كيف اقول له ...

لا حبيبتي لا .... هذا زوجك انتي
وبنت الحرام تريد تبعدكم عن بعض عشان يصبر لها لوحدها
بس انتي صيري اذكى منها (انتي وياها الحين في حرب ويا انتي يا هي)
اشتغليها من تحت لتحت ....
1. غيري من استايلك (اصبغي شعرك وقصيه, سوي حمام مغربي, اهتمي بجسمك, غير استايل لبسك, اختاري الوان زاهيه, غيري شكل غرفه النوم والوانها....الخ) كل هذا عشان تجنني زوجك تدلعي وصيري عروس....عطري البيت وبخريه , اطبخي لزوجك وتفنني في تقديم الاكل ودلعيه على الاخر
برجع اكمل

rose1989;8307409:
لا حبيبتي لا .... هذا زوجك انتي
وبنت الحرام تريد تبعدكم عن بعض عشان يصبر لها لوحدها
بس انتي صيري اذكى منها (انتي وياها الحين في حرب ويا انتي يا هي)
اشتغليها من تحت لتحت ....
1. غيري من استايلك (اصبغي شعرك وقصيه, سوي حمام مغربي, اهتمي بجسمك, غير استايل لبسك, اختاري الوان زاهيه, غيري شكل غرفه النوم والوانها....الخ) كل هذا عشان تجنني زوجك تدلعي وصيري عروس....عطري البيت وبخريه , اطبخي لزوجك وتفنني في تقديم الاكل ودلعيه على الاخر
برجع اكمل

من سنه وانا اغير كل يوم استايل ماشي فايده نفس ماهوو؟؟

قومي الليل وادعي للرب العالمين ان يهديك زوجك وان يجملك في عينو
وكتري الاستغفار
وانصحك ما تجيبي سيرة لزوجك وحاولي تشوفي زوجك بيحب ايه واعمليه وغيري لوك بتاعك وكل شيء حتى الكلام
واهم شيء الدعاء الى رب العالمين
ربي يهديه لك ويحببو فيكي
ويهدي لنا ازواجنا اكتر واكتر

حبيبتي الله يسر امرج ويفرج همج
اول شي تأكدي من الكلام يمكن ويمكن ويمكن لا سوين شي الا بعد ماتتأكدين
الله يهديج واذا طلع صح الكلام مب معقوله كل وحده ريلها بيعرس عليها يعني تتطلق لا حرام
لا تضايقين من كلامي بس والله قلبي عورني عليج انت بحسبت اختي وابالج الخير
تأكدي وتصرفي عدل لاتوصلينها لطلاق



احبج فالله وطمنيني عليج حبيبتي

بصراحه انا معاك انه قهر..

بس اني اسمعي نصايح اختي روز

ولاتملين وعليك بالدعاء والاستغفار..

وقراءة سورة البقره ونفثها بما واعطاء الزوج منه حتي تطرد الشياطين..

وانتب بعد اشربي منها الله يسخر لك زوجك ويوفقك ويهديه

صلي على النبي حبيبتي............ وما عليج منها هذي بنت سووء وتبي تخرب بيتج اسم الله عليج

انتي تعوذي من ابلييس واهتمي في بيتج وفي نفسج وعيالج وريلج....... وادعي الله يهدي ريلج ويخليه لج

واذا اتصلت هذي بنت ابلييس لا تردين علييها خلييها تولي عنج ولا تفكرين فييها....... هذي تتمنى ان تكون مكانج من جذي تبي تزرع الشك عندج

الله يصلح ما بينكم ان شاء الله ويبعد عنكم الي يخربون حياتكم

الله كريم

اذا جا قولي له ودني بيت اهلي وسوي نفسش تبكين واذا سألش قولي

اتصلت علي وحده وقالت كذا وكذا وشوفي وش ردة فعله بس انتي خليكي وحده

مكسوره وانتي تبكين وانظري له نظرات حزينه

لما تجي الصور ذيك الساعه لكل حادث حديث وعلى فكره الحين مافي شي اسمه صور يعني بكل سهوله ممكن تتفبرك الكل صار خبير بهالسوالف
يعني شنو زوجج مومسافر ويقص عليج في تذاكر في جواز ختم ......
وبعدين بعلق على كلمتج
"
انا احس عمري عفته خلاص كيف احلها بفراق بدون قيل وقال؟؟:confused:

ساعدوووووووووووووووووووووني "
شنو افرااااق ليش على طول ركظتي لهلحل حرام عليج صدقتي الكلام وولدتي مشاعر كره لريلج الي انتي اصلا ماتدرين عنه شيفكر فيج الحين او شنو يتمنة لج وظنيتي فيه
حبيبتي خلي القران مرجعك, في ايه كريمه تقول (يايها اللذين امنوا اذا جائكم فاسق بنباء فتبينوا ان تصيبوا قوما بجهاله فتصبحوا على ما فعلتم نادمين )

واذا اتصلت ثاني مره سدي التلفون بويهاا احسن قدر لهاا .

والله يبعد عنكم عيال الحرم

زوجك الغلطان مو البنت لأنه الله يهديه هو اللي دور على البنت بنفسه ما جت له وهو جالس ببيته

قولي له:حبيبي قصرت معك بشئ عشان تدور لك من الشااااااااارع
لا تحاولين تروحين لأهلك لأنك انتي الخسرانة...... أعذريني يالغلا على قسوتي معاك لآن هذي هي الحقيقة وبالتوفيق يا حلوة

ويي حسبي الله على بنات الحرام

قوليلها طيب وين الصور ؟!!

