طاحت الفاس

فجر-1 28-12-2008 14 رد 966 مشاهدة
ف
السلام عليكم ورحمة الله وبركاته حبيتكم تشاركوني بهمي :( انا مملكه (عقد زواج) لي كم شهر المهم اكتشفت ان الفارس اللي كنت احلم فيه مش مقتدر مادياً يعني راتبه ضعيف جداً وعندي احساس انه بخيل تخيلوا فتره الخطوبه ماقد اهداني شيء ابدا مو مثل كل البنات:confused: وعندي احساس ان ماعنده مسؤلية لان كل وحده مخطوبه خطيبها يحسسها انه مسؤول عنها ومهتم فيها انا ماحسيت بذا الاحساس منه وقرب موعد زواجي شالحل حاسه بضيقه مااقدر اعيش بمستوى اقل من مستواي ولا اتحمل الفقر والله وهو ماحسيت انه بيعدل وضعه ولاعنده احلام حتى
ا
ياختي ماادري وش اقولك ان كانت حالته الماديه ضعيفه

وهو شاريك اصبري عليه اهم شي انه شاريك وانه صالح يخاف من الله

علشان مايكون بخيل

والله يسخره لك ويجمع بينكم بخير..

الفقير ممكن انه يتغير الله يغنيه بالخلق الصالح والمال
ع
يا اختي ليش ما تسوى استخاره
&
ليش وافقتي عليه من البداية دامه بخيل وفقير ايش اللي حادك ؟؟
أ
اذا الريال زين وياج
فالبيزات مو كل شيء بالدنيا
ويا كثر اللي مستواهم المادي ضعيف وعايشين بسعاده وراحة بال

ثانيا
انتي بتتزوجين
يعني بتغادرين بيت اهلج يالغاليه
يعني بتبدين حياة يديده
فانسى الدلع والدلال الزايد
ولا تقولين ما ابي اعيش بمستوى اقل من مستوى اهلي
ومابي معامله غير عن طريقة اهلي

حطي ببالج ان حياتج ويا اهلج شيء
وحياتج الزوجيه شيء ثاني

اتمنى ما تضايجين مني
بس لا تفكرين بس بالقلب
فكري بقلبج وعقلج والله يوفقج
ه
انتي اللي وافقتي وانتي اللي تتحملي النتيجة
ا
مرة غريبة..
انتي ماكنتي تعرفي حالته قبل؟؟

كيف ملكتي عليه وانتي ماتعرفي ازا هوا بخيل او مقتدر ماديا ولا لأ..!!

الله يهديك بس..

اخر شي اقولك انه الفلوس ماتسوى شي..
صح انه ممكن تتعبي..
لكن ازا هوا انسان كويس ومحترم..
خليك معاه..
اما ازا ما قدرت..
فهدي حياتك..

وشكلك اتسرعتي فالله يعينك
ش
اختى استغفرى ربك
سوى استخارة

ف
ماكنت اعرف حالته الماديه لاني استحي وكنت اظن ان اللي يتقدم ويخطب اكيد مقتدر اما عن التسرع ففعلن انا تسرعت
U
اختي ما الومه هو الومج انتي في كل خطوة واسمحيلي اقول لج ما اقدر اساعدج
ممكن انصحج واقول لج لااااا اتركيه ايش تبين فيه،،، بس بكون منافقة في هالحالة

اولا: مو شرط اللي يتقدم للزواج يكون مقتدر، يعني اللي يبي يستر على عمره لازم يكون مقتدر؟؟ والا اللي ما عنده خير وفلوس يروح للحرام؟!! او انه ياخذ وحدة من برع البلد ما يضمن انها بتتم معاه بس علشان ارخص؟!! والا المقتدر مو انسان ما عنده رغبه للزواج؟؟

ثانيا: كل عيلة يتقدمون لبنتهم لازم يسئلون عن الشاب في كل مكان، الفريج، والشغل... معقولة ما سألوا اهلج وين يشتغل ولا عرفو معاشه؟؟!

ثالثا: هل الحب تنشرى بالمال والا بالقلب؟؟ اذاكنتي تبين تشترين حب غيرج بالمال فالافضل تخلينه في حاله لان بيجي يوم وبتصيرين ما تسوين بيزة قدامه، اما اذا بتشترينه بقلبج بيجي يوم وبيعطيج قلبه

رابعا: البخل شي والتوفير شي ثاني،، ما قلتي في نفسج بعد ما دريتي انه معاشه على قد الحال احسن ما يجيب لي هدايا الحين وخله يوفرها لبعدين علشان نقدر نعيش عدل؟؟ سؤال صريح: انتي ماخذة واحد تسترين عليه ويستر عليج والا واحد تفوشرين بهداياه قدام ربعج؟؟
اعرف وحدة زوجها ما خلى هدية ما جابها لها لكنها الحين تقول ليش؟؟ ان درو الناس انه هو اللي عطاني بتحسدني، وانا اصلا ما البسهم كثير، لو خلا هالفلوس لوقت احنا الثنين نستفيد منهم كان احسن...
الريال وراه بيت ومسؤولية وعيال في المستقبل ومصرف، لا تعتقدين ان الحياه سهلة، لكن في رياييل جاهم عيال 5 وفوق ومعاشهم 2000 ريال بس وعايشين وحامدين ربهم،، ما قالت زوجه هالريال يوم لا انا ما ابي اعيش حياة الفقر،، لكن قالت اعيش مع رجل شاريني بقلبه ولا شاريني بفلوسه بكرة يقطني ويروح لغيري!! اظمني اخلاق الريال وبعدين لا تهمج فلوسه

