مشكلتي .. زوجي بيجنني .. ؟؟؟؟؟؟؟؟؟؟

الله يصبر قلبج حبيبتي

ولاتفكريـن بالطـلاق شذنب البنت اللي بينكـم

انتي قعدي معاه وتفاهمي يعني قوليله قلل طلعاتك للميلس

انا احتااجلك ابي اقعد معاك ابي اسولف جي يعني

وحاولي تتقربيين منه واهتمي اهتمي اهتمي بنفسج

ترى والله ماتدريين يمكن ايي يوم ويدخل البيت وينصدم انج كااشخة له

وصدقيني على طول بيي وبيقعد معااج ولابيهدج

نسقي وقتج بين بنتج وريلج وحتى نفسج

وانسي سالفة يوم رد ومادري شقال وكبري عقلج

وكله اتصلي واسألي عنـه عشان يحس فيه اهتمام

طلعوا غيروا جو تعشوا برع غيري من روتين حياتج

لااازم لازم يطلعج ويفكر فييج لانه ملزووم

والله يوفقج ويهدييكم لبعض

لولية
مشكووره ..

اماراتية حيل
مشكووره حبيبتي الله كريم

اماراتية كيوت
مشكووره

قطرية
شلون اتفاهم معاه اذا هو مايبي يتفاهم .. واذا عالاهتمام ماقصرت اهتميت بنفسي كشخت وسويت وانا اصلا وحدة احب اكشخ بس بصراحه نفسيتي صارت زفت

الطلاق ابغض الحلال فلا تفكري فيه وعليج بالدعاء وكثرة الاستغفار دام انه دائما يحاول يراضيج لين تزعلين اكيد هو يحبج بس صبري وربي يهديهه لج

الله يهديه ويصلحه لكم خلي الطلاق اخر حل

السلام عليكم

شوفي حبيبتي آراء البنات متفرقة
منهم من يقولك اياكي و فكرة الطلاق و اناا معاهم لأن من أبغض الاعمال عند الله
بس في نفس الوكت أنتي انسانة ولك مشاعر ... الله سبحانه و تعالى قال ( ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون) .. واشدد على الجملة و حعلنا بينكم مودة و رحمة
يعني تبادل المشاعر شي مهم ... يعني إلي ماا يطلع مع زوجته ولا يقعد معاهم وما يسولف إلا القليل و يرفض التفهم و المشاكل بشكل يومي ... بالله هذي شنو مستفيدة منه ... اهواا مقصر في حقهاا وايد ... الزواج مو من فتح له بيت وحط المرأة فيه و ياب الأكل و طول النهار هايت و لنص الليل بره البيت ... و إذا مو طالع نايم ... هل هذا إلي امر به الله و رسوله ؟
عن عقبة بن عامر رضي الله عنه قال:
قال الرسول الله صلــ الله عليه وسلم ــي
(ليس من اللهو : تأديب الرجل فرسه ورميه عن قوسه
ونبله وملاعبة أهله) شوفو شنو يأمر الرسول ...

و هذي البنت إلي اتقولون عنهاا مسكينة
دامهاا صغيرة و ما تفهم و دام في مشاكل بهذي الطريقة مااا تنحل ماا راح اتضيع
دام انتي امها ... عندك أخوان " خيلان لبنتك " .. انتي مو عندك ابووو يمكن اتلاقي فهذول الرجال إلي حولهاا مشاعر الأبوة اكثر من ابوهاا نفسه

حبيبتي نصيحة ... أناااا عايشة بين ابويين ماا يتحاجون منفصلين بس في بيت واااحد ... ماا نقعد على سفرة وحدة ... من اول ماا فجيت عليني على الحال ... يبون يطلقون بس ماا يقدرون ليش أن لسمعة بيتنا و بعد زواج وصل لـ 35 سنة .... احس نفسي ضايعة ما بينهم .., إذا صرت في صفة أبوي قالت امي أيه ماا اتحبوني اتحبون ابوكم وانا إلي متحملة هالعيشة عشانكم ... وإذا صرت في صفة امي قال ابوي أيه طالعين على امكم ... فليش اتخلين بنتج تكبر في اتصير في هالموقف !!


قولو لي ايهوو احسن تتربى البنت في كنف امهاا .. .او انهاا اتعيش مثلي ...
انصحك حبيبتي إذااا ماا نفع معاه و ماا تغير " وأبو طبيع ماا أيوز عن طبعه "
تطلقي احسن لج و ابنتج لااا اتخافين بنتج ماا بتضيع الحمدالله عندك شهادة و فاهمة و عاقلة و تقدري تشتغلي ....

