شريتي غرض وعرضتيه بالمشتريات !! تعالي خبرينا عن تجربتج !!

winna;8305021:
السلام عليكم و رحمة الله

شو اقولكم على هالفير السيراميك بجنن يخلي الشعر حرير و ما يحرق بالعكس بسكر الاطراف المتكسرة انا بستعمله من اكثر من 4 سنين واختي كل شوي تاخده من عندي فشتريته من جديد و خليتلها القديم ، بنصحكم فيه بقوة.

العنبورة;8542324:
أختي أنا والشوق ,,,

بغيت استفسر جربتي اساس NYX والباودر
ماعليج امر ابعرف شلون اوكي التغطية ولا ؟؟

shimocat;8693652:
حلو جداً الموضوع بس انا كان عندي سؤال هل لازم الاول اعرض المشتريات بتاعتي في موضوع المشتريات وبعد كده اجي اتكلم عنها هنا ولا مش لازم اعرضها هناك الاول وممكن اعرضها هنا علطول واتكلم عنها

MemoriesInBloom;8506779:
أول ما شفت هالماركه عند دبنهامز - ابن بطوطه موول
قلت في خاطري: ياي ماركه يديده بجربها !

نبتدي بالشدو
منظر الألوان في العلبه رووعه..و لمن اخذت من اللون بصبعي وشفت اللمعه الحلوه قررت إني آخذه!
البارحه جرب العلبه الورديه و أكيد الزرقه بتكون بنفس مستواها
استخدمة بينت من ماك كبيس << صدقوني هالبيس رووعه :15:

و بدأت استخدم الألوان حطيت من اللون الفاتح اول شي.. و اللون ما مسك على العين مثل ما هو واضح في العلبه..يعني طلع شفاف!
و بعدها كملت باللون الوردي الفاتح و الغامق و أحاول أدمج بينهم مافي فايده و كانت الألوان تطير و تختفي!
يعني كل ما حركت بالفرشه الشدو يمتسح ما يثبت أبدا!
حسيت بخيبة أمل و قلت في خاطري لو شريت مسكره بدل هالشدو التعبان << أصلا كنت داشه المحل عشان آخذ مسكرة YSL
و بشطارتي خذيت علبتين آي شادوز و المفروض اللي يجرب ياخذ علبه وحده أو شدو واحد :ss:

البلاشر
بعد طلع تعيييييس يمسك في اول مكان و ما يندمج او يتوزع ابدا ابدا !!

:(

و قررت اني اعطيهم لاختي الصغيره تلعب و تتسله :) فديت روحج نونتي







هذي أول تجربه لي مع هالماركه لكن للأسف ما توفقت و الحياة تجارب
بس مو شرط كل منتجاتهم تكون بـ هالمستوى,ممكن شغلات اتكون عندهم حلوه بس عن نفسي ما ظني بجازف مره ثانيه ! إلا اذا جربت سامبلز

تحياتي لكم :)

Vanilla;8728807:

انا الشوق انه شريت مرة منه واختي عجبها واخذته مني خخخخخخخ مادري ليش ما يخلون لي شي

المهم فيه عيب واحد .. مافيه تسترات !!!!

يمكن الحين مع المجمع اليديد قبل ما يرضون يبطلون شي :S

وتسلمين (f)

Sm!LeY;8738720:
تسلمين والله يا وردتنا المتميزه .. بس احس هالدرجه فاتحه عليي .. ما تناسبني .. اني احب نفس لوني او اغمق شوي ..

M$.ChOcOLaTe;8564970:

اشحالكــو صــبااايا ,,

اول شي اشكرا خواتي المشرفاات على هالموضــوع الحلو بصدق حبيــته ,,

امممم اليوم يايبة لكــم اي لاينــر يديد من كوليكشن Chill by MAC

اسم الاي لاينــر Penultimate

وصورته ,,

مميزاتـــه ,,

سهــل الاستخدام وايد ,, يعني هذا احسه انسب لاينر للمبتدئيـــن ,, لانه قلــم ,,
ما يسيــــل ,, خصوصا اذا الجو حر ولا طبيعــة الجفــن دهنيــة ,,
سريـــع ,, خصوصا اذا تحبيــن CAT EYES وايد هالاينــر بيفيدج ,,
ترومين تخليــن اللاينر خفيف وايد يدوبج يبين او تثقلينه عحسب اللوك الي تبيــنه ,,
اللون اسوووووووووود فاحــم ,,
مسكــة الاينر مب بلاستيك ياية مثل الربر او البلاستيك المخلوط ربر,, يخلي يدج ثابتة بالرسم ,,
سعره ,, مية درهم ,, مية ريال سعودي ,, عشرة ريال عماني

عن نفســي رموشــي السفليــة طويــلة ما شا لله ما اداني استخدم اللاينــر الي فيه فرشاة ,, لانه ما اروم ارسم فيه عيوني من تحت بدقــة رموشي توقف في الدرب ,, بس حبيت هالاينر وايد لانه يرسم عيني من تحت بدون اي خربطــة ,, ورسمة عيون القطوة او البورسلانيان دول بدقيقة اكون مخلصتها ,,
انصحكم تجربونــه خصوصا الي يحبون اللاينر ورسمات العيون المختلفــة بيعيبكــم وايد ,,
وبــث ,,

تشاااوز ,,