تجمع الحوامل اللواتي يلدن بشهر آب ( اغسطس8) 2009

بجعه

اي والله فلم رعب ذكرتيني بولادة وحده ربيعتي
قرروا لها قيصري بسبب كبر حجم البيبي وهي حوضها صغير
لكن جالها طلق طبيعي وحاولوا يولدوها طبيعي بس ماشي فايده
اعترضة لهم مشكله وهي التفاف الحبل السري على عنق البيبي
وولدوها قيصري بعد ما تألمت كل الام الولاده الطبيعيه ..

سونيا

هههههههههههههه تقولي راح اتفنن :cool:
مين اللي راح يدخل معاكم غرفة الولاده ؟؟

سحابة شوفي انا كنت ناوية ادش بروحي وقايلة للدكتورة بعد
بس قبل مايجيلي الم طلق الممرضة عطتني ابرة منومة عشان يوم ثاني يقرروا يا يسولي طلق صناعي مرة اخرى او صناعي ولما جالي الم كنت شبه نايمة ودايخة واخرف خخخ ومسكت يد زوجي ودخلته معاي ومسكين ماقادر حتى يتحرك
بس هالمرة ناوية على زوجي صج له دور يخفف على الزوجة

:ss: انا خايفه على امي وعلى عمتي الصراحه
وحده عندها ضغط والثانية سكري بدل ماتصير ولاده وحده تصير 3 ولادات ههههه
زوجي من الحين اهيأه نفسيا :ss: اقوله اهم شي انك تدعمني معنويا مو تدوخ جنبي خخخخ
الله يعين

كيفكم كروشات فيه أحد

وينكم؟؟؟

سحابة هونيها وبتهون حبيبتي
تعرفي في ولادتي الاولى كنت وايد خايفة وكل يوم اصيح واسمع كلام البنات وتخويفهم
بس بصراحة ماطلعت الولادة مثلما تخيلتها .. ادعي ربج بالتساهيل ومافيج الا العافية
ربي يسهل على الجميع

ام منااااير اخبارج

الحمدلله بصحه وعافيه اللهم لك الحمد
بس الطلق الكاذب كل يوم يزورني

أحسه يهبل بي كل شوي

يلا ماباقي شي وتفتكي من طلق الكاذب والحقيقي خخخ

انا زين لو يزورني واحد منهم خخخخ بستانس بصراحة

الله يعين ....
مافيه أخبار عن أم نمير وبجعه....

bj3a;10000286:
ام نمير شو رايج نسوي سباق القدرة الي يصمد اكثر هو الفايز خخخخخخخخخخ ... عيارة صح ... ؟

هههههههه بجعة انا ما ابغى افوز ابي اكون كسلانة بس اولد بسرعة


مبرووووك فيض الحب الله يسهل ايااامك وتولدين على خير...


ام مناااير كيفك ياالغلا انا موجودة وصااامدة والله يستر من الصمود
لا يطول و واستثقل من الهم الله يفرجها....

انا في كل ولاداااتي السابقة وحدي بغرفة الولادة لانو نظامنا كدا والحين
نفس الشي مافي احد معاية انا وربي يحميني .... يارب التساهيل ...

السلام حبيباتي حوامل شلونكم .. باركولي باركولي خلصت كل شغل الاستقبال وباقي شي بسيط مجرد الترتيب والتوزيعات يوم الاربعاء بشوف الشكل النهائي لها ويارب اولد علي الاسبوع الجااااااااااااااااااااااااااااااااااااااااي
بنات اليوم اول مره .. احس اني مرتاحه من دشيت التاسع لاني خلصت شغلي وفتكيت بس ما ادري ليش احس بضيقه بصدري وودي ابكي حتي اضحك مع زوجي ومالي مزاج وبالغلط بكيت بنص الضحكه واهوا يقولي يا خبله تضحكين والدموع اربع اربع بس ماحبيت اضيق خلقه ما ادري شفيني خايقه اني مااكون قد مسؤلية البيبي الياي وماا ادري شلون بكون ام وقاعده احاتي نوعي ما احب اقصر خصوصاً مع الي احبهم وخايفه وايد علي بنتي ؟؟

