مشكلتي مع ابنتي

نورالهدى2 29-12-2008 11 رد 3,556 مشاهدة
ن
ابنتي عمرها 3 سنوات و4 اشهر مشكلتها العناد والعصبية حيث من عمرها سنة ونصف كنت اعلمها على الحمام وكانت عميلة مشقة للغاية ولم كملت 3 سنوات شلت من عليها الحفاظة نهائيا ولكن تعبت نفسيتي والسبب عدمت لي الشقة من البول والسرير وكل مكان وفي كل مرة اصطحاب للحمام اشجع ولصق لها ملصقات على وسيلة موضعه بقرب من الحمام ولكن دون جدوى تشجع مرة وبعدين يصير عندها شيء عادي خليت ملصقات او ما خلت نفس شيء حتى الحلويات جربت معها بعد نفس الحال وفي ليل من سابع المستحيلات تقعد من دون ما تتبول في ملابسها وعندما اصحيها لتغير ملابسها تصبح معركة على ما تدخل الحمام وتظل تصرخ وتجلس في الحمام او تظل وقف ولا ترضى تقعد على المرحاض إلا بطلع الروح ودائما تنكر حاجتها للحمام وزادات حالتها عندما ولدت واتى لها اخوها وعمره 4 اشهر .
دائما تريد ان تعمل ما في مزاجها ولا تريد ان تسمع كلامي .
فما الحل معها هل البسها في ليل بعد ما تنام الحفاظ اما ماذا لدرجة استكرهت الشقة من قد ما صادها من نجاسة وكل يوم لازم غسل المفرش مالها واللحاف والثياب.
ر
نور الهدى اني معاك الوحده فتره وبعدين تمل وتكره النجاسه والتطهير والتغسيل وبنتك شكلها عنيده واجد

وعمرها نفس عمر بنتي

بحاول اعطيك وسائل اول خدي لها قصه وخليها تتصفح فيها في الليل وهي في حضنك

وبعد ماتخلص قصي لها قصه عن طفله تبول على ملابسها وشافوها صديقاتها

وخليها تنحرج من الموضوع باحساسها بالبنتالي في القصه


واذا ماقبلت تروح الحمام قولي لها بقول الى وحده في عمرها او اكبر منها لكن علاقتها معاها قويه

قولي بقول لها انك تبولي وتضحك عليك

لاتتكلمي قدام احد بانها توسخ نفسها

خلي لها كرسي عقاب كل ماتعاند ولاتسمع الكلام في التغير بتتعاقب وتجلس عليه غصب عنها


واسمحي لي اني اقولك اساليب عقاب لانك استخدمتي معاها التشجيع واستمريتي معاها فتره


كبيره وهي لسا ما اعتادت

وفي الليل لبسيها حفاظ اريح لك واليها واذا شفتيها خلاص اعتادت في النهار وتدخل الحمام قبل النوم وماتبلل

الفاظ شيليه عنها

الله يساعدك
^
الله يساعدش خيو نفس حالة بنتي وبنفس عمرها ويش اسوي وياها تعبت عدل

نتظر الحلول


ومشكوره اختي ربيعيه وبعد سويت الي قلتينه من قبل اقول لها قصص وجذي ومافاد اي شي
ب
اني بنتي بسن بناتكم

ولما صار عمرها سنتين وثمانية اشهر وللحين ماتعلمت

وقلت ليها لما تتعلمي على الحمام راح ادخلك الروضة وية الاطفال

وفعلا بس اسبوع ماشاء الله وتعلمت حتى في الليل
ض
اناكمان بنتي تعبتني مع هاالمسألة ...... ولد الكبير من 9 شهور ماشاء الله عليه .وبنتي طولت ...... حسيت انها لسة مومستعدة تقعد بدون حفاظ يوم كامل وخليتها عادي

بديت اشيل الحفاظ عنها طول اليوم او اذا كنت في البيت ماوراي شي ... بس كل 10 او 15 دقيقة اخذها عالحمام ...... باليل او اذا كنا طالعين البسها الحفاظ
مع الايام قمت ازيد المده لين صرة اودها الحمام كل نص ساعة

و يوم حسيت انها تقوم الصبح والحفاظ جاف تمام او نرجع وهي مابللته شلته عنها بالمرة
ساعدني كمان دخولها الروضة قلت لها انتي كبيرة وعشان تروحين لازم تتعلمين
وعادي كاهي تورح الحمام وشطورة ... بس لاحظت شي انها ما تروح الحمام الا لما تكون وصلت حدها لازم
الحين كل شوي اسالها تبين تروحين الحمام ... او اذكرها ....... مشكلتها تشرب سوائل كثير
بالليل اذا حسيت انها شربت كثير اخليها تروح قبل لا تنام..... وقبل مانام انا كمان اخذها مرة

المسألة يبيلها صبر وطولت بال اهم شي ماتعاقبينها لانك راح تزيدين الطين بله
ن
حبيتي انا بنتي عمرها سنه وتسعه اشهر
جدا عنوديه وعصبيه ونتيجه هذا مستحيل اعلمها عالحمام
لان الصراحه اذا عصبت عليها اضربها
ا
الله يكون في عونج حبيبتي
بنتك تقريبا في عمر ولدي ، ونفس العملية تعلم على الحمام من عمره سنتين بس للحين بعض الاحيان يتبول في فراشه .
وان شاء الله فترة وتعدي
أ
انا بنتي سنتين وتسعة شهور ماشاء الله

وليما ألحين مو قادرة اتخلص من الحفاض

مو عارفه اشلون
ن
امس اخذتها وضمتها تحتي في الليل وقلت ليها الحين بعطيش حنان وبعدين روحي وانامي على سريرش ورضعة اخوها بسرعة ورجعته في السريره اشوف صحت من نفسها وقالت تريد تروح الحمام والحمد لله قضت حاجتها في حمام وخليتها تلصق ملصقات ليها على الوسيلة ورسمت لها نجمة وكتبت عليها نجمة الطاعة فستنتجت ان احتمال تكون عندها غيره لما اتشوفين اعتني باخوها وان شاء الله خير اياها كل يوم تصحى وتروح الحمام وافتك من النجاسة.
ا
الحمد لله تطور حلو

الطفل يبيله طولة بال و اهتمام

الله يهديها و تخلصين من هالموضوع
أ
الحمد لله انها استجابت لك

بس خوفتيني على بنتي عمرها اللحين سنتين و4 شهور وتعلمت ولله الحمد

بس جاينا بيبي في الطريق ان شاء الله

أخاف يصير لها مثل بنتك وبالذات انها من الآن صايره حساسه ومتعلقه بي واااجد


الله يكون بالعون ويهديهم
ن
الله يهدي ابنتك وان شاء الله ما تصير عندها الغيره حاولي من الحين تهين لها الموضوع وتحسسينها بالحنان الاضافي
X