بنوتات مصر المشاركات فى موضوع فرحك خلاص قرب ا(الجزء112)

dyana;8281996:
انا يا بنات اشتغلت فى نقاشه الشقه وحعمل الشقه كلها لوووووون واحد منعاً لكثير من المشاكل ياترى ايه رأيكم فى اللون دا انا عملت منه الوش الاول بالفعل:eek:

اللون ده جميييل ولذيذ ويليق علىى كلله بس ليه مش تعملى لون تانى مثلا فى الريسبن بلون الانتريه مع اللون ده واوضه الاطفال تهيقلى اعمليها الوان مفرفشه احلى لبنى مع روز او اصفر مع موف

انا عاوزه اشكااااااااال مطابخ اوليمتال وتفتكروا اعمل لون ايه؟؟؟؟؟؟؟؟؟

انا عملت لون واحد للشقه لان كل واحد برأى وزى ما قولتلكوا منعاً لكثير من المشاكل
البنوته اللى بتسأل عن اماكن بيع ملايات وبطاطين قريب من مصر الجديده تنزل عمر افندى اللى فى الحجاز عنده حاجات حلوة

[QUOTE=soshe;8282049]ازيكم وحشتونى ومبروووك الجزء الجديد عايزين شوية همة نايمين ليه كده :)
المهم انا عندي مشكلة او شوية مشاكل : )
اولا خطيبى مسافر وهيرجع على ميعاد الجواز علطول ان شاء الله اللى هو المفروض يكون فى شهر 7 ان شاء الله
وبيقوللى العفش والحاجات دي هيجيبها لما ييجى :( وانا اصلا عايزة الشقة تخلص قبل ما هو ييجى علشان متهيألى الموضوع هياخد وقت طبعا وغير كده فيه حاجة كمان مش عايز يحجز لكتب الكتاب غير لما ييجى :( انا مش عارفة اتصرف معاه ازاي ؟؟؟
نيجى للسؤال بقى دلوقت انا جهزت حاجات المطبخ خلاص فاضلى الكوفرتات والملايات والكلام ده انا عايزة اجيب اشكال حلوة بس مش عايزة اماكن بعيدة عايزة مكان بيبيع بطاطين وكوفرتات وملايات يكون شيك كده واسعاره كويسة ويكون قريب من مصر الجديدة
اللى تعرف تدلنى جزاها الله خير
وتانى حاجة انا كنت سألت على الفواحة وواحده ربنا يكرمها قالتلى فى ميدان الالف مسكن انا روحت جري على هناك وجبتها
هى مكانتش اللى فى بالى بس اهى شغالة :) انا كنت عايزة اللى هى بتنور وبتطلع بخار دي عموما هى دي صورة الفواحة اللى انا جبتها بتحطيلها اي زيت عطري وتحطيها فى الكهربا وبس :)[/QU

اولا مبروك عليكى الفواحة يا حبيبتى ربنا يهنيكى بيها
ثانيا فى مكان اسمه سوق غزة حلو اووووووووووووووووووووووووووووى فى كللللللللللللللللللل حاجة انتى عيزاها وكل الاذواق وحاجتة تحفة هو قريب اوى من مصر الجديدة انتى اركبى المترو وانزلى محطة غمرة وخدى من هناك تاكسى قوليلو سوق غزة هو قريب من المحطة مفيش عشر دقايق واى حاجة انا موجودة

soshe;8282049:
ازيكم وحشتونى ومبروووك الجزء الجديد عايزين شوية همة نايمين ليه كده :)
المهم انا عندي مشكلة او شوية مشاكل : )
اولا خطيبى مسافر وهيرجع على ميعاد الجواز علطول ان شاء الله اللى هو المفروض يكون فى شهر 7 ان شاء الله
وبيقوللى العفش والحاجات دي هيجيبها لما ييجى :( وانا اصلا عايزة الشقة تخلص قبل ما هو ييجى علشان متهيألى الموضوع هياخد وقت طبعا وغير كده فيه حاجة كمان مش عايز يحجز لكتب الكتاب غير لما ييجى :( انا مش عارفة اتصرف معاه ازاي ؟؟؟
نيجى للسؤال بقى دلوقت انا جهزت حاجات المطبخ خلاص فاضلى الكوفرتات والملايات والكلام ده انا عايزة اجيب اشكال حلوة بس مش عايزة اماكن بعيدة عايزة مكان بيبيع بطاطين وكوفرتات وملايات يكون شيك كده واسعاره كويسة ويكون قريب من مصر الجديدة
اللى تعرف تدلنى جزاها الله خير
وتانى حاجة انا كنت سألت على الفواحة وواحده ربنا يكرمها قالتلى فى ميدان الالف مسكن انا روحت جري على هناك وجبتها
هى مكانتش اللى فى بالى بس اهى شغالة :) انا كنت عايزة اللى هى بتنور وبتطلع بخار دي عموما هى دي صورة الفواحة اللى انا جبتها بتحطيلها اي زيت عطري وتحطيها فى الكهربا وبس :)

