الكذاب

الله يعينك حبيبتي من جد هالصفه تكرهني بالشخص مهما كان حبي له

المهم لازم توضحين له احراجك وانه لازم مايكررها لانك مو مغفله وماترضين له انه يستغفلك بشي

لانه كذا يقلل من قيمتك عند الناس وقولي له يحط نفسه بهالموقف ولاترضين بسهوله

علميه ان اللي يسويه غلط بحقك

اتمنى من الله يسخرلك زوجك ويسعدكم مع بعض يارب

بجد الله يعينك
بس المفروض انك تواجهيه وتعرفيه كمان انك بتعرفى وانه الموضوع بيحرجكك قدام الناس وبيزيد انه شكله مش بيبقى كويس لا قدامك ولا قدام الناس وكمان اولاده بعدين ..........

حبيبتي انا صار لي موقف مرة فقع جبدي

زوجي مرة قال لي لا تتعدلين وايد ترى زوجة خالي بتشوفج حلوة وبتغير رايها عن خطيبة ولدها وبتروح تدور وحدة احلى، بتقول ان في بنات احلا في هالبلد،، ايش تفهمين من هالكلام؟ ان ولد خالته خاطب وحدة صح؟؟؟
امي سألتني فلان ما ناوي يتزوج للحين؟؟ قلت لها خاطب وحدة،، ولا زدت ولا كثرت في الحجي، لان هذا اللي سمعته
لما امي سألت زوجي قال لااااااا، من قال لج، للحين ما خطب!!! وطبعا انا اللي طلعت كذابة قدام امي

فعلا ذاك اليوم فقعت مرارتي واحترقت، لا وشيقول لي،، ليش تطلعين حجي وتنشرينة وتقولين لامج بعد!!! قلت لها انت قلت لي،، قال لا تحطين علي ههههههههههههههه
بالله عليج نقدر نسوي شي حيال هالسالفة!!!!!!؟؟؟؟

لا وحسيت اني منتصرة لما ام زوجي قالت لامي انه خاطب من زمان بس ملجو توهم،، يعني عقب فترة من السالفة، واكتشفت ان امي نست اني قلت لها اصلا هههههههههههههه

حبيبتي الحل الوحيد اللي اتبعه ويا زوجي لما يكذب عليه اني ما اصدقه، حتى لما يطلب مني اسوي شي ما اسويه اقول له ايش ضمني انك صادق في طلبك ههههههههههه
قمت اطلعه على كل شي كذاب،، وشوي بدا يتوب لان كره حياته جذي،،، يمكن تنفع معاج الحركة

الله يعينك طبع الكذب اقبح شي احكى معاه انصيحه ما تتركيه الله يهديه ويصلحه

انا زوجي مو مشكلتي الكب
مشكلتي ما أعرف زوجيلما يحكي ... جد أو المزح
دايم يلعب علي بالحكي

الله يكون في عونك

أعتقد لازم اقوله على اللي في خاطري لانه الحياة ماتنبني الا على الصراحه ولا كيف ؟
المهم اسمع وجهة نظره ممكن يكون سوء تفاهم او هو يقول كلام يحب يزيد فيه عادي بعض الازواج كذا يحب يقول سويت وفعلت وبالاخر ولا شي
المهم تكوني انتي وياه على وضوح
وتقبلي مروري

اختتتي شكللج متقببلة الفكرة بروووح حلوة وضضضحكة ..بس انتي كلمييه قول لي له انا لا تكذذب قداامي ولا تكذذب علي بس هاي ماي يناخذ منه وعد لانه كذاااب ..كلمييه انتي لان ما يصير كذا مو حلو

الله يعين لكن لازم توضحي له الاحراج الي يسببه لك بسبب كذبه
الله يعيننا على هالرجال

ربنا معاكي حاولي تخليه يغير العادة دي لانه هتتعبكو اجداااااااااااااا

حبيبتي لا تكلمينه ولاشي لن اصلا هو الكلام عنده ماله مصداقيه لبد من فعل يعني مثل ماقالت الاخت
ام عبدالله "حبيبتي الحل الوحيد اللي اتبعه ويا زوجي لما يكذب عليه اني ما اصدقه، حتى لما يطلب مني اسوي شي ما اسويه اقول له ايش ضمني انك صادق في طلبك ههههههههههه
قمت اطلعه على كل شي كذاب،، وشوي بدا يتوب لان كره حياته جذي،،، يمكن تنفع معاج الحركة "

والله يوفقج

جد الله يعينك لكن الحل انك كذبيه على طول

حسسيه انك ماتصدقينه ابدا والله لايكره نفسه وان شاء الله بيتغير

الله معاك

الله يهديه ويصلحه

الله يعينك بس بجد شيئ محرج جدااااااااا

سلام عزيزتي صحيح اني توني جديدة بالمنتدى بس احس من سوالفكم اني اعرفكم من زمان عالعموم انا مو متزوجة بس مخطوبة الي فترة طويلة وبحكم معرفتي بخطيبي غيرت فيه اشياء وايد مو قادرة اشرحلك بالتفصيل بس والله الشاهد انه تغير والفضل يرجعلي شوفي انا صبرت وحاولت الشي الي يزعجني اوضحها عن طريق غير مباشر قولي شلون؟زمان كنت اغضب والومه واخاصمه وازيد الطين بله وما نفع معه وبعدين حاولت اسوي طريقة وحدة بوحدة وكمان هاذي ز الحين لو انا بمكانك ابين اني صدقته وانه ماكذب علي بحياته وانه رجل مثالي وامدح فيه واعاود وبانك ماكذبتي لحظة عليه واحكيله هالموقف علي انو صار لوحدة من صديقاتك وانو بمعرفتها بكذب زوجها بدت تخبي جانب من حياتها وراء الكذب عليه لانو مافي انسان يرضى يكون كتابو مفتوح امام انسان كله غموض وفهميه من خلال محدثاث جانبية انو الصدق مدعاة للثقة عزيزتي الله يكون فعونك وتحملي مدري فيه بحياتكم صغار وبتهاوشكم ممكن تاترو على حياتهم سلبا ممكن انا مو مجربة الحياة الزوجية والاخوات الي اعطوك نصيحتهم ادرى بموقفك وتقي وتاكدي انك تقدري باصرارك تغيرينه
تحياتي

حسيت من كلامك انه ما بيكذب في أشياء خطيرة أو عميقة .....
وكذا بتكون المشكلة أهون
أنا زوجي من نفس النوع ,,,وفعلا انحرج لما أبلّغ أخبار وبعدين اكتشف انها
من توقعاته!!!! بس لما يحكيني كأنه الخبر أكيد!!!...
لما صارحته بالمشكلة أعترف انه غصبا عنه
لأنه اتعود كذا من زمان(والسبب امه)!!
لكن طلبت منه يتغير ضروري عشان أطفالنا
والخطوة الثانية انه لما نتحكى أفهمه واوقف عند النقاط اللي اتوقع
انه يكذب فيها وأسأله عنها
والحمد لله صار يعترف وبدأ يتحسن....
أتمنى لك التوفيق

مافي احسن من المصارحه في هذا الموضوع
اجلس معاه جلسه حلوه او اطلع معاه بالمطعم او بالسيارة نتمشى واكلمه
عن كل شي بخاطري وان هذه الصفه مو حلوه واخجلتني امام الناس واحرجتني معهم
وبالتفاهم والحوار تنحل كل الخلافات ان شاءالله



دمتم سالمين
اختكم شريفة

يمكن يتغشمر معاج مب يكذب عليج قعدي معاه وكلميه وصارحيه بهالموضوع وشوفي شنو يقول لج