لاتتصرفين ولاتقولين اي شي الا لما تتأكدين

يمكن هي تسوي جي عشان تتهاوشين معاه وهي تروح تتملحس عنده

لا حول ولا قوة الا بالله

انا ما اقدر انصحك حياتي لان هذا قرارك وحدك
بس انتي ادرى بزوجك وتعرفين لو هو متغير ولا..
بس انا براي حياة بها الشك مو حياة
بطريقة او غيرها لازم تسأليه
وان كان صاير انها بجد ابليسة و انه فيوم غلط, ممكن تسامحيه وش عليه بس اول شي يعتذر لك و يراضيك
ولا ترا بيتعود يغلط وتسامحيه
بيتك مهم بس بعد كرامتك مهمة
وانشالله تراها تفتري وما في شي
دعواتنا معاك

لاتستعجلين ولا شي امكن هذي بنت تريد توقع بينك وبين زوجك

انتظري لين توصل لك الصور

بعدين اقعدي وكلمي زوجك وشوفي ايش راح يكون مبرراته

وصح شي يقهر بس لاتخلين زوجك لبنت زي كذا

وربنا يصبرك

حسبى الله ونعم الوكيل فيها


اختى ما عليج منهاا حتى لو كان الكلام الى تقوله صحيح لا تعطينها فرصه وتبينين لها انج خسرانه


بالعكس خلج قويه ووقفى بوييها وقاليلها هاى زوجى مهما كان لا تتنازلين لها بريلج

واذا كان سالفت الصور وصج عندها صور خل تراويج الصور ولين كان صج وقتها تصرفي وتفاهمى مع ريلج وليش سوا جي افهمى منه مبرراته

بس لا تنسحبين من الموضوع بكل سكوت

حبيبتي سأقول لكي ماذا فعلت أنا بقصة مشابهة لقصتك
اتصل بي أحدهم منذ زمن طويل ( عاد لا تقولوا أنا يعني مو كبيرة مرة)وقال لي هل تعلمين أين زوجك وهو وهو وهو إلى آخره هل تعلمين ماذا قلت له قلت له يا حليله والله أنا مبسوطة إن هو مبسوط والله أنا دايما أقله ساعة الحظ لا تفوتها ثم الرجل عندما سمع مني هذا الكلام أقفل الخط ولم يتصل مرة أخرى وعلى فكرة ليست مرة واحدة بل عدة مرات هل تعلمين ماذا فعلت أنا ؟ والله لم أفعل شيئا وعندما عاد استقبلته أحلى استقبال ولم أحاول أن أتصرف أي تصرف فوقتها جلست فكرت لو كان هذا الكلام صحيح ما الحلول المتوفرة لدي هل سأقول له طيب لو فعلت هذا هل سأطنش على الموضوع إذا سيتمادى في فعله أو سأذهب إلى بيت أهلي وأنا عندي بنات صغار من سيربيهم ويعتني بهم ثم حتى لو هو يقوم بشيء غلط يكفي أنه يخبي علي إذا هو يهمه رضاي ووجودي في بيته إذا يهمه أن يعود دائما ويجدني في البيت أنتظره ففضلت السكوت ولم أقل له عن هذه القصة إلا بعد 15 سنة بعد أن كبر بناتي تفاجأ جدا وحلف يمين أنه لم يفعل شيء يغضب الله وقال لي بالحرف لقد زادت محبتك في قلبي أضعاف مضاعفة ربي يخليكي لي
فتصوري لو كنت فاتحته في الموضوع وقتها مهما حلف لي لن أصدقه وسيكبر ويكبر والنتيجة مشاكل لا نهاية لها
فيا ابنتي حافظي على زوجك وبيتك بالعناية به وبمحبتك أشعريه أنك شيء مهم لديه سيخسر الكثير إذا خسرك وتأكدي في النهاية لن يجد إلا حضنك ليعود إليه عاد ساعتها إنتي وشطارتك ورجيه نجوم الضهر

ما اقول لك غير ادعي ربك انو يهدي زوجك
وان شاء الله تكون اللي قالت لك الكلام تكذب

لاحبيبتي ليش تعافينه؟؟؟؟

انتي شدرااج ان هذي مولعابه ووحده من بنات ابليس اللي تحب تهدم البيوت

تعوذي من ابليس ولاتخلين وحده مثل هذي تهدم حياتج

قولي حق ريلج الكلام اللي قالته وعطيه التلفون يشوف رقمها اذا موجود

وحاولي تستدرجينه فالكلام... اذا صج يعرفها او لا... قوليله مافي انسان معصوم من الغلط بس قول الصج..

وصدقيني لوكان صج على علاقه فيها راح يبين هالشي عليه من اول ماتقولينله حتى لو أنكر هالشي..

تعوذي من ابليس... يمكن هذي وحده عارفتكم عدل وشايله حقد لج ..أو لها نية شينه الله أعلم فيها


توكلي على الله ولاتخلين بنات ابليس يفرقونج عن زوجج ...وبعدها مايفيد الندم



الله يخليكم لبعض ويبعد عنكم عيال وبنات الحرام

الغالية استهدي بالله
شوو درااج ان كلامه صدق
لا تخبرين ريلج و خلج عااااااااااادية و انسي الساالفة

حبيبتي هذي ماكلمتك الا لانها غيرانه منك وتبي تفرق بينكم وتبيه لها لحالها ...

نصيحتي لك انك ماتقووليله شي وحاولي انك تخليه يتمسك فيك واذا حسيتي انه مايقدر يستغني عنك ..

وتاكدي من اللي كلمتك هي صادقه او تكذب واذا صادقه ....

بذيك اللحظه واجهيه وهدديه انك بتتركينه وتروحين بيت اهلك ....

والله يوفقك ياقلبووووو