بنوتات مصر المشاركات فى موضوع فرحك خلاص قرب ا(الجزء112)

شيكـ SHIKO ـو;8352334:
ما هو انا شكلى هعمل كده
ينفع تورينى شكل الانسيال بتاعك يا بونبونايه

أهو هو دة هو دهب أبيض في أصفر وفية فصوص متفرقة صغيرة كدة.يارب يكون باين

بنات عايزة أعرف اللي جهزوا او لسة بيجهزوا أجيب كريمات اية عشان الجواز و أحسن الانواع و الاسعار؟

واااااااااادى يا ست شيكو صورة لشبكتى اللى من عند الطاهره
http://www.3roos.com/uploder/uploded20080901/292349/01231354952.jpg

Bonbonaya15;8353326:

أهو هو دة هو دهب أبيض في أصفر وفية فصوص متفرقة صغيرة كدة.يارب يكون باين

ما شاء الله يا بونبونايه جميل ده كنتى جيباه منين وبكام ومن امتى ولا مش فاكره ؟

ليللى;8341765:
باكدج الحنة
احنا عاملين نظام جديد
وهو ان اللى عندها سماعات للكمبيوتر هتاخد الحنة بنص سعرها
لانه هيحل محل الدى جى

الباكدج
بطلع 6 شوهات
بنت بترسم الحنة للعروسة واتنين من صحابه مجانا والباقى بحسابة
بنتين بيكونوا معاكى غيرها

دول بطلعهم ب 650 جنيه

اما حمامات العروسة فبنطلعها لبيت العروسة
ودى شاملة
جلسة حمام مغربى
جلسة طمى مغربى
جلسة دلكا
جلسة زبادى بالعسل
جلسة ترمس بالعسل
سويت كامل للجسم

دول بيطلعوا ب 300 جنيه

دا يابنات الباكديج بتاع المهندسة هالة من جروب على النت واللى عاوز رقم تليفونها يبعتلى على الخاص والجروب بتاعها اسمه هلا

smsm_anwar;8353494:
واااااااااادى يا ست شيكو صورة لشبكتى اللى من عند الطاهره

http://www.3roos.com/uploder/uploded20080901/292349/01231354952.jpg

aseel 22;8352698:
ازيكوا يا قمرات عاوزاكوا فى خدمتين على السريع واتمنى مش تطنشوا


الاولى : عاوزه اعرف قطاعه الدونات بتيجى منين واروح اقول للراجل عاوزه ايه حيفهمنى يعنى ولالا


التانى : عارفين البوكس بتاع الهدايا المربع ده اللى بيبقاله غطا عاوزه واحد حجمه معقول يشيل جاكت مطبق جواه ممكن الاقى البوكس ده فيييييييين وسعره فى حدود كام


وميرسى مقدما ويارب اللى تجاوبنى تتجوز

mishmish2010;8352702:
كل سنه وانتى طيبه يا مشمش رميو

يا بنات انا كنت جبت كيتشن ماشين مولينكس اللى هى 22 وظيفه وكنت عايزه اجيب مطحنه لانها مش موجوده فى الكيتشن وكنت عايزه اجيب كبه صغيره عشان الكبه اللى فى الكيتشن كبيره اولا عايزكم تقولولى لى ماركات حلوه اجيب دول منهم
وكمان عايزه اجيب مضرب بيض او عجانه يا ترى فى عجانه ممكن استخدامها كمضرب بيض ولا لا يعنى ايه الاحسن فيهم للحلويات والاستخدامات فى المطبخ وبرضه قولولى على الماركات الكويسه فيهم وايه كمان؟؟؟؟ اه عايزه اعرف حد فيكم شاف ماكينه ايس كريم فى القاهره فين وسعرها ايه وماركتها وشكرااااااااااااااااااا

سراب.سراب;8353162:
يا بنات بليز حد يعرف سبت البدرة اللى مع بوكيهات العروسة ده بتاع ايه؟