منوره يا حبيبتى انا كمان خطيبى مسافر هيجى قبل الفرح بشويه بس انتووا كده هتزنقواااا فى التجهيزات والفرش وشرا العفس وبقيه حاجتك والقاعه وكتب الكتاب

انا الحمد لله اشتريت الفرش بتاعى وحطاه فى شقه تانيه عند خطيبى عشان الوقت لما يجى يدووووبك ورمضان اصلا هيأثر على الافراح السنه دى لانه جى فى شهر 8 فانتى حاولى معاه كده

المفروشات هتلاقى احسن حاجه واسعار احسن وحجاات كتير فى المحله

بالنسبه للفواحه حلووه اوى ما شاء الله دى بكاااااااام بقى ؟؟؟؟

ازيك يا غدغوووده وحشتينىىىىىىى

ممكن تقوليلى يا حبيبه مادو جبتى العفش من فييييييين؟

نمره الست بتاعت الحمام المغربى يا فلور

dyana;8281996:
انا يا بنات اشتغلت فى نقاشه الشقه وحعمل الشقه كلها لوووووون واحد منعاً لكثير من المشاكل ياترى ايه رأيكم فى اللون دا انا عملت منه الوش الاول بالفعل:eek:

بصراحه كل درجات اللون دا تحفه فى النقاشه

يا ترى لو عملت سفره عموله مكونه من دولاب فضيه صغير + ترابيزه 6 كراسى تتكلف كاااااااااااااااااااام؟

thering;8282352:

حلو اوي ده نفس اللون اللي هااعمله ان شاء الله بس مش عارفه اعمله للشقه كلها برده ولا اعمل الوان تانيه

وده برده درجه تانيه من اللون ياريت تقولولي ايه رأيكم فيه

اللون دة جميل جدا انا عاملة فى شقتى وكلها لون واحد وبصراحة بيليق علية اى لون فى العفش وكمان بيدى وسع فى الشقة عندى عشان كمان السيراميك فاتح وواخد نفسة الدرجة

حبيبه مادو;8280747:
مبروووووووووووووك علينا الجزء الجديد كنت ناويه اعمله بس يلا البركه فيك يا قمر

ومبرررررروك عليكم السنه الجديده 2009

انا فرحى ان شاء الله فى شهر 9

عشاااااااااان تبقوا تكتبوووونى فى الليسته اخيييييييييرا ههههههه هنبسط اوووووى لما اشوف نفسى فى المنيو بس لسه مش حددت اليوم بالظبط لما احدده هقولكم بقى ان شاء الله

بصوا يا عرايس انا كنت عاوزه اعرف افضل حد يعرف النقاشين بياخدوا على المتر كام واللى بيركبوا السيراميك بياخدوا كام على المتر ؟؟ اللى جهزوا شققهم

مبروووووووووووووووووك ياقردة :Dوحشتيني خالص وربنا يتتملك ع خير ياااااااااارب للللللللوووووووووووووووووووووووللللللللللللللللليييييييييييييييييييييييييييي
واسعار النقاشين والسيراميك ياقمر بتكون مختلفة لأن في ناس بياخدو الشقة مقاولة وفي بالمتر يعني عندي النقاشين اخدو ع المتر تقريبا 24 ج بالمونة بس في ناس قالو كده كتير بس مش عارفة الاسعار التانية ايه والسيراميك بيكون الكتر في حدود 12 -بس في النقاشة بيكون ليهم حساب معين للمتر يعني بيقسيو الشقة بطريقة معينة -وربنا يكرمك ياجميلة

meroo012;8280810:
عرايس شهر 9 ان شاء الله هوا مش شهر 9 هايبقى رمضان طب ازاى طيب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حد يقولى يابنات بليز هوا المفروض الواحدة تعمل سويت ف السيكو سيكو قبل الجواز كتدريب كدة ولا ساعت الفرح وتبقى اول مرة

اصلى انا مش متخيله انى ممكن اعمل دلوقتى خالص حد يفيدنى ف الموضوع ؟؟؟

كمان امتى التخفيضات على لبس البيت الشتوى وايه احلى اماكن بتبيع ترنجات حلوة وشكلها جديد

اعملي ياجميلة من دلوقتي احسن عشان تكون سهلة ساعتها وماتحتاسيش في اول جوازك عشان حد يعملك وطبعا لما تكوني انتي بتعرفي تعملي هايكون احسن ليكي بكتيييييير --------التخفيضات ع اخر 2 اول 3 كده يعني - والترينجات الحلوة هاتلاقي توكيل حبيبة عنده حاجات حلوة اوي وليهم محل في جنينة مول في الدور الاخير وفي فابلوس بيكون عنده اوقات حاجات لذيذة -وممر دنيا النغم في وسط البلد في محلات كويسة ودوري فيه كويس اوي

