بليز بنتي سمره وحساسه لاتطنشوني

السمار مش المشكله المشكله ان الاطفال فهموها ان السمار وحش بالعكس فى سمر حلوييييييييييين وفى بيض وحشيييييييين
حاولى تهتمى فيها اكتر يعنى لو شفتى ان وزنها زايد نظميلها وجباتها وزوديلها خضار وقللى حلويات
واهتمى بتسريحاتها ولبسها لما تشوف نفسها بلوك مختلف هتتغير نظرتها لنفسها وفهميها ان السمار حلو كتيىىىىىىىىر واجمل نجمات هوليود سووووووووود مش بس سمر والعالم بيتجنن من جمالهم

الله يعينك
انتي خلي ابوها يكلمها بحكم انها طالعه عليه
ويقول لها انا اسمر بس الناس يحبوني يعني انتي ماتحبي بابا؟؟
وانا عندي اصدقاء كثير واحبهم ويحبوني
ومن هالكلالام
انا عن نفسي بيضا ولدي الكبير طلع علي اما الصغير على ابوه اسمراني فالكبير دايم يقول اخوي زي بابا )بني(
وحتى لما يشوف اي شخص غاااامق يسأل ليش هو اسود اقوله ربي سواه كذه فيسكت ع طوول
الله يعينك ويعينا ع تربية هالعياااال

ياقلبي عليها

اخذيها لصالون وقصي شعرها و سوي لها حركات ودلعيها وغيري اللوك تبعها عشان تتعدل نفسيتها

في نفس الوقت حاولي تعززي ثقتها بنفسها يعني كلي خواتك وعاتها بنوعيه المشكله وخله يمدحونها

يعني صايره حلوه ,, اهلا بالقمر ,,

وحاولي تساعدينها تكون صداقات مثل مااقترحت وحدة من الاخوات بخصوص الحفلة

والله يخليهم لج يااااااااااارب

/


الله يعطيكم العافيه يالغلا


تصدقون اليوم قسم جايتني تقولي يمه انتي امي ولا ام ايلاف < اختها

/


بحاول اعيد الثقه مع ان امهات الاطفال الله يصلحهم عادي عندهم اذا كلمت الام تقولي

انتي مكبره السالفه اطفال يكبرون وينسون

الله يصلح الحال


لاتسون من دعواتكم

حبيبتي انا عندي بنت سمره وختها بيضاء بس دايم اميزها في اشياء ثانيه يعني اذا ناديتها وردت اقول

لها حبيبتي انتي احسن بنت لانك رديتي علي بسرعه وذا قعدت مع امي او ابوها امدحها اقول فلانه حبيبه

سوت كذا وحطت كذا يعني دوري الخصل الزينه ومدحيها والي يعيرها لاتسكتين له وكلمي ابوها خليه

يتوعدهم مايقلون لها كلام مايعجبها لان الاطفال يهابون الرجال اكثر .. انتبهي لازم تنتبهين لها وماتسمحين حق احد يعايرها حتى لو كان كبير .

الله يعينك من هالمجتمع والله ماذبحنا الى هم اذكر زرت مدرسة بنتي وبعد مارجعنا للبيت شفت

بنتي ضايك خلقها قلت وش فيك قالت ماما لاعمرك تجين للمدرسه لان كل البنات يقولون تكذبين هذي

مو امك لانك عبده وهي بيضاء >>>>>>> شوفو الشطانه

بس الحمدلله مااثر عليها لاني دايم واقفه انا وبوها معاها والحين ماشاءالله عليها مايهمها احد جربي كل شي عشان تعززين ثقتها بنفسها

اتمنى تلقين حل قريب والله يخليها لك حبيبتي .

حاولي تفهميها انها شكلها حلو
قولي لها انتي تحبي ابوك؟
ولو قالت لك ايه احبه
قوليلها لو تحبيه ماتزعلي انك سمرا
عشان انتي اخدتي لون ابوك ياحليلك
وابوك بيحبك عشان انتي تشبهيه كثير
هذا مجرد راي
والله يكون في عونك وعونها يارب

انا مع الاخت ملكة الصمت...حاولي وربي يكون بعونك وطبعا هذا مايمنع انه زوجك يكون له دور في مساعدتك لانه لماتكونو مع بعض راح تتعاونو اكثر ...وخلي ابوها يحضنها ويكلمها بعد...وربي يساعدك..

