crazy ananas;8287148:
هابى نيو يير
كل سنه وانتوا اسعد ماللى فاتت يارب :)
وحشنى موووووووووووووووت بجد
بس بينى وبينكم انا مبسوووووووطه انى ارتحت مالتجهيز ووجع دماغه هههههههههه الحمد لله
عقبالكم يارب كلكم
واخص بالشكر والتقدير كلن من :)
روززززززززززززززززى اللف مبروووووووووك لولولولولولى ربنا يتمم لك بخير يارب
واحب اقولك ابشر البرد لا يووووووووصف انا الاسبوع اللى فات خت ابره مالسخونيه وكان دور برد تمام قوى
والحمد لله الحراره راحت وبقيت كويسه لكن لسه فى برد مش عارفه برد ايه ده ياختى انجليزى لزقه
اول مره اتخنق كدا مالبرد ياساتر مش راضى يمشى
خالى بالك وربنا معاكى يارب وحاولى لو قدرتى قبل الجواز تعملى كفته او بانيه مش مستوى خاليه فالفريزر ينفعك قوى بعد الجواز لانك بعد ماتخلصى الاكل الجاهز اللى عندك هتكونى لسه مكسله تعملى اكل ودول بيسعفوكى بجد
بنا انك هتتجوزى فالشتا فانسى الانجرى هههههههههههههههههههه
وحياتك لحد دلوقتى مش عارفه خالص اللبس اى حاجه مقضياها ترنجات هههههههههههههه
بجد البرد فظيع ربنا يحفظنا والف مبروك وربنا يسعدك يارب واى حاجه احنا فالخدمه برضو
احنا ماسفرناش البرد مخلينا مش عارفين نخرج مالبيت بجد لكن نويين ان شاء الله لما الجو يهدى شويه هنروح اى حته واحنا كمان كنا تعبنين جدا قبل الفرح فالشقه انا كنت فيها لحد يوم الحنه الساعه 5 فبجد كنا مقضينها نوووووم مالتعب قبل الفرح لكن الحمد لله الجواز لحد دلوقتى حلو بس هو بجد مش هتحسى بيه غير اول ماينزل الشغل ده لو مش بتشتغلى هتحسى انه مسئوليه اكل وتنظيف وغسيل لكن واحده واحده كله بيخلص وربنا يهديلك خطيبك ويجعله زوج صالح ليكى يارب ويعينك ويقدرك
R@A ربنا يبارك فيكى يارب ويكرمك ويفرحك الحمد لله مانستش حاجه
بس اهم نصيحه بجد متكتريش فالحاجات اللى بتجبيها بعدد زى الفوط والملايات والكوبيات متكتريش
وكمان الكريمات والبرفانات بجد اكتر من 4 او 5 كتير وهتزهقى منها
وربنا يوفقك يارب وعقبالك قريبا يارب
*اميره* الله يبارك فيكى وعقبالك يارب قريبا ويسعدك دايما يارب
انا معملتش فرح احنا كتبنا الكتاب فجامع الصديق فشيراتون وخرجنا فى كافيه عالدائرى شويه وروحنا
بس بجد كان يوم جميل والجامع حلو قوى وكان يوم بسيط وهادى كل اللى حضروا عجبهم قوى الحمد لله
عقبالك يا جميل :)
حببيبه مادو الله يبارك فيكى وعقبالك قريب يارب
بصى هما الرجاله بيتغيروا بس ساعات كتير للاحسن بجد اولا لان الالتزامات اللى عليه خلصت وتوضيب الشقه والظغوط اللى عليه من ناحيه الجواز خلصت وديه بتعمل ضغظ كبير قبل الجواز وكل ده بيروح بعد الجواز وتلاقيه واحد تانى مثلا خناقاته اللى بتزيد قوى قبل الفرح بتقل خالص وبيهدى لكن مش معنى كدا بيبئا ملاك يعنى لا فى خناقات تانيه او ضغوظ تانيه مالشغل مثلا بس بتكون اقل وانتى واحده واحده بتعرفى ازاى تمتصى الغضب ده تسبيه شويه لوحده او تعمليله حاجه بيعوزها ساعه مابيكون مضايق وانتى نفسك بتلاقى ميت حاجه تمشى بيها الموقف وربنا يعنا يابنتى على ولاد ادم دوووووووووووووول ههههههههه
لا تقلقى وارتاحى وفالاول والاخر الجواز شر ولابد منه هههههههههههههههههههه شوفتى بهديكى ازاى ههههههه لا بجد الجواز مادام فى تفاهم بجد المركب هتمشى سواء فى خناق او لا
تصدقى امبارح الساعه 12 بليل اللى المفروض يكون وقت رومنسى بئا وكدا اتخنقنا ههههههههههههههه
