شريتي غرض وعرضتيه بالمشتريات !! تعالي خبرينا عن تجربتج !!

عاشقه الدوحه · 2008-12-27T13:29:17+03:00

http://www.3roos.com/uploder/uploded20080901/131165/01230240213.gif خواتي الغاليات عضوات منتدى عروس وركن المكياج http://www.3roos.com/uploder/uploded20080901/131165/01230377690.gif حياكم الله بموضوع جديد حبينا ننزله لكم ويكون اهداء من مشرفات ركن المكياج لجميع العرايس حت

م

مسزز غموضة

عروس ركن المكياج

24-08-2009 | 06:22 AM

هلا حبيباتي

شحالكم .. صار لي فترة ما دخلت الموزوع واتكلمت عن منتج خذيته

بتكلم بعد فترة من استعمالي لمنتج حبيته ولمست نتايجه بس امس حسيت ان نتياجه احلى

اتكلم عن السيروم وتعرفون السيروم مرمم للبشرة ويغذيها وانا اشجع السيروم اكثر من التونك لان التونك ممكن يجفف البشرة اما السيروم العكس يعالج ويغذي ويعطي رونق خاصة بعض المنتجات

انا جربت من سكن فود هالسيروم ( الي اقصد بالخوخ )

بدات ادمن باني ما كنت كذا بس تعودت احطه قبل ما انام ولما اصحى وحتى قبل الميكاج وبعدها احط المرطب
المرطب الي مصورتنه في المشتريات بالاخص اخر مشترياتي وتقريبا وصل 3 واحد عندي صار بينهم تجانس غير طبيعي احس بشرتي حلووة ونعومة على الاخر !!

انصح اي بنت تعرف الماركة الي هي سكن فود تجرب السيروم المناسب لبشرتها !!
وللاسف ما خذيت غرشة ثانية منه وغير كذا الماركة غير موجودة بس لان بوبي براون ماخذة السيروم بقارن بينهم وبخبركم عنه !! :D

الحين من نفس الماركة ماخذة هالمرطب الجل بصراحة حلووو ومنعش لفترة الصيف بالاخص وحلو لما تكوني ماخذة شور وجسمك رطب شوي تحطي منه وتفركيه كيف ينعشعش !!
انصح فيه هو بخلاصة التين

وبس :)

T

ToOoOona

عروس مبدعة

24-08-2009 | 06:51 AM

تتهنوا بمشترياتكم بنااات :D

غموضه ابى اسألك على سيروم البشره عموما مو ماركة سكن فوود لإنها مو موجوده هنا ..
يعني ايش فايدته و متى استخدمه و هل في سن معينه يستخدموه فيه انا بشرتي دهنيه عادي استخدمه ؟

آسفه ع الاطاله (f)

م

مسزز غموضة

عروس ركن المكياج

24-08-2009 | 08:45 AM

ToOoOona;10161828:
تتهنوا بمشترياتكم بنااات :D

غموضه ابى اسألك على سيروم البشره عموما مو ماركة سكن فوود لإنها مو موجوده هنا ..
يعني ايش فايدته و متى استخدمه و هل في سن معينه يستخدموه فيه انا بشرتي دهنيه عادي استخدمه ؟

آسفه ع الاطاله (f)

هلا حبيبتي

كل بشرة تحتاج لعناية والبشرة الدهنية ممكن تعادل البشرة الجافة الفرق ان هذه عندها الافرازات الدهنية اكثر والجافة افرازتها اقل او تكون منعدمة

انا ما استخدم اي سيروم وهذا الاول لو تصدقين بس مليت من بشرتي احتاج لشي يعطيها حيوية وبنفس الوقت يبينها ويغديها ويرممها ويعطها نعومة ورونق الي عندي المفروض يخفف من الدهون بس حستيه يعطي نعومة والدهون مرة كذا ومرة كذا وانا بشرتي ممكن تستجيب من ثاني استعمال .. على حسب

