اللابتوب المناسب للشخص المناسب

الأيـام;8280358:
مالج غير الماك برو من Apple

وأسعارهم تبدي من 600 دينار وفوق

لأنهم مخصصين أكثر شي حق التصميم

M!ss tooma;8315931:
حبيبتي اختي بنت ديرتنا .. ماعندي فكره عن لاب توب التصميم اعتقد الماك زين على ماقلته اختي الأيام بس انتي تبين شامل كل شي فمادري سألي عن التوشيبا لان يمدحونه حق الشغل اكثر من غيرره يستحمل واييد بس ماعندي فكره عن التصميم .. واشتري لج فلاش مومري حق التخزين لانه اغلبهم سعتهم شويه وان شاء الله افدتج .. واتمنى يردون علييج الي اهما اكثر مني خبرره (f)

unprofessional;8321865:
السلام عليكم ورحمة الله وبركاته

أختي الغالية بما أنك راح تستخدمي برامج من هذا النوع فتوجهي مباشرة لأجهزة ماك لأنها راح تفي بالغرض بشكل كامل بإذن الله وهي مصممه اساساً لتحمل تشغيل مثل هذي البرامج لفترات طويلة وتتحمل الـ Load الصادر من هذه البرامج بدون اي مشاكل تذكر وتعمل معالجة سريعة جداً للكثير من العمليات المطلوبة من هذه البرامج ... وبالنسبة لصعوبة الاستخدام فأنا اخالفك الرأي تماماً لأن اجهزة ماك الحديثة اصبحت تقبل تثبيت نظامين في وقت واحد يعني تقدري انك تركبي ويندوز XP وتشتغلي عليه مع نظام ويندوز MAC الاساسي ...

أتمنى أكون افدتك واي سؤال اخوك حاضر ...

أخوك الهـــــــاوي .......

unprofessional;8356979:
صباح الخير

اسف على التأخير أختي لاكن مازالت مشكلة التنبيه البريدي للمشاركات ماتشتغل عندي لحد الآن ومسببه لي احراج معاكم لأنها تحليني اتأخر بالرد لأني من اساس ما أعرف ان فيه رد على موضوع أو مشاركة لي ..

أختي بقولك حاجة وبكون صريح معاك على الآخر ...

انا انسان اتعامل مع سوق الكمبيوتر بشكل يومي وأقابل ناس كثير يومياً وكل منهم يختلف عن الثاني بأهتماماته وعمله على الكمبيوتر ...

يجيني ناس احياناً يطلب جهاز بمواصفات قوية جداً ويشرح لي طبيعة عمله لاكن في النهاية يكون السعر مرتفع جداً ويكون العمل اللي راح يعمله على الجهاز مايستحق هذي المواصفات ...

لاكن فيه بعضهم فعلاً يطلبون مواصفات معينة وتكون برضوا قوية لاكن عملها يستحق هذا الجهاز ...

يعني بالنسبة لك إذا كان عملك على برامج التصميم حتى لو كان من ضمنها 3D فيمكن يكون شغلك بسيط يعني مو لدرجة الاحتراف حتى في البرامج الهندسية ... فأنا اقول أنصحك إنك تاخذي جهاز بمواصفات حلوة مثلآ يكون المعالج Core2Due وبسرعة لاتقل عن 2000 ميجاهيرتز أو اخذي معالج اعلى منه كمعالج

Core2 Quad افضل واسرع واقوى ويشبه بالضبط المعالج Intel Zion اللي يستخدم في اجهزة السيرفر الضخمة لأنه قوي ويتحمل الكثير من العمليات في وقت واحد وبكميات كبيرة ....

وبالنسبة للذاكرة فركزي عليها شوي لأنها مهمه بنسبة 65% بالنسبة لعملك ... وحاولي ان لاتقل الذاكرة العشوائية عن 2 جيجاهيرتز ولو كانت اعلا بيكون افضل بكثير لأن في السوق الآن شرائح ذاكرة بسعة 2 جيجابايت للشريحة الوحدة .. يعني تركبي شريحيتن من هذا النوع بيكون اداء جهازك قوي جداً وسريع ..

ثم ركزي على كرت العرض وحاولي بقدر المستطاع إنه يكون غير مشترك يعني انه مايكون ياخذ الحجم لذاكرته من الذاكرة العشوائية .. حاولي يكون منفصل بذاكرته المستقلة وحاولي أن لايقل حجم ذاكرة كرت العرض عن 256 ميجابايت .... وبالنسبة للقرص الاساسي للتخزين أو HDD فحاولي أن لا يقل حجمه عن 160جيجابايت علشان يسمح لك بالتخزين الكبير بدون مشاكل .. وأنبهك أنك تطلبين منهم تقسيم القرص الصلب لجزئين أو 3 على حسب رغبتك لاكن انبهك أن القسم الاساسي اللي هو C لاتخلي حجمه اكبر من 40 جيجابايت إذا كنتي تبغي اداء سريع وقوي لجهازك ....

وعن باقي المواصفات فغير مهمه أو هي مجرد اكسسوارات وترجع لك في درجة الاهتمام .....

سعر جهاز مشابه لهذا في سوقنا بحوالي 4600 إلى 5000 ريال طبعاً إذا كان المعالج من نوع Core 2 Quad

أما إذا كان Core 2 Due فينزل السعر لـ 4300 تقريباً ....

أتمنى أكون افدتك إختي وإذا مصره على جهاز الـ MAC فأبشري راح اسأل لك عنه واقولك كل شي بالتفصيل ....

أخوك الهـــــــاوي ..................

unprofessional;8475450:
هلا فيك أختي كيف الصحة عساك بخير يارب ؟

اسف على التأخير لاكن ما أنتبهت لردك العذر منك ....

اممم بصراحه أختي ارشح لك ماركة Dell لأن جميع الاجهزة ي وقتنا الحالي صارت جودتها وحده بسبب الصناعة الصينية حتى ماكات توشيبا وسوني صارت صينية وليست رديئة لاكن مو مثل جودتها سابقاً علشان كذا ارشح لك Dell وحاولي الا تقل سرعة المعالج عن 2 جيجاهيرتز ومن نوع Core2Due ولا تقبلي بأقل منه ابداً .. وذاكرة الرام لاتقل عن 2 جيجابايت وكرت العرض أو كرت الشاشة لايقل عن 128 ميجابايت ولا يكون مشترك يعني اطلبي ان كرت الشاشة يكون منفصل بذاكرته يعني له ذاكرة خاصة فيه .. والقرص الصلب أو الهارديسك لايقل عن 160 جيجابايت .. وشاشة العرض على حسب راحتك ورغبتك تبغيها صغيره أو كبيرة الخيار لك ..

هذي هي المواصفات اللي بتريحك بالعمل ان شاء الله .. واعذريني ما أعرف الاسعار عندكم بالبحرين .. لاكن اي سؤال ثاني اخوك حاضر :)

بالتوفيق لك ...