خامسا: يمكن زوجج ما يبين لج ان عنده طموح بس هو عنده، او يمكن حاول من قبل انه يحسن من مستواه بس ما لقى التشجيع،، ليش مو انتي اللي توقفين وياه؟؟ تحاولين تشجعينه من انه يحسن وضعه وانه يوفر للايام الجاية؟؟؟ اعرف بنات والله ساعدة رياييلهم ايام الملجة بمبالغ بس علشان ما يقول انا مفلس وما اقدر ادير حياتي،، كل وحدة تقول قلت له خذ هالمبلغ وحاول تمشي امورك وردها وقت ما تبي... ان الريال ما وقفت معاه زوجته من بيوقف معاه؟؟
لا تقولين انا مو زوجته الحين... انتي الحين زوجته وعلى ذمته

اما اذا كان غير مبالي ولعاب وصايع هذي حالة ثانية عليج تبتعدين عنه فورا بدون كلام
بس اذا السالفة مجرد فلوس فاعتقد ان الزوجة تعلب دور كبير في هالسالفة
ن
اختي الكريمة لقد طلبتي مني التدخل في موضوعك و لبيت دعوتكي و ندائكي لكن بعد ما استمعت لقصتك اسمحي لي ان نتحدث بمنتهي الصدق
غاليتي مشكلتكي لا ادري شقول انما هي ليست مشكلة مثل ما انا كنت متوقعة
انا اوافق الاخت ام عبد الرحمان الصراحة كل الكلام اللي كنت راح اقوله اختصرت هي عليا الحديث
لذالك غاليتي توكلي على الله و شيلي هالوساويس من رأسك لتستطيعي ان تكوني سعيدة
كم من مهموم سبب همه امر تافه كمشكلتكي لا تذكر و الاغلبية منكم يهتمون بهذه التوافه لماذا لم تسئلي نفسكي قبل طرح هذه المشكلة
هل قصتي هذه تستحق هذا الجهد و العناء في التفكير
تعطينها من عقلكي و راحتكي ووقتكي هذه خسارة هائلة طبعا تعلمي غاليتي ان تعطي لكل قضية حجمها ووزنها و اجعلي لكل شئ حدا معقول كي لا تحطمكي مثل هذه التوافه
احذري من التكبر لان في سردكي للقصة هناك ذرة من التكبر فيها احذري منه لان المتكبر بغيض عند الله فأحذري
لا تنظري للاشياء و المواقف كما تريدين انتي ان تكون انظري لها من باب الواقع لا من وجهة نظركي انتي و نصيحتي لكي
اطردي هذه الوساويس من رأسكي و تفألي و ابشري الفقر مو عيب من اكبر رجال الاعمال و اشهرهم كانوا فقراء و على ذكر ذالك سأعطيكي مثال بسيط لبلجيتس اسس شركة ميكروسفت من لا شئ و الكثير الكثير مثله ارجوا ان تضعي كل كلمة و حرف قلتله لكي في رأسكي و اذا احتجتي اي شئ تستطيعين التواصل معي غاليتي و السموحة اذا كنت قد قسيت عليكي قليلا و لكنه لمصلحتكي اختي قد تقولين في نفسكي لماذا قست عليا الاستاذة او لماذا تحدثت معي هكذا لكني في مصلحتكي كله و اتمني لكي التوفيق و النجاح و ارجوا ان اسمع منكي خبرا حلو و غيرتي فكرتكي و اقتنعتي بكلامي
انكي لا تستطيعين أن تشتري السعادة بكل أموال العالم

N
استحيتى هالامور ما فيها خجل هذه زواج المفروض كنتى تسالى وتستفسري اكثر
اجمالا يا اختى البخل مفهوما يختلف من شخص لاخر ممكن انتى متطلبا زياده وهو جديد خاطب ومو متعود على مسأله الهدايا لخطيبته محتاج حد يفهمه من اهله ما تنطلب منه ذوقيا ....ما تحكمى عليه بالهسرعه اعطى فرصه شوفي واتاكدى ما تحصريها بس بالهدايا يعنى بخيل يعنى بالبيت وتجهيزاته ممكن تعرفي وتحسي كيف تعامله ....اذا اتاكدى فعلا فكري واستخيري وربنا يوفقك ويهدى بالك وخاطرك
a
الصراحة حرام عليك
هو وايش ذنبه لو كنتي انتي انسانه مادية؟؟؟
معقولة؟؟؟ تفكرين بمصريك مع رجل تكملين مشوارك معاه على أساس فلوسه
بعدين الرزاق على الله
يمكن ثاني يوم زواج ينزل عليه رزقه ويصير أغنى انسان في العالم
ويمكن تتزوجي واحد من ثاني يوم يفلس

حبيبيتي عمرك ما تكوني مادية


لما تزوجت انا كان زوجي على قد حاله وما عنده سيارة وساكنه مع اهله
والحين لينا سنتين ونص والحمدلله صار عنده سيارتين وعلى وشك انو نشري ارض ونبني عليها منزل لنا
والحمدلله مرتاحين ماديا ع الآخر

المهم انتي اصبري
ف
الله يسعدكم اعطيتوني امل في الحياه وانا كنت يائسه
لدرجه الهدايا اللي تجيني اقول كيف اردها بعدين ومن وين
بعدين مو تفكيري مادي بس كل البنات اللي من اقاربي تزوجوا اهدوهم ازواجهم افضل الهدايا
فحزت في نفسي
بس مثل ماقلتم الله ييسرها ان شاء الله واهم شيء انه رجال
S
اختتتي انتي اكييد يوم تزووجتي تعرفيين كم راتببه او ترى الفققر مو عيب ممكن تشتغلي وتساعديينه ..او خللج متاكدة ادا تبينه ولا لا ادا ما تقدرين فسخي الخطوبة
X