لكن الحمد لله محدش ساب التانى ينام مضايق واتصالحنا خالص ونسيت اننا اتخنقنا وهو كمان
ربنا يوفقك ويبعد عندك االخناق يارب و اى خدمه :)
smsm_nwarالله يبارك فيكى ربنا يكرمك وشكرا على الزغاريط ديه كلها واهلا بيكى فالمنتدى ويارب تستفيدى منه كتير قوليلى عوزه تعرفى ايه وانا اقولك علطول وعقبالك يا قمر
مشمش 2010 الله يبارك فيكى يا رب ويسعدك دايما
mitcy الله يبارك فيكى يارب وعقبالك ربنا يسعدك
مشمش روميو الله يبارك فيكى يارب مانتوا السابقون بئا ونحن الاحقون والله يا اوختشى لسه مش مستوعه انى بقيت مالمتزوجات هههههههههههه عقلى الباط مش راضى يصدق ههههههههههههههه
لا ومش بينزل عالرجاله الخرس وبس لا ده كمان ملاك النوووووووووم ههههههههههههه
غدغوووووووووده الله يبارك فيكى يا قمر يارب وعقبالك قريب يارب ربنا يكرمك عالمباركه ونردهالك يارب قريبا
بصى يا ستى كتب الكتاب كان فى جامع الصديق فيشيراتون كان تحفه بجد قاعه نظيفه وبيعملولها كوشه وديكور وبجد الله يكرمها فلور قالتلى على مأزون تحفه بجد لذيذ جدا وخالى الناس كلها تكون مبسوطه ودمه خفيف وبجد كنت مبسوطه بيه قوى وكمان فالاخر قالنا شعر روقنا يعنى المأزون هههههههه
اما بئا الصور فهحاول لو قدرت هجبهالك ان شاء الله وربنا يسعدك دايما يا غدغوده يارب ويفرح قلبك دايما :)
بسكوته الله يبارك فيكى يارب وعقبالك قريب ويفرح قلبك دايما وربنا ييسرلك الحال وتنورى مدينه نصر :)
يارب ابقى عروسه الله يبارك فيكى وعقبالك يارب ويسعدك دايما يارب
بوووووووووووكى وحشانى يا بت يا جارتى علله تكونى نسيتى يوم الفرح ومدعتليش فيه وبعدين انا مش قولتك تعالى الجامع لزم يعنى اتحايل عليكى عقبالك يارب كل مامشى فذاكر حسين افتكر واقول ياترى بوكى هتكون فين هههههههه ربنا يوفقك يارب وييسرلك الحال يارب
خدوا بئا كام نصيحه اخويه من السابقون بما انكم من اللاحقون هههههههه
متكتروش فهدوم الاستقبال بتاعت الضيوف لان فى ناس مش هتجيلك غير مره واحده يعنى ممكن الحاجه الواحده تلبسيها اكتر من مره لناس مختلفه لان الهدوم ديه مش لازم تكون كتير عندك اصلا لانها مش هتتلبش غير للضيوف وهما بيجى فالاول وبس
حاجات المظبخ متكتريش فيها زى الحلال والكوبايات والاطباق لان كترتها بتجيب اكتئاب فالمطبخ هههههههه
ولما تستخدمى الحاجات اللى جيباها كلها هتكونى مبسوطه مش تلاقى حاجات ممكن تفضل سنين مجتيش جمبها من كترتها
الملايات اللى قفيها ساتان واروجانزا متزوديش عن 5 اطقم عشان يكونوا مميزين عندك وليهم ذكره للاول ايام الفرح لان الملايات التانيه هتكون عمليه اكتر واسهل فالغسيل كمان
ماتجبيش مفرش السرير غالى زياده عن اللزوم لان بجد حرام يجى غالى لانه مش عملى ومش بيستخدم علطول الا فالمناسبات وكذالك مفرش السفره
حاولى بجد تعملوا اكل مش مستوى فالفريزر يعنى كفته بانيه الحاجات اللى ممكن تعيش فالفريزر بتنفع قوى لما الاكل بتاع الامداد بيخلص ههههههههه او لو حبيتوا تغيروا اكل فراغ وحمام
نصيحه كمان فالعشا والكلام ده متكتروش الاكل لان بجد فى حاجات كتير بتترمى وبتبوظ
احنا والحمد لله الديك الرومى اترمى تقريبا تانى او تالت يوم فخالوا بالكم
الحياه مش بكتر الحاجات اللى فيها خالص
اقولكم على سر انا وجوزى هههههههه نزلنا ناكل كشرى تانى اسبوع من كتر مازهقنا مالفراغ والحمام هههههههههههههههههههه
