السلام عليكم اخواتي اعضاء منتدى عروس
ترددت وايد قبل لا اكتب قصتي بس والله ضاقت فيني الدنيا من اللي صار اليوم انا بقولك القصه من اولها لاخرها وانتو عطوني رايكم بلي سويته اليوم
في البيت انا وامي وابوي وعندي اخت اكبر مني واخوان اولاد بعد كبار يعني انا اصغر وحده اخواني تزوجو وطلعو في شقق وتمينا انا واختي في البيت واختي كثيرة المشاكل لان اصدقائها كلهم مو زينين وكلمره انصحها تبتعد عنهم ماتبي كل يوم تسوي مشكله حتى ساعات جارتنا اتدخل في تهدئة الوضع المهم كملت الثانويه تقريبا حبيت شاب بس مو الحب طلعات وغيره لا بس تلفون واهو اصلا كان يعرفني قبل لا اكمل مدرسه بس يوم تخرجي من الثانوي اتصل على تلفوني يازعم بلغلط بس اهو كان يعرفني وعارف اهلي من المهم صديته وايد لكن حاول لين ماقالي الصج انه يعرفني ويبي يتقدم بس انا كنت خايفه من اهلي لان ذيج الحزه كنت صغيره وبيتنا عندهم مايصير لصغيره اتزوج قبل لكبيره بس من كثر المشاكل اوهو كان كله يحن يبي يتقدم تمينا تقريبا سنتين على التلفون مره اختي سمعتني اكلمه في الليل على طول غافلتني في يوم وخذت تلفوني واحفظت رقمه عندها بعدها دقت عليه واهو قالي ترى في بنت دقت علي وقالت لي تبي اتعرف سألني انتي اللي معطتها مب واثقه مني قلت له مستحيل اعطي بنت رقمك انا ماعندي هسوالف قالي اوكي واهو كان يكلمني كان الرقم اللي اختي تتصل منه يتصل فيه واهو على الانتظار معاي عقب قالي اخذي الرقم شوفي من ذي البنت قلت له اوكي بتصل على اساس بلغلط بعد ما صكيت من عنده على طول خذت تلفون ابوي واتصلت على الرقم اللي عطاني اياه بقولكم كان اختي عندها رقمين والرقم الثاني انا ماكنت اعرفه بعد مادقيت من تلفون ابوي الا تلفون اختي يرن انا انصدمت على طول بندته عقب كلمته قالي عرفتي من انا كنت حدي مصدومه من اللي قاعد يصير ماتكلمت بس قلت له خلها تولي ولاترد على هالرقم اذا اتصلت لك واذا كنت صج اتحبني لاتكلمها لان ماكنت ابيه ياخذ عنا فكره مو زينه لان والله ثم والله سمعت اهلي ذهب والكل يمدحنا ويقول عرفو يربونكم بس اختج ماندري على من طالعه عويه بس والله كان قلبي يعورني اذا احد يقول عن اختي جذي لان ماكنت ارضى على اي واحد من اخواني لاني احبهم المهم بعد فتره من مشاكل اختي واهو لصبي تملل من التلفون قالي خلاص بتقدم واللي فيها فيها كنت اقوله اصبر لين ما اختي اتزوج في يوم صارت مشكله عوده وعلى طول اختي فضحتني عند امي وابوي وقالت لهم بنتكم اتكلم اصبي ومادري شنو بيتنا حدهم عصبو علي وخذو تلفوني عقبها اوهو عرف السالفه على طول خله ابوه يكلم ابوي انهم يبون يزورونا وانا حزتها كنت ادرس في الجامعه ابوي قاله بسأل البيت وبرد عليكم ياني وقالي فلان ابوه اتصل وصار كيت وكيت قالي تبينه قلت له اي سكت عني وراح وكانت اختي مع امي وتحرضها علي ان ماتوافق عليه ابوي كلم امي بس امي ماكانت راضيه اول شي لاني كنت اكلمه من وراها وثاني شي لاني صغيره واختي اللي اكبر مني ماتزوجت وماتم احد من العايله ماعرف بالسالفه من اختي وانفضحت