عمتي واستحقارها ليا

لي عوده ..

مااحس الموضوع يحتاج كل هالزعل
بكيفهم اذا يبون يقولون لك او لا ماعتقد انهم اكبر همك
ولا تزعلي منهم ولا حتى تكلميهم في الموضوع
ومصيرهم راح يقولون لك واذا قالو لك عتبيهم بااسلوب بسيط والافضل انك ماتتكلمين ؟؟!
الله يوفقك ويسخرلك

أنا مع البنات طنشيهم اذا يبون يخبرونج بيقولون لج واذا مايبون بكيفهم ... بس انت بعد خلج رسمية ماله داعي يعرفون عنج كل شيء... أهم شيء ريلج وأهلج...أنا بعد نفس الشيء عمتي تغار مني اذا سويت حلى ولا شيء ما تقول للحريم إني مسويته قمت أنا أقولهم إني مسويته وهي تمووووت من القهر ... شسوي لها يعني أتعب ومحد يقدر... صرت أطنش وأسوي إلي أبيه وهي تنقهر مني تبي تتحكم بكل شيء... بس ما أعطيها مجال وصرت وايد رسمية وقللت من زيارتي لهم .... إلي مايقيم لي وزن بكيفه ماني ميته عليهم ... الحمد لله وايد مرتاحة الحين :)

اول شي ياهلا والله باهل مكة


ثانيا ياقلبي والله مادري شنو اقولك بس طنشي وماعليك والي تسوينة اخلصيي فية لربك

وسوي الي يرضي ضميرك والله معاك

والله يفرج عنك يارب

اختي خلك بعيد حبك يزيد وانت اذا عندك شئ خليهم اخر من يعلم اهتمي بنفسك وزوجك وبنتك وماعليك منهم والله يوفقك في حياتك

اختتتي لازم تعرفين اصاببعج مو بسوا عمري فانتي اتقابليين اب هل حياة الناس الزيينة والشينة والطيبة ولي قلبها اسود ولي ابييض يعني احنا ما نقدر انمممشي الناس على هوانا او هاي طببع عمتج وهي ضالمتتتنج فسكتتي عنها وخليها ولا تحطيين في بالج قالو او ما قالو لي هم حريين سكتي عنهم ولا تحرقيين قلببج او عامليييهم مثل ما يعاملوونج يعني لاتحطيين جهددش او صحكتتتش كلا في خدمتهم او اهم ما يحبوونج عاملييهم عادي باحتراام وود لاكن مو زايييد ..وربي يوفققج وحنن قلب عمتج عليج

تعرفين أنا كنت مثلك في اول سنه زواج وثاني سنه لكن الحين تعودت ولايهمني خرابيطهم

فيه ناس كل ماقربتي منهم وعطيتيهم حبك تقربوا والأغلب اللي نشوفه الحين يبعدون ويتضايقون

ليش ؟؟!!

الله أعلم

حبيبتي كل أسره لها طبيعه معينه ودرجه معينه في عتاب الضمير حسب التربيه

وأفضل حل اللي البنات أجمعوا عليه : تكونين رسميه والله يهديهم ويسخرهم لك

ادعي دائما ان الله يكفيك شرهم ويهديهم

طنش تعش تنتعش
والله يعينج

حبيبتي اهم حاجة زوجك كويس معايكي ولا لا
لو كويس معاكي يبقى ملكيش دعوة بيهم اهتمي بزوجك لكي يكون سندك والله كله ده عند الله اصبري (الصبر جميل) وربنا يرعاكي ان شاء الله

الله يكوون بعونج .....

بصراحة انا اشوف مشكلة الحماوات مالها حل الا الصبر والتحمل من اجل الزوج ومن اجل حياتك تستمر مع زوجك


اكثر شي ممكن اقوله اعملي الخير وارميه البحر اعتبري كل الخير ايلي قدمتيه لها مثل صدقة واحتسبي الاجر عند الله تعالى


ربنا اعلم بنيتك


حبيبتي نصيحة اخيرة اذا في امر كنتي تساويه تطوع منكي ولقيتي منها برود ورفض ما تساويه واتركي عنك التطوع ولكن اذا كنت حابه تساعدي في امر او اكلة او شيء مو مشكلة يدك مع يدهم خليكي في امورك وفي زوجك

بدها تخطب لابنها تخطبله صحة وعافية لا تقهري نفسك ولا تعصبي بالعكس ريحتك من المشوار ومن وجع الراس المثل يقول ( امشي في جنازة ولا تمشي في جوازة ) يمكن خافت تذيع الخبر وما يصير نصيب ومهما يكون حبيبتي انتي لكي اهلك وقرايبك وصديقاتك


وربنا يوفقك

والله يا حبيبتي تبين ترتاحين
امشي على منهج لا ضرر ولا ضرار
يعني انا مااشوف ان ام زوجك اجرمت بحقك علشان كل هالقهر
هي براحتها حبت تقول ما تقول بكيفها اهم شي هي ما تهينك ولا ترمي عليك كلام
واعتقد السوالف الي ذكرتيها ا تعتبر نقطه في بحر بعض الحموات وما يفعلنه بزوجات اولادهم
اللهم اجرنا
يعني احمدي ربك والتهي بنفسك وبزوجك وعيالك ازين لك ولا يهمك وين راحوا وايش قالوا
هالسوالف لا تسمن ولا تغني من جوع ريحي راسك والي يجي من الله حياه الله.
واعتبريها امك مهما فعلت سامحيها والتمسي لها العذر بترتاحين كثير
تحياتي

الله بيراويها لا تقهرين عمرج أتصدقين اذا قلت لج ان أنا اذا يسوون فيني الناس اي شي اتدور الايام و الله ايراويهم و ايصير لهم نفس اللي سووه فيني الحمدلله الله ما يرضه بالظلم

انا نفس مشكلتج واكثر لأنها ساكنة عندي في بيتي ومآخذة الدور الأول كونها مطلقة وانا لي الدور الثاني وانا شرت عليهم بالبنت اللي يخطبونها لحماي ولما صار كل شي ردت لأستحقارها لي ولا خذتني لما ودت المهر ولا اعترفت فيني حتى صندوق المهر ما راوتني اياه

الله يعين