السـلام عليكم ..
الموضوع حلو واااااااااايد ..
اييكم من الاخر تعرفون ليش ما عرستو ( لنكم جميلات قلبا وقالبا) ههههههه يعني العزيز ياخذ ويعطي تراه - الحمدالله ع النعمه
بسم الله نبدأ
أنا مب متزوجه ولا ف عمري واحد دق الباب هههه عادي الحياه مستمره عندي وبالنسبه لي الزواج صحيح مهم بس مب كل شي ف الحياة خل اندش ف الجد - المشكله اني في حالة حب وف رايي يوم يكون الانسان ف هالحاله ما يتمنى غير ان الزواج هو نهاية هالحب - عسى ان تكرهوا شيئا وهو خير لكم - الحمدالله
انا وكل خواتي كلنا مب متزوجات (هالشي احسه مخفف شوي)
وأنا الوحيده من بين اربيعاتي المقربات ( العزباء )
ف يوم نجتمع المزعج طبعا النغزااااات الدائمه ف قمت اتجنب هالشي اللي يزعج لكن لا مفر خصه يوم يكونون هن المقربات وفي تواصل معاهم اغلب الوقت
طبعا شو اسوي اقاطعم لا عيل شو ارد عليهم تعبت وبعدين اللي يرد ع النغزات ف كل مره بيتعب عيل التطنيش طبعاااااااا التجاهل هو الانسب ..
الأخت صاحبة الموضوع ( عروس الحب) موضوعج راقي جدااا (f)
انجازاتي يالغاليه (بفضل الله قليله وان شاء الله عندي مخطط ازيدهاااااا)
الحمدالله يا رب تخرجت من الكليه - ادارة الاعمال التطبيقيه
اشتغل والحمدالله صحيح اني مب مرتاحه واايد ف شغلي ومن النوع الي تنقل وايد من مكان
ل مكان لكن ما في شي كامل ودوامي طويل ف أقضي نص الوقت ف الداوم
الحمدالله اسوق وعندي سيارتي الخاصه كانت حلم اقتنيها وحققته
من خلال شغلي دخلت دورات عديده جدا في مجال شغلي
تعلمت كيف اتعامل مع الناس واكتسبت خبره
أجالس اشخاص في اعمار مختلفه - جنسيات مختلفه - أجناس مختلفه - ديانات مختلفه
(أحس لو كنت متزوجه ما كنت بقدر اسويها)
مشروعي الخاص درسته بس بعده ما شاف النور لعدة ظروف لكن بأذن الله يقدرني وانجزه
كان طموحي اكمل دراستي برع لكـــن ظروف قويه جدا خلته مجر د حلم
لكن باذن الله اكمل ف لبلاد الله يقدرني(ابا ادرس ميديا- اعلام)
انجزت اقنعت الاهل انسافر رباعه قروب كل صيفيه والحمدالله استوى من الضروره ههههه نلم الشمل بهاي السفره السنويه:cool:
واحـــــــــلى شي تعلمته وانجزته تعلمت الصــــــــــــــبر والصبر والصبر - كنت انسانه استغفر الله ما تعترف بشي اسمه صبر لكنها الحياه انحطيت في مواقف والله امتحني بشكل قاسي جداااا
أحمد الله اني ما تزوجت قبل هاي التجارب كلهاااااا لنى الصبر مهم جدااااا ف الحياة الزوجيه
وهذي يا الغاليات نص الحكايه هههههههه :tongue:
عندي اقتراح بسيط :ليش ما نتواصل يعني بدل الهم والضيجه مثلا كل وحده فيكم عندها هوايه معينه واستوت استاذه تعلم شخص عنده ميول ان يتعلمها او مثلا شخص يبا يوصل لهدف معين ومب عارف واكيد في من الموجودات استون خبيرات يعني نتساعد وجي
للي يفكرون وايد اقول بسكم ضيج بسكم واااااااايدات العازباااااات وااايد وااايد لا ترهقون نفسياتكم بالتفكير ترا
هم وغم والحياه سكر زياااده هههه(a)
يعني فكروا شوي بس لا تكثرون هههههههههههه
السموحه ع الاطاله - ما ادري متى بتعلم اختصر :D بس حبيت
افضفض لا اكثر
ف حــفظ الله
ويا رب تحقـــق امنــــيات الجميـــع