انا رغيت كتير كدا ليه بس استنوا اخر حاجه بئا واهم حاجه واحلى حاجه هقولكم على الفستان والمكياج للمحتاجه الحاجات ديه
بصوا بئا الفستان كاااااااااااااااان تحفه بجد كان تانى لابسه من حبيبه فمصر والسودان ب 850 بعد الفصال طبعا وعلى فكره المحل ده تبع نورهان اللى فجسر السويس وبجد حاجاتهم شيك ونظيفه وبجد حلوه
خصوصا فالزفاف تحسوا الفساتين ابيض جميل كدا ومعاه الطرحه والبندانه والبادى تل استرتش وحلق وجيبونه وعلى فكره الجيبونه بتعتهم حلوه قوى هى سلك بس لمه نفسها مش فضيحه يعنى
اما المكياج فده كان ربنا بيحبنى فيه كنت حجزه عند ماكيرا عند ايمى الكاشف روحت لاقتهم بيقولولى ان ايمى الكاشف هى اللى هتعملى بنفسه لان الماكييرا عندها ظروف ههههههههههه
مش قدره اقولكم فرحت اد ايه واطمنت قوى وبجد المكان جميل وشيك وهادى جدا ومفهوش اى توتر هناك خالص والناس هناك كويسه قوى وبجد الوقت عدى بسرعه هناك وكمان الطرحه كانت تحفه بجد الحمد لله
وهما بيسئلوكى عن اللى انتى عوزاه بيدوكى اختيارات وانتى تعملى اللى انتى عوزاه سواء فالطرحه او المكياج بجد الحمد لله محدش يتردد لو هيروح عندهم بجد
واسعرهم ايمى ب 500 والماكييرا ب 350 وعلى فكره مفيش فرق كتير بينهم هو هو نفس الشغل
بس انا ربنا بيحبنى ومحدش ادى ايمى هى اللى عملتلى ب 350 هعهعهعهعهعهعهعهعاااااااا
اما التصوير بجد حلو قوى عند كادو الاسماعيليه جمب ايمى بالظبط كان ب 250 بجد شويه صور جامده جدا
كمان العربيه اللى كنا بنتزف فيها bmw x3 يله عشان محرمكوش من حاجه هههههههههههههه
الحمد لله كل شئ كان تمام الحمد لله ربنا يكملها علينا يارب ويرزقنا الخير دايما
اهم حاجه يابنات الواحد يرضى باللى فى ايده وبجد ربنا هيكرمه من حيث لا يدرى
وعقبال عندكم
:)
كريزززززززززززززززززززززززززززى الف مبرووووك انا ياحبيبى فرحتلك اوى
اوى بجد مع انك متصلتيش ربنا يكرمك بجواز ويكرمك بالذرية الصالحة والمعلومان اللى بتقوليها كلها
حلووووووووووة وسيفتها عارفة لوووووووو كنتى جيتى قبل كدة بيومين تلاتة يمكن كنت فرحتك
اوى بس دلوقتى اوى
انا محتاجة انك تدعيلى اوى اوى اوى انا فى امس الحاجة للدعاء بعد مالموضوع اتصلح والحال مشى وابتديت افرححححححححححححح كل شئ باظ تانى
واناااااااااااااااا اللى حيرانة فى النص ومتبهدلة من عند الاهل مع بعضهم
الف حمد والف شكر على كل حااااااااااااااااال
ادعيلى امانة عليكى وادعيلى ربنا يشفى ابويا ويرد لفرحة بيتنا
crazy ananas;8288007:
الاتنين حلوين ممكن تجيبى بطانيه مجوز ولحاف فيبر وبس وممكن معاهم مفرش قطيفه اللى معاه الخداديات وخلاص وكوفرتيتين وخلاص وماتنسيش البتوع الالياف اللى بيتفرشوا عالسرير اللى مليانين الدنيا دول اللى تقريبا ب 25 الواحد حلوين قوى هاتى 2
والله يا ايمى نفسى الامدادات تفضل علطول مش اسبوع وبس ههههه
ربنا يكرمك ويجزيكى كل خير عالكلام الحلو ده وعقبالك يارب يسعدك دايما
ويسمع من بقك ربنا يارب ويرزقنى انا وكل البنات بنونه قمور يارب :)
معلوماتك كلها حلوة ياكريزى يارب يسعدك ويكرمك ويهنيكى يارب
شيكـ SHIKO ـو;8290155:
بنات عاوزه اعرف نوع مكواه ملابس كويس انا محتاره بين باناسونيك يابانى وبراون :ss: ولا انتوا رايكم ايه؟
سيبك من براون
يااااااااااااااااااباناسونيك يافيليبس الاتنين احلا من بعض
