خيانة المعلايه

Um.Abdullah;8216857:
اختي لاحظت ان ولا وحدة ردت عليج بطريقة ممكن تريحج

لكن انا راح احاول اني اساعدج

زوجج اكيد يلعب من وراج، 20 رقم مرة وحدة!! انزين ليش؟؟
انا زوجي عنده 3 ارقام و24 ساعة يتكلم واعرف ان هذا كل من مستلزمات الدوام بس احترق،، يعني هذا وانا متاكدة انه ما يكلم حريم وخايفة عليه، شلون انتي اللي زوجج عنده 20!!!!
غير كذا المسج، واللي دقيتي عليها وصكت في ويهج، واللي دقت لج وقالت لج ان زوجج يخونج، هذي كلها مو ادله على الخيانة؟!!!
ولما صارحتيه! لو واحد فعلا ما يخون زوجته وزوجته قالت له انك كذا وكذا، ما بحاول يبرئ نفسه؟؟ ليش مو مهتم ولا عليه؟؟ اكيد في سبب،، يا انج ما وراج حد ترجعين له، او حتى لو رجعتي حق حد يمكن يمكن يوقف معاه هو، فعادي عنده عرفتي والا ما عرفتي..
نصيحتي لا تقولين لاهلج، لان انتي الوحيدة اللي بتنلامين،، واحد قلبه بارد لهالدرجة اقل شي بيسويه بيقول لهم انا تعرفت عليها بطريقة غلط واللي بيننا كان حب، كان المفروض انها تخمن او تتاكد من خيانتي لها يوم مثل ما انا كنت شاك فيها طول الوقت،، شاللي يضمن لي انها ما تخونني؟!!!
ما تتوقعين ان هالشي يصير؟؟؟

راح اقول لج شي،، بس خلينا صريحين،، اللي يمشي في هالطريج صعب يرجع، واذا تاب من نفسه وابتعد يبيله وحدة تكون واقفة معاه طول الوقت،، 24 ساعة تعدل، وكشخة، وطلعات، وووووو.... فانتي اول شي حاولي اول شي تصيدين عليه شي وتصارحينه بالدليل، بعد ما تواجهينه اسفهيه، لا تكوين له ولا تغسلين له ولا تسوين له شي بس اهتمي في نفسج، ما عبر ولا تكلم ولا همه انصحج ما تخلينه يقربج الا اذا تاب توبة نصوح ووعدج ما يرجع، وكل ما اجا يبي يقربج قولي له ورقة الفحص اول، صحتي اولى..
خلي همج نفسج والعيال،، اذا هو ما يهتم لج لا تقطين نفسج عليه ولا تحرقين اعصابج لان هالشي بيخليه يعاندج ويخليج تركضين وراه،، الريال دوم يبي المرة اللي هو يركض وراها..

الله يعينج صج الخيانة شي صعب بس هذا اقل شي تقدرين عليه، صلي وادعي ان الله يهديه ويخليه لج انتي بس ويبعد عنه بنات الحرام

الله يعينج عليه !!!


ادعي له بالهدايه !

اول شي لاتخلينه يقرب منج
قوليله ان الدكتوره قالت ان الالتهابات اللي فيج منه وانه لازم يتعالج

ادعي له بالهدايه وقوليلة ان الموضوع لازم ينحسم
يا اما انتي او البلا اللي معاه

مافي حل ثاني

المشكله انه ينكر ويقولي طلعيهم 0000وين اطلعهم
بعدين الرجال فاكرين انهم لما يلبسون واقي العازل الذكري بيحميهم من الأيدز
واذا على التخويف خوفته بس مافي فايده ما ادري وين ايلقطون بنات الحرام بجن

اتحملي منه عادي عاديج بامراض أخس عن جذه ..

ولمحي انج ماتبينه لانه بيسببلج امراض وجه ووايد ياهم الايدز بسبة بنات المعلايه ..

ودوري هالبنت اللوث وخلي حد من هلج الرياييل يكلمها ويهددها .. وعادي بلغي عليها سويلها مشكله ..

وخلي حد من هلج يرمس ريلج بعد ..