الله يعينك اختي جد حزنت على بنتك بس انتي حاولي تمنعينهم يتكلمون عنها كذا والله يعينك

الله يعينكم الاخوات ماقصروا لاتسكتوا عن الاطفال اللي يعايروها كلمي امهات بصرامة رضيوا ولا ينطقوا تتعقد البنت علشان اطفالهم خبريهم هل هم يرضوا وهل اطفالهم كلهم بيض لازم فيهم السمران امدحوها ودلعوها وقولي شفتي زميلاتك في المدرسة يتقربوا منك لانك مميزة وحلوة ولاتهتمي لاحد لان اللي يقول كذا يغار منك ومن تميزك وفكرة الحفلة حلوة وتوزعي هداي بأسمها علشان يتقربوا منها اكثر نفس الشي ولدي اسمر شوي يقول ماما ليش انا مو ابيض مثلك قلت له انت تحب ابوك قال اي وسألته ابوك حلو لو لا قال اي قلت خلاص انت بعد حلو وسكت انت حاولي تلهيها وتدخلي اذا احد عايرها

ياحياتي انا الله يساعدك اختي ماعندي خلفيه والله والا كان سااعدتك

انا رايي انه اول شي تسوينه تكلمين اهل ريلج كلهم .. وتقولين لهم يكلمون عيالهم .. وقوليلهم انه اللي بيقول لها شي من اليوم يتحمل ذنبه والامهات لا يزعلون..


وهي عززي صداقاتها فالمدرسة خليها تزور صديقاتها وصديقاتها يزورونها ..

و بعد حاولي انج تدورين فيها هواية او ميزه حلوة وخليها تهتم فيها وانتي اهتمي فيها .. مثلا لو كانت تحب الكتابة او الرسم نمي فيها هالهواية ودايما ناديها بهالاسم .. المبدعه والموهوبه ..


فديتها الله يفرج همها .. ان شالله تحلو كل يوم اكثر عن الثاني ..

راوييها صورة نعوومي كامبل قوليلها شوفي كيف مشهووورة مب شرط سمره
بس حلووووه

حبيبتي في هالسن الاطفال يعايروا بعض بكل بالأسم بالشكل بالطول بمهنة الاهل بكل شي ما ادري كنهم يصيروا شياطين مو ملائكه


انا يوم كنت اكبر منها شوي كانوا البنات ف يالمجرسه يعايروني بشعري و انه شعري خشن لدرجه اني كنت الوحيده اللي احط حجاب بالصف و ما ارضى اخلعه مو تدين بس لأنه البنات كانوا يعيروني و يقوليلي انتي ليش شعرك كشه بشع و من هالكلام و يضحكوا علي تعقدت وقتاه و أهلي الله يسمحهم سوولي تمليس لشعري و عمري 9 سنين و اخترب شعري أكثر من يومها و صار يطيح

المهم اصبري عليها هاي مرحله و تعدي طمنيها و قوليلها انهم يغاروا منها و ويها صور الفنانات السمراوات مثل وعد و بيونسي و نعومي كامبل و غيرهم و ماريا كاري و قوليلها و قوليلها شوفي كل الناس تتمنى تصير مثلهم شوفي الأجانب يحرقوا نفسهم و يصبرهم سرطان من كثر التعرض للشمس بس علشان يسمروا و طمنيها انها لما تكبر في مستحضرات تخليها تهتم ببشرتها