لان مايبين علي ان عندي واحد واكلمه الكل انصدم واجوف نظرتهم كأني مسويه شي غلط واختي عادتها من يصير شي في البيت على طول طلعته برع وكل يعرف شلي صاير في البيت المهم عقب سالفة لصبي ابوي خذ تلفوني وبدل الرقم وعطاني رقم يديد بس انا رديت اكلم لصبي لان ماسوه شي غلط بس عقب فتره قالي امي تبي اتزوجني بنت خالتي وانا مابيها وابيج وامه قالت له اللي تبيها اهلها مو راضين واهو كان بكرها وتبي تفرح فيه قلت له سو الشي اللي اهي تبيه ومن حقها تفرح فيك ويمكن انا وانت مالنا نصيب حق بعض وبيتهم كانو محاربيه على هسالفه حسيت ان الذنب ذنبي عقب فتره تركته وبدلت رقمي بس كان ايي لبيتنا بس حق يجوفني مرت الايام ياني واحد في الجامعه وقالي انا معجب فيج ومن هالخرابيط قلت له انا ماعندي هالخرابيط ومشيت عنه لكن والله عقب فتره يات امه بيتنا وكلمت امي ولدنا شايف بنتكم في الجامعه واهو يبيها وحتى لو تبونها تكمل دراسه معليه وانا كنت بيني وبين نفسي اقول خلني اتزوج علشان ذاك ينساني ويشوف حياته طبعا اذا كانو بيتنا راضين بس تدرون شنو صار اختي نادت امي الغرفه ومادري شنو قالت لها كانت مضبطه امي عدل مره وحده امي طردة ام الولد وقالت لها احنا ماعندنا بنات لان تدرون اختي فيها حره علي ليش انا انخطب واهي لا حتى لصبي يوم عرف من امه اللي صار كلم ابوي وابوي كان مستانس منه ووده اني اخذه بس اختي وامي كانو مسيطرين عليه ومايقدر يوافق الا عقب امي ماتقول موافقه عقبها كرهت الدراسه بس خذت دبلوم وطلعت لان جو البيت مايساعد على الدراسه وكل ربعي خذو البكالريوس وكان ودي اكون نفسهم بس الوضع مايسمح لان خلاص كرهت الدراسه عقبها اختي واخيرا ياها معرس من صوب اصدقائها السوء وعلى طول كانت راضيه فيه وانا والله على كل اللي سوته للحين اقول ذي اختي واستانست لها لان كانو ربعي كله يقولون لي مهما كان ذي اختج مالكم بد من بعض وسامحيها على اللي صار وان شاءالله ربج بيعوضج خير وفرحي حق ملجتها قلت ماعليه يمكن كل اللي صار خيره من رب العالمين واستوت الملجه يوم ملجتها اهي بكت بس لاتسألوني ليش بكت لان الله واعلم ليومكم اليوم انا مادري ليش بكت عدت الليله راحت مع خطيبها يازعم بيطلعون ربع ساعه الا اهي راده البيت انقولها ليش راده تقول بس مابي اتعشه معاه استحي ومو مشتهيه وتعبانه قلنا يمكن صج قالت لها امي عزميه باجر على الغده قالت اوكي اعزمته والله مو بتصدقون ثاني يوم وعند الغده تهاوشت معاه هوشه شكبرها حتى انا خفت اقول شلي صار لاني ماكنت قاعده معاهم على الغده وكان بعد كم يوم بيسون خطوبه وصارت الخطوبه والله في الخطوبه اختي تهاوشت مع خطيبها والكل كان يهديها واهي كلش مو مفتكره في احد وقالت خلاص برد البيت انفضحنا جدام الناس عدت الايام صارت سالفه بين اختي وابوي على طول قالت خلاص بحدد يوم العرس وبروح بيت زوجي تدرون من بخل بيت ريلها يوم خطوبتهم قلنا لهم اهلنا وايد نبي كراسي وطاولات زود قالو تبون دفعو فلوس على اخر الوقت وعن الفشله ابوي دفع قال بس ابي كلشي يعدي على خير