والله اعوضج يا ربي

الله يعينك عليه ويصبرك يارب

ما شاء الله البنات كفت و وفت و انا حقولك كمان لا اتفكري بالطلاق و حاولي معاه مرة ثانية و ثالثة و حاولوا اتكونوا صريحين مع بعض و اتحلوا المشكلة بالراحة....شو ذنب بنتكم....؟!....مرة وحدة قالتلي ان اذا كنت داخله مشروع حعمل كل ال في وسعي علشان انجح فية و حدور كل السبل لنجاحة فما بالك لو كان المشروع هو الزواج......؟انتي ادعيلوا و الله يهديلك اياه و حاولي اتغير في نفسك زي ما البنات قالولك .....قال تعالى(ما يغير الله بقوم حتى يغيروا ما بأنفسهم) صدق الله العظيم

انا زوجي مثلك تقريب وينام برع البيت واذا سالت لا يعطيني حق ولا باطل مع هذا علينا الصبر اذا ما تذينا منهم من اجل ابناءنا والله المستعان

عيل حاولي تنصحينه بطريقة غير مباشره

يعني شغلي له برامج توعويه ولا حطي كتاب عن الاسرة والتربية في مكان بارز وهو دائماً يرتاد له على اساس انج انتي اللي تقرين الكتاب وناسبته بهالمكان

يمكن الله يهديه ويقراه

ولا تدرين خليه يدخل لخويا
عشان يتعلم الانتضام

قوليله معاشاتهم عاليه
وبيكون له مستقبل ان شاء الله اذا استمر معاهم بدل الهياته وشهادته اللي ماتنقبل في ولا مكان
قوليله ان هو عنده بنت وفي المستقبل بيكون عايله , لازم يعيشم بمستوى زين
وهو لين الحين مب مكون نفسه ولا يعرف حتى شبيسوي في مستقبله


انتي الحين فكري شلون تخلينه يحس بالمسؤولية ولا تفكرين بالطلاق
لان مب بس ريلج اللي فيه هالسلبيات
معظم الشباب جذي

مسك الجنة
خلود
مشكورين عالردود

نور البحرين
اكثر وحدة فهمتيني انتي ..الزواج استقرار وانا ماحصلت هالاستقرار وحتى بنته مقصر بحقها وايد
بالتفق اتشوفه وبالعكس احس لما اتشوف اخواني تنبسط اكثر من لما اتشوف ابوها لأن مو متعوده اتشوفه
غالبا لما يجي البيت اتكون هي نايمه ومثل ماقلتي انا مابيها تكبر واتشوف مشاكلنا لان مشاكلنا كثيره واسبابها تافهه
انا ابي حد لهالشي .. يا انه يتغير وهذا اللي احاول فيه ولا ننفصل افضل
مشكووره

نصفه الثاني
امي ماتدري .. خواتي بصفي لأنهم يدرون بكل مشاكلنا وانا اختصرت وايد اشياء

روز
شكرا ..

اعذب الكلام
مشكووره
بس حبيبتي انا متأذيه ومشاعري مب لعبة


درب المحبة
ماقصرتي حبيبتي والله حاولت وايد.. الله كريم انشاالله

اختي كثري من الاستغفار وان شاء الله ربي بيفرج همج

^^^^

شكرا الله كريم

مرحبا اختي الله يكون في عونك بس نصيحتي لكي شيلي فكرة الطلاق من را سك حراااااااااااااااام بنتك شنو ذنبها وحولي بكل الوسايل مع زوجك والله يهدي الجميع يارب اتمنا لكي التوفيق والسعادة يارب

مرحبا اختي نصيحه لا تتطلقين حرام بنتك.....بعدين انتي تقولين انه يتيم الاب والام فمن الطبيعي ياختي يكون عنده جفا في المشاعر لانه ماتربا في جو اسري واكيد يعاني من الحرمان ...فنصيحه ياختي احتويه وحاولي تتلطفين له وتهتمين بنفسك وفيه وزيدي الاهتمام فيه علشان يعوض الاحرمان اللي عاشه واعتبريه كطفل وحاولي انك ماطلبي منه الاهتمام خليه الين هو من نفسه بيبادلك المشاعر والاهتمام وحاولي تصبرين ...صدقيني هو مايقدر يستغني عنك ولا يبي يفقدك والدليل انه لا زعلتي علطول يراضيك بس يمكن مايعرف كيف يعبر عن شعوره ومشاعره......فكري ياختي بالموضوع زين وممكن تستشيرين اخصائي نفسي........ .والله يسخره لك يااختي