بوسيها لنا و قوليلها انتي أحلى بنت بالدنيا

والله يا أختي لوبنتي صارلها هالشئ ووصلت هالمرحله على طوول أروح لدكتور نفساني للأطفال أنا و أبوها وأكيد هو بخبرته وعلمه يفيدنا أكثر من أي أحد
لأن هالشئ يأثر عليها تخيلي (وأنا صغيرره كانو أخواني دايم ينتقدوا شكلي مع العلم إني جميله بس كانو يغارو مني ولما وصلت مرحلت المراهقه كنت أكره أشوف نفسي بالمرايه وأكره نفسي من كل قلبي ومع إنه كل ما أروح مكان أشوف الناس تمدح في شكلي بس لاني متعقده من وانا صغيره بس لما كنت في الجامعه وكانوا يقولولي إنتي أحلى وحده في قسمنا من وقتها عرفت إني حلوه وإلحين مهما إنقدوني الناس ولاتكلموا فني إستحالنه تنقص ثقتي بنفسي ) أنا عارفه إني طولت عليكي بس حسيت نفسي مكانك إنتي سوي زي ماقالولك البنات وإذا ما فاد روحي للدكتور

ملكة الصمت;8292494:
السلام عليكم ورحمة الله وبركاته..
اول خطوة تجلسي جلسة عائلية مع امهات اطفال العائلة وتفهميهم بظروف بنتك وتاثيركلام الاطفال عليها.. وانهم لزم يتعاونون معك لحل الازمة.. من خلال تنبيه اطفالهم بعدم تلفظ بالالقاب تجرح بنتك..
ثانيا: سوي حفلة صغيرة وتدعي فيها صديقاتها بالفصل و زينهيها ولبسيها وجهزي المكان بالديكور للاميرة الحفلة ...
ثالثا: كتبي كل يوم ورقة بلون زاهي وحلوة بنتي الاميرة الحلوة.. ولصيقها جب المراة او باب غرفتها باي زاوية واضحة..
رابعة: فالبيت حاولي تسندين لها مهمات الجمال والتزين وعززي ثقتها بنفسها..
خامسا: صوريها باسيديو وكبري صورتها ..
سادسا: ذكريها بان الجمال جمال الروح والاخلاق والعقل والله يحب الناس باعمالهم مب بشكلهم فالصحابي الجليل بلال بن رباح كان عبد اسود وصار بطل ودخل الجنة.. وخبريها بقصة عن ان الجمال مب كل شئ في ناس حلوين بس مب صادقين ولا احد يحبهم..
سابعا: ذكريها بالله وضرورة شكره وحطي لها صور لبعض الاطفال المساكين كيف انهم يتمنون يكنون مكانها وحتى لو مب حلوين مثل اطفال غزة العراق افريقيا .. الصور تاثر زلكن احذري الاسراف لانه ممكن يكن رد فعل عكسي .. واكرر لا تكثري ولكن كل خطوة ادرسيها جيدا بالنسبة لصور لان لها تاثير قوي على الطفل ونفسيته.. وربي يسر ..
وخبرينا عن النتائج.. ترى المسالة محتاجة صبر وعز بنفس الوقت..

كلام منطقي وفعال جدا جربي ومارح تخسري شي
وربي يفرحك فيها وتكون باحسن المراكز يارب

اااااااااااااااااااااه دكرتيني بمعاناتي مع بنوتتي الله يحفظها عمرها اربع سنوات وسبع اشهر بس ماشالله عليها دكيه ومن فتره كان عندنا زواج عمتها فلما رجعنا البيت كانت ساكته طول الوقت وتكلمت معاها انا وابوها وسالناها اشفيها ولانها تعودت تتكلم معانا براحتها قالت ماما اني مو هنديه صح انا استغربت قلت لها لا ياعمري ليش قالت وحده تقولي انتي هنديه مانبغاش تلعبي معانا انا مااتحملت وظليت اصيح وصار ابوها يتكلم وياها ويقولها ماعليش منها انتي قمر وحلوه وقلبش ابييييييييض والحين اي احد يقولها حتى لو سمره تقول عادي المهم قلبي ابيض الحمدلله صحيح ظلت فتره متاثره بس قدرنا نقنعها ونلهيها عن الفتكير الله يعينش واسمحيلي طولت عليش

عورتي قلبي عليييييييييييييها حياتي وشفيهم السمر يهبلون
انا بعد ولدي اسمر المشكله انه اخوه الي بعد ابيض وشعره كستنائي وعيونه فاتحه
وكل ماشافوه قالوا مستحيل اخوان هههههههبس اشوه ماعده مشكله
حياتي لازم تستشرين احد مختص لاتتعقد اكثر