ليللى;8281299:
بنات ازيكم ؟ انا عارفه انى مقصرة كتير معاكم بس ادعولى ربنا يفرج كربى وينصر اخواتنا فى غزة ان شاء الله

كنت عاوزه أسالكم بقى عن حاجه مهمه انا هفصل فستان سواريه لكتب الكتاب وكنت بفكر كان فى فستان لبسته الفنانه حنان ترك فى مسلسل اميره من عابدين كان لونة اسمر وفيه فيونكة حمرا كدا فاكرينه ؟
ياريت اللى عندها صورته تبعتهولى وتقولولى رايكم فيه ايه واعمله لون ايه ؟

انا مش عندي صورة فستان حنان ترك بس شوفي ده ممكن ينفعك
http://www.3roos.com/forums/t416050.html#post8282570

dyana;8281996:
انا يا بنات اشتغلت فى نقاشه الشقه وحعمل الشقه كلها لوووووون واحد منعاً لكثير من المشاكل ياترى ايه رأيكم فى اللون دا انا عملت منه الوش الاول بالفعل:eek:

(y)(y)(y) حلو اوىىىىىىىىىىىىى

بنات ازيكم عاملين ايه ومبروك على الجزء الجديد
كان عندى سؤال
هيا الفواحه دى بتستخدم ازاى
وقولولى بتعمل ايه بالظبط

ومنتظره رد منكم

الفواحه يا نغم بتستخدم انك بتحطى فيها زيت عطرى ولما بتشتغل بالكهربا الزيت دا بيسخن ويطلع رائحه حلوة اوى نفس ريحه الزيت اللى انتى حطاه فبيعطر الغرفه او الشقه عندك
عشان يبقى بيتك ريحته دايما حلووووووووووة

ازيكم يا قمرات اخباركم اية؟
بقولكم هو سوق غزة دة اسعارة عاملة ازاى ؟ وفى فصال هناك زى حمام التلات ولا لا؟ وفى حتة اسمها درب سعادة فى الازهر حد سمع عنها؟.

نغم2020;8282667:
بنات ازيكم عاملين ايه ومبروك على الجزء الجديد
كان عندى سؤال
هيا الفواحه دى بتستخدم ازاى
وقولولى بتعمل ايه بالظبط

ومنتظره رد منكم

بصى يا قمر الفواحة اللى عندى عاملة زى النافورة وبتحطى فيها زيت عطرى باى ريحة انتى تحبيها وهى شغالة بالكهرباء و بتخالى ريحة البيت حلوة

نغم2020;8282667:
بنات ازيكم عاملين ايه ومبروك على الجزء الجديد
كان عندى سؤال
هيا الفواحه دى بتستخدم ازاى
وقولولى بتعمل ايه بالظبط

ومنتظره رد منكم

اشرى;8282811:
ازيكم يا قمرات اخباركم اية؟
بقولكم هو سوق غزة دة اسعارة عاملة ازاى ؟ وفى فصال هناك زى حمام التلات ولا لا؟ وفى حتة اسمها درب سعادة فى الازهر حد سمع عنها؟.

اه ياجميلة انا اعرف درب سعادة - بصي هو المكان ده ارخص من حمام التلات بس مستوياته مش زي حمام التلات يعني مستواه اقل -بس ممكن تروحي تشوفيه يمكن تلاقي حاجات تعجبك - هو رخيص اوي وفي بيبيعو بالجملة -

بانوتات قولولي بقا -عايزة اجيب السبت الصغير الي بيتحط فيها ورق ورد ويترمي ع العروسة والعريس في الفرح- عارفينه ؟ - عايزة اجيب منه واحط فيه ورق الورد ده ساعة الفرح -بس انا عايزة الي بيكون ستان ابيض مش الخوص -لو حد فيكو يعرف سكته فين ده يقولي - بس ياريت وصف دقيق معلش يابنات

متشكره يا احلى بنات على ردكم عليا فى موضوع الفواحه
بس ممكن اعرف كمية الزيت العطرى قد ايه اللى بنحطه فى الفواحه
لانى شوفت شكلها غويطه
يعنى مثلا بحط الزجاجه كلها
ولا بضيف مياه مثلا معاها

حد يعرف مين يقدر يعملي حاجة زي دي فين وبكام ؟ ؟؟؟؟؟؟؟؟؟
او لو عندكو اشكال بوكيهات ورد للعروسة جديدة وشيك اعملها عشان دورت ع النت مش لقيت حاجات جامدة

dyana;8281996:
انا يا بنات اشتغلت فى نقاشه الشقه وحعمل الشقه كلها لوووووون واحد منعاً لكثير من المشاكل ياترى ايه رأيكم فى اللون دا انا عملت منه الوش الاول بالفعل:eek:

اللون جميل جدا وكلاسيك وهينفع معاه جميع الالوان في الفرش ومبروك عليكي يا قمر(y)