تجمع الحوامل اللواتي يلدن بشهر آب ( اغسطس8) 2009

هلا وهوومة الله يسهلك وتولدين بسلامة انا طوفت من يومين
والله المستعااان ...

ام نمير ,, الله يفرجها عليج وتربين هاليومين ان شاالله

الله يسهل علينا ان شاالله ويجعلها ولاده سهله ياااااارب

مرحبا كروشات


واخيرا افتكيت من هوس الولاده والمستشفى .. امس الحمدلله الساعه 1 طلعت ...

بقولكم قصتي الي كانت سريعه والحمدلله...

يوم الاربعاء من الظهر قلتلكم فيه ويع بسيط من الم الدورة على انقباضا بس ما خبرت احد ابد غيركم انتوا .. زوجي كان فالدوام قلت اتحمل اليما يرجع .. عالعشا يا اخوي وحرمته وعياله يلست وياهم ولا كانه فيه شي بس من الويع كل شوي ادخل الغرفه واطلع .. المهم وصل زوجي اتريين الين الساعه 12 امي دخلت ترقد سبحت عيالي ورقدتهم الساعه 1 قلت لزوجي يالله بسير المستشفى بطني يعورني قالي اقوم امج قلتله لالالالالا ... سرنا ويوم فحصتني قالتلي 4 س بكتبلج دخول قلتلها بسير امشي قالتلي فالمستشفى بس قلتلها اوكي مشيت مشيت مشيت تقريبا قريب الساعه ويوم فحصتني مرة ثانيه قالتلي 8 يالله ولاده قلتلها بس الويع هو نفسه ما تغير ولا زاد قالتلي خلاص اقولج 8 يعني زولاده قلتلها اوكي يالله توكلنا على الله دخلت الولاده الساعه 4 .. نص ساعه وويبت احلى بنوته طلعت قعت اناظر فيها قلت في قلبي هاي الي اترييتها واستحملت 9 شهور وشكرت ربي ... دخل زوجي وانا في غرفت الولاده مستانس قالي ما خليت حد ما طرشتله مسج ان الله عطاني بنوته ثانيه بصحه وسلامه حتى الدريول طرشتله من الوناسه ..المهم اتصلت في اختي الساعه 5 :

انا : السلام عليكم

اختي : وعليكم السلام
انا : تراني ربيت ويبت بنوته
اختي من الصدمه : متى وكيف و............... لالا انتي تتمصخرين
انا: هههههههه توني من نص ساعه ... خبري الماما

بندت من الوناسه طرشت مسجات حق اهلي كلهم ...

قلت اكيد بتتاخر اليما تخبر امي ....

انا : السلام عليكم
امي: وعليكم السلام
انا: ماما تراني ربيت
امي: هااااااااا متى ..انا كنت حاسه رقدت عالساعه 2 ما اعرف شو الي خلاني اقول كنت حاسه ان مستوي شي بس مب عارفه شو هو .. ((((( سبحان الله قلب الام يحس حتى وعيالها كبار)))))

من الوناسه عالساعه 6 هي عندي مسكينه طيران ياتني ويا مريومه بنتي ...

شافت اختها وهي مستانسه رايحه وراده عليها واذا ما شافتها تدور عليها من حجرو لحجره

وهاي قصتي

بس .......... زوجي سماها علياء .. من بداية الحمل اقول شهد

مع تحيات ...

ام المفاجآت خخخخخخخخخخ

الغالية miss D&G تسلمين والله يستجيييب منك يااارب ويسهل امورنا


بجعة الحمدلله على سلامتك تتربى علياء بحظنك وتنعم بحبكم وحنانك....

وان شاء الله كلنا تتسهل ولادتنا مثلك ونولد بسلامة,,,

بجعه الحمدالله الله سهل عليج ان شاء الله ولادتنا سهله مثلج ياربي وتتربى علياء بعزج وعز ابوها ان شاء الله الله يحفظها

بجعة ..حمدلله على سلامتج والفال لنا يارب

ام نمير..يلا ان شاء الله تولدين باجر انا وياج خخخ يااااااااااااااارب

والبقية شخباركم

http://forums.3roos.com/t475349.html#post10051911

بجعه الحمدلله علي سلامتك حبيبتي والله يحفظ لك علياء واخوانها من كل شر يارب
انشاء الله ما تكونين نسيتينا بالدعااااااااااء وانه الله يفرجها والفال حق ام نمير يارب ولا تقطيعينا عااااد .. والبنوته اطلعت تشبه لج ولالأ؟؟
اخباري : ماكو اخبار اليوم طلعت تمشيت مع امي الله يطول بعمرها وبطني نزل شوي عن الاسبوع الي طاف وخذيت ملابسي و زوجي حبيبي ورحت انام في بيت اهلي اريح لي و لو يصير أي شي ألا امي عندي .. وانشاء الله ما يكون في وحده ولدت بتاريخ 2/8 تري اتشائم منه من الحين الي خاطرها تولد تولد دام هالتاريخ عداااا

صباح الخير
خخخ لا الم ولا شي فيني
ابي اضحك من الاحباط :(

ام نمير

الله يسهلها عليج .. كل تاخيرة فيها خيرة .. يمكن انتي متلخبطه فالدورة .. ترى الدكتورة قالتلي عادي الوحده تتاخر الين 42 اسبوع .. وان شاء الله تولدين خلال هاي الايام ...

