امهات البحرين ....... وين اختن ولدي ؟؟؟

هلا أختي أني ولدي حسوني طهرناه فمستشفى حكومي عندش عيادة الرساله بمدينة عيسى والأمريكي ولاتنسين حلاوة الطهور أنتظرها ههههههههه الله يبلغكم فيه معرس

انا ختنت اولادي الاثنين عند عيادة احمد محمود....الله يسر لج وتفتكين والله الختان هم

انا ختنت ولدي في عيادة احمد محمود بالمحرق..

اسأل مجرب ولا تسأل طبيب
أنصحش بالدكتور محمد الساعي ايده خفيفة ما شاء الله عليه وسعره ممتاز 30 دينار بفتاح الفايل ويجيك اليش الطفل من مجاميعة واذا يعاني لا سمح الله من مشكله عادي يعالجها اليش اختي هالايام والدة وسر ولدها يطله منه دم داواها اليش مجان وقالت اليها ذكرني الاسبوع الجاي ارد ادوايه
والميزة اللي عنده انه يرد يعطيش موعد مجان علشان يجيك الختان بعد اسبوع وذا لا سمح الله عنده مشلكة يعالجها بالمجان بعد وما يقصر معاملته ولا ارقى لطيف مع الوالدين واذا وياش طفل آخر لازم يعيطه لعبة وحلاوة

أقول اليش من باب التجربة لأ،ي ختنت عنده ولدينني اثنينهم والاهل كلهم عنده

أما الرسالة ما انصحش فيها ما يستعلمون ربلة يستعملون قطن واذا بتطيح بتذبح ولدش ما يسوى عليش ولا عليه

آل الميامين ولد خالي طهروه فمستشفى خاص وحطواله ربله ومسكين تعذب غصب طاحت ولدي فمركز مدينة عيسى الصحي وحطوا له شاش وقطن وتمت عمته تحط عليه زيت زيتون وبعدها صار زين واكوا فديته الغالي رجال عمره 5 سنين واليوم كملهم اليوم ولدت فيه 3/1/2004

الساعي ختن ولد حماتي وطلعت ختونته من مظبوطة والرسالة ما انصحج ابها كمان ,بالنسبة حقي وحق العايلة كلها يختنون اولادهم في عيادة الدكتور جمال الزيرة ب 20 دينارويعطيج بعد مرهم تحطين عليه وهو ما يستخدم الا طريقة الحلقة او (الدبلة) تصير العيادة عقب مدخل بوابة مدينة عيسى مباشرة ويدخل الياهل ساكت ويطلع من عنده هم ساكت والصراحة وايد زين في المعاملة حتى يقرأ دعاء قبل الختان ويشرح لج كل شي قبل الختان ...وبالتوفيق

انا طهرت ولدي في الرسالة والحمد لله ماعانى ولدي ولا شي والحمد لله بعد ثلاثة ايام صار زين وطاحت الخرقة وعنايتهم كلش تمام يفحصون البيبي اول بعدين يطهرونه ودائما تطهيريهم يوم الجمعة لانه فضيل

اني ختنت ولدي في عيادة البحرين سابقا
الحين عيادة الدكتور جمال الزيرة
وماشاء الله لا اله الا الله ولدي ماتالم واجد
وكلها 8 ايام وطاحت لانه كنت اخلي عليها واجد زيت زيتون
يعني مع كل تبديلة حفاظة احط عليها

اني طهرت حمادي في الدولي ب40 ديناااااار والحمدلله واااجد زين وحطوا له حلقه خاتم وشلرحوا لنا قبل اول وبعدين ختنوه وعقب 5ايااااام طاحت
بس الحين اسعارهم ب75

في السلمانية زين.. انا اشتغل في العمليات لأن.. وايد أثق في دكتور نادر.. وايد شغله زين.. اشوف حتى الدكاتره يجيبون عيالهم له.. و انا كنت بودي ولدي هناك.. بس لازم أوديه قبل بيوم عشان يشوفه الدكتور و يوم ثاني حق ختان.. تعايرت بصراحة فوديته المركز,مركز مدينة عيسى.. زين ,,ما حطو له حلقة.. بس كان فيه شاش.. كلها كم يوم و صار زين.. كنت أحط له زيت زيتون.. و بعد استخدم له أحيانا فيوسيدين و زايلوكين عشان الألم.. و عشان يلتئم بسرعة و الحمدلله ..

ولادي اثنينهم طهرناهم في الامريكي والحمدلله اوكى ..

اما عن الحكومي اسمع اكثر شي يمدحون السلمانية ومركز النعيم الصحي ومركز عالي الصحي :)

اني طهرت ولدي في مستشفى الرسالة في مدينة عيسى

انا ختنت ولد في المستشفى الامريكي ...وايد زين.

أني ختنت سيود في المستشفى الدولي

أول فحصه الدكتور بعدين عطانا موعد ليوم ثاني

و شرحوا لنا العملية و اللي راح يصير

و ما صاح وايد يوم العملية

حطوا له الحلقة (الدبلة) و عطوني له مرهم

ويوم خامس صاحت الحلقة

و ماا أتأذى الولد فديته ولا شي