وماننفضح لكن بعد انفضحنا من اختي لان تهاوشت عقبه يه وقت العرس قالو حق اختي مافي عرس في صالات ومن هالخرابيط تبين بنسوي لج في البيت اختي كان همها بس تطلع من بيتنا بسبب سالفتها مع ابوي وافقت وامي ماكانت راضيه بس شتسوي لازم تحضر عرس بنتها واحنا اخوانها ولا واحد فينا حضر حتى اهلنا ماحضرو لان العايله عوده والبيت مايكفيهم خلص العرس وطبعا كل يوم اهواش مع ريلها واتيي عندنا اتنام والقهر ان اهو بعد ايي ينام معاها ولا كأن صار شي تمو كل يوم على نفس الحال ينامون عندنا وريلها كلش انسان مايستحي ياكل ويمش يده في الطوفه <<<<<هاي مثل عندنا في انقوله ولا من عمره ياب لنا شي او دفع حق ابوي بدل قعدته اهو ومرته وعياله عندنا انا زهقت قعدتهم عندنا حتى اخواني من كثر مايتكلمون وابوي مايقدر يقول شي خايف من المشاكل ويدري ان عنده بنت للحين ماتزوجت يخاف يطيح حظي من كلام الناس صارو اخواني مايطبون البيت ويقولون خله حق نسيبكم يشبع في البيت انا كرهت البيت لان ابي اخواني معاي لان استانس بجوفتهم الحين صارو مايون امي اللي كانت ضدي قبل من مشاكل اختي صارت صوبي لان على قعدتي معاهم وعلى اللي صار عمري ماسويتلهم مشاكل او فضحتهم في يوم ياني ولد الحلال تدرون شكثر استانست وقلت واخيرا بفتك من البيت وبطلع مثل ما اخواني طلعو وخل البيت حق اختي وريلها بس تدرون والله ردت اختي على سالفتها وخربت كلشي وماصار نصيب قلت الحمدالله يمكن ربي مب كاتب وانتظرت وانتظرت لين كل ربعي تزوجو وانا للحين قاعده بيتنا احس فيهم ومن كلامهم متى انتي بتعرسين بتفكينا اللي في عمرج عرسو وعندهم عيال مرت سنه وياوني اثنين في نفس الاسبوع وقلت يمكن الله رحمني وخلاص واحد منهم بيصير من نصيبي بس للأسف اثنينهم راحو ولا ردو علينا جواب لان كانو اختي وريلها يدرون بسالفة هلاثنين واحضرو الخطبه حتى الاثنين يشتغلون مع ريل اختي بس مناصبهم اعلى منه سبحان الله على فكره والله انا احلى من اختي بمليون مره والكل يقولي ولا كأنكم خوات اتعرف شكثر يأست من الحياه بس لولا ربعي وامي كانو يقولون لي هاي كله نصيب واذا لج نصيب بتاخذينه لا اختج ولا ريلها يقدرون يوقفون النصيب مره كنت اشتغل قبل لا افنش لان الوظيفه ماكانت اتناسبني كله تحرش من الشباب بس انا ماكنت اسكت لهم بحكم وظيفتي كله اتعامل مع زبائن ياني واحد بكل ادب واهو من نفس منطقتي وفاتحني بموضوع الارتباط وعطاني رقمه وقالي اذا مو مصدقتني خلي احد من اهلج يكلمني كلمت ابوي قلت مابي ادخل اخواني في السالفه ابوي كلمه وقاله لاتروح حق بنات الناس في اشغالهم بنات الناس عندهم بيوت قاله انزين انا ماعرف شي عن بنتك ولا حتى عنوانكم ابوي قاله عن العنوان واهو بعد قال حق ابوي وين يسكن وطلع معانا بنفس الفريج(الحي) وغير جذي طلع يشتغل ويا خالي وابوي سأل خالي عن لصبي قاله خوش ولد يابختكم فيه وحتى امي كانت مستانسه بس نفس كل مره لصبي راح ولا رد شكله سأل عنا انا الحين حطيت في بالي كل من بيسأل عني بيعرف بسالفة ريل اختي بيهون والناس ماهمها الا الظاهر .
