حسيته ناعم وكيوت يريح بالرقاد هل النوعيه يرتاح عليها خطيبي وايد ...
وخذيت لي مفرش ب 16 حلو فخم ...
وخذيت لي واحد لونه بني واحمر وبيج ب 15....
والرابع ب 18 ذهبي ......

وشريت لي عطر شيخة من الملكي ب 5 (n) مانزل لي السعر اكثر...

وشريت اكل والماما وخالتي شتروا لهم فراشات بعد وخب الحلاوة الايراني شي لابد منه...
والمااما اخذت القطاعه مالت البطاطا وعقب جافته ايسوي البصل الا تقول تبيها وخذتها....

ورحت صوب اقمصه النوم كانيت ميته آبيي طخيت لي واحد ومشيت من الزحمة ماكان لي بارض ...
وطبعا الجبن البيتزا والبهارات ... والمكسرات ...
ولي عوده ثانيه للمعرض لان خطيبي ماراح لازم بروح واروح وياه عشان اخخذ لي بخور وعطور وقمصان نوم وفراش واحد بعد عن خاطري

وعلي بالعافيه ...(f)(f)

&& شهوده &&;8564532:
هلا بنات في احد راح اليوم الصبح

ممكن تخبرونا زحمه او مثل العصر

اذا الله راد ان شاء الله باجر الصبح او العصر بروح

اهوه زحمه بس تاخذين راحتج لان مافي رياييل

الصبح وايد اهون من العصر