والله يعينج ويهديه

الله يعينك ويصبرك

لازم اختي تستشيرين محلل نفسي لانه متخصص بالنفسيات ويفهم الرجل وينظر للموضوع بنظره اوسع ..عشان ماتقدمين على خطوه غلط وتتندمين مستقبلا .. تحياتي

أختي خلك صريحة معاه ...قولي له انا ما همتني خيانتك...لكن الي يهمني عمري ما ابي تجيني امراض من تحت راسك وخبريه بكلام الدكتورة

لا حوول ولا قووة الا بالله
سبب المشـااكل اللي حناا فيهاا ومن ظمنها الخيااانه ..
البعـــــد عن الله ..
مااصـاار في خووف من الله ..
ونتيجه لكذاا صاارت مجتمعاتنا من سئ لاسؤ الا
من رحم ربي ..
اهم شئ انتبهي لنفسك لا يجيب لك شئ
وادعي لربك ان يكفيك شرهم بماا شااء وكيفما شااء
وهذا امتحاان من الله لك
الله يثبتك ان شااء الله على الحق والخير ويحميك ،،
لاتجامعيه لين يحلل انتبهي

خبريه بكلام الدكتورة ان اللي صادج بسببه و خل يستح على ويهه

قولي له عن الالتهابات اللي صادتج
والدكتورة قالت لج سبة الامراض الجنسية من زوجج
اكييد بينحرج عددل

الله يعينش ويهديه

خيانه خيانه خيانه نفس الشي في كل بيت مع الختلاف الشخصيات والمواقف والله كرهت الرجال

الله يهديه ويخليه ما يقدر على بعدك ويسخره لك

اختي كلشي ولا سالفة هذي الامراض اللي اجي من خيانة الازواج
اختي خافي على روحج
الله يساعدج

ربي يهديه لك يارب
ويهدي ازواجنا
قومي الليل وادعي لو ربي يرجعو للطريق الصحيح

يالله

الله يهديه ان شاء الله

لازم تدخلين احد من اهلش يساعدش على هالبلوة

صراحة ماينسكت عنها بنوب

اعوووووووذ بالله

الله يعينج ويثبتج
ويصبر قلبج
قولي حسبي الله ونعم الوكيل
واجهيه او خلي ابوج او اخوج الكبير يتدخل المهم احد حكيم

كلامكم حلو 0000 بس لقيت خيانه ثانيه بعد لقيته امسوي علاقه مع هنديه وذكرته في مشكلة العشق
والله اتعدل لله واتمكيج وماسكه البيت واصرف عليه بعد وعلى اعياله
كل شئ سويت
بس هو مايصلي يعني الله هان عليه ماخاف من الله بيخاف مني 0000
امس دخل علينا انا وعيالي وكسر التلفزيون من غير سبب
ايحب ايشوفنا تعساء0000000:schmoll::durr:حبست نفسي وقعدت اصيح لين ارتفع معاي السكر كان 200 وصل 288 :tears:

الله يعينج إختي على مصيبتج

الخوات ما شاء الله ينصايحهن رائعة..
أول شي خبريه بكلام الدكتورة
ثاني شي والأهم .. قومي الليل وأكثري من الإستغفار..
لو تعرفي شو أييب الأستغفار بتمي طول عمرج ساجدة لرب العالمين..
الإستغفار سبحان الله شو ايسوي .. يحللج مشكلة من سابع المستحيلات تنحل و بلمح البصر حتى تستغربين شلون يا الحل ..
وإذكري الله دوم .." ألا بذكر الله تطمئن القلوب"

وإن شاء الله تنحل المشكلج والله يهديه ..

والله رجلج هذا مايستحي لا يرحم ولا يخلي رحمه الله تنزل عليج هذا من اي نوع من البشر

يخونج مع كذا وحده لا وينوع بالجنسيات بعد ويدخل بشره ويطلع بشره الموضوع زاد عن حده لازم اهلج يدرون لان تماده واصلا شلون تتصرفين معاه ماراح تقدرين عليه لان مااستغرب انه يمد ايده عليج ولاتخليه يقرب منج الا اذا تاكدتي انه خلص علاقاته خليه وقوليله هالكلام جيبيلي تقرير من المستشفى انك مافيك شي وبعدين تعالي

الله يعينج