تدرون تعبت جم سنه واحنا على هالحال اختي وريلها عندنا حتى الحين صار ريلها يدخل البيت بدون استأذان كأن صاحب البيت والله كذا مره يتهاوش مع اختي وكله نطرده ويرد يرجع البيت ادري بتقولون الغلط من اختج انا اوافقكم الكلام الغلط من اختي واختي على هواشها معاه تحبه وتبيه وتفضله علينا بعد اخر مره ابوي اطرده طرده الله لايراويكم وقاله روح شوف لك مكان واخذ عيالك لان عياله صثارو شياطين والله جم يوم قعد في بيتهم واختي عندنا رجع ولا كأن صاير شي تدرون انا حدي وصلت لان اول شي انا بنت وعندي احساس مو صخر بدون احساس ومشاعر اختي تلبس ملابس كلش كلش عاريه والله ماجذب عليكم واتمشه في البيت وجدام ابوي وامي وريلها بدون مستحه (حياء) والله اليوم كلمت ابوي قلت له لمتى بتم على هالحال انا بنت ابي اخذ راحتي في بيتنا شلون ريال غريب عندنا انت ماترضى اروح مجمعات وتقولي عيب البنت اتروح مجمعات وانت مخلي ريال غريب في البيت عايش معانا وبقولكم ترى الله يعزكم حمامات في الغرف مافي كلهم برع واللي يبي يروح الحمام لازم يطلع من غرفته بذمتكم بنت وين بتقدر تطلع تروح الله يعزكم الحمام وتخاف ان ريل اختها يطلع اختي فاصخه ومريحه في بيتنا وانا البس لبس محتشم بس علشان احاسب انه يمكن يطلع من الغرفه وانتو كلكم اتعرفون شنو يصير بين المره والريال في الليل وعقبها لازم يغتسلون وانا قاعده اشوف هشي بعيني وابوي ولا بهامه ان عنده بنت وحرام انه اطالع هلاشياء واهيه للحين ماتزوجت واختي حياء عندها عدم مافي المهم بكمل السالفه كلمت ابوي اليوم الظهر قلت له لمتى انت بتسكت عن اللي قاعد يصير انا خلاص وصلت حدي بكلمها علشان تطلع من بيتنا ريلها مايستحي كل مانطرده يرجع مب حاله ذي تدرون شنو قالي اذا كلمتيهم او تهاوشتو انتي اخذي ثيابج وطلعي من البيت انا انقهرت من جوابه قلت مستحيل انت ابوي قلت له اطلع وين اروح وين اولي قالي كيفج بتقولون لي روحي بيت اهلج ترى الحين محد يستحمل احد بهالزمن بتقولون روحي بيت اخوانج والله اخواني بيوتهم على قدهم ليش اروح اضيق عليهم
تدرون شنو سويت كلمت خطابه تشوف لي ولد الحلال مع اني ما كنت راضيه عن نفسي اني اسويها لان توني صغيره بنسبه اني اقول حق خطابه وحتى ربعي ما يأيدون اكلم خطابه لان يقولون الخطابه ماتيب اوادم عدله وعن تجربه اقولهم شاسوي يعني اهو قالي اخذي ثيابج وطلعي من البيت اطلع وين اروح فنادق ؟ ولاالاحسن اروح بالحلال دام اهو قالي هلكلام كأن يبي الفكه مني عقبها راح الشغل امي ماسمعت منه هالكلام لان كلمته بروحنا امي جافتني متغيره واصيح قالت لي شفيج قالت لها كل اللي صار بيني وبين ابوي وقلت لها خلاص انا كلمت خطابه وقولي له ترى بنتك كلمت خطابه وقلت لها ولا احد يه يطق بابي كله من بنتج وريلها اكيد مافي احد يبي وحده عايش معاهم ريال غريب واهو ماعنده قسم خاص به في بيت اهل مرته رديت علي امي ليش اتكلمين خطابه وحتى ابوج لو بقوله بيقول قلعتها خلها تكلم
خطابه