بشكل عام السيروم ممكن تحصليه لعلاجات معنية لبشرة وبخبرك مثل ايش للتوتر لمقاومة التجاعيد وبعضها للشد وبعضها للبقع وبعضها للتحكم للافرازات وبعضها لتقليل اللمعان او اعطاء رونق ولتغذيته

ولبشرتك بتحتاجي للتحكم في الافرازات وانصحك بكلارنس او سيشدو لاني سمعت عليه مدح
وقريت وحده تمدح في سيروم للمناطق الي تفرز اكثر شي دهون في البشرة في كانيبو

اتمنى افدتج للو بشي بسيط :)

T

ToOoOona

عروس مبدعة

24-08-2009 | 08:55 AM

مشكووووره على ردك ماقصرتي :D
طيب سؤال اخير :o
يعني السيروم اللي من كلارنس يتحكم في افرازات الوجه و بنفس الوقت يعطي نضاره و حيويه و لا ؟؟؟
انا ابى الاقي الاثنين في منتج واحد احس وجهي يبيله حيووويه .. :ss:

م

مسزز غموضة

عروس ركن المكياج

24-08-2009 | 09:06 AM

ToOoOona;10162029:
مشكووووره على ردك ماقصرتي :D
طيب سؤال اخير :o
يعني السيروم اللي من كلارنس يتحكم في افرازات الوجه و بنفس الوقت يعطي نضاره و حيويه و لا ؟؟؟
انا ابى الاقي الاثنين في منتج واحد احس وجهي يبيله حيووويه .. :ss:

هلا حبيبتي تفضلي اي وقت
عن السيروم ما اعرف شو بعد فوائده بس الحلو انه يقلل لان السيروم احلى من التونك
ويتغلل في البشرة الداخلية !!
النظارة انصحك بكبسولات النظارة اتوقع بجيرلاين بامانة ما جربتهم !!

وعشان ما تحتارين بخبرك طريقة راح تسهلك الموضوع
- روحي عند كلارنس وخبريها المشكلة العميقة يعني تبين المستحضرين بنفس الوقت
هي بتخبرك لان اكيد تقلل الافرازات وتعمل شي ثاني !!
- جربي سيري عند كانبيو او سيشدو وتعرفي على السيرومات الي عندهم واحكي مشكلة بشرتك مع الدهون وان احيانا تبهت وتريدي الرونق ونظارة وشوفي خيارتهم الاثنين ماركتهم حلووين
- عندج ونسيت اخبرج بودي شوب سيروم بخلاصة البرتقال بعد حلوو استفسري عندهم !!

انا بقولج ليش اسهل اولا راح تتعرفين بالمنتجات وتكونين الفكرة عنهم وبتكون عندج مرجع ثاني شي اذا اشتريتي شي منهم وارتحتي لهم وبغيتي تغيري ممكن يكون عندج خيارات
جربيهم قبل اطلبي سمبلز !!
:)

م

مـشتاقة لـيك

عروس فضية

25-08-2009 | 02:23 PM

اول شي صبغة من جارنيه هذي مشرووع كل سنة قبل العيد

لازم اصبغ شي ما احب احضر العيد وانا مو صابغة شعري

احس في شي ناقص

والله هالصبغة هذي احسن ماركه في الصبغات كلها

ما تضرر الشعر وايد بس ريحتها قوية شوي تضرب براس

بس مفعولها حلو

فعلا الصبغة تثبت لمدة اطول

ولونها قوي بس طبعا انا بحكم اني اخاف على شعري ما استخدم ميش ابدا

ورغم هذا تبين الصبغة فيني

وسعره معقول

وبس حبيت افيد اخواتي بمنتدى عروس

a

ashjaani

عروس مبدعة

26-08-2009 | 01:21 AM

al7nan79;9980138:
روج الفوشي الفاقع من ريفلون

بصراحة ها الروج كل حد تخبل عليه بس بصراحة انا يوم حطيته في المحل روعه عيبني

بس يوم رديت وكنت بسير بيت ربيعتي قالت يالله نحطه وجربه على كامل المكياج بصراحة

ما دري ما عيبني حسيت اعمري استويت سيلانيه خخخخخخخخ والله يمكن على البيض

بيطلع واااااااااااااااااو انا احس بجي وحاولت قالت لا يالله يمكن حلو بس ما عيبني ساعتها

