تجمع خاص بالحوامل البكر ((أول حمل لك تفضلي معنا)) الجزء الثامن

اشلونكم حوامل

أم طلال
إماراتيه كيوت
شعووله

حوامل البحرين مين فيكم راحت مذركير
ترى سمعت أنه ابتدت تخفيضاتهم اليوم

آنا خاطري اروح بس انتظر اعرف جنس البيبي الأول

اتهقوون لورحت لفوزيه كمال تعطيني جنس المولود صح؟
لأن موعدي مع دكتورتي بعيد 18/1

الحمدلله إماراتيه
آنا بخير مع أن هاليومين راجعت لي اللوعة من الصبح رغم أن عديت خمس شهور
يمكن عشان البيبي يكبر ويضغط على المعدة ، بس إحساس مزعج من الصبح ، شكلي الليلة راح آخذ حبوب اللوعة .

هلا فيج أختي الحب
جان على الرياييل آنا فقدت الأمل في زوجي كلش ما يحب التسوق حتى عشان خاطر البيبي ماقدر يغير طبعه ، فشكلي لازم اعتمد على نفسي وأروح السوق بروحي .

بالنسبة للوعة جربت معاها كل الطرق في بداية حملي ، لكن ما كان في حل لها إلا لما الدكتورة اكتبتلي حبوب الغثيان ، وبنفس الوقت نصحتني ابتعد عن ( الفلفل ، الحامض ، الدهن ) واشرب سفن آب تخيلووا!!!!

واكتشفت أن المالح أللي احبه ما كان البسكويت لأن ما احب البسكويت ، فقلت لزوجي يشتريلي مكسرات مملحة وحب عباد الشمس ، وفعلا خفت اللوعة عني بذاك الوقت ، بس هاليومين اشوف ردت لي مرة ثانية وخاصة الصبح .

أم طلال
زوجة أخوي اتصلت فيني اليوم وقالت لي عن التخفيضات ، واهي مااتروح إلا أللي بالسيف ، بس اعتقد كل الفروع تخفيضات.
حتى آنا اروح مجمع الرفاع لأني ساكنة بمدينة حمد .

الحب
آنا وأم طلال تونا بالشهر الخامس ، فحنا مانعرف جنس البيبي ، بس أنتي بنوته يعني بتشترين كل شي بحرية .

آنا عن نفسي ببتدي بالأشيا الضرورية مثل ( طقم الحمام ، والفوط ، والملابس الداخلية للبيبي ، والسلة ، ويمكن السرير الصغير ، والرضاعات ، والأجهزة الضرورية مثل السماعات ومعقم الرضاعة وغيرها )

يعني فرصة التخفيضات عندنا