بنات البحرين .... أفكار حفلة الأستقبال

:sad:يعني ولا وحدة تبي تساعدني ؟؟؟

ماعندي فكره عن حفلة الاستقبال

حبيبتي انتي اي بلد ؟
عشان كل بلد لها افكار معينة
علميني عشان اقدر اساعدك

soso211112;8262143:
حبيبتي انتي اي بلد ؟
عشان كل بلد لها افكار معينة
علميني عشان اقدر اساعدك

من البحرين

مرحبا حبيبتي
حفلات الاستقبال 3 انواع :

النوع الاول : حفلة كبيرة تحل مكان العرس وهذي تجهزين لها نفس العرس بس الفرق انج مابلبسين فستان ابيض بتلبسين فستان سهرة او جلابية كشخة

النوع الثاني : ممكن تسوين استقبال في صالة صغيرة او البيت وتضيفين الناس بمالح وحلو وبوفيه

النوع الثالث : نفس الثاني بس من غير البوفية تضيفين الناس معجنات وجوكلت وبيتفور وميني كيك وعصاير فقط لا غير وهذي بيكلفج تقريبا 200 دينار
.

اختي هالشي يعتمد على وين بتسوين الحفله

اذا بتسوينها في البيت مثلاً , لبسي فستان سهره او جلابية كشخه

وضيفي المعازيم مثل ما قالوا موالح وحلوو وعصير

واذا بتسوينها في صاله , بتكون تكاليفها وتجهيزاتها مثل العرس

وبتحتاجين لبوفيه او عشى ..


ع ـذبة المشاعر

مشكورررين على الرد

بتكون في صالة طيران الخليج

أمممممم

ما شاء الله البنـات ما قصروا بالردود

وبمـا إنها بتكون في صالة فـ لازم تجهزين الصالة مثل تجهيزات العرس

يعني في بداية الباب أول ما يدخلون معازيمـج

حطي طاولة فيها بخور & عطورات

وسوي لهم بوفيـه عشااء

ومع طلعة معازيمج قدمي لهم سويت راقـي , أو توزيعات راهيـة حق مناسبة زواجج

وأتوقع إذا بتسوينها في صالة فـ لازم تلبسين الفستان الأبيض وتكشخين كـ عروس

وكل معازيمج يجون يهنونج على الكوشة

ودمتِ بحفظـه

تحياتي

حلم العذارى;8280740:
أمممممم

ما شاء الله البنـات ما قصروا بالردود

وبمـا إنها بتكون في صالة فـ لازم تجهزين الصالة مثل تجهيزات العرس

يعني في بداية الباب أول ما يدخلون معازيمـج

حطي طاولة فيها بخور & عطورات

وسوي لهم بوفيـه عشااء

ومع طلعة معازيمج قدمي لهم سويت راقـي , أو توزيعات راهيـة حق مناسبة زواجج

وأتوقع إذا بتسوينها في صالة فـ لازم تلبسين الفستان الأبيض وتكشخين كـ عروس

وكل معازيمج يجون يهنونج على الكوشة

ودمتِ بحفظـه

تحياتي

مشكووورة أختي على الرد

بس عادي ألبس فستان أبيض أقصد فستان عرس ؟؟
وأدش بروحي يعني ولا أستقبل المعازيم ؟
شلون ؟

مثل ما شفت ما تلبس فستان ابيض تلبس فستان سهره عادي بس يكون فخم يعني لو مسويه عرس احسنلج كل شي مثل العرس اكل معازيم ديجي بس ناقص الفستان لا تحرمين روحج وتندمين من احلى شي وماعليج من احد اكا جوفي الاجانب عقب ما يحملون يتزوجون

حبيبة عزوزي;8287765:
مثل ما شفت ما تلبس فستان ابيض تلبس فستان سهره عادي بس يكون فخم يعني لو مسويه عرس احسنلج كل شي مثل العرس اكل معازيم ديجي بس ناقص الفستان لا تحرمين روحج وتندمين من احلى شي وماعليج من احد اكا جوفي الاجانب عقب ما يحملون يتزوجون

مشكووورة أختي على الرد

اعرف نفس تكلفة العرس
بس تدرين أهو خيرني بين شهر عسل أوروبا و عرس و انا اختاريت شهر العسل لأن قال بيسوي لي حفلة إستقبال

غنوجة;8289411:
مشكووورة أختي على الرد

اعرف نفس تكلفة العرس
بس تدرين أهو خيرني بين شهر عسل أوروبا و عرس و انا اختاريت شهر العسل لأن قال بيسوي لي حفلة إستقبال