فقالت بسير بيت خالي كان في يمعة بنات وقالت برد احطه يمكن الحين يطلع فنان نفس

الشي ما بطايع اقتنع فيه فما حبيته علي :sad:

(r)

هاي الروج الفوشي يجنن من ريفلون

انا عندي مثللله والله خطير ويثبت

بس انا ماحطه بروحه اول شي احط هالروج الفوشي وفوقه رووج وردي على لحمي من استي لودر وعقب قلووس يطلع لونه ناعم وخطير ويثبت جربي طريقتي بيعجبج ان شااء الله

ب

برود

عروس رائعة

27-08-2009 | 11:54 AM

مراااااااااااااااااااااااحب حبيباتي وعودة من جديد مع أحلى تجربة جربتها وهي ....

فاونديشن كومباكت من بوبي براون

أنا بشرتي مختلطة والبارحة اندق خشمي ع الباب :confused: وظلت آثار الجريمة ع عظمة الخشم واستخدمت الفاونديشن من غير كونسيلر طبعا أستخدمه بفرشة ميك أب فور إيفر وأنا أنصحكم بهالفرشة وعقب وزعته عدل بالإسفنجة اللي معاه وآخر شي طبطبته بإسفنجة ميك أب فور إيفر المشطوفة مرشوش عليها فكس ماك وآخر شي حطيت اللوس باودر من ميك أب فور ايفر صدق صدق عجييييييييييييييييب من الخاطر تغطيته ممتاااااااااااااااااازة ومو ثقيل ع الويه أبداااااااااا حتى عجب بنت خالتي وااااايد أنصحكم فيه بقوة بقوة بقوة بس هاااااااااااااااااااااااا جربو الدرجة اللي اتناسبكم أول وانتبهو ع نوعية بشرتكم لأنه بشرتي مختلطة وصافية ماشاء الله وأنا تعمدت أقول الخطوات عسب ماتي وحدة وتقول ماناسبني وقصت علينا برود

وإن شاء الله راح أشتري اللوس باودر ماله لأنه معاه طالع بيرفكتووووووووووووووو

ودمتم بجمال:15:

أ

أميرة الـــــــذوق العمانية

عروس مبدعة

27-08-2009 | 01:26 PM

السلام عليكم ورحمة الله وبركاته

تصدقو نسيت هالموضوع تماما" وبعرض تجاربي مع مشترياتي في منها قديم شوي ومنها الجديد وان شاء الله تستفيدو من تجربتي

اول شي كريم العيون ناتورا بيسيه

الكريم كلمة رووووووووووعه شويه عليه يرطب وينعم ويحسن شكل محيط العين ولاحظت الفرق في هالفتره البسيطه الي جربته فيها الحمدلله انه جاب نتيجه مرضيه لين الحين

كونسيلر Erase paste من بنفت

رهيييييييييييييب تغطيه وثبات طول اليووووووووووم وما يتكتل وتركيبته كريميه حلوه وسهل التوزيع وما يبين فييك عالوجه مثل البقيه.. جربت اوزعه بالفرشاه والنتيجه حلوووووه وجربت توزيعه بالاصبعه عن طريق الطبطبه وايضا"

روج colour crafted من ماك

اللون ولا اروع وطبعا من ناحية ثبات ارواج ماك لا تعليق يجنن

سكين فينيش من ماك من كولكشن كلر كرافت

حبيته الي عجبني فيه انه مقسم 3 الوان وردي فاتح وردي غامق مايل عالمارون وبيج على ذهبي.. ينفع هايلايت واذا مزجنا الالوان طبعا يطلع بلشر روعه وفيه لمعه حلوه

ماسكرا ماكس فاكتور الجديده

حبيتها للأستعمال اليومي فرشاتها كبيره يمكن ما توالم البنات الي عيونهم صغيره بس ممتازه تطول وتكثف وتخلي الرموش كانهم ترطيب بس بنفس الوقت طبيعيين ومفرقين