خواتي قولولي شنو الحل لان خلاص جم سنه صبرت وتعبت وايست من الحياه لا شغل لا زوج ولا راحه في بيت ابوي شاسوي:confused:تدرون بعض ربعي لاموني ليش ويتي جذي وقلتي لها توج صغيره وبعضها قالولي المفروض مو انتي اللي لتكلمين خطابه المفروض امج او احد من اهلج علشان باجر مايعايرج لصبي
تعبت من الحياه
ف
01-01-2009 | 08:44 PM
ش
01-01-2009 | 09:20 PM
كلمتين اقولج فقط لاتعتقدي ان بيت الزوج اهون خاصة اذا درى ان طلعتج من البيت ورغبتج في الزواج بسبب هالشي واساسا شغل الخطابات ينزل من قيمتج قدام الريال وحطي في بالك اهانه هلك ولا اهانه رجل غريب ونطري بييج ولد الحلال اذا الله كاتب واياك انك تحكيله مشاكلك مع هلك لاتنزلي من قيمه هلك قدام زوجج
وعسى الله يخفف عنك ويرزقج بولد الحلال
وعسى الله يخفف عنك ويرزقج بولد الحلال
ا
01-01-2009 | 09:40 PM
ما عندي شي اقوله لج غير الله يكون في عونج
وعلى فكره هذا كله في ميزان حسناتج ولا تيأسين من الحياه
واكيد الله سبحانه وتعالي يدزلج نصيبج الي يريحج ويسعدج يارب
وبالنهائيه تقبلي مروري
وعلى فكره هذا كله في ميزان حسناتج ولا تيأسين من الحياه
واكيد الله سبحانه وتعالي يدزلج نصيبج الي يريحج ويسعدج يارب
وبالنهائيه تقبلي مروري
ع
01-01-2009 | 09:59 PM
الله يعينج اختي والله حالتج صعبه وبصراحة انتي معاج حق فكل كلمة قلتيها عن ريل اختج ،، يالله صدق مايستحي
مثل ماقلتي انتي بنت حلوة وتريي نصيبج وتوكلي عالله وخلي ثقتج فيه كبيرة ،،والله مايرضى بالظلم وانتي مظلومة
الله بيفرج همج ان شاءالله ^^
مثل ماقلتي انتي بنت حلوة وتريي نصيبج وتوكلي عالله وخلي ثقتج فيه كبيرة ،،والله مايرضى بالظلم وانتي مظلومة
الله بيفرج همج ان شاءالله ^^
ف
01-01-2009 | 10:29 PM
تسلمون خواتي على ردودكم حدي مقهوره من كلام ابوي لي
الله لايبلاكم بمثل هالمشاكل
الله لايبلاكم بمثل هالمشاكل
ا
01-01-2009 | 10:57 PM
انا ما اعرف شو القول لانك انت على حق
بس سالفه ابوج اكيد اهو ما يقصد بس من
القهر الي يشوفه من اختج وزوجها
خلاه يقول هذا الكلام لج وما اضن انه
في اب يطرد ولده من البيت فكيف وانت
بنت
والله يصبرج حبيبتي
بس سالفه ابوج اكيد اهو ما يقصد بس من
القهر الي يشوفه من اختج وزوجها
خلاه يقول هذا الكلام لج وما اضن انه
في اب يطرد ولده من البيت فكيف وانت
بنت
والله يصبرج حبيبتي
S
02-01-2009 | 01:15 AM
هاي ريللل اختج ريااال ولا هامتتنه الحييياة حدده مافي خججل .ربي يفررج كرببج وتتزوجيين وااحد زين وتفتكيين..
د
02-01-2009 | 04:11 AM
شوفي حبيبتي
معذوره والف معذوره بكل الي سويتيه
بس صعب على ابوج تقولين له اطرد اختي
مهما كان وصار اختك بنته والظاهر هو عارف ان زوجها مو قد المسؤوليه
وانه بيشردها ويجوعها اذا طلعت معه
فمافيها شي لو احسن اليهم وتكفل فيهم وترى في بيوت فيها اعظم
ولكن لو انك اقترحتي على ابوك يخصص لهم جناح خاص في البيت افضل بكثير من
طلبك له ان يطردهم ترى قويه
وابوك اكيد قالك اطلعي بلحظة غضب وصدقيني لو تطلعين روحه بتطلع معك
لان باين ان ابوكم انسان طيب وحنون جدا
بدليل تحمله لاختك وزوجها وعيالها..