انا جبت فيلبس حلوة اوى اوى
naholaa;8291213:
حد يقولى بجد انا محتارة اجيب برفانات وكريمات اد ايه انا لحد دلوقتى جايبة 3برفانات
برفانات متقلليش عن 7
كريمات هاتى 1 وجة
1 يد
واحد قدم
2 جسممممم
1 بدى بتر
واحد بدر سبلاش
heba 017;8296095:
بصو يا بنات بالنسبه للبرانس انا شايفه انه كفايه اووى بشكير وبرنس عادى ومالوش لازمه البشكير اللزق ده
وايه رأئيكو فى البشكير القطيفه احسن ولا العادى وسعره ايه عشانعايزة اشتريه ؟؟ظ
وصوت العيون مختفيه ليه وليه خدت وقف ؟
يا بطه فارس انتى وحشتينى اووى انا مش اتخطبت ولا حاجه لكن انا وخطيبى ربنا هدنا ورجعنا لبعض الحمد لله ومش تزعلى يا قمر قدر الله مشاء فعل
الف مبروووووووووووك والله فرحتلك اوى اوى ربنا يسعدكم يارب ويبعد عنكم الشيطان وولاد الحرام يارب
Der pferd;8296837:
يا بنات ممكن حد
االاجهزه الكهربائيه عايزه اعرف اسعار
بوتاجاز يونيفرسال
ثلاجه توشيبا 14 قدم
ربنا يكرمكم جميعا
وجزاكم الله خيرا
البتوجاز ياتكنوجاز
يايونيفرسال حلو اوى
تلاجة كريازى او وايت ويل ابعدى بجد عن توشيبا عندنا وانا شيفاها مش حلوة صدقينى
mashimaro16;8297263:
بنات
انا فى حاله يرثى لها :(
نزلت اشترى النجفه اللى رويتهالكم لاقيتها خلصت خلاص ومفيش تانى عند قنديل :( ومش عارفه اعمل ايه
مش لاقيه نجف سلفر خاللص ويكون بكريستال
بالله عليكم لو حد شاف نجف سلفر بكرستال يعنى ينفع صالونات وشكله حلو يقولى فين علشان انا لازم الحق اشترى علشان الكهربائى زانقنى فى الوقت اوى
سنتر الاهرام اللى هوا فى العتبه قدام ميدان كده وقريب من الموسكى؟ قبل الموسكى وانتى جايه من جراج الاوبرا ؟
طب اللى نزلو شارع الكهربا ده فى حااجات مختلفه عند درب البرابره؟؟؟
ادعولى كتير علشان عندى مشاكل كتيييييييييييييييييييييييير وخطيبى عنده مشاكل كتيره فى شغله :( ومش عارفه اعمل حاجه
ممكن حد يبعتلى نمره ايمى الكاشف؟ ومكانها بالتحديد ؟
انا شفت فى درب البرابرة والله بس لفى كويسسسسسسسسسس بس مش فاكرة المحل
اوى بس كانت جميلة والله
ربنا يكرمك ويكرمنى وييسرلنا امورنا ويبعد ناا الشيطااااان
وربعدنا عننا ولاد الحرام انتى وانا وكل اللى زينا يارب اللهم امين
rozyyy;8297363:
ازيكو يابنات بالله عليكو تدعولي ربنا يصلح الحال بيني وبين جوزي ياااارب انا في مشكلة كبيرة ادعولي من قلبكوووو -
وعايزة اعرف الجيرب بتاع العروسة الورد الطبيعي بيكون في حدود كام مثلا عشان عايزة اشوف الفرق بينه وبين الكريستال كبير ولا لأ ؟؟؟؟؟؟
ايه دة ايه ايه دة فىىىىىىىىىى ايه كللللللللللللللللللللللنا مرة واحدة هو فيرس ماشى فى الجو
انما حاسة بيكوا اوى والله لانى متدمرة معنوياااااااااا وجسديا ونفسيا وكل حاجة ربنا يارب
يسخرهولك ويبعد عنكم الشيطان ويسهلكم الحال يارب
افكركممممممممم بالمقاطعة يابنات اقل حاجة ممكن نعملها فى ناس بيموتوا اخوانا
وفى حاجة عاوزة اعمل صورة كلنا غزة واغير الصورة دى اعملها ازاى ؟؟؟؟
المقاطعة المقاطة
مش يبقوا بيموتوا اخواتنا واحنا نديهم فلوس
امانة عليكم المقاطعة
انا بحب الورد الطبيعى اكتر رقيق اوى
بنات كنت عايزة اقولكم لقيت شركة اسعارها حلوة اوييييييييييي لشهر العسل و حاطة برامج لكذا مكان في البرنامج الواحد بس عايزة اعرف حد سمع عن الشركة دي اسمها ممفيش و موجودة في مصر الجديدة