في حفلة الاستقبال حبيبتي تلبسي فستان سهرة حلو ويكون لونه ابيض يفضل او اذا تبين لون ثاني بس عشان تتميزين لبسي الابيض ,,

وانتي تدشي بروحج وممكن تدخلي مع المعرس يوصلج للمسرح وبعدين يطلع تظلي انتي بروحج ,, المعازيم تتعشى وانتي قاعدين يصورونج عالمسرح وبعدين يجون يباركون لج ويقدمون لج الهدايا ,,

مهم انه تحطي جنبج طاولة عشان يحطون عليها الهدايا الي بيعطونج اياها ,,

اهو تقريبا نفس حفلة الزواج بس باختلاف انه ماتلبسين فستان عرس وتكوني بروحج مو معاج المعرس بس !!

وانتي دامجج بتسوين في طيران الخليج يعني بتخسرين فلبس فستان زواج مرة وحدة احسن لج يعني جذي جذي بتدفعي حق اكل ومعازيم وديجي وتصوير وغيره وحق صالون الفرق اللهم بالفستان بس !

اذا حفل استقبال يعني ما ينفع تلبسين فستان كبير مثل العرس لان بتكونين تتحركين بين الضيوف

اول شي مثل ماقالو الاخوات تحتاجين لطاولة عند المدخل عليها عطورات و بخور

الطاولات يكون عليها موالح عشان الناس ما تزهق بالاضافه للعصير بيمرون عليهم فيه

تحتاجين ل ديجي بس مايكون بصوت عالي وايد مثل العرس لان الناس بتكون تسولف و تسلم عليك

توزيعات للمعازيم طبعا لازم تكون على عدد الناس اللي جايه لان هذا حفل استقبال يعني اللي بيحضرون كلهم تعرفينهم ماينفع حق عدد محدود

شوفي توقيعي يمكن يفيدك :)

مشكورين

1- بنت سالمين
ما قصرتي أختى كفيتي و وفيتي

2- مراوي

مشكووورة و طبعا افكر احط على كل الطاولات ورد و حلويات و موالح



اذا احد يعرف تصوير أم عباس جم بيكلفني ؟

بناااات البحرين

وينكم

انتظر نصايح باقي البنات؟

شنو ألبس ؟
الدخلة لي القاعة شلون؟؟؟

تقدرين تلبسين ابيض وزفة وحفلة نفس العرس عادي
وتقدرين تلبسين فستان سهرة ابيض وتستقبلين المعازيم
االلله يهنيج

ما أدري ..,

من خلال ردود البنات وعلى وضعج

حرام تضيعين وما تلبسين فستان أبيض

سوي مثل ما قالوا لج البنات

عند مدخل الضيوف شنو تحطين وعلى الطاولات وبوفيـه عشا

خلي الديجي صوته واطي لأن مب عرس وما بيكون في رقص وربشـة

خلي أمج وخالاتي . . أهلج يعني يتكفلون بإستقبال المعازيم وتوجيبهم

إنتي دشي الصالة بروحج " بدون المعرس " بفستانج الأبيض على زفة هادئة وحلوة

وقعدي على الكوشة والناس تجي تسلم عليج وتقدم لج الهدايا

أتوقع إن جذي أوكي

أقلها الفستان الأبيض تلبسينه وتكشخين حق زوجج وعلشان تصورون

/
\

موفقـة

ان اقول حرام تحرمين نفسج من الفستان الابيض انتي في النهايه مخسره على الصاله والمعازيم والبوفيه

لبسي فستان عرس بس يكون بسيط وناعم وحطي مكياج وتسريحه عروووووووس

وصوري مع زوجك في الاستديوو والصاله

ورتبي لج زاويه من الصاله حق الهدايا حطي فيها طاولات وتكون قريبه من الكوشه


والله عقب جم سنه اذا يوو العيال راح يسالونج عن عرسج وعن الفستان الابيض لا تحرمي نفسك من هالفرحه



والله يوفقج

انتي سالتي عن التكاليف:


يعني التكاليف الفستان اذا اجار من محل اقلها ب200 دينار
اذا بتتاجرينه من البنات بيكون عليج اقل بوايد

التسرحيه والميكب حطيي لهم 150 دينار

الباقه 35 دينار

اخذي تصوير صحاري بكح ب100 دينار تصوير داخلي وخارجيي