بصي ياقمر انا اعرف انه البت اللي كان بيتحط فيه زمان الملح اللي بيرشوه على العروسة والعريس ودلوقتي بيحطوا اوراق الورود بدل الملح:D

mishmish2010;8352702:
كل سنه وانتى طيبه يا مشمش رميو

يا بنات انا كنت جبت كيتشن ماشين مولينكس اللى هى 22 وظيفه وكنت عايزه اجيب مطحنه لانها مش موجوده فى الكيتشن وكنت عايزه اجيب كبه صغيره عشان الكبه اللى فى الكيتشن كبيره اولا عايزكم تقولولى لى ماركات حلوه اجيب دول منهم
وكمان عايزه اجيب مضرب بيض او عجانه يا ترى فى عجانه ممكن استخدامها كمضرب بيض ولا لا يعنى ايه الاحسن فيهم للحلويات والاستخدامات فى المطبخ وبرضه قولولى على الماركات الكويسه فيهم وايه كمان؟؟؟؟ اه عايزه اعرف حد فيكم شاف ماكينه ايس كريم فى القاهره فين وسعرها ايه وماركتها وشكرااااااااااااااااااا

بصي يا قمر انا جايبه مولينكس ال 22 وظيفه وهو فعلا مفيهوش مطحنه جبتها مولينكس منفصله ب 160 جنيه و ممكن ابقي اصورهالك لو تحبي تشوفي صورته


اما الكبه الصغيره مولينكس عامله قطاعه للبصل بحوالي 160 او 170 ممكن تجبيها وتقوم بوظائف الكبه


ومضرب البيض موجود بالفعل في الكيتشن الي انتي جيباها وهي في نفس اناء العجن بس حطي السكينه البلاستيك


اما ماكينه الايس كريم اعتقد ملهاش لازمه وانا بجيب الاكياس البودر وبستعمل مضرب البيض لانه بخلطه كويس وبيدي نتيجه هايله و اي خدمه يا قمر

السلام عليكم بنات مين جاب ملح الحليب ومنين وبكام الله يسعدكم يارب

البنوتة اللى عايزة بوكس الهدايا روحى سوق الورق فى المنشية لو انتى من اسكندرية وحتلاقى هناك مقاسات مختلفة وطبعا سره حتلاقيه ارخص من محلات الهدايا

kitty_kity;8348667:
مبروووووووووك عليكي حاجتك ياروزي بس ممكن وصف اوضح لاني ممكن انزل القاهرة قريب :)

ربنا يخليكي ياجميلة انتي روحي روكسي واسألي ع شارع بطرس غالي مشهور اوي هناك

M!ss Sheko;8351468:
روزى يا قمر الف مبروك عالحجات الجميلة دى انا بروح هناك وحاجاتهم فعلا سعرها جميل اوى

بالنسبة لجزمة الفرح ممكن تقوليلي فين بالظبط او فمرة تاخدى رقم التليفون منو وتديهولى لانى ناويه افصل بتاعتى بردو :)

ازيك ياجميلة للاسف مش هاعرف اوصفلك خاااااالص لأنها ممرات وكده بس هناك تقريبا كتير اوي بيفصلو انتي شوفي الموديل الي عايزاه عند مين - انا كنت بدور ع الاوف وايت الكريستال ولقيته عند محل بس مش لقيت مقاسي فبيعملوه بالطلب -بس كده ياقمر

Bonbonaya15;8353363:
بنات عايزة أعرف اللي جهزوا او لسة بيجهزوا أجيب كريمات اية عشان الجواز و أحسن الانواع و الاسعار؟

عندك ياقمر البادي كريم في ايفون واريفلام حلوين اوي واسعارهم معقولة اوي -شوفي البرفيوم الي يعجبك وهاتي الكريم بتاعه

smsm_anwar;8353494:
واااااااااادى يا ست شيكو صورة لشبكتى اللى من عند الطاهره
http://www.3roos.com/uploder/uploded20080901/292349/01231354952.jpg