بجعه توها ناشه من النوم

امس ماياني نوم وزوجي فالدوام مع ان مافيني شعر مل الهبله عقب ما رقدت الصغارية قعت اوني اسوي حلاوه .............. استخفيت شوي واشيل جلدي

كيفكم كروشات
اليوم الحمد لله تمام التمام لا الم ولا شيء تذكرت ولادتي الاخيره
تعبت وقلت اكيد ولادة وبعد التعب مر علي يوم نفسي الف مضمار المشي 5 مرات مع انه طوله 3 كيلو
بس عمتي كانت معنا وتعبت ورجعنا البيت وكان عندي حماس مو طبيعي خلصت شغل البيت كله غسيل وكوي و تمسيح الارضيات ورحت الساعة 11في الليل ا انوم بنتي وما صحاني الا اللي نتمناه و الحمد لله جبتها الساعة 12 الظهر

كروشات
انا ولاداتي تختلف عن بعضها
الاولى
طبعا بكريه وما ادري وصحيت الساعة 8 الصبح حسيت شي انقطع في بطني وبعدها نزل شي لزج ودقيت ع الوالدة وقالت روحي اكشفي دخلت الساعة 9 الصباح و كان وااااااحد ونص
والساعة 4 خذوني غرفة الولادة وكان 4 سم و الحمد لله المغرب جبت بنتي الاولى وكانت ولادتي اسهل ولاده
بس الصريخ يسبب تشنج في العضلات وما يساعد ع الولادة

اما الولادة الثانية
كانت الحمد لله حكاية
الساعة 12 في الليل نزلت عي مويات و ما رجت المستشفى قلت خليني يوم اروح اكون مستوية......مسوية فاهمة
وجلست ما خبرت احد لازوجي ولا الوالدة ولا احد حتى الساعة 3 ما كان فيه الم بس مويات وكأنه شلال
جاء زوجي الساعة 3 وقال نامي قلت شكلي مو نايمة اليوم وقعدت ابكي وفهم السالفة
المهم الساعة 6 الصباح رحت البحر .....رومانسية حتى في الشدائد هههههه
الساعة 7 دخلت الصيدلية اتمشى واتذكر ان كان فيه نواقص وعقبها ع المستشفى
توقعت اني راح اولد على سرير الكشف...واثقة
لكن المفاجأة انهم مجرد ما سألتني الممرضة في الطوارئ فيه موية قلت ايه
ومن الساعة كم؟ قلت لها من 12 في الليل
الا وركض تجيب العربية وماتخليني امشي و على غرفة الولاده على طووووووووووول
وانا متأكده اني خلااااااااااااص باولد ويوم كشفت الدكتوره تقوووووووووووول
الرحم مفتوووووووووووووووح لكن
ثلاثة ونص
اتحطمت
لا انصدمت
بغيت اشرد لكن خلاص وقعت في قبضة المستشفى مستحيل الخروج
الساعة 9 ربوني على سرير الولادة وركبوا اجهزتهم
وجات القابله تقول لازم طلق صناعي
انا انهبلت اربي وش اسوي ما عندي شبكة وممنوع حد يدخل معي وحوسه
سويت قوية وقلت ..لا ما ابي
بكل برود ردت مو مشكلة (بيبي ما في مويه يمكن موت ...فيه طلق صناعي ممكن ولاده سرعة مافي طلق صناعي مافي ولادة الا بكرة وممكن بيبي موت ولا لا ما ادري انا مافي مشكلة انتي طلق بعييييييييد) انا تهبلت بس توكلت ع الله ورضخت لها واخذت الطلق الصناعي وبعدها بساعتين جبت احلى تالة
واحلى ما في ولادتي هذي انهم عطوني منوم ومهدئ وخرابيط خلتني ما حس بخياطة ولا ولادة ولا شي
واسفة ع الاطاله

