تجربتي مع محاولة تحديد جنس الجنين<<<حياكم

يسلمووو على المرور

صراحة عادةً ما اقرأ المواضيع الطويلة
بس استمتعت وآنا اقرا مشاركتج
اولا حبيت اقول لج ان البنات حسنات وحنونات على الوالدين
وبالنسبة لي آنا حامل بالشهر الرابع وللحين ماسويت اشعة بس اتمنى تكون بنت
لأني اموت في البنات، وابغيها تكون لي مثل ظلي، وتشيلني
زوجي واهله يتمنوني اجيب لهم بنوتة بعد
بس ام زوجي تقول لي التبكير بالولد افضل، علشان يكون لي سند اذا كبر (مع اني مااايدها الفكرة)
بس ارجع واقول اللي يجي من الله حياه الله، اهم شي يرزقني بقطعة مني تونس لي دنيتي
الله يخلي هالبنات لج، يمكن ماتحسين بروعة الخوات ادا اجتمعوا من الحين، بس اذا كبروا وجوا لج في زيارة باولادهم وازواجهم في الجماعي فرحتج مابتنوصف اكيد، وهدا اللي يصير لأمي الحين

يسلمووووو

وين الباقي

فعلا مشيئة الله علت كل شئ ومافي احد يقدر يغير ارادة رب العالمين
الله يرزقها بالولد الصالح
بس ليش ماتسوي تلقيح صناعي اللي يكون بعزل الحيوانات المنوية الأنثوية عن الذكرية بس تسال شيخ عن حكمها اول
انا بنت عمي سوتها بالأردن وكان عنده 4 بنات 2 منهم توام
وماشاء الله جابت ولد بس تقول مجننها مشيب راسها كثير متعبها اكثر من بناتها

الله يسعدهااا دنيا واخررة والله حااااااااااااسة فيهاااااااا ياااااااااااااااااااارب يرزقهاا ربي بتوأم اولاد عاجلا غير اجل

والله تقطع قلبي لانها ميتة على الولد مو نقص في البنات لكن نقص بمجتمعنا ونضرتة وانتقاداتة..

لكن الله يسعدها وهي وبنوتاتهاا.. والله البنات يجنوون.

الله يذوقها برهم..

الله يرزقك بلي تتمنينه الاولاد الصالحين واشكري الله تعالى على هذي النعمه جارتي لم يكتب الله لها الذريه وعندما نجتمع انا والجارات نتحدث عن متاعب الحمل والاولاده والتربيه بحكم اننا متزوجات حديثا اماهي فلا تستطيع المشاركه في البدايه كان بيضايقها هذه المواضيع بعد ذالك تعودة ورضت بما قسم الله لها اسال الله ان يرزقها ويرزق كل محروم الذريه الصالحه

ههههههههه ما اقول الة الله يعطيك الي في بالك

الي يشوف مصيبة غيره تهون عليه مصيبتة ...صحيح ان انا مات الج بطني مرتين بس اتمنى ان الله يخلي ابو العيال و يعطينا الصحة وما نبي غير الستر من الله تعالى

القصة شدتني واييد

لان فعلا في هالزمن الواحد ما يقدر يجيب عيال وايد الحاله صعبه والتربيه اصعب والواحد يبي يجرب الاثنين بنت وولد الله يرزق الجميع ان شاءالله

الله يجزيك خير انكساري على نقل القصة
وصاحبة القصة الله يرزقك الولد الصالح ونصحتي انك تتوكلين على الله
وتدعين وتستغفرين بنية الولد بعد ما تاخدين قسط كافي من الراحة لان كثرة الحمل والولادة تعب عليك وكلة من الله المهم الي فية الخير والبركة

تسلمون حبيباتي على المرور

مشكورة حبيبتي انكساري على نقل القصة والمثل يقول لو جريت جري الوحوش غير رزقك ما تحوش الاولاد والبنات ارزاق بيد رب العالمين ، الله يرزقنا وياكم بالذرية الصالحة آمين

عندي مثال بنت خالتي ودها في بنت وكل حملة تترجى البنت وعندها الآن اربع أولاد الله يخليهم لها وما جات البنت هذا طبع ابن آدم :)

مرحبا

هذي ثاني مرة اقرأ قصتك بصراحة ماتنلامين والكل نفس في بنت وولد

لحد يقول غيرنا يتمنى الذرية ماختلفنا البنون زينة الحياة الدنيا

بس مهما كان بني ادم بطبعه يبي زود بناتك واكيد تحبينهم بس ادري تتمنين ولد

بصراحه لو انا مكانك المرة الجاية بروح اسوي فصل أجنة

الله يخلي لك بناتك ويرزقك ولد

الصرحة انه قريت قصتك وبكيت معك لانه حسيت فيج مع العلم انه عندي ولد وبنت والحين حامل
راح اقولك عن تجربتي والدتي تخيلي امي يابت 3 بنات وكل مرة تحمل وتولد ابوي يشتري لها هدية غالية او يغير لها اثاث البيت كله وبتم معاها في المستشفى ليما تولد ليما حملت رابع مرة وماسوت سونار قالت على الله المهم يوم الولادة الوالد وداها المستشفى وملى الاوراق الرسمية تخيلو انه بس خله اسم للبنت وما خلى اسم للولد وطلع من المستشفى والله ما اكدب عليكم لا وعطاهم رقم بيت جدتي (ام امي)امهم لما امي ولدت كلمونا من المستشفى وبشرونا انه امي يابت ولد بس ماسموه ولازم انروح طبعا الكل ماصدق وانه بنفسي اتصلت في الوالد ابشره صوته كان كلش عادي وقال لي اهم شي سلامت امكم المهم الولد الحين كبر وعمره 12 سنة بس والله حتى امي اتقول لنا وحق ابوي دايما انت اتحب بناتك اكثر من الولد الوحيد وفعلا ابوي عمره ما حسسنا انه في فرق بينه وبين اخوي بالعكس دايم يحسسننا انه احنا اغلى شي عنده حتى عيالي يحب البنت اكثر من الولد
شوفي راح اقولج شي امي لما حملت بالولد كانت خلاص ماتفكر في الحمل لانها كبرت كانت في نهاية الثلاثين وحتى بيتنا بنيناه على هالاساس 3 غرف نوم للبنات بس الي ربج يبيه كان غير الي اقصده ادا الله يبي يرزقج بالولد راح يرزقج وبالعكس يمكن هالشي صلاح لج

فوضى امرك لله وطولا فيك صحه وعافية احملى وربنا يرزقك بالذريه الصالحه

يسلموووووووووو على المرور

عزيزتي انا استمتعت بطرحك جدا ما شاء الله وحبيت افيدك بتجربتي مع التلقيح الصناعي مع تحديد الجنس انا عندي 3بنات وكان زوجي رافض فكرت التلقيح والحيت عليه وبعدين واافقه سويتها مرتين وما الله كتب المره الاولى طلع لي 2 بنات و2 غير طبيعين فما رجعت الاجنه بس دفعت الفلوس الله يعوضنا والمره الثانيه رجعت3 اولاد بس سبحان الله ماثبت الحمل الحمدلله عى كل حال والله يعوضنا وياك ويرزقنا بتوام ولدين تامين كاملين وعلى فكره تكلف 20 الف

مرحبا بنات ابغى وحده تساعدني بالجدوا الصيني انا مولوده ب20-10-1977ملادي وابغى احمل بولد ان شاء الله ماعرفت اضبطها............................فزعتكم يابنات