shahy_m;8305108:بصي يا قمر انا شقتي حوال 80 متر ومتكلفة الكهرباء دخلة في 1500 من غير السللك طبعا دي مصنعية الراجل غير لانة بيجيب نحات ال هو الراجل ال بيكسر في الحيطة بس دي الاسعار ال خطيبي عمل بيها ممكن تختلف من منطقة لتانية ومن صنايعي لتاني او حسب الفيش ال هاتعمليها في الحيطة وحاجات الكهرباء خطيبي جبها من العتبة بس كان ايام الاسعار لما غليت ممكن دلوقتي ترخص شوية واما بالنسبة للمحارة اتشوينا فيها دخلت في 6000 جنية وبردة حسب الراجل المحار لان احنا كنا عملين المتر المحارة غالي ب8 جنية عشان مانتعبش في النقاشة والبياض وفي ناس بتعمل المحارة المتر ب4 و5 جنية حسب وكمان احنا عشان في الدور 7 جبنا ونش ب400 جنية في الساعةعشان يرفع الرمل والاسمنت وفي الاول والاخر حسب الصنيعي والتكاليف ال هاتعمليها
ايه ده ده كده غالي اوي، الكهربائي شغال عندي اهو دلوقتي سبته وجايلة اقرا اللي فاتني وبعدين ارجع اتابعه، المهم انا شقتي 135 متر وهيعمل فيها كل حاجة فيش واباليك وفيش تليفون ودش ويدخل كله من الحيطة وفيها شغل في كل اوضة وفي كل حتة وكان هياخد 400 وخليناها 350 عشان هو جاي عن واحد معرفة، دي مصنعيته هو وعمال التكسير اللي معاه من غير المونة، وفعلا الأسلاك وادات الكهرباء رخصت الفترة دي عن الاول، والنقاش جه واحد تاني غير الأولاني واتفرج بس الاول وقلناله عايزين نعمل ايه وكده وقال هياخد 2300 بس هو شاطر اوي بس باله طويل شوية، بس بجد شغله تحفة عشان لسه متفرجة علي شقة قريبة خطيبي تحفة وفيها شغل وحركات مش لون وخلاص، ولما عملنا السباكة والسيراميك في الحمام والبلكونة، كانت المقاولة تبع بعضها مع السباك وهو اللي جاب عمال التكسير والسيراميك واخد 1000 من غير الحاجة طبعا، حاولوا تفاصلوا اكتر من كده.
المنجد اخد الحاجة بس لسه متفقناش علي سعر عشان لسه بيشوف الخامات هتكلف كام ويشوف المدهباتي ايه نظامه عشان انا عايزة دهب فرنساوي وده احسن الانواع بس غالي وطبعا هنفاصل بردو عشان معرفة واحسن حاجة ان كل دول ساكنين بعد الشقة بمحطة ولا حاجة.