الخلاصة
اذا بدت بوادر الولادة عندك بألم اصبري على نفسك
اما اذا كانت مثل حالتي في الولادة الثانية مويات غزيرة ركض ع المستشفى استحمليهم عشان تعب 9 شهور ما يروح بلاش

هي والله مشكله سالفت الموية الي تنزل انا في اول ولاده ولدت في 38 اسبوع ونزل عليه موية وتعذبت عذاب اليما ولدت قالولي عمليه ونبض البيبي ينزل الين اخر لحظه الحمدلله ولدت طبيعي .. بس الم الظهر ذبحني ...

اما ولادتي الثانيه الحمدلله تحملت الالم لانه كان فالحوض ومحتمل الين وقت الولاده كنت مفتوحه 9 بس ما كنت حاسة بذاك الالم وهم فتحولي الموية ...

الحين حالتي حاله مو حاسة ببوادر الولاده موووووووووووووووووووول والبنوته كله فيها بوشاق اتضايقني ...

وطبعا الكل يالس على اعصابة .. ويعض على اصابعه

ام نمير

وينج بشرينا بالخير ..

شكلهم عيالنا بيستوووووووووووووون ربع ...

فيض حلوة سوالفج
عسى هالمرة تكون اسهل يارب
بس ماقلتيلنا في اي اسابيع ولدتي؟؟

ريما.. حبيبتي تراه هالشعور عادي
تصدقي انا هالايام كله حزينة ومكتئبة ومالي خلق في اي شي
وعلى ابسط شي ابجي .. حتى بارحة امي تقولي شو مسوية بروحج ليش جي استويتي :(

يلا بناات عاد اسئلكم الدعاء..

11sa7aba;10002531:
احنا شكلنا ما بيجينا الطلق الا واحنا مستخفين:ss:

انا كل مااحس بالم في ظهري والا بطني افرح مدري ليه :ss: انهبلت والا وش صار لي ؟؟
بناااااااات بسالكم
تسمعوا صوت زي صوت العظم داخل عند البيبي هو مايعور بس احس
انه عظم البيبي مسكينه

[MARK="FFFF00"][COLOR=indigo][COLOR=red]للي عندهم خبره في الولادات السابقه [/MARK][/COLOR][/COLOR]

ياريت يحطوا لنا نقاط نتبعها في حالة جالنا الطلق

متى الوقت المناسب اللي نروح فيه المستشفى واثناء المخاض وش افضل طريقه ووضعيه

انا سمعت ان الصراخ مايجيب نتيجه الكبت مع الدفع هو لي يفيد ..

غاليتي أهم شيء في الولاده عدم الارتباك ولا تصارخين خلي في لسانج ذكر الله ولا تدفعين من اول الم لانج راح تتعبين بعدين يعني وفري للدفع الأخير يوم يطلع البيبي وطبعا الدكتوره بتخبرج ..والتنفس بين المخاض والثاني في البدايه يكون من الانف والفم ووقت الما يكون المخاض سريع التنفس من الفم بسرعه .

وربي يسهل علينا يااارب ...

شخباركم كروشات هااا مافي ريحة ولادة هههههههههههه والله ودي اولد اليوم قبل بكره عندي الالام بس مو منظمة عندي صعوبة لين امشي احس بضغط فضيع تحت البطن حركة البيبي صارت اقل المكان صار ضيق عليه بس للحين نشيط ....عسى ربي اسهلها علينا جميعا يارب وانقوم بالسلامه مع بيبياتنا

ام نمير الله اسهل عليج ان شاء الله واتقومين بالسلامة وعقبج بجعة يارب قومو تمشو علشان اييكم الطلق هههههههههههه خاطري اسمع وحده ياها الطلق علشان نلحقها