جميييييلة ماشاء الله ياقمر ربنا يباركلك فيها ياااااااارب

شيكـ SHIKO ـو;8353588:
ما شاء الله يا بونبونايه جميل ده كنتى جيباه منين وبكام ومن امتى ولا مش فاكره ؟

كنت جايباة من محل في ميدان الجامع وكنت شارية شبكتي كلها من عندو و ابن خالتي كان شاري من عندو قبلي بفترة وهما ناس مبيغشوش و بتوع ربنا.بس بصراحة مش فاكرة واللة أسعار خالص بس أنتي بتفاصلي معاة عادي.هو أسمة حسن عليش لو عايزة رقمة أبعتهولك.

ايمان سيد;8353864:
السلام عليكم بنات مين جاب ملح الحليب ومنين وبكام الله يسعدكم يارب

انا من الشرقية ياجميل وجبتة ب10 جنية

ازيكم يا بنات

مبروك الموضوع الجديد

اسمحولى اشارك معاكم

كان عندى استفسار لبنات اسكندرية

اللى تعرف كوافير كويس ياريت تقولى

ربنا يجازيكم كل خير

السلام عليكم يا بنات
وحشني خالص
عامله ايه الوقتي يا ساره يا مذعوره يا رب تكوني بخير وحمدلله علي سلامة جدك يلا ريحي باله واتجوزي
الف مبروك للبنات اللي ربنا اكرمهم واتجوزوا انتم السابقون ونحن اللاحقون ياااااااااااااااااارب
بصوا انا جبتلكم عروض اولاد رجب قلت ممكن تنفعكم
تلفزيون ناشونال 18 بوسه ضمان 5 سنوات ب 459.99
ريسيفر هليوتك م 2000 ب 119
كاسيت ناشونال ب 65
ماكسترون تلفزيون 25 بوصه فلات + سيستم دش ب 990
جفايه كونيتال 3 شمعه ب50
ساشو دفايه هالوجين 3 شمعه ب 90
دفاهي زيت جاك 9 ريشه بالتايمر ب 300
جفايه 4 شمعه اوريجنال بالريموت ب 135
جفايه زيت جاك 7 ريشه بالتايمر ب 240
غلايه ناشونال 1.8 لتر ب 60
تلفون جوانسكي اسلامي ب 70
لحاف زوجي فيبر مقاس 220*240 ب 77
بوكسر رجال 2 قكعه ب 11
شال مار ترابيزه مكواه + مريله مطبخ ب 60
طقم علبه سمايل تلاجه 4 قطعه ب 6
شبشب رجالي قطيفه وفرو ب 15
شبشب حريمي ب 15
شبشب اولادي فرو ب 10
طقم شاي ديكور 18 قطعه ب 120
قالب كيك ب 10
طقم 18 قطعه كبايات ب 25
طقم 6 مج + 6 معالق ب 16
كفايه كده عليكم
سؤاليشن بقه
الغوريه حد يوصفهالي بليز
وقولولي انا جوازي باذنالله علي شهر 3
البيجامات اشتريها احسن حاجه منين عاوزاهاشيك وعسوله
وفي نفس الوقت رخيصه نظرا للحاله الاقتصاديه اللي بمر بيها
يبقى انزل فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وكمان كمان عاوزه اشتري المشايات اللي هي بتاعة العتبه اللي علي العتب اشتريها منين ؟

lilimoury;8354084:
ازيكم يا بنات

مبروك الموضوع الجديد

اسمحولى اشارك معاكم

كان عندى استفسار لبنات اسكندرية

اللى تعرف كوافير كويس ياريت تقولى

ربنا يجازيكم كل خير

بصي يا قمر عندك اكتر من كوافير كويسين فيه
طارق الصغير و كارفن و وليد جي جي و تامر غنيم و الملكه وسكر حددي اميزانيه والمكان الي قريب ليكي واحنا نفيدك