وهذا كل شي للحين بنات اسمحولي طولتها

*

*AngelEyes*

عروس مبدعة

30-08-2009 | 07:25 AM

عمانيه اصيله
مشكوره يا الغلا شجعتيني على الكونسيلر من بنفت و كريم ناتورا بيسيه

م

مسزز غموضة

عروس ركن المكياج

09-09-2009 | 11:01 AM

هايووووزز ....^_^

شو الاخبار

حبيت اخبركم عن تجربتي لغلوس ديور المنفخ والمرطب للشفايف

وبعمل مقارنة بينه وبين تو فيستد لاني مجربتنه بعد

هالغلوس حده حلوو تحسي بالوخز اول ما تحطيه بس طعم النعنع الخفيف او الحرقة الحلووة
تحطيه وتحسي بامتلاء الفراغات مو النفخ ذاك بس الحلوو انه يرطب والاستخدام اليوم يعطي لوك ناعم وجميل للشفايف انا بصراحة من بدات استخدمه احس شفايفي تعدلوا ومحلوووين بصراحة قبل كله تشقق وخاصة فر مضان قلة الماي هذه كانه يعالج ويغذيها بالماي اذا قدرنا نقرب التعبير ...

انصح فيه بقوة سعره بالعماني 14 ريال وشي كسرة هههه طبعا مع مراعاة فروق العملة مع الدول الثانية

منفخ الشفايف تو فيستد باني كنت احبه وامدح فيه بس اخر وحده استخدمتها توقفت بنصها والسبب
- الوخز والاحمرار
- بعد كم ساعه التشقق يرجع عكس ديور
- ما يرطب ولا ينفخ

بيس سيشدوو

الي تابعه رد مسزز ريم الله يذكرها بالخير بتعرف شو اقصد هو فيه نسبة ترطيب بسيطة
وحماية وفعلا بعد ما اغسل وجهي احس بنعومة واحس وجي مرطب مب جاف !!
وبصراحة بعدني ما استعملته تحت اساس ثقيل بس اذا بشرتك دهنية ما تخافي من هالمنتج
حلوو وعجبني وبعيد اشتريه لانه ينفع لفترة الصباح والطلعات الخفيفة ومع الاساس الخفيف عجبني مرةة (a)

و

ورد الخريف

عروس ماسية

26-09-2009 | 06:00 AM

زين اللي مريت هنيه
عاد قبل العيد خذت بودرة الروز من ديور رقم 003

واحترت في القلوسات عاد البياع ما تكلم لي عن نافخ الشفايف

لان هاللبناني مو عادته يسكت فقلت اشوف اللي جربوا بعدين آخذها

س

سماالشرقية

عروس جديدة

26-09-2009 | 06:35 AM

استفدت من تجاربكم ...يعطيكم العافية

م

مسزز غموضة

عروس ركن المكياج

26-09-2009 | 12:28 PM

اخواتي

تمنع وضع المشتريات في هذا الموضوع هو موضوع مخصص للمشتريات ما بعد الشراء والتي تم عرضها بالموضوع الاصلي

و

وردة h الامارات

عروس متألقة

01-10-2009 | 02:09 PM

فكرتج حللللللللللللللللوه ربى يوفقج يارب

M

M!$$_BLinG

مشرفة سابقة

04-10-2009 | 08:10 PM

مسا الخير حبوبات اليوم جربت ماسكارا واي اس ال اليديده
اسرت انفاسي
وسعت عيوني! و الرموش ولا اروع صراحه و من تجربتي انا اعطيها 10-10
و باخذ منها بعد وحده

التوقيع:

ق

قهوة بالبندق

عروس نشيطة

04-10-2009 | 08:31 PM

مس بيلينغ ياريت اسم الماسكره

s

sweet smaile

عروس جديدة

10-10-2009 | 03:41 AM

احلى موضوع مر علي ....يجنن..

هذي مجموعه الشاي الاخضر مصغره....ووجهي فيه حبوب ..وسألت:15: مسزز غموضه:15:..وما قصرت
قالتلي على بعض الشركات واخترت بدي شوب والحمدرلله حسيت بشرتي بدأت تتحسن
ورغم ان بشرتي عاديه بس ناسبها ولله الحمد............