وترى كل الي صار والي جالس يصير ما يعوق نصيبك ورزقك في الزواج
لان النصيب من عند الله واكبر دليل اختك
تقولين ماهي حلوه وتمشي مع ناس ما يستحون وباين عليها عصبيه
وتهاوشت بحفلتها ومع هذا تزوجت ان نصيبها حل
بس انتي يالغاليه نصيبك بعلم الغيب
ومافي اى قوه بالارض تمنعه.
نصيحتي لك اعتذري لوالدك واشرحي له سبب كلامك واكسبي رضاه.
وتغاضي عن اختك وزوجها نهائيا بالعكس احسني اليهم واعطفي عليهم.
وصدقيني الله بيجازيك افضل الجزاء.
ونصيبك بيجي اليوم او بكره بس الصبر والنيه الصافيه هي المفتاح.
تحياتي
معذوره والف معذوره بكل الي سويتيه
بس صعب على ابوج تقولين له اطرد اختي
مهما كان وصار اختك بنته والظاهر هو عارف ان زوجها مو قد المسؤوليه
وانه بيشردها ويجوعها اذا طلعت معه
فمافيها شي لو احسن اليهم وتكفل فيهم وترى في بيوت فيها اعظم
ولكن لو انك اقترحتي على ابوك يخصص لهم جناح خاص في البيت افضل بكثير من
طلبك له ان يطردهم ترى قويه
وابوك اكيد قالك اطلعي بلحظة غضب وصدقيني لو تطلعين روحه بتطلع معك
لان باين ان ابوكم انسان طيب وحنون جدا
بدليل تحمله لاختك وزوجها وعيالها..
وترى كل الي صار والي جالس يصير ما يعوق نصيبك ورزقك في الزواج
لان النصيب من عند الله واكبر دليل اختك
تقولين ماهي حلوه وتمشي مع ناس ما يستحون وباين عليها عصبيه
وتهاوشت بحفلتها ومع هذا تزوجت ان نصيبها حل
بس انتي يالغاليه نصيبك بعلم الغيب
ومافي اى قوه بالارض تمنعه.
نصيحتي لك اعتذري لوالدك واشرحي له سبب كلامك واكسبي رضاه.
وتغاضي عن اختك وزوجها نهائيا بالعكس احسني اليهم واعطفي عليهم.
وصدقيني الله بيجازيك افضل الجزاء.
ونصيبك بيجي اليوم او بكره بس الصبر والنيه الصافيه هي المفتاح.
تحياتي
ف
02-01-2009 | 01:11 PM
تسلمون خواتي على مواساتكم لي والله يكون بعوني ويصبرني على اللي انا فيه
والله اللي عمري مادعيت عليها على اللي سويته بس امس طفح فيني الكيل تميت ادعي عليها في صلاتي بدون شعور والله من القهر اللي فيني
الله يعطيكم العافيه على ردوكم
والله اللي عمري مادعيت عليها على اللي سويته بس امس طفح فيني الكيل تميت ادعي عليها في صلاتي بدون شعور والله من القهر اللي فيني
الله يعطيكم العافيه على ردوكم
i
02-01-2009 | 01:47 PM
حسبنا الله ونعم الوكيل اختي اتحدي هالوضع واسدعي نفسك بنفسك الزواج مووووووووووووووووو حل التحدي والصبر هو الحل وما عليك الا بالدعاء وربي يفك كربتك
B
02-01-2009 | 02:16 PM
حبيبتي انا احوليييييت من كثر ما الخط صغير ومرصص فبعضا ... يليت تكبرين الخط وتخليين مسافات عشان البنات يقدرون يقروون
ولي رجعه
ولي رجعه
ع
02-01-2009 | 02:47 PM
الله يكون بعونج اختي
والله يمهل ولا يهمل
الصبر زييييين
صبري وبأذن الله بتنالين مرادج وان شاءالله اييج الزوج الصالح اللي يعوضج عن اللي راحو كلهم
والله يمهل ولا يهمل
الصبر زييييين