فراشة ليلكية ... sounya

مشكورين حبيباتي

نصيحه مني عليكم بالادعيه وقراءة سورة مريم والزلزله ..

وانا اطلق واولد لا اراديا كنت اقرى سورة الزلزله .. احيانا يوم كان يزيد الالم كنت الخبط بس ما راح من على لساني ابد ...

أم منايررر ... Rima_q8

لا والله ما نسيتكم ودعيتلكم كلكم بشكل جماعي بدون ذكر اسماء بان كل الي فالمنتدى الله يسهل عليه ولاده والي تتمنى تحمل الله يرزقها .. والي جنينها مات الله يصبرها ويرزقها غيره .. والي ما تحمل الله يصبرها ويعطيها على قد نيتها ...

عن الشبه لا طلعت تشبه مريومه ......................... يعني تشبهني :21_133:

sounya

اذا مستعيله .. عليج برمل البحر الناعم ... ساعه ونص كفايه وعقبها بتحسين بتعب ....:happy1:

صباااح النووور والفرح والسرور

طبعاً ماااااااااااافي شي الحمد لله اللهم لا اعتراض لحكمك

تعبت نفسين وجسدين انا اقراء وادعي بالفرج وامشي كثير

بس لسا ربي ما اراااد ياااربي لك الحمد سهلها علية يااارب...
وعلي اخوووواتي في التجمع ... يااارب ولا وحدة تتاخر زي وتشوف
الهم مثلي ...

السلام عليكم
أم نمير الله يسهل عليك ويفرجها وبجعه إن شاء الله ولادتنا كلنا تكون مثلك وتتسهل والباقي الله يهون علينا كلنا إن شاء الله وما يمر الأسبوع إلا إحنا والدين
أنا مع الألام تيجي وتروح وأمس كان عندي موعد قالتلي الرأس نزل في الحوض الله يسهلها ويفرجها

ممكن اسأل سؤال

الطلف لما يجي تحسون بالم شديد

في اسفل البطن وفي نهاية الظهر

لان يجيني كذي يروح ويرجع على كل 7 دقايق

بس مو عارفه هذا الم طلق ولا لا لاني بكريه

اخاف هذا التهاب او شيء ثاني ومابي اروح المستشفى

اخاف يمسكوني ويينوموني عندهم وانا طالعه على مسؤليتي

لان توني في بداية الثامن وودي ادخل التاسع لو يوم بعدين اولد

طبعا انا مفتوح الرحم عندي من اسبوعين وخايفه كثير كنت في الاسبوع 30 لما كان 4 سم

والحين صار 3سم بس خايفه خصوصا من هذا العوار لانه احس كانه شيء متصخر في الاسفل

واحس بالالم كانه شيء يتقطع والم في ظهري كانه بينكسر هل هذا طلق ولا يحتاج اروح المستشفى اشوف

شنو فيني .؟؟؟

الله يسهل عليكم ولادتكم يارب ويفرج عنكم كلكم وتولدون بالسلامه يارب

ردو علي لو تقدرون

Au1986
وسونيا وباقي البنات وفيض وكل الي بالتجمع
الله يسهل عليكم الولاده والله متشوقين لشوفت البيبات بس اهما ما يبون يطلعون ههه فرحانين بالضيق ألي اهما فيه .. امس حطست ايدي علي بطني وقلت للبيبي يله اطلع هالاسبوع .. يعني البيبات ما ملو واهما راسهم تحت وريولهم فوووووووق ههه

السلام عليكم
أخباركم كلكم؟؟؟؟؟ اليوم رحت المستشفى وقالتلي الدكتوره الرحم مسكر يعني باقي وقت على الولاده صادني احباط ولما طلعت من عندها دمعت عيني وحسيت إني بنفجر طبعا كله بإرادة الله وأكيد خيره بس كنت مهيأة نفسي إني بولد في أي لحظه بس الحمدلله والحين خلاص شليت فكرة الولاده من مخي عشان ماأتعب والله يسهل علينا كلنا يارب

اميرة العشاق أنا سمعت إن هذا هو ألم طلق لازم تروحين المستشفى وتتطمنين لا تهملين نفسك

ماشاء الله كروشات انا توقعت اني الوحيدة اللي باقية
شورايكم نفتح تجمع جديد نسميه الممددات الى سبتمر
انا فقدت الامل بالولادة

خخخ فيض حرام عليج
انا بعدني حاطة امل اني بولد بسرعة
عسى خير
بصراحة لا فيني الم ولا شي خخخخ