تجمع الحوامل اللواتي يلدن بشهر آب ( اغسطس8) 2009

[FRAME="2 50"]
مرحبا حبيباتي شلونكم شخباركم انا خلصت كل تجهيزاتي للأستقبال المستشفي والبيبي باقي لي التوزيعات الي محتاره فيها من كثر ماشفت اشياء حلوه وغريبه احترت بنطر لي نص هالشهر وعقب بقرر وباقي لي كبت للنونوه بس هذا سهاله انشاء الله وشنطة المستشفي هالسبوع بجهزها انشاء الله ...
بنات انا فيني ألم بالمطنقه الحساسه خصوصا لما اكون منسدحه واقوم تقريبا العوار كأنه شد بالمنطقه هذا طبيعي ولا شنو ؟؟؟ !!!
سحابه مشكوره وانتي بألف خير حبيبتي ,, وعلي قولتج احساس حلو لما البيبي يتحرك الله يتمم علينا ونشوفهمم بكامل صحتهم يارب
بجعه شربي بابونج مع عسل كل يوم قبل النوم وايد مفيد للكحه ولاشياء وايد
فيض الحب انتي ما تدرين شنو جنس البيبي !! بس ديالا وايد حلووو واسامي بناتج حلوين مشاء الله الله يخليهم لج ..

انزين احنا جم وحده فيها ولد وكم وحده فيها بنت ما سويتوا احصائيه يله الي تعرف تسوي خل نشوف كم ..؟
والله يسهل علينا جمعيا ويرزقنا الطلقه والولاده السهله يارب

[/FRAME]

احس ظهري بينكسر من الكحه ..

سرت من يومين العياده عطتني حبوب استخدمتها كلها بس ما فادت معاي

ان عندي موعد في مستشفى دبي استغربت الدكتورة من الحبوب قالتلي معقوله ما عطوج شراب ..

المهم عطتني شراب للكحه 3 مرات فاليوم كل مرة 10 مل

وطمنتني الراس فالحوض والماي وحجم البيبي كلو تمام ..

بس الي مضايقني وتاعبني الكحه من قوتها مسويتلي سلس البول ... والم الظهر وصداع .. طبعا النوم مستحيل ...

احس اني بربي من هاي الكحه

11sa7aba

سرت كذا مكان بس مثل ما تعرفين حنت الرياييل ما تقدرين تشوفين شي ........

السلام عليكم خوات .. شو الاخبار ؟؟ ان شاء الله كل شي تمام ...

انا ان شاء الله ولادتي بتكون في شهر 8 ان شاء الله.. الله ايسهل علينا جميعاً

في عندي سؤال بخصوص مكان الولاده هل قررتوا في اي مستشفى واي دكتورة بتولدون عندها ان شاء الله؟؟؟
والي اتعرف مكان زين ودكتورة زينه للولاده في ابوظبي يا ليت اتخبرني للضرورة ؟؟!!

بعدني متردده ومب عارفه لانه هذا اول حمل لي .. فلا تبخلون علي بالنصيحة ...

سالخير كروشات كيفكم ؟؟ :D

بجعه
صدقتي والله شنسوي الله يعين ويعاون

خالي مشاعر
وعليكم السلام ورحمة الله وبركاته
هلا حبوبه انا الحمدلله بخير ربي يسلمج انتي شحالج طمنيني عنج ؟؟
بالنسبه للولاده انا قررت اولد في الكورنيش باذن الله وانا معاهم من اول حملي
والخاص كارهتهم :mad: لاني سرت مره وحده عندهم وقرفوني في عيشتي
والولاده معروف انه انتي وحظج لو المساعده قديمه يكون افضل لانه عندها خبره
ولو حظج مع دكتورتج يكون احسن . انا سألتهم قلت لهم لو اريد دكتورتي قالو لي يمكن
ماتكون موجوده في وقت الولاده بس تكون على تواصل معاهم لو الحاله تعسرت
لاسمح الله ...
والكورنيش معروفين بخبرتهم وتجيهم حالات متنوعه بعكس الخاص . كل ماسألت وحده تقول الخاص صاروا ماديين اكثر ويولدوا قيصري حتى لو ماحتاجت الحامل :eek: ..
انا لاني اول ولاده وبكريه افضل الكورنيش :D..
انا ويا جروب 4 مال الاخصاب مع اني حملت طبيعي
احس مافيه زحمة وهم خيروني لو اروح العيادات الخارجيه او اتم وياهم
بس قلت لهم لا خلوني وياكم ودكتورتي اسمها الرحماني ..
لو تسألين عنها الكل يعرف عيادتها لانها هي الوحيده لي تسوي العمليات هناك ..

الله يتمم لنا على خير وتكون ولادتنا سهله ان شاء الله ..

متى آووووووووووووووووووووووولد آوووووووووووووووووووف زهقت هههه آستغفرالله
يآرب يآرب يآرب سهلهااااااااااااااااااااااااااا

كللللللللللللللللللللللوووووووووووش باركولي اليوم دخلت التاسع

بس للاسف الكحه زادت والم الظهر بيموتني ... لا واليوم احس بالم البلاعيم ,,,,

مع اني اخذ دوا الكحه وعسل وماي وليمون .. وبندول اليديد الي تخلطينه ويا الماي ..