الرجل دايما يحب يحس انه له الافضلية عن زوجته في كل شي.. المستوى المادي , المستوى التعليمي
الثقافة , القوة الجسدية .............
و هوا حاس انك احسن منه بمستواك الدراسي و يمكن بعد بتربيتك االسليمة وسط والديك و الي اهو انحرم منها و طبيعي حتأثر في نفسيته .... و هدا السبب اللي يخلي الرجل الموظف لا يفكر بالارتياط من امرأة تشتغل مديرة مثلا (لأنه أفضل منه في المركز ), او يتضايق ادا مرته اشتغلت و بعدين ترقت و صار مرتبها اكثر من مرتبه او مركزها احسن من مركزه . و الحقيقة هدا الوضع الطبيعي ان الرجل تكون له الافضلية من المرأة عشان يحس بقوته و رجولته ,, حلاة الرجل في قوته و قدرته على مساعدةالانثى ,, و حلاة الانثى في ضعفها و احتياجها لمساعدة الرجل .
فعشان شذي تلاقي نفسك من البداية يمكن محسسته بشي من تفوقك عليه و هدا يحـــــــــــــــطم الريال و يخليه يحس بالنقص ..
الملخص .. انتي حاولي تغيري طريقة معاملتك معاه حسسيه انك محتاجته , او احيانا اسأليه عن اشياء تكوني متأكدة انه يعرفها عشان لاتحرجيه ادا م لقى اجابة ( و حتى لو كنتي تعرفيها بس سوي نفسك ما تعرفيها ) و سوي نفسك مبهورة باجابته و قوليله ما شاء الله عنك دكي و تعرف في كل شي ... المهم دايما وريه انك معجبة بيه و انك سعيدة لأنه في حياتك ,, يعني ارضي غروره و رجوليته .
حسسيه انه رجل , حيحسك انك انثى


و لا تفكري بالطلاق الموضوع يستحق محاولات اكثر ودايما اول سنين صعبة
ربنا يسعدك ويغير حياتك للاحسن انتي و زوجك

حبيبتي الله يكون في عونج لازم تدخلين حد من هلج في المشكله ابوج او اخوج

المهم حد يكون فاهم

وانا من رايي تروحين عند هلج كم يوم وحتى لو جا ورجعج لا ترجعين انا مابي اخرب عليج

بس هاي اللي لازم تسوينه عشان يحس لانه كل مرة بيغلط وبتزعلين وبتروحين عند هلج

وبكلمتين منه بتردين ،،و الحين عندنا مافي طلاق يحولون الحاله

ع الاستشارات العائليه يطلبونج ويطلبونه وفي جلسات ويشوفون الاسباب !!!

والله يهديه لج ويسخره لج يارب

الله يسخره لك ولبنته طبعا لا تفكرين بالطلاااق بتاتا لاتقولين ان بنتك متعوده على اخوانك واخوانك بكره بيتزوجون وبيجيهم عيال ولان الاب وجوده غيييرتحملي علشان بنتك ويام سمعنا كثيراات صبروا وفي الاخير صارو اسعد زوجات

بسمة اطفالي
يعني اذا كبرت وشافت امها وابوها بهالحاله مش حتكسر الخاطر؟ نفس الشي بتتأثر
ماقصرتي مشكووره حبيبتي

مايا
ثانكس حبيبتي


ضحكة
حاولت وتعبت مافي مقابل .. تسلمين حبيبتي الله كريم


اناسا
كلامج حلو جدا ثاانكس


همس الحراير
هلا والله تذكرت التجمع طليت عليكم مره وشفتج هناك
حبيبتي يمكن انا ماوضحت لأني اختصرت انا دخلت هلي قبل ومافي فايدة شاسوي؟
لما كنت حامل زعلت ورحت لهم اصيح وقلت كل اللي فقلبي كلموه ووعدهم كل شي يصير نفس ما ابي ياني وقال حجي ووعود ما لها اول من تالي صدقت و رجعت معاه الله وكيلج اسبوع بس ورجع نفس ماكان :(
بعد شنو هاي استشارات عائلية اول مره اعرف :(