صبري وبأذن الله بتنالين مرادج وان شاءالله اييج الزوج الصالح اللي يعوضج عن اللي راحو كلهم
ف
02-01-2009 | 03:31 PM
امين الله يسمع منكم فديتكم
تدرون ليش اخترت الخطابه لان تعبت من ابوي ومن اختي وريلها وتدرون اختي عود في البيت ماتشيله وامي اهيه اللي تخدمها وتغسل ثياب عيالها ولولا الحيا جان خلتها تغسل ثياب ريلها مره وحده اختي اتغسل ثيابها بروحها وريلها يغسلهم بروحه بذمتك ذي حياه وربي شاهد فوقي وامي ماتسوي لها جذي الا لان اتعرف اختي مو قد المسؤوليه وريل اختي من ريال اللي يحكم مرته ويكسر راسها غير جذي ابوي كله يحن علي اشتغلي صرفي على عمرج مع ان اهو ماعليه قصيره وحتى امي ماتبيني اشتغل لان للحين مالقيت الشغله المناسبه قبل لا اشتغل في شغلي القبلي كانت امي مو راضيه اروح كأنها حاسه ان وظيفه تبرج بين الناس والشباب خاصه لكن ابوي تدرون شنو كان يقول روحي اشتغلي والله ماكان مفتكر في سمعة الشغله زينه ولا مو زينه اخرتها فنشت وقعدت في البيت والله الصرف علي بالحسره ابي اطلع مع صديقاتي بزور اخذ فلوس لكن عيال اختي والله يصرف عليهم من الالف الى الياء وابوهم ولا يصرف من جيبه شي عليهم لان راتبه عند اختي قبل لايوصل نص الشهر الا اهم مفلسين وتعال يا يدهم اصرف عليهم كسوة العيد على ابوي وغير وغير شاقول وشنو اخلي وانا مو كل عيد اشتري ثياب لان ابوي كله يتشكه ماعندي وماعندي انا ماحب اخذ من احد شي من غير خاطر لابالكم ابوي وملزوم يصرف علي لين ما اطلع من ذمته والله كل وحده من صديقاتي تملج تدرون شنو يقولي يابخته ابوها افتك من صرفها وهشي ماصار من سنه وسنتين سنين وانا صابره وكل يوم اقول باجر الله بيفرجها علي لكن خلاص غسلت يدي من ابوي وكرهته من اخر كلامه لي امس اخذي ثيابج وطلعي من البيت والله كلام يحز في الخاطر كأني حمل ثقيل عليه
تدرون ليش اخترت الخطابه لان تعبت من ابوي ومن اختي وريلها وتدرون اختي عود في البيت ماتشيله وامي اهيه اللي تخدمها وتغسل ثياب عيالها ولولا الحيا جان خلتها تغسل ثياب ريلها مره وحده اختي اتغسل ثيابها بروحها وريلها يغسلهم بروحه بذمتك ذي حياه وربي شاهد فوقي وامي ماتسوي لها جذي الا لان اتعرف اختي مو قد المسؤوليه وريل اختي من ريال اللي يحكم مرته ويكسر راسها غير جذي ابوي كله يحن علي اشتغلي صرفي على عمرج مع ان اهو ماعليه قصيره وحتى امي ماتبيني اشتغل لان للحين مالقيت الشغله المناسبه قبل لا اشتغل في شغلي القبلي كانت امي مو راضيه اروح كأنها حاسه ان وظيفه تبرج بين الناس والشباب خاصه لكن ابوي تدرون شنو كان يقول روحي اشتغلي والله ماكان مفتكر في سمعة الشغله زينه ولا مو زينه اخرتها فنشت وقعدت في البيت والله الصرف علي بالحسره ابي اطلع مع صديقاتي بزور اخذ فلوس لكن عيال اختي والله يصرف عليهم من الالف الى الياء وابوهم ولا يصرف من جيبه شي عليهم لان راتبه عند اختي قبل لايوصل نص الشهر الا