تخيلوا اذا ولدت وفيه الكحه .... مأساه

لا ومرت اخوي خوفتني قالتلي الكحه القوية تسوي فتاك

الف مبرووووك بجعة الله يسهلك ولادتك ويستر عليك من الفتاااك

مبروك بجعه على دخولك التاسع وعقبالنا كلنا إن شاء الله:)

بغيت أسألكم هل المفروض نغسل ثياب البيبي الجديدة؟؟؟

:D سالخير حبوبات

كيفكم عساكم طيبات

وين الباقيات عزاب وام مناير طمنونا عنهم

بجعه
الف الف مبرررررررررررروك ياقلبي دخولك التاسع

ربي يشفيكي في اقرب وقت وتتجهزي للولاده وانتي بصحه وعافيه

AU1986
انا غسلتها بصابون خاص للبيبي عشان الحساسيه وبخرتها ببخور العلك مثل اللبان
بس يجي اسود لونه ..
يفضل تغسلين اي شي بيلامس بشرة البيبي ..

مبروك بجعه حياتي الله يسهل علييج والفال لنا يارب ندخل التاسع ونولد بسهاله ونشوف اطفالنا بصحه وعافيه يارب ...
انا ما غسلت الملابس بس امي تقول بنغسلهم عقب .. بس متي ما ادري
وبغيت اسألكم انا شريت ميميات بس عدد قليل وبشتري زوود بس اول الايام احتاج يكون عندي وايد ولا لأ
والمصاصه الي اهي اللهايه احتاجها اول الايام يعني احطها معاي بشنطه المستشفي ولا لأ وهل اهي ضروريه للطفل اخاف اعود بنتي عليها وعقب ما اقدر اقطعها ...؟ اللي عندها فكره تفيدني

وشلونكم كروشات
عزاب فقدتها وينها عساها بخير ما شاء الله دايم اشوف مشاركاتها بكل الصفحات
بجعه مبروك دخولك التاسع ما شاء الله عقبال عندنا والله يكون بعونك ع الكحة
اقول يالربع
ما فيه وحده فكت بقشتها ( يعني ما فيه وحدة ولدت) نبي دوافع عشان نغار و نولد ......كن الدعوه غيره

الله يسهل علينا يارب وبصراحه احس الايام مو راضيه تمر عشان ودي اولد

ريم ليش تكثرين الرضاعات ما عندك نيه ترضعين طبيعي ترى فيه فرق بين بنيه الطفل اللي يرضع طبيعي و اللي ع الصناعي
انا بناتي الاولى صناعي واقل شي يهد صحتها
اما الثانيه ما شاء الله عليها تعبها قليل ومناعتها قوية وصحتها ما شاء الله تمتم
اما اللهايه احس مو ضروري في الايام الاولى بس واجب بعد اسبوعين من الولادة اذا رضي البيبي يتقبلها

الله يبارك فيكم يا حوامل

انا غسلت كل الملابس بس الفستان الي فيه وايد كسرات بتلبسه البنوته اول يوم ما غسلته لانه الكسرات بتخترب ...

وبالنسبه للتعب بنات قولولي هل هاي الاعراض عادية ولا انا فيه شي

مثل ما تعرفون انا فيه كحه بس الاعراض الي فيه الم اسفل البطن مثل الوغزات واحس بفراغ فوق صوب الصدر وتكرمون كل نص ساعه اسير الحمام ويادوب اسوي شوي ..

احس اني يوعانه مع اني اكون ماكله ...

ويوم ايي وقت الاكل احس اني شبعانه ...

واحيانا اتيني لوعه ...

هل تحسون بهاي الاعراض وخاصتا الي دخلوا التاسع ... ؟؟؟؟؟

السلام عليكم

هلا بجعه أنا تيجيني مثل الأعراض تقريبا الحمام تكرمين أقل من نص ساعه مرات ويجيني ألم مثل الدوره في بطني وبعد موضوع الأكل واللوعه الله يسهل علينا

بنات azab-1 ماتبين حد عند خبر عنها هي قالت من قبل يمكن يولدونها بدري

AU1986

هذا كوم والغازات والامساك كوم ثاني

الله يعينا مع ان في حملي الجديم ما صارلي كل هذا ..

بسالكم بديتوا تمشون ..؟

الصراحه متهايزه بالمرة

بالنسبة للمشي كل يوم أقول بكرة مافيني طاقة وبعد مع ألام الظهر والبطن تخليني أكسل أقول بريح اليوم وبكرة ببتدي ولين اليوم مكاني ماتحركت:tongue:

AU1986

المشكله يالغاليه الجو يمرض غبار وحر .. ولا انا الود ودي امشي علىقولت زوجي انتي عصقوله بس ما شاء الله عليج ما تتعبين فالمشي ...

عندي سؤال ......


الي ولدوا اكثر من مرة هل كل مرة سوولكم خياطه ولا مع تكرار الولاده المنطقه روحها توسع الكمنطقه مثل ما قالتلي الدكتورة ..؟؟؟؟؟؟؟؟؟؟؟

فيض الحب

شكلي انا اكثر وحده ابا اولد لانه كل الحوامل الي حوليني من الاهل ولدوا بس باقيه انا .. امس بنت خالتي الي معطينها موعد وياي ولدت .. وبنت عمتي هالاسبوع بتولد بعمليه ...

يعني احس عمري وايد طولت ما اعرف ليش ...؟؟؟؟؟؟

ازيكم ياحوامل عاملين ايه فاكرنى والا نسيتونى عاملين ايه كلكم ومبروك للى دخلوا التاسع وعقبال مانولد كلنا ونشيل ولادنا بين ايدينا