سلمي 20;8344967:
مرحبا
انا سلمى حابه اتعرف عليكم ومحتاجة مساعدتكم
انا امى مصريه
وقررت افصل فستان فرحى فى مصر فى اسكندرية بالتحديد
وبصراحه مش عارفه ايه الاتيليهات الحلوه هنا
وفرحى قريب قوى بعد شهر وماعنديش وقت والنهارده تعبت من اللف على الاتيليهات
كلها عارضه فساتين مش حلوه
ياريت تساعدونى انا عايزه اتيليه يعملى فستان زى ما انا عايزه وبأسرع وقت

والف الف مبروك لكل العرايس

بصي ياجميله لو ناويه تفصلي ف اليكس فيه خياطه شاطره جدا في سموحه وليها جروب عالفيس بوك وتقدري تشوفي فيه شغلها ده اسم الجروب اعملي سيرش عليه او قوليلي وابعتلك اللينك عالخاص
Hijab Style... the veiled women way to look fabulous!

ميرسى للردوا عليه بخصوص موضوع البوكس بس انا من القاهره ممكن الاقيه فيه

يا بنات سؤال بليييييييييييز
حد فيكو يعرف حاجه عن خشب ام دى اف
ايه نظامه حلو يعنى ويعيش ولا الزان
ولا اييييييييه

anouren;8353039:
بسم الله الرحمن الرحيم نصيحه لكل البنات المقبلين علي الزوراج وعن تجربه حبيت انصح بيها البنات عن موضوع ازاله الشعر والقلق الكتير الي كل بنت فيه بسبب الموضوع ده انا وعن تجربه جربت كل حاجه وهحدد ليكوا كل حاجه بمميزاتها وعيوبها وايه افضل حاجه انا جربتها وجابت معايا نتيجه والحمد الله اولا \الكريم سهل استخدامه طبعا الفيت مثلا جربته اولا بيعمل اسوداد فظيعععععععع في المنطقه غير الحساسيه الي بيسببها وطبع ده غير محبب ثانيا \الجليت الفينوس الحريمي جميله وبتشيل الشعر تمام يعني وقتيه بس من تاني يوم طلع شوك مش شعر الي جانب غلاظه وسمك الشعره وده اخطر لان في الازاله بالسويت مثلا هيبقي صعبا جدااا ام البراون جميله للايدي والارجل وعمليه لكن الاماكن الحساسه صعبه واخيرا السويت الطريقه الي كل الناس عرفاها بس انا بصراحه مكنتش بقدر اكمل من شده الالم ودي تجربتي انا اشتريت من الصيدليه بنج رش موضوعي اسمه ليدو كايين وقعد لمده 15 دقيقه والرش علي حسب الحاجه وهو غير ضار بس ياريت ميدخلش في مناطق تانيه غير بره وبعد كده تنشفي المنطقه لكي تستطيعي استخدام السويت بجد ممتازه الالم خف تماماااااااا مجرد الشعور بالوخز وبعد الازاله فوطه مبلله بالماء ثم تقومي بتنظيف المنطقه جيدا ثم تقومي بالتنشيف جيدا ايضا بيحيث لا يكون المكان رطبا وتضعي كريم هو مضاد حيوي يمنع ظهور الحبوب اسمه فيوسيدين غير ضار تمام والدهان من الخارج فقط وافضل بعد ان يجف الكريم وضع بودره جونسون للاطفال تعطي انتعاش وبعد كده كل بنت هتلاقي نفسها مش تحتاج حد يعملها ولا حد يشوف جسمها وده افضل ما يكون لان بجد يا بنات في ستات مقربات لو حد من العيله مثلا بيخرجوا يقولوا علي الي شافوه وده طبعا مش محبب ام عن الا سمرار بجد الكريمات والحاجات الكيماويه غلط افضل وانضف طريقه هيه النضافه الشخصيه وتنشيف المكان دائما وده تجربتي ويارب اكون افدت الجميع ومطولتش عليكم والي عاوز ياسال انا موجوده