:o:o

^

^الكونتيسه^

عروس مبدعة

11-10-2009 | 10:26 PM

ومنكم نستفييييد

احلى مااافيه هالقسم الاستفااده صرااحه كل الشكر وتعظيم سلام للمشرفات:clap:

عااد انا عندي مشكله في بشرتي هي مختلطه يعني اشوي احتااار فييها بكريمات الاساس لاني من النووع اللي يعرق :down: وها شي كريييييييييييييييييييييه جدا المهم

ع الكرمات الاساس اللي اشتريتهم اكتشفت بعدييين انه ما ينفعلي السااائل البوودرة احسن وانا ما ارتحت غييير لاساااااسين لMAC و مكياجي والحمد الله لنه نه مكيااجي خفيف بس حلو لطلعاات البسيطه

واايد رمست صح

بقولكم عن اسااسين مب كرهتهم الا عقييتهم من اخر مرة نظفت مكيااجي
الاول ماكس فووكتر
يااربي الحرمه شو تمت تقنعني فييييه ترا والله فيييه بيااعات ما فيهم ذمه يعني يقنعوونج بالشي وهو مب لج :21_30: وانا كنت اقوولها ويهي يكوون دهني مرة وحده
المهم ما علينا قصت علي واشتريته خخخ:pain: استخدمت مرتين للامااانه بس بعدييين خلاص ارتكن في قسم المرفووض

اللي عيبني بس علبتها خخخ

وثااني وااحد تبوون الصدق شاارتنه الا جييييه لانه فترة البنااات يستخدموونهه بكثرة قلت حشر مع النااس عيد اشتريييته وما كااان غاالي هالي اغرااني اشتريه :smile:

حلو ومب حلو ها بس ما نفعني حسيتبه دهنلي ويهي وكاان يلمع ع الفااضي :21_157:

هااي المنتجيين الكرهين تبوون الصدق انا اتعلم درسي بسرعه وما احب اجرب بالذاات بهااي السواالف

T

ToOoOona

عروس مبدعة

12-10-2009 | 01:02 AM

مرحبا بنات
جبتلكم تجربتي مع الفاونديشن و الكومباكت باودر من ( كلانس ) للبشره الدهنيه :)

الفاونديشن حلوووو خفيف و ناعم على البشره ماتحسي انك حاطه شي على ابدااااا بس ماينفع للمناسبات لازم ينخلط مع فاونديشن سماكته اكبر

اما الباودر وااااو عجييييبه و الله .. انا جربت احطها لوحدها بدون الفاونديشن في الجامعه و الله مع الشمس الحاااااره و المشي لمسافات طويله تحتها وجهي ظل زي ماهو مو مزيت و لاااشي و على فكره تعطي ملمس مخملي رهيب للبشره ^_^

و تجربتي التانيه مع غسول و مرطب الوجه و الروج من كلارنس كمان ( كانت هديه على مشترياتي )

الغسول حلووووو اول مره اجرب غسول ماينشف الوجه بالعكس يخلي فيه نضاره و يخليه ناااعم ^_^

المرطب ماعجبني كتير لإنه للبشره العاديه و الجافه طبعا لما احطه يصير وجهي مبلللل انصح بيه للي بشرتها جااافه ممتاز ممكن استخدمه ليدي كمان لإنه جاافه مره ..

اما الروج رهييب :D لونه هنا مو واضح هو على زهري غامق صح مايفرق عن الارواج التانيه بس ترطيبه حلو و سماكته متوسطه ينفع للصباح بس اللي عجبني فيه طعمه واااو يجننن لما احطه لازم اكله ههههههه

بصراحه اتحمست اجرب منتجات العنايه بالبشره الدهنيه بعد ماشفت تجاربكم مع ماركة كلارنس و بعد ماجربتها بصراحه ماكنت اهتم بيها كتير بس فعلاً طلعت ماركه واااو (y)

في امان الرحمن ..(f)