اهم مفلسين وتعال يا يدهم اصرف عليهم كسوة العيد على ابوي وغير وغير شاقول وشنو اخلي وانا مو كل عيد اشتري ثياب لان ابوي كله يتشكه ماعندي وماعندي انا ماحب اخذ من احد شي من غير خاطر لابالكم ابوي وملزوم يصرف علي لين ما اطلع من ذمته والله كل وحده من صديقاتي تملج تدرون شنو يقولي يابخته ابوها افتك من صرفها وهشي ماصار من سنه وسنتين سنين وانا صابره وكل يوم اقول باجر الله بيفرجها علي لكن خلاص غسلت يدي من ابوي وكرهته من اخر كلامه لي امس اخذي ثيابج وطلعي من البيت والله كلام يحز في الخاطر كأني حمل ثقيل عليه
ف
02-01-2009 | 03:35 PM
قط كوول ـريه;8290449:
حبيبتي انا احوليييييت من كثر ما الخط صغير ومرصص فبعضا ... يليت تكبرين الخط وتخليين مسافات عشان البنات يقدرون يقروون
ولي رجعه
بسم الله عليج من الحول شاسوي اختي من القهر كاتبته :confused:
م
02-01-2009 | 06:39 PM
حبيبتي فراشه والله عورتي قلبي .. مالج الا الدعاء والاستغفار .. ونصيحه شيلي من باالج فكره الخطابه..
وربي يرزقج بالزوج الصالح والذريه الصالحه اللهم امين يارب العالمين ..
بس حاولي تشغلين نفسج بشئ دوري على شغل وممكن اتحصلين ريل زين من خلال محيط شغل ..
محد يدري وين نصيبه واللي مكتوبه على الجبين تشوفه العين .
وربي يرزقج بالزوج الصالح والذريه الصالحه اللهم امين يارب العالمين ..
بس حاولي تشغلين نفسج بشئ دوري على شغل وممكن اتحصلين ريل زين من خلال محيط شغل ..
محد يدري وين نصيبه واللي مكتوبه على الجبين تشوفه العين .
ف
02-01-2009 | 08:43 PM
مهمهانه;8292530:
حبيبتي فراشه والله عورتي قلبي .. مالج الا الدعاء والاستغفار .. ونصيحه شيلي من باالج فكره الخطابه..
وربي يرزقج بالزوج الصالح والذريه الصالحه اللهم امين يارب العالمين ..
بس حاولي تشغلين نفسج بشئ دوري على شغل وممكن اتحصلين ريل زين من خلال محيط شغل ..
محد يدري وين نصيبه واللي مكتوبه على الجبين تشوفه العين .
امين الله يسمع منج الله يرزقني ويرزقج ويرزق جميع بنات المنتدى بالزوج الصالح والذريه الصالحه :( والله ماكلمت الخطابه الا من اللي قاعد يصير لي وتعبت من بيتنا خلاص مالي نسم على هالبلاوي والله
s
02-01-2009 | 08:54 PM
الله يعينك يافراشه تاثرت كثير بقصتك
وماعرف ايش ارد عليكي بس ادعي ربنا
هذا افضل شي لان ممكن يجي زوج ومايريح عليك
والزواج مو حل احسن شي تدعي ربنا
وان شاءالله ربنا يفرجها عليكي
وماعرف ايش ارد عليكي بس ادعي ربنا
هذا افضل شي لان ممكن يجي زوج ومايريح عليك
والزواج مو حل احسن شي تدعي ربنا
وان شاءالله ربنا يفرجها عليكي
ف
02-01-2009 | 11:11 PM
sarah_uk;8293502:
الله يعينك يافراشه تاثرت كثير بقصتك
وماعرف ايش ارد عليكي بس ادعي ربنا
هذا افضل شي لان ممكن يجي زوج ومايريح عليك
والزواج مو حل احسن شي تدعي ربنا
وان شاءالله ربنا يفرجها عليكي
امين